10
ENGIADINA
MESEMNA, ILS 14 DA MATG 2014
La tschinchavla Agrischa in Engiadina ha attrat bundant 10 000 visitaduors.
Reto Rauch es superbi da la buna collavuraziun tanter organisatuors ed agüdonts.
FOTOS R. DUSCHLETTA/MAD
L’Agrischa ha relaschà impreschiuns unicas
Exposiziun agricula chantunala a Zernez d’eira ün success
DA ROMANA DUSCHLETTA / ANR
■ Duos eivnas sun passadas, ed i vain
amo adüna discurrü da l’exposiziun
agricula chantunala Agrischa chi’d es
gnüda realisada ingon a Zernez. Pels
organisatuors es quai ün bun segn ed
els sun fich cuntaints quant bain cha
tuot la festa ha funcziunà. Dürant l’exposiziun agricula chantunala Agrischa ed
eir plü tard ha Reto Rauch, president dal
comitè d’organisaziun da quista festa,
survgni gronds lods e gratulaziuns. «Perche güsta pro mai? Eu sun be ün pitschen
toc da tuot la cumbinella, 599 otras persunas han eir lavurà ed as han dat gronda
fadia», disch il president. Però sco cha
Reto Rauch manzuna ha’l gnü grond pla-
schair da verer tants visitaduors cun
tscheras cuntaintas. Dimena, l’Agrischa
chi’d es gnüda festagiada avant duos eivnas a Zernez es gratiada ed ha inchantà
ad ün vast public.
«Fich buna collavuraziun
cul cumün da Zernez»
La tschinchavla exposiziun agricula chantunala es gnüda realisada da pauras e paurs
da l’Engiadina, da la Val Müstair, dal Puschlav e da la Bergiaglia. Ils quindesch
commembers dal comitè d’organisaziun
da l’exposiziun vaivan cumanzà culs preparativs fingià avant bundant ün on. Ils
cumüns chi gnivan in dumonda d’eiran
Scuol, Zernez e S-chanf. Davo plüssas sezzüdas esa gnü decis da realisar la festa a
Zernez. «L’offerta dal cumün da Zernez es
statta grondiusa ed eir la collavuraziun ha
funcziunà sainza problems», declera Reto
Rauch. L’exposiziun d’eira integrada in
cumün e la bella surfatscha ha pisserà per
ün’atmosfera familiara. Schi vain organisada uschè üna gronda festa daja eir adüna
alch cumplicaziuns. «Però discuttond i’l
comitè d’organisaziun as chatta adüna
üna soluziun», disch il president. Ün
punct ch’ingün nu n’ha pudü müdar d’eira l’ora. Las prognosas per quella fin d’eivna nu d’eiran güsta allegraivlas. Plövgia
e dafatta naiv d’eira annunzchà per l’Agrischa. Quant cuntaints d’eiran ils organisatuors cur cha’l sulai ha bivgnantà in sonda a tuot ils preschaints. In dumengia d’eira plüchöntsch fraid, ma süt, e l’ora ha
tgnü fin vers saira. «Petrus ha quista jada
manià bain culs paurs», manzuna Reto
Rauch cuntaint.
«Ingüns cuosts surplü»
Per organisar üna festa in üna dimensiun
sco l’Agrischa sun pels organisatuors sgüra eir las finanzas ün rumpatesta. «Las
sortidas vaina pudü tgnair bain suot controlla causa cha la cifra dals visitaduors
chi’s vaiva fat quint es gnüda ragiunta»,
declera il president. Ils organisatuors
nun han neir gnü da far acziuns specialas
chi vessan chaschunà cuosts supraplü.
Scha l’ora vess propcha fat da bluorda
füssa stat da far quint cun daplü sortidas.
Fingià da metter in funcziun in mincha
tenda s-chodamaints vess chaschunà ots
cuosts e la cifra dals visitaduors füss statta
plü pitschna. «Quai chi reguarda las finanzas es amo bler avert, però eu poss dir
cha’l quint giarà sü», conferma il president dal comitè d’organisaziun. Sco ch’el
manzuna es tuot l’exposiziun agricula
gratiada bain ed el es persvas chi saja statta üna buna preschantaziun da la pauraria per tuot la populaziun. Eir tuot ils lavuraints d’eiran motivats e s’han dat
gronda fadia per cha l’exposiziun agricula chantunala Agrischa resta amo lönch
in buna memoria pro giuven e vegl. «La
populaziun na paurila ha eir pudü contemplar chi nun es be plü il paur cun stivals da gomma, dimpersè cha tuot la
pauraria ha fat ün pass inavant», conclüda Reto Rauch.
reclama
MAXI
S P A S S
MINI
P R E I S
www.citroen.ch
<wm>10CAsNsjY0MDQx0TU2NTE1MwQAodP73g8AAAA=</wm>
<wm>10CFXKKw6AMBBF0RVN8-ZXWkaSOoIg-BqCZv-KgkNcdc-6hid8LW072h4MNiN188xRGGlCDYclz1PAITLAzKZ55D9OrDAF-ksITpDOMiahV4MW4XSf1wPBiJFedAAAAA==</wm>
Mehr als 1’000 Fahrzeuge unter www.carstore.citroen.ch verfügbar.
CITROËN C4 Fr. 13’990.–
Mit Klimaanlage Radio-CD Bluetooth® ESP Berganfahrhilfe
Das Angebot gilt für alle zwischen dem 1. Mai und dem 30. Juni 2014 verkauften Fahrzeuge. Empfohlene Verkaufspreise. Das Angebot gilt für Privatkunden; nur bei den an der Aktion beteiligten Händlern. Citroën C4 1.4 VTi 95 Manuell Tonic, Verkaufspreis Fr. 21’690.–,
Cash-Prämie Fr. 4’700.–, Eintauschprämie* Fr. 3’000.–, Fr. 13’990.–; Verbrauch gesamt 6,1 l/100 km; CO 2 - Emission 140 g/km; Treibstoffverbrauchskategorie E. Abgebildetes Modell mit Optionen: C4 1.6 e-HDi 115 ETG6 Exclusive, Verkaufspreis Fr. 35’330.–,
Cash-Prämie Fr. 4’700.–, Eintauschprämie* Fr. 3’000.–, Fr. 27’630.–; gesamt 3,9 l/100 km; CO 2 101 g/km; Kategorie A. CO 2 -Durchschnitt aller angebotenen Fahrzeugmodelle 148 g/km. * Eintauschprämie in Höhe von Fr. 3’000.– für ein über acht Jahre altes
Fahrzeug und Fr. 2’000.– für ein Fahrzeug unter 8 Jahren.