Ab Intajaar Nahin
Puraani cheeze
aksar
ubaaoo ho jaati hai
ab tum bhi
naye nahi rahe samaye.
Main kaam karti hoo
Kyonki karna hota hai
Par parinaam ki
Utsuktaa main
Ab tumhaara
Intjaar nahi rahaa samay.
Har bhali cheeze
Meri
Har apni –see cheeze
Tum hamesha se
Samaittain rahain ho
Apne bheetar.
Kai baar
Bahut kurur tum
Lagtain ho samay.
Tumhe ahe hoga
Mujhe janam dene ka
Tumhe rob hoga
Mere pran lene ka
Par yahhaan koi
Roknewala nahi
Mere pran tumhari
Dhrohar hai.
Jab chahon
Saharsh le jaaon samay.
Page 1 of 72
Stapoo kaa khel
Stapoo ke khel main
Aaj sheela
Har baari jitati jaati hai.
Jaroor romanchi khaa rahi hai.
Kyaa karoo?
Meri nazar toh
Uski nayi neeli
Chappal se nahi hatti.
Kitanaa mulaayam
Ekdam uske aap ki hai.
Aaj main bhi
Pitaji se kahoongi
Ki mujhe bhi
Nai chappal dila de.
Cheh baar mochi ne
Jod lagaa diye
Par phir-phir
Toot jaati hai.
Dheemain se
Ghar kaa darjwajaa
Sarkaati hoo
Dhekhati hoo
Maa
Pitaaji ke pair ke
Talve ke
Us hisey par
Malham lagaa rahi hai
Jo jutain main se bhi
Yadaa-kadaa jhaank
Jaataa hai.
Unke jootain par toh
Ab mocha bhi
Jod nahin lagataa.
Isee vijyee muskaan
Ke saath
Main houlay se darwajaa
Page 2 of 72
Vaapas dhaap daiti hoo.
Page 3 of 72
Mere Rang
Chitr banaatain-banaatain
Main hi
Ud jaatain hai sab rang
Chitr kabhi
Poora nahin hota.
Page 4 of 72
Itna Bhar Chukain Hon
Itnaa bhar chukain hon bheetar
Ki
Tumhare door chaplain jaane ka
Ahsaas saaltaa nahin.
Tumhe yaad karne ke liye
Koi chinh,koi chitr
Nahin khojanaa padtaa.
Tumhe dekh paati hoo
Har jagah, har ghadi,har cheez main
Shaayad tamaam brahmaan ke
Har kan main tumhi vyaapat ho.
Yaa phir ho samaa gaye
Meri hi aankhon ki
Kaali putliyon main.
Oh,samjhi....
Isliye aansoo baahar nahin aatain
Unhe bhay hai
Ki kahin unke saath
Tum bhi na beh niklon.
Page 5 of 72
Angeethee kaa vrit
Mere paas
Vaysatataa hai
Kuch na karne ki
Angeethee ke
Koyle ko
Chimtaa
Reh-reh kar
Hilaa deta hai.
Samay se
Pahle hi
Uski lalima
Kam
Hone lagi hai
Angheethi
Ke neechain
Banaa varit bhi
Thand se
Thithoortaa lagta hai
Mere kambal main bhi
Ched
Bahut hai
Use
Garmaane
Ke liye
Koi
Dusraa upaaye
Khojne
Ki sochkar
Main
Aangan
Se
Bahaar
Chali jaati hoo.
Page 6 of 72
Cheraa tumhaaraa
Har shan main
Har pal main
Khojaa hai tumhe.
Bhool gayaa hai
Chehra tumhaara.
Phir bhi
Dhoondh paaoongi tumhe
Kyonki woh
Tum hon,tum hon,tum hon.
Page 7 of 72
saakshaatkaar
bheerd ke shoron main
lambain antraalon main
ankahain
hi rah gaye
kuch prashan
saashaatkaar...
poora na huaa.
Page 8 of 72
Aabaadi
Aabaadiyon ke janglaon se
Gujarati rahi jindgi
Saamnaa huaa
Jab jindgi se
Vahaa sab thaa
Bas aabaadi hi na thi.
Page 9 of 72
Nanhi-si bahain
Nanhi-si bahain
Phelaayi kadhi thi kabse
Tumhi ne aane main
Kuch der kar di.
Tum rahain vyasat
Jin manjilon,jin raston main
Vahi hitkar the tab.
Ab tum aaye ho
To satambh ninimesh
Niharti hoo tumko.
Dar hai ki
Mera haath gati tumhaari
Avroodh na kar de.
Tej chalne ka
Adhikaar hai tumhe
Main samaksh
Na bhi rah paoo
Toh vihlataa kaisi?
Vishwaas karon
Meri drishti main vichran
Karoge tumhi
Tumhaare padchinh hongain jahaa
Mere kadam uthengain vahi.
Page 10 of 72
Kyooki Main Hoo
Reh-rehkar
Kuch prashan
Uthaaye jaatain hai
or mere
asistav ko
nakaar diyaa jaata hai
korav-paandav
maharanaa prataap
jhaansi ki raani
aaj bhi
ladtain hai
mere bheetar
toh kyaa main
jeeta- jaagataa
itihaas nahin.
Jab-jab
Mere bheetar ke
Radha-krishan
Nikunjon main
Ghoomatain hai
Almost hokar,
Jab-jab
Seta hokar
Main samaa jaati hoo
Dharti main
Toh lagta hai
Ki
Sahitya hai
Kyoki main hoo.
Vadijay-vyapaar
Karon tum
Saamaano ka
Lekin mere
Andar toh
Bhavnay bhi
Vyapaar
Sahti hai.
Tumhaare vigyaan
Page 11 of 72
Se milee hogi
Tumhe
Gurutwakarshan shakti
Or chand
Ki mitti
Lekin
Main toh
Jeeti hoon
Inhi ki
God main
Peeti hoon
Inhi se
Jyoti.
Page 12 of 72
Yeh toh shilpaa hai
Him shrinkhlaon ke madhye
Ghaati ke beech
Oochalati-oofantee
Jo bahti hai
Weh satloojaa hai
Kitni komal
Kitni sheetal
Jal lahri
Kintoo Shakti aisee
Ki chataanao ke mukh
Kiye mohane hai.
Satya hai,
Yeh nahi saadhaaran
Yeh toh shilpa hai.
Page 13 of 72
Akhbaar main
Jalnewali har aurat ki
Khabar padkar mujhe lagta hai ki
Uski aag ki
Lapton ki tapeesh
Pahooch rahi hai
Mujhe tak bhi kahi.
Har baar main
Jhulas jaati hoo
Par ilaaj nahi hota.
Ghar main pade
T.V ,fridge,scooter
Ko dekhkar
Man main yeh
Bhaav nahin uthtaa ki
Yeh sab mere liye hai.
Aisa lagta hai ki
main hoon
kyoki yeh sab hai
yaa phir
jab tak yeh hai
tab tak main hoon
inke nasht hote hi
aayenge do-teen Jodi haath
meri baaju,meri garden
mere baal
kaskar pakde huye.
Mera rom-rom
Cheekh rahaa hoga
Lekin har aawaz
Nikaal Jayegi
Vahshiyat ke upar se.
Tabhi chalak jaayegaa
Kuch leetar ghaaslete
Sulag uthegi diyaasalai
Or main...
Main ji uthoogi
Akhbaar ki kahabar banker.
Page 14 of 72
Kuch jagheain
Kuchh jagahain
Jeevan main hoti hi hai
Khaali rahnain ke liye
Bharsak unhe bharne ke
Pryaas main
Unkaa khaalipan
Or bhadne lagta hai
Page 15 of 72
Udaan jaroori hai
Kavita hamarain aaspaas
Udti phirti hai
Hum hi use
Pakad nahi paatain.
Jab pakad main aati hai
Toh phir udnaa chaahti hai
Is daal se us daal
Is paar se us paar.
Kyon udee phirti hai?
Bandh kyon nahi jaati?
Haan,udaan jaroori hai
Jeevan ke liye
Need ki umas
Damghontoo hoti hai
Dimaag ko jad karti.
Navchetaa,nai taajgi
Khule,neele,shubhr
Aakaash main hi hai.
Aakaash main hi hai.
Aakaash ka khulaapan
Apne bheetar sametkar
Kavita jab lautati hai
to kitni sajag
kitni samajhdhar ho jaati hai
isliye udaan jaroori hai
sadaa jeevant or
bandhkar rahne ke liye.
Page 16 of 72
Piknik walee jagah
Deelee kee sadak par
Local bus kee yaatraa.
Humne payaaDhool,dhooaa,imaartain
Gandagee or garmee.
Isee karm ke chalet
Achaanak hi deekh padee
Hare vrikshon kee
Ek shrinkhlaa.
Paas bethee
Paanch varsh kee
Meri nanhi-se bachee
Chehki“mummy yeh
Picnic vali jagah hai na”.
Maine kahaan, “kyon beti
Aisa kyaa hai yahaan?
“kyonki mummy
Ped to bas
Picnicwali
Jagah par hi hotain hain na?”
Page 17 of 72
Maa ke darshan
Varsha main bheegatain
Tand se theethurtain
Ab or na.
Chadha jayagaa.
Bijli bhi
Gul hai
Reh-reh
Jalti taron ko dekh
Rooh kaanp jaaati hai.
Yahi tahratain hai
Ardhkwari ki
Dharamshaalaa main.
Kambal toh
Ab koi
Bacha nahin.
Yoh hi
Ghustain hai
Dharamshaala ke bheetar
Paani main bheega
Ek –ek vastra
Bajtain daant
Tand se sujain
Haath-paav
Garaj-garaj
Barashtian meghAaj koi
Jeevan bachaa le.
Adhiyaar dharmshaala main
Sab dubakain hai
Apne-apne geele
Kambalon main
Naye jo aaye hai
Marnaa nahin chaahtain.
Par aaj
Na koi kambal hai
Na letane ko sthaan.
Kapdo se bahtain
Paani ke saath hi
Page 18 of 72
Ghoos jaatain hain
Dusron ke
Kambalon main.
Pahlewala
Virodh nahin kartaa
Kar nahi sakataa,
Is tandi main
Mooh nahi khoolatain
Hilane se jaraa-se mil rahi
Garmahat ke bhi
Chin jaane ka
Bhay hai.
Doosare
Shaayad...
Isee ke sharer ki
Garmi se
Kuch raahat mil jaaye.
Sab jeena chaahtain hai
Ghoosatain jaatain hai
Anjaano ke
Kambalon main.
Shoord ke paas soye
Braahman kaa aaj
Dharm nahin brasht hoga.
Sardaar ke paas soye
Muslmaan ko
Dekho kitni raahat
Milati hai.
Angrej aaj
Greehnaa nahi karengain
Bhaartiyo se....
Koi amir
Shoshad nahi kar rahaa
Gareeb ka,
Gareeb bhi koi
Nahin haath baandhain
Kadaa hai.
Stree ke kambal main
Ghoosa hooaa
Page 19 of 72
Pooroosh bhee
Aaj us par
Kudurshti
Nahin dalegaa.
Aaj bhookh bhi nahi
Pyaas bhi nahin.
Ek dhraa par,
Ek star par
Sabhi kaa
Samaan sangharsh
Praano ki raksha.
Maa ke aaj
Darshan...
Huye hai sache.
Ham sabhi hai
Ek samaan
Bache uske.
Ek hi praan
Ek hi vaayu
Ek hi ichhaa se bandhain.
Page 20 of 72
Kyaa main hansaa karoo
Ab main
Subah
Jaldi nahi uthti
Pitaaji.
Ab koi nahin hai
Jo mere haath ki
Ek payaala
Chaaye peekar
Swayam main safoorti paataa hai.
Ab meri subah
Vaise hi
Saarthak nahin hoti.
Aapki chaay dekar
Kuchh gantain
Lihaaf main bethkar
Padi huye kitaabain hi
Meri apni thi.
Ab sab
Arthheen lagtaa hai
Yeh soobah,yeh chaaye, yeh kitaabain.
Meri uplabhdiyon par
Ab koi khush nahin hota.
Ab koi nahin haiJise apni khushi
Sunaatain- sunaatain
Main ro padu.
Aap hameshaa
Hasne ke liye
Kahaan karte the
Par main ab
Hasti bhi nahin pitaaji.
Meri hansi se
Sab grihnaa karte hai.
Itni grihnao ke
Beech bhi
Kyaa main
Hasaan karoo,
Page 21 of 72
Pitaaji?
Page 22 of 72
Aahooti
Hajaaron meel
Door baithain
Jo tum
Havan karte ho
Us havan
Ki sugandh
Or
Pavitrtaa ki
Dhaara
Seedhee
Meri
Aatmaa tak
Utarti hai
Or meri
Aatmaa ke
Bheetar
Pravchalit
Kar deti hai
Ek
Laghu hawan
Ki agni.
Yeh agni
Bahut sheetal
Tathaa shaant hai.
Yahi
Sheetal agni
Dhaara
Banker
Bahti jaati hai
Tumhaare hawan tak
Or shaant chit
Aahuti
Ho jaati hai.
Page 23 of 72
Shikhar Se Manjil Tak
Pyramid ke
Jis bindoo par
Aakaar
Rooki hoo
Vahaan
Moh prlobhano
Ki chadhai
Poori hoti hai.
Ab
Vaapsi ki
Tayaaree hai.
Jis maarg se aayee
Vahaan vahi
Moh prlobhano ki
Phislan hai.
Doosri raah
Apnaati hoo
Shaayad vahi
Shanty-santosh
Se
Mujhe
Meri
Manjil se
Milvaaye.
Page 24 of 72
Tasveer Ke Haar
Maa
Kuchh tasveerain
Diwaron par
Yoh hi tangi rahti hai
Par koi unhe
Haar nahin pahnata.
Kabhi kabhi
Deewar par
Koi tasveer nahi hoti
Par ek din achanak
Vahan koi
Tasveer aa jaati hai
Or haar ki bhi
Shobha pati hai.
Yaa
Jo tasveer pahle se hai
Usi par koi mala
Pahna di jati hai.
Aisa kyo hota hai maa?
Kyaa haar daalkar
Hum yeh ghoshnaa
Kar dena chahte hai
Ki phlaa aadmi mar gayaa?
Ya phir jeetain-ji
Kbhi jisko sammaan
Na diya ho
Marne ke pashchaat
Achaanak hi apnaa
Aadar dikhane lagtain hai?
Ya phir tasveer par
Kuch phool taangkar
Kabhi-kabhaar baati dikhakar
Hum ekatr karna chahte hai
Kuch samvednaye
Jo ki kabhi vaastvik
Nahi hoti.
Tumhi batao maa
Aisa kyaa ho gaya
Jo tum taang di gayee
Page 25 of 72
Ek tasveer hokar
Jo tum mardh di gayee
Ek chokhatain ke bheetar?
Is tasveeer par
Jhool rahain phool maa
Kyaa tumhaare astitve ki
Udghoshanaa karte hai?
Kyaa tum sachmuch
Nahi rahi maa?
Yadi tum nahi ho
Toh mera yeh jeevan
Kaise hai maa?
Nahi maa,nahi
Mere paas saanse hai
Kyonki tum ho
Mere paas gati hai
Kyonki tum ho
Mere paas aashaaye hai,
Ichhaaye hai,aakaanshaye hai
Kuchh sukh hai,kuchh dukh hai
Kuchh sapne hai,kuchh sanskaar hai
Yeh sab isliye hai maa
Kyoki tum ho.
Tum ho mere bheetar
Tum ho meri har shira main
Tum ho mere karn-karn main
Phir kisne kahaan
Ki tum mar chooki?
Par agar tum
Meri nahi maa
Toh kyonkar tang gayee
Tasveer banker?
Meri dhamniyon ke bheetar
Bahne wali maa
Kyo tumne taang liya haar
Apni tasveer ke oopar?
Page 26 of 72
Jindgi
Moothi bhar
Saanson main
Talaashtain rahain
Chutki bhar si
Jindgi
Veh bhi
Bhatakti rahti hai
Raashan ki
Laino se
Desoo ke raaston tak
Laisance ki
Dukaano se
Rajneeti ke vitandao tak
Jab thamegi
Tab pakadkar
Poochhengain
Kahon,kaisi ho jindgi?
Page 27 of 72
Shesh Se Vishesh
Shesh se vishesh
Hone ke karm main
Jin dehleejon ko
Laanghtain rahe
Ve nishshesh hi
Karti rahi
Laghu komaltao ko.
Maanvtaa
Lahooloohaan hoti rahi.
Page 28 of 72
Mera Jameen
Mera hi jameen
Geeli thee
Is liye
Tumhaare
Pair ke nishaan ko
Bheetar
Dhasti chali gayee.
Mere nanhe paav
Shaayad
Mitti ke
Kaabil
Na the
Isliye kadam uthaane tak
Tumne
Dharti sarkaa li.
Page 29 of 72
Tees
Ek
Koundh ki tarhe
Bheetar se
Kuchh
Bantain
Umardti hai
Saamaajik viveshtaaye
Unhain
Abhivaykt
Nahi hone deti.
Bheetar hi bheetar
Tap-tapkar
Vey kuchh
Pakne
Lagti hai
Pak-pakkar
Jo roop
Dhaaran
Karti hai
Uskaa aakaar
Bahut
Simtaa
Hota hai
Phir veh
Sthaapit
Ho jaata hai
Theek
Hridayaa ke beechon beech
Or
Ubhartaa hai
Kewal
Tees banker.
Page 30 of 72
Phislan
Tumhaare chhune se
Kitni halchal
Ho gayee hai
Sansmarno main.
Har vednaa
Samvedit main.
Har vedna
Samvedit hona
Chaahti hai.
Har haasya aatur hai
Bikharne ko.
Sansamran chooi-mooi
Toh hotaa nahin
Phir kyon
Bhay hotaa hai
Us duniya main
Jaane se?
Shaayad vahaan
Phislan bahut hai
Use se
Man dartaa hai
Par phislan bhi
Aavashyak hai
Uske binaa
Tiknaa kahaan
Hota hai?
Page 31 of 72
Tumhaare Shabad
Sahmain mukh ke
Prakampit swar main
Geelain
Tumhaare kuch
Shabd jo akaant main
Kahin
Bahaan diye the tumne
Maine
Sahej rakhaa hai unhe
Apni saanson ki tarhe
Kabhi garaj padain
Toh maang lenaa.
Page 32 of 72
Jabki Tum Pratyaksh Ho
Tumhain dekh bhar lene ki
Chaah main
Barso jagi hai yeh aankhain
Ab jabki tum pratyaksh ho
Kyo reh-reh jhoonki
Jaati hai aankhain.
Bahut tarse hai kaan yeh
Swar tumhaaraa sunne ko
Ab jabki tum kuch keh rahain ho
Kyon bheetar man main hi
Dhasi jaati hai aawaajain.
Vikal bhoojaaye
Niraalamb rahi nirantar
Ab jabki avlamb hai
To kyon
Shithil huyee jaati hai baahain.
Ungaliyaa khojati rahi
Jis saparsh ko
Saamne use paakar bhee
Kyon todti hai ghaanse.
Seena sulagtaa rahaan
Aanch jiski paane ko
Kyon us aanch se
Pighli jaati hai saansain.
Page 33 of 72
Meri jameen
Meri hi jameen
Geeli thi
Isliye
Tumhaare
Pair ke nishaan ko
Bheetar
Dhasaati chalee gayee.
Mere nanhe paaw
Shaayad
Mittee ke
Kaabil
Na the
Isliye
Kadam oothaane tak
Tumne
Dharti sarkaa lee.
Page 34 of 72
Kabhi-Kabhi
Kabhi-kabhi
Sochati hoon ki
Tumhe bataaoo
Ki main tumse
Kitnaa
Pyaar karti hoon
Lekin
Kaise bataaoo
Kuch maapak-yanta
Hi nahin milte.
Agar sambhav hota.
Toh tumhaare viyog
Mai jo aansoo
Bahaati hoo
Unhe kisi
Bakes main
Kisi bank main
Sahej rakhati.
Yaa phir
Kisi
Pryogshaalaa se
Unki satyataa
Ki hi jaanch
Karvaa deti.
Main
Yeh bhi
Keh sakti hoon ki
Tumhaare binaa
Man rota hai
Sab udaas-udaas
Shoonymay
Lagta hai.
Lekin yeh
Vigyaan toh
Man ke
Astitve ko hi
Nahi swikaartaa
Phir man ki kyaa kahoon?
Ek abhivyakti
Page 35 of 72
Yeh bhi hai ki
Tumhe devtaa kahoon
Or kahoon ki
Main tumhaari
Aaraadhanaa karti hoon
Ismain bhi
Darti hoon
Devtaa hokar
Kahin tum mujhse
Door na ho jaao.
Par dar hataakar
Tumhe
Roop-aakaar
Denaa chaahti hoon.
Tumhe raam kahoon...?
Phir tumhe
Raavan se ladna hogaa
Mere liye....
Dhobi tak gheregaa tumhe.
Dhobiyon se
Tumhe
Ghirvaana nahi chaahti
Achaa hoga ki
Tumhe
Raam hi na kahoon.
Tab kyaa
Krishan kahoon....?
Krishan hokar
Kans ke dushchakra main
apni gwaalin ko
Page 36 of 72
Tees
Ek
Kaandh ki tarah
Bheetar se
Kuchh
Baatain
Umarti hai
Saamaajik vivashtaaye
Unhe
Abhivyakt
Nahi hone deti.
Bheetar hi bheetar
Tap-tapkar
Ve kuchh
Pakne
Lagati hai
Pak-pakkar
Jo roop
Dhaaran
Karti hai
Uskaa aakaar
Bahut
Simtaa
Hota hai
Phir veh
Sthaapit
Ho jaata hai
Theek
Hrydya ke beechobeech
Or
Ubhartaa hai
Kewal
Tees banker.
Page 37 of 72
Phislan
Tumhare chhoone se
Kitni halchal
Ho gayee hai
Sasmarnao main.
Har vedna
Samvedit hona
Chaahti hai.
Har haasya aatur hai
Bikharne ko.
Sasmaran chooi- mooi
Toh hota nahi
Phir kyon
Bhay hota hai
Us duniya main
Jaane se?
Page 38 of 72
Tumhaare shabad
Sahme mooch ke
Prakmpit swar main
Geelain
Tumhare kuchh
Shabad jo ekaant main
Kahi
Bahaa diye the tumne
Maine
Sahej rakha hai unhe
Apni saanson ki tarah
Kabhi garaj pade
Toh maang lenaa.
Page 39 of 72
Jabki Tum Pratyaksh Ho
Tumhe dekh bhar lene ki
Chaah main
Barson jagi hai yeh aankhain
Ab jabki tum pratayksh ho
Kyo reh-reh jhooki
Jaati hai aankhain.
Bahut tarse hai kaan yeh
Swar tumhara sunane ko
Ab jabki tum kuchh keh rahain ho
Kyo bheetar man main hi
Dhasi jaati hai aawajain.
Vikal bhoojaye
Niraalamb rahi nirantar
Ab jabki avlamb hai
Toh kyon
Sheethil huyee jaati hai bahain
Oongliyaa khojati rahi
Jis sparsh ko
Samne use pakar bhi
Kyo todti hai ghasain.
Seena soolagta rahaa
Aanch jiski pane ko
Kyon us aanch se
Pighalee jaati hai saansain.
Page 40 of 72
Kabhi kabhi
Kabhi-kabhi
Sochti hoo ki
Tumhe bataoo
Ki main tumse
Kitna
Pyaar karti hoo
Lekin
Kaise bataoo
Kuchh mapak –yantra
Hi nahi milte.
Agar sambhav hota
To tumhare viyog
Main jo aansoo
Bahaati hoo
Unhe kisi
Bakes main
Kisi bank main
Sahej rakhti.
Yaa phir
Kisi
Pryogshaala se
Unki satyata
Ki hi jaach
Karva deti.
Main
Yeh bhi
Keh sakti hoon ki
Tumhaare bina
Man rota hai
Sab udaas-udaas
Shunyam
Lagtaa hai.
Lekin yeh
Vigyaan toh
Mahn ke
Astitve ko hi
Nahi swikaarta
Phir man ki kyaa kahoon?
Ek abhivyakti
Page 41 of 72
Yeh bhi hai ki
Tumhe devta kahoon
Or kahoon ki
Main tumhaari
Aaradhnaa karti hoon
Isme bhi
Darti hoo
Devtaa hokar
Kahin tum mujhse
Door na ho jaao.
Par dar hataakar
Tumhe
Roop-aakaar
Dena chaahti hoon.
Tumhe raam kahoon.....?
Phir tumhe
Raavan se ladna hoga
Mere liye....
Dhobi tak gheregaa tumhe.
Dhobiyon se
Tumhe
Ghirvana nahi chahti
Aachaa hoga ki
Tumhe
Raam hi na kahoon.
Tab kyaa
Krishan kahoon....?
Krishan hokar
Kans ke
Drichakr main
Apni gvalin ko
Chod jaoge
Achaa toh phir
Isaa maseeh..
Nahi
Sooli par
Tangaa nahin
Dekh sakti tumhe.
Ab tumhi bataon
Page 42 of 72
kaise yakin dilaoo
tumhe pyaar kaa
main tumhe pyaar karti hoo
ab tumhe kyon bataoo
tum jaankar
kyaa karonge?
Page 43 of 72
Agar kalam rahi hoti toh
Ek pheslaa dekar
Usne....
Tod bhi di kalam
Shaayad vishvaas thaa
Dobara..
Uski jaroorat na hogi.
Lekin tum toh
Nayaaydheesh nahi
Niyantaa ho.
Ek baar jo likh diyaa
Use hi dhotain rahne ko
Kyon vivesh kiya?
Kyaa tumne bhi
Apni....
Kalam tod daali?
Sochanaa chaahiye
Kabhi apne likhe main
Hi pher-badal
Karna padtaa hai.
Galtiyaa...
Agar sab karte hai
Toh tumse hi na hoti ho
Yeh toh sambhav nahi.
Kabhi-kabhi tum bhi
................................
Ek baar dekar
Badal saktain the...
Phesalaa agar kalam rahi hoti toh?
Page 44 of 72
Adrshaya
Seene main uphaan
Aankhon main jal liye
Khojati hai
Jis kandhain ko
Bahain...
Vah adrshaya hokar bhi
Kitna
Paas hi apne
Lagta hai.
Par jab-jab
Drshayaa
Paa jaata hai kaandhaa
Stambh reh jaati hai
Aankhain
Kaanp uththaa hai
Aankain
Kaanp uththaa hai
Seena
Or main
Swayam ko dhoondhne
chal deti hoon.
a
Page 45 of 72
Raanton Ko Roj
Raanton ko roj
Chaand chalaa aataa hai
Meri chat par
Usme baatain karti hoon
Khoob,khoob,khoob.
Veh sab suntaa hai
Badain dhairya se suntaa hai.
Kehta kuch nahin
Use kuch nahi kahna hota
Bas sunana hotaa hai
Soonkar khush hota hai
Hansataa hai,muskaata hai.
Phir laut jaata hai
Phir aane ke liye.
Kitna apna-sa hai
Ekdam bhola
Mera mitr hai.
Nahin,mitr se bhi kuch adhik.
Bahut adhik
Shaayad sab kuchh.
Lekin kabhi-kabhi
Vah nahin aataa
Choopchaap hi
Bina kaaran bataaye
Veh choopa reh jaata hai.
Partiksha bahut
Kashtkar ho jaati hai.
Reh-reh man
Veythit ho jaata hai
Agli raat
Phir chalaa aataa hai.
Kal na aane ke liye
Main naraz hoti hoon
Veh so-so
Bahaane banaata hai.
Bheetar se
Kuchh sweekarnaa
Page 46 of 72
Nahi chaahti.
Par sweekarti hoon
Kyonki aane ke liye
Use vivsh karti
Yaa phir
Choopne se poorv
Kaaran bataane ke liye
Baadhya karti
Itna adhikaar
Hi nahi hai mere paas.
Chaand jitnaa mil paata hai
Vahi mera hai
Usi ka santosh hai.
Page 47 of 72
Jhoolas
Kaise bhoojhaa deti
Maachise ki
Tili ko?
Usko low main
Tum jhilmilaa
Rahe the
Mooskuraatain huye
Meri oongliyaa
Jhoolas jaane tak.
Page 48 of 72
Makaan Se Ghar
Khaali pade makaan ko
Lagataa hi hai
Ghoon or deemak
Khandar banatain
Use der nahi lagati.
Ise khandar hone se
Rok sakati hai
Teri saanse or meri saanse.
Hammari saanso ki garmi
Majboot karegi deewaron ko
Or vey baandh paayegi
Hum dono ko
Ek saath yahaan.
Makaan yeh
Ghar ho paayegaa tabhi.
Page 49 of 72
Chehre
Judaai ki
Chunaouti ko
Sweekaa thaa maine.
Tumhaare baad
Har pal se, har din se
Veh sab dohanaa chaahaa
Jo tumhaare rahtain
Na doh payee thi.
Aankhon ke samaksh
Vaadon ki
Phalak-chataane thee
Isliye rok liyaa
Har strote ko
Boondain na bahne payee thi
Phir ek baar
Mehsoos kiya maine
Ki mere tan ke
Pratyek rom ne
Umadkar
Paa liyaa hai
Ek cheharaa.
Jaise mere poore
Sharer par
Ubhar aaye hai
Karoro...arbo..kharbon...chahre.
Har chehraa
Aankhain moondain
Mooh khoolkar
Chilla-chillakar
Pookaar rahaan hai tumhe.
Tum aao
Tum aao
Bas ab or nahin
Or nahi
Rahaa jaataa.
Dheere-dheere
Loopat
Page 50 of 72
Mook ho gayee
Awaazain.
Umdain-umdain
Rom bhi
Phir simatne
Aa gaye.
Kintoo
Apne saath laaye
Jal
Shaayad un
Cheharon ki aankhon ka
Or
Kuch peeda
Jo cheetkaar
Ke saath
Un chehron ke
Kanthon ne payee thi.
Page 51 of 72
Keekar Or Aam
Keekar or aam
Main se choonav thaa
Choonnewaale bhi
Hum do hi thain.
Tumne apne liye
Keekar choontain huye
Kahaan thaa.
“ keekar kaa kasailaapan
Tum na dhaaran
Kar sakaogi.”
Tab se
Is satya ko
Jaana hai
Aam kaa meethapan
Bhi
Mujhe nahi soohaata.
Kyon
Tumne
Keekar
Lekar
Mujhe baunaa kar diyaa?
Kyon mujhe aam dekar
Mere aam ka
Swaad bhi
Har liyaa?
Page 52 of 72
Tumahaari Shabri
Raam!
Tumhaari shabri ki
Kyaari main
Ab utne phool nahi rahain
Ki
Har roj
Barso baras
Tumhaare maarg main
Unhe sajaati rahoon.
Phool
Aaj baajaron main
Bikatain hai
Bahoot khoobsoorat
Par unki khooshaboo
Apni nahi
Upar se chhidaki gayee hai.
Kisne ropaa
Nahi jaanti
Koun choonkar laayaa
Yeh bhi nahi pataa
Usme se
Yadi kuchh
Mil sakain toh
Yeh badboo hogi
Dhan ki.
Sach poochon raam
Toh ab ghar bhi mera
Vaisaa khoolaa or
Shaant nahi rahaan.
Ab simat gayee hoon
Phelaiton main.
Is phelaton ke
Daainge room main
Tumhaare
Aathitayaa ke liye
Bahoot-saa saamaan
Jootaa liyaa hai
Maine.
Page 53 of 72
Abhi bhi
Jootaa rahi hoon
Nirantar.
Isliye raam
Aksar
Taala lagaakar
Baahar chali
Jaati hoon.
Kabhi tum aao
To pleez
Boora nahi maananaa
Ek chithi likhkar
Bheetar sarkaa denaa
Ki main aayaa thaa
Page 54 of 72
Man Pathar
Mere
Man pathar ko
Hathodi-cheni se
Tod-todkar
Tum job hi roop
Aakaar detain rahon
Vah kuchh bhi hoga
Par
Shaaligraaam nahi.
Page 55 of 72
Vishpaatr
Mera yeh jeewan
Toh yo hi ek
Katoo haasay hai.
Phir kyon tumne sochaa
Ki maine vayangay kiyaa?
Satya toh yeh hai
Ki kuchh katootaaye
Gholkar pila
Di gayee hai
Mujhe jabran.
Jitanaa ugalanaa chaahti hoon
Utnaa hi dhasti
Jaati hai bheetar.
Shiv ne saara vish
Dhaaran kiyaa thaa
Apne kanth ke bheetar
Phir bhi vaani ki
Sarsataa bani rahi.
Lakin main shiv nahi
Mujhse shivtav bhi nahi
Darti hoon
Yeh vish mujhe hi
Nasht na kar daalain
Isliye phir-phir
Oogalti hoon.
Par tumhaare sang
Nahi baatna chaahaa thaa maine
Anjaane hi sab hooa.
Jo tumhe diyaa
Veh vaapas maangati hoon.
Ab kisi se naa baatoo
Karoongi pryaas.
Is vish se yadi
Nasht hona hi hai
Kisi ko
Toh main hi koun hoon
Booraa paatr.
Page 56 of 72
Rassakasi
Aksar
Main bhool jaati hoon
Ki main hoon.
Kuchh vichaaron
Kuchh maandandon
Kuchh shabdo
Main mujhe
Dafnane ki
Cheshthaa ki jaati hai jabran
Yeh jaantain
Huye bhi
Ki main hoon
Aksar
Jab mujhe lagtaa hai
Ki main nahi hoon
Tab lagataa hai
Ki
Yeh sweekaar hai
Is satya kaa
Ki
Is satya kaa
Ki
Sab kuchh
Samaapat hai
Sab kuch ko
Nasht hona hai
Kintoo
Jab pryaas kise
Jaatain hai
Mujhse mujhe cheenane ke
Tab mere
Bheetar karvat letaa hai
Ek sooshoopt sanskaar
Or main
Jaagkar kahti hoon
Ki main hoon
Mere is
Hoone na hone ki
Rassaakasi main
Page 57 of 72
Bahut kuch jhartaa rahtaa hai
Tootataa rahtaa hai
Vidhvansho ke
Dher par
Bethkar
Main phir
Sochati hoon
Ki
Kyaa main hoon
Agar main hoon
Toh kyon hoon
Agar main
Na hoti
Toh kyaan antar thaa
Agar main hoon
Toh bhi
Kyaan vishesh hai?
Page 58 of 72
Gahrain andhairain main
Gahrain andherain main
Khoti jaati hai
Uski baahain.
Veh jeena chaahtaa hai.
Jeene ke
Kuchh saamaan ke saath.
Lahraakar
Jhool gaye hai
Havaa main uske khaali haath
Soolagti aatmaa bhi....
Dhooaane lagi hai.
Utar nahi milte
Prashno ke....
Shor main hi kahin
Kho jaati hai aawaajain.
Din main ujalain chahrain
Raat main kyon
Itne bhyaavah dikhtain hai
Hanstain huye unke honth
Chamaktain daant
Kyon manooshyataa ke
Khoon se
Rang se
Rang dikhtain hai?
Aankhain hai inki
Jaise...
Sab kuchh
Jalaa dene ko aatur.
Kaisa kasailaa yeh sach hai
Ek saamaanaya sa
Vyakati...
Saamaanyaa si
Ichhaao si jindagi
Basar
Nahi kar sakataa.
In safedposho ke
Choopain, teekhain panjo main
Veh..
Page 59 of 72
Jakar diyaa jaataa hai
Jabran.
Page 60 of 72
Geelee Samidhaa Hoo Main
Paani se bheegi
Geelee samidhaa hoon main
Tumhaarain hawan ki agni ko
Tumhaarain hawan ki agni ko
Paravjalit toh kyaa karoongi
Jalati huyi agni jaroor
Bujh jaayagi.
Apne pavitra hawan ko
Yon hi chalne do
Mujhe phenk anyantr kahin
Apne karm main agarsar rahon.
Hawan toh kyaa
Thand se thithooratain samay
Jalte huye alaav main bhi
Jo daal diyaa mujhe
Toh dhooaa ban
Aankhon main
Aansoo si utar aaoongee
Mere kaaran
Apne chakshuo ko,
Na pardooshit karo.
Samidhaa na naam milaa
Par maatr lakadi hone kaa bhi
Garv nahi.
Main nahi havishya
Kisi hawan ki,
Kisi alaav ki agni ki
Paani main padi hoon
Mere paani main galkar
Nasht ho jaane main hi
Tumhaari
Niyati bhali hai.
Page 61 of 72
Kitne Bhole Hai
Hum bhi kitne bhole hai
Vany ko dhoondhtain hai
Ek-doosare ki
Kavitaao main.
Kabhi apne chehre
Jhalakatain
Dikh bhi jaatain hai
Toh vishwaas
Nahin kartain.
Vishwaas
Ho bhi jaaye
Toh
Nayaa bhay
Utapan hota hai
Agli kavita main
Rahengain yaa nahi?
Hum bhi
Kitne bhole hai
Bas kavitaao
Main hi
Swayam ko paakar
Khush ho letain hai.
Sach ki kadvahat
Choopa letain hai
Un moondi
Palkon main
Jo tahaako ke
Saath milti hai
Hum bhi
Kitne bhole hai.
Page 62 of 72
shoonay
jis shoonay main
rahti hoon, jeetee hoon
veh bhartaa hi nahin.
Baar-baar
Pakadkar laati hoon
Kuchh kadam
Kuchh haath
Kuchh aawaajain.
Par sab
Phisal jaataa hai
Is shoonay ke
Vakr se.
Kabhi-kabhi
Koi bindoo
Tahraa saa lagtaa bhi hai.
Par is thahraav
Kaa bhram bhi khokhalaa
Shoonay phir
Shoonay hi rahtaa hai
Apne shoonaypan
Ke sataya ke saath.
Page 63 of 72
Maadhon kyaa jaane
Oolaahano se
Maadhon dartain hai
Par phir-phir
Oolahane kaa kaam
Kartain hai.
Maadhon kyaa jaane
Raadha ki peera.
Vey toh kabhi
Radhaa huye hi nahin
Raadhaa bechaari
Kabhi banati hai
Maadhon or
Kabhi phir
Raadhaa ho jaati hai.
Raadhaa se payee peeraa
Maadhon se payee peer
Dono ki peedaaye paa
Radhaa swayam
Peera ho jaati hai.
Page 64 of 72
Dhoom Lakeer
Naag ki tarah
Phan phailaakar
Vakraakaar apni
Choker jamaakar
Bheetar jo dhasaa baithaa thaa
Varsho se
Veh ateet
Ab kyon
Maatr ek dhoom-lakeer
Hokar
Baahar ko aanaa chaahataa hai?
Jitney angina dank
Bheetar lag chukain hai
Kyaan vey sab
Dhooaa ho
Baahar ke
Dhooye main mil sakainge?
Naag ke jis bojh ko
Jhelane kaa
Aadi ho chukaa hai
Yeh antar
Kyaa veh khaali hi
Goojar kar sakegaa?
Yaa veh phir talaash karegaa
Kisi naye bojh ki
Naye roop main?
Yeh nayaa bojh
Avashyaa hi roophalaa hoga
Hasi bikhartaa,khushi lootataa
Saare jahaan ko
Apne main samet
Apna hi sabko banaataa.
Page 65 of 72
Abhivayakti ki peera
Abhivayakati ki peera
Kisi karvat
Chen nahi lene deti.
Kisi baam se
Kisi dawa se
Peechhaa nahi chhodti
Reh-reh pookaarti hai.
Manushya main
Kyaa aaturtaa hai
Sab kuchh keh lene ki
Sab prakat kar dene ki?
Sab keh dene par bhi
Lagtaa hai
Kuchh reh gayaa ankahaan.
Itnaa kuchh kehne ki
Trishnaa kyon hai?
Jo hai so hai
Jo thaa so thaa
Jo hoga so hoga
Humaare kehne
Na kehne se
Kyaa hone walaa hai
Shaayad keh lene se
Man ko santosh mile
Achhaa...
Sab kahainge
Shrotaa kahaan hai?
Page 66 of 72
Bheetree gufaaon main
Bheetree gugaaon main
Bhataktain-bhataktain
Ek navjyoti
Mili hai.
Kavitaa ab
Shaant ho gayee hai.
Veh baahar ko
Aanaa chaahati hai.
Nai umang
Nai lehar
Naye samvengo
Ke saath.
Page 67 of 72
Setoo Kaa Aabhaar
Ek-doosare ke
Aakarshan paash
Se budhu ham
Nadi ke do paat
Chaltain...
Toh hai
Kintoo
Samaantar.
Apni-apni
Seemao main bandhain
Hum kitne
Vivash se hai.
Ek samaan tarangain hai
Hum dono ke
Bheetar.
Uthti hai hilourain
Pahoochti hai
Idhar se udhar
Hasati goongoonati
Kisi ki
Vednao se pare.
Udaasin...
Sab peedaon se.
Yeh nishthoor
Jab sawayam hi
Chanchal hai
Toh kisi ki
Awashataa ko
Kyaa samjhegi bhalaa?
Parantoo yeh jo
Setoo hai
Achal gambheer
Nitaanat akelaa
Isse toh
Ache hai hum
Akele nahi
Dhookele hai hum.
Isne jodaa
Ham dono k
Page 68 of 72
Seemaaon ko.
Ham rahain...
Samaantar
Beekhar nahi gaye
Chanchal lehron ke
Behkaavaye main.
Page 69 of 72
Kaai Ki Chaadar
Vishaal chaadar ki
Har leher se
Lipattain-umangtain
Machhli saa
Vahaa jaataa thaa jeevan.
Yakaayak...
Kyaa huaa ki
Visimat se
Tahar gayee thee lahrain
Saagar jaise...
Samet rahaa thaa
Swayam ko..
Usee cheshthaa main
Oodh lee
Koi ki chaadar hari.
Lekin har haraa rang
Khushhaali nahi detaa.
Bheetar ke jeev
Tadapne lagain sabhi.
Rang badalkar
Chaadar ho gayee
Syaah,sdhaad bhari.
Moan darshak ban
Naak par kapdaa dharain
Sab goojar gaye
Koi thehraa hota
To shaayad..
Samjh paataa
Isee sadee satah ke
Bheetar bhi thaa
Jeevan kabhi.
Page 70 of 72
Meri baatee
Tumhaarain
Abhinandan ke liye
Laankhon baatiyaa
Ek saath jal uthee
Shahar jagmagaa gayaa thaa.
Tumharaa rath aayaa
Aashish di
Or
Aage chal diyaa.
Sab baatiyaa
Shaant ho gayee
Na jaane kyon
Meri hi baati
Timtimaati hai
Abhi bhi.
Page 71 of 72
Udaasi Ki Tapish
Din bhar
Oorjaa dekar
Jyoti dekar
Sham hone tak
Kitnaa
Nikat aa gayaa hai
Sardi kaa surya.
Lekin
Iske chehrain par
Oodaasi ki
Tapish kyon hai?
Itnaa
Paas aakar
Kyon
Door jaane ki
Maangataa hai surya.
Sambhav hogaa?
Kyaa
Chale jaanaa
Sachmuch
Sambhav hoga?
Kyaa tum jaa
Rahe ho
Surya?
Apni jyoti se
Humain
Dipti karnewale
Surya
Kyaa yeh
Satya hai
Ki
Tum jaa rahain ho?
Page 72 of 72