Fernando Rossi
Scherza co’ i fanti
e lassa stare i santi
Poesie
in dialetto veronese
Ricordo della
Festa dell’Ammalato e dell’Anziano
25 Settembre 2005
Circolo Noi di Vangadizza
Gruppo Caritativo di Vangadizza
Pro Manuscripto
1
Premessa
Sono felice perché amo tutte le creature
del mondo, a partire s’intende dagli abitanabitanti del mio paese, che ricordo in questo libretto di poesie, tra i quali in particolare i dirigenti del circolo Noi che hanno avuto la bontà di farlo conoscere a tutti i soci.
Con il più vivo ringraziamento, spero che
l’iniziativa abbia un suo seguito anche tra i
soci più giovani.
Vangadizza, 25 settembre 2005
Fernando Rossi
Il “Circolo NOI” è lieto di ascoltare ancora
una volta la voce di un poeta della sua comunità, Fernando Rossi.
Nell’augurandogli ogni bene, lo ringrazia
del suo contributo a far sentire tutti come
fratelli.
Raccolta di poesie dialettali per
“Circolo NOI” di Vangadizza
“Gruppo Caritativo” di Vangadizza.
2
La fede calpestà
( Scherza co’ i fanti e lassa stare i santi )
O Madona, te sì sempre nel me core,
te prego e te guardo,
me par de védare un fiore,
un fiore apena sbocià
nel mezzo de un verde prà,
e con el to' sorìso
te sì sempre bela lassù nel zielo
con al fianco 'na stéla
che sluse in te i to' oci
bèi come 'na perla.
E qua in te 'sta tèra i te fa lagremare
da persone senza scrupoli
che i voi ciapar schèi senza laorare,
aprofitando de la gente
che crede in Ti e rivando
da ogni paese par vegnére
a onorarte con le so' preghiere,
fando de la to' santità un comercio
credendo de farse un patrimonio,
senza pensare che un doman
i se cata col so' capo : el demonio.
3
La banda del me paese
La banda del me paese I’è da invidiare
parché no’ la g'ha gnente da gnessuni da imparare.
A parte i scherzi la g'ha dei brai maestri
con un repertorio tuto da scoltare:
con la Boeme, el Trovatore, la Traviata
te senti ‘na musica ben ricamà e colorata.
Tuti i sonadori in divisa,
che i sona i so' clarineti e ottoni
direti dal maestro Alberico Bottoni.
Beppi Tanara prima corneta, quando el fa l'assolo,
el la fa gorghegiare come la fusse un rossignolo.
E tuta la gente i ghe bate le man con alegria,
disendo : "Questa l'è vera musica,
che va a brazeto con la poesia".
E quando in un paese gh'è musica e poesia
ghe sarà sempre pace e armonia.
Mi no' son un poeta,
però quel che g'ho scrito
me l'ha sugerìo el core.
Scusème se son restà a metà,
ma pì in là no' ghe son rivà.
4
El traguardo
Sto pensando 'na cosa vaga
e camino pian pian
in mezzo 'na strada.
Fato qualche metro la cato sbarà.
Intanto el zielo el se scurisce,
un temporale bruto,
tróna e s-ciantìsa,
mi me meto córare a la desperà
e tante ombre ghe j'èra
che me vegnéa a drio .
Ma una l'era piassè bruta de tute,
senza denti e 'na facia rapolà,
con 'na sóga par le man
la me la sgnaca in corpo
e la me strapéga par dosento metri.
Mi g'ho dito :
" Son rivà al traguardo.
Ma nantra ombra
sentà in parte a 'na striscia de partenza,
armà de 'na forca a tri branchi,
la me lassa passare.
Mi a digo: "Son ancora qua.
Gavarò sbaglià strada.
Forse el traguardo giusto
lo catarò doman ".
5
El cavolfiore
El cavolfiore
l'è un alimento vegetale
che se poi magnarlo de tute le ore.
EI te mete a posto l'intestino,
Còto in acqua e cunzà
con un poco de ojo, pévaro e sale,
te pol magnàrghene a sazietà
parché l'è legéro e no' el fa mia male,
e se te ghe méti un poco de asédo
el devénta apetitoso
che no' se desmetarìa mai de magnare.
L'è bon in tel minestron,
l'è bon dapartuto;
parfin la pastasuta,
quando gh'è el cavolfiore,
rifiuto.
El contadìn che coltiva el cavolfiore
l'è da premiare
parché in cucina
l'è 'na medezìna
che no' deve mai mancare!
6
Caro Salieri
Caro Salieri,
da Legnago te sì sta abandonà
e a sedes-ani te si emigrà,
lassando l'Italia e la to' bela cità.
Ma a Vienna,
in tera straniera, te si stà premià
par la to' bela musica piena de melodia,
che veramente va a brazéto co' la poesia.
Tuti i austriaci i te lodava
e in tuta Europa
uno dei piassè grandi maestri
i te classificava.
Te ghè composto de le sinfonie
co' 'na coloritura
che la partéa da la montagna,
trasportà dal vento in mezo le coline in fiore,
rivando in pianura,
portando serenità e amore .
Par tuta la gente te si resta un mito
parché la to' musica l'è scrita
con cuore, sentimento e giudizio.
Caro Antonio, non so se un doman
se cataremo a l'inferno o in paradiso,
ma dove te sarè ti,
in qualunque posto sia,
ghe sarà sempre
soriso, pace e armonia.
7
El prezzo de la salvezza
Natale l'era passà da 'na setimana
e j'era rivà l'Epifania
e Madre Maria la pianzéa
par el butìn che la g'avea,
parché la savea
che pericolo el coréa.
Da Re Erode l'era zercà;
el so butìn el lo voléa mazzà.
Intanto Giuseppe, opà putativo,
el pensava : " Cossa ghenti fato
par verme merità
de essare so opà de Dio ? ".
L'era un omo bon,
el faséa el marangon,
el laorava vivendo a la jornada
e par questo
fra tuti i omeni l'è sta zernìo,
deventando compagno de Maria
e opà de Dio.
8
El coro " Baita verde " de Legnago
EI coro dei Alpini
" Baita verde " de Legnago
co' i so canti sacri e profani
l'è l'orgoglio non soltanto
dei Legnaghesi e Veronesi,
ma bensì de tuti l'italiani.
Con i so canti ne le piazze,
ne le Case de riposo
e nei teatri parochiali
el tien in alegria
zoeni e anziani .
E se 'na comunità l'è in dificoltà
i se mete a servizio de l'umanità
par aiutare i disabili e i malà,
non par essare pagà,
l'è tuto volontariato quel che i fà
e 'na beùda e 'na magnada
quela l'è la so paga.
I Alpini l'è un grupo ben afiatà
e bravi a la so maniera
e par questo nel capelo
i porta 'na longa penna nera,
segno de 'na amicizia vera;
e finìo el so programa
i ringrazia el publico
che con tanta atenzion i l'ha scoltà,
sperando che i sia stà tuti sodisfà .
E al coro dei Alpini " Baita Verde "
con tanta simpatia
g'ho dedicà
'sta picola poesia.
9
Viva i pensionati !
O anzian,
che, dopo aver tanto laorà
e sacrificà,
'na pension magari pìcola
te te l'è guadagnà,
adesso tuti i giorni te ve a l'ostaria
a fare la to' partìa a carte.
E in chel sistema lì te te perdi via,
parché par ti ormai l'è deventà un'arte.
E te fè la to' ciacolada in compagnia,
e a sera te ciapi la to' bicicleta e te ve a casa,
stando ben atento nel traversare la strada,
parché tè vedi che passa
'ste machine ai zento a l'ora
guidà da zoventù brusà.
E te disi : " Porca miseria !
G'ho salva la pèle da la guera
con tute che le canonà,
e qua, se no' stao atento,
in mezo 'na strada,
da un qualche calmio vegno mazzà".
E par un pensionà no' pianze gnessuni,
se te ve fora da le bale,
parche l'interesse piasse grosso
lo fa la Sanità e la Previdenza Sociale.
10
A Edda Furlanello Giusti
che sa trasformare tutto in armonia
Edda, t'ho guardà e amirà
e par la to belezza
son restà incantà.
Con la to pèle fresca e bela
e al colo la to colana
te ghè 'na facia
che la par fata de porcelana.
Sempre gentile e soridente
te ghe sì simpatica a tuta la gente
e par la to umiltà
te sì considerà
la mejo signora de la to contrà.
Mantiente così sincera e bèla
e te vedarè che par ti
la su nel ziélo
ghe sarà sempre 'na stéla
che sluse in te i to oci bèi
come 'na perla.
E in te le ore triste
sona el to violìn
e te vivarè felice e serena
assieme a to fioi e to marìn.
Con tanta simpatia
te dedico
'sta piccola poesia.
11
Ci canta resta sempre zóeno
Sémo qua
che fémo 'sto rinfresco
tuti in compagnia
e con tanta alegria
par i me setant'anni zà passè via,
ringraziando tuti i coristi
par la partecipazion.
E son orgoglioso
parché el primato,
se g'ho da dir la verità,
de tuti i coristi, come anni
son mi el piassè anzian.
E spero de star ben
par podér catarme insieme
con tuti vualtri
anca 'st’anno che vien.
Ma se dovesse a nare in congedo
de securo 'no torno più indrìo
parché sarò in te le man de Dio.
Ma 'na cosa dovì ricordare
che vualtri del Coro " Don Attilio Gobetti "
de la Parochia de Vigo
la Santa Messa me dovarì cantare.
Grazie
12
Atento, Carnevale!
L'è la sera del martedì grasso,
un sior grande e grosso come un balenoto
sentà denanzi un taolo de 'na ostarìa
el sta magnando
favete , frìtole e risoto.
El magna a sazietà
e, beendo del bon vin pien de grado,
de bona qualità,
el te g'ha ciapà ‘na bala
che da la caréga no' el s'ha pì alzà.
Intanto riva la mezanote.
A mezanote pena sonà
se presenta drento in te 'sta ostarìa
'na dona granda e magra
come 'na colona de telefono,
la ciapa 'sto sior grando e grosso
in te 'na sbrazà,
la lo buta fora da la porta
in mezo la strada,
diséndoghe che par quaranta giorni
comando mi qua.
L’era la Quaresema
che de Carnevale la se n’ha sbarazà.
13
Mama mia
Insieme a l'istà el vento
el t'ha porta via anca ti,
ma el ricordo del to' amore, cara mama,
resta sempre con mi,
parché te gh'è messo
un fermo in tel me core,
che ormai el bate solo par ti
come l'orologio del campanile de la Cesa,
ch’l picia le ore de mezodì
e no' el s'incanta de un minuto
parché l'è sta messo al posto giusto.
E mi, cara mama,
te vedo dapartuto.
A la sera digo sempre 'na preghiera
che el Signore el ne faga la grazia
de catarse in cielo,
se no' se vedemo pì in te 'sta tera.
14
Al tabachìn Pierìn
O Pierìn,
te sì un tabachìn eccezionale
con tuta la gente che vien drento in tel negozio
te li consili a crompare roba bona
e in tel stesso tempo risparmiare
e parlando sempre col to' soriso
te pari un angelo mandà dal Paradiso.
Te ghè tuto: dal libro a la pena,
carta bolà, caramele, zigarete de ogni tipo
da poder contentare el buteleto e l'anzian.
Te li trati con gentilezza e parità
e par questo te sì rispetà e amirà.
Continua sempre così
con serietà e bela maniera
e par ti sarà sempre primavera,
‘na primavera che no' fenisce co' l'istà
parché te sì galantomo
e se pol ciamarte el re de l'onestà.
Questo te te l'è guadagnà
par la to' bravura e semplicità.
E prega sempre el bon Dio
Che Lu da l'alto del zielo
te protege e benedirà
e che in te la to' fameja ghe sia sempre
salute, pace e felicità.
Con tanta simpatia
'sta poesia t'ho dedicà.
15
La goèra
La goèra in Croazia l'è scopià
e i soldà
con un passo denanzi a l'altro i caminava
in mezzo a la campagna piena de fango.
Come al fronte i rivava
i se sparava uno contro l'altro.
O resón o torto
intanto scominziava a scaparghe el morto .
Butèi sul fior de l'età
te li vedei là colegà
mezi massacrà.
Chi pregava el Signore e chi lo implorava.
Intanto el Capelan
el confessava che i pori soldà,
che, gravemente ferìi ,
destesi in tera j'è restà.
Ma la Fede in Dio no' i l'ha mai persa
e, disendo le so' preghiere,
piassè de un qualchedun a goèra fenìa
el g'ha portà a casa la pèle,
parlando co' i so' cari
de le tribolazion che i g'ha passà,
disendo che no' vegna più goère
parché l'è proprio la distruzion
de l'umanità.
Laorémo pur la tera
par ciaparse un tòco de pan:
l’è mejo magnar male,
ma la goèra che la staga pur là.
16
Ai ragazzi del '35
Stasera sémo qua par festejare
i anni de la nostra classe.
Lassando da parte
odio, rancore e malanni,
no' importa se j ' è zinquanta
o sessanta i nostri anni.
Parlando sempre
con córe vèrto e parola sincera,
par noantri anziani
sarà sempre primavera.
Vivémo a la giornada in pace e armonia,
spetando la terza età.
Lo sèto alora che alegria ?!
Scusème se son nà massa inanzi;
l'è mejo nare un passo indrìo:
fermémose a stasera,
fémola durar tanto e sentémose giganti
e preghemo el Signore de podére rivare
ai novanta tuti quanti.
E questa l'è 'na poesia che g'ho dedicà
a tute le ragazze e i giovanoti
dai sessant'ani sonà.
17
Amica luna
Luna, te sì palida e zala,
ma te sì sempre bela
con a fianco le stéle
che tel fa da sentinela .
Te ghe fè ciaro a tuto el creato
che el Signore el g'ha fato
e, iluminando ogni via,
te vedi tuti quei che fa ben o male,
ma no' te fè mai la spia
parché te sì neutrale.
Te ve a dormire a la matina,
te te alzi a la sera,
fando el to giro de ronda,
strucandoghe l'ocio
a la mora come a la bionda.
J'è tute inamorè de ti, le dise:
" Con la nostra amica luna
ghe vedemo come dal dì.
L'è 'na compagna sincera e leale
e par questo insieme a ela
se sentemo secure par le strade.
La ne insegna come se fa amare
e fin che g'avarémo vita
te sarè sempre
la nostra piassè cara amica ".
18
La sagra
'Na piazéta,
'na ceséta
co' na campana che sona a festa,
'na giostrina che gira,
un disco che canta:
" Di quella pira ... ".
Tuti i butìni i monta su
e ghe pirla la testa,
ma i dise: "No' m' importa,
parché l'è la nostra festa ".
I genitori orgogliosi
nel vedare so' fioi
alegri e contenti.
Intanto ariva el curato.
'Sti buteleti i lo saluda
disendoghe: "El Signore sia lodato”.
Lu pronto
el ghe paga un bastonzin
de zucaro filato .
Intanto un chiericheto
fermo denanzi
a la porta de la ceséta
el sona el campanelo
disendo che la Messa
la sta par scominziare.
Tuti 'sti fioi
i core in cesa a pregare
e dopo la Santa Comunion
i ringrazia el Signore
co' 'na bela orazion.
19
Guardando el zielo
Quando la note guardo el zielo
cossì limpido e belo,
e la luna la sluse
che la pare un brugnèlo impizà,
che ghe fa ciaro a la Madona
e al bon Dio che l'ha creà,
inzercolà
da tute so' sorèle stéle,
con in testa la cometa
che la ghe fa strada co' la so' coéta,
tuto el firmamento el se mete in preghiera
recitando l'orazion piassè bela.
E i angeli tuti in coro
i canta uno dei moteti più sacri :
el " vi adoro ".
20
La Pizzeria a la Vigna
La Dina l'è la regina de la cucina.
Te la vedi là in mezo ai so' fornèi tuta sudà,
ma la fa dei piati che l'è 'na specialità.
Stefano, el Re de le pizze,
el le fa de 'na bontà tale,
che i vien da tuti i paesi par poderle magnare.
La Catarina, brava e svelta da portare in tola,
la scata come 'na mola.
Otelo soridente e gentile,
tra fare i conti e servire al Bar,
l'è sempre ocupà.
Insoma te vede quatro persone ben afiatà,
bravi da laorare,
ch'el so' mestiere i lo sa ben fare
e no' i g'ha gnente da nissuni da imparare.
J'è sempre pronti a servire el cliente
con eleganza e simpatia,
in modo ch'el non possa pì star via.
E quando in " Pizzeria a la Vigna "
'na olta i g'ha magnà,
de securo indrìo i tornarà,
parché de securo je restà sodisfà
del magnare e par el prezo che i g'ha paga.
21
In memoria di Cecilia
Diafana,
le mani incrociate,
tra le dita il rosario,
il sorriso statico,
in sepolcrale bellezza dormi
sul raso della bara, Cecilia.
In quest' arido mondo,
fugace palpito di bontà,
il tuo cuore stanco
nella valle del gran silenzio riposa.
Molti diranno del tuo vissuto:
sei stata amore, gioia,
murmure d'angelo nella casa vuota.
Di memorie testimone,
di primavere consunte ...
Sulla soglia del silenzio,
nei suoi veli avvolta,
la tua anima, Ida, inondata di luce,
canta l'Amore
fra cielo e paradiso.
22
Cara la me butina
O cara la me butina,
che, prima da saltar zo da leto,
te dao un baso ogni matìna.
E digo l'orazion,
parché el Signore
el me manda un giorno bon.
Adesso che to' mama da qualche mese
el Signore in Cielo el l'ha ciamà,
mi e ti soli
in 'sta vale de lagreme semo restà.
E tute le matine te porto a l'Asilo,
prima de nar a laorare,
e no' vedo l'ora che vegna mezogiorno
par vegnére a casa a basarte ancora,
parché ti te sì
el fior dei fiori del me giardìn,
e vivemo in pace e felicità,
pregando tute le sere
el nostro Gesù Bambin.
23
Guardando 'na farfala
O farfala,
che te soli da fiore in fiore,
e così fasendo
te ringrazi e te preghi el Signore,
parché te sè
che l'è stà quel che t'ha creà
e messa al mondo piena de bontà
che ti , solando,
a gnessuni male te ghe fè,
e par questo da tuti
te vien amirà e rispetà.
E noantri omeni,
che se credemo dei Dio-in-tera,
pieni de boria,
e bastiememo inveze de darse a la preghiera,
tolémo esempio dela picola farfala,
che, senza parlare, la ne insegna
come se dovemo comportare.
Inveze de odiarse e farse la guera,
démose anca noantri a la preghiera
e vivendo in umiltà,
e el Signore da l'alto del cielo
el ne benedirà.
24
L'è ‘na valle che se brusa
Passando denanzi a l’Ospedale de Legnago,
m'è piombà adosso ‘na gran tristezza,
che la me vegnéa acarezà da 'na breza
de aria umida e fresca.
Mentre là drento a l'Ospedale
imobile ghe j'era un malà grave
con al leto ‘na suora che la lo curava,
lu el la guardava, ma nol parlava
e a fadìga el respirava
e pian pian che i minuti i passava
'sto mondo el lassava.
In tel so’ viso un sudore fredo scorea:
te vedei n'antro zoeno,
che da ‘sti bruti mali el morea.
25
La mascarina
O cara butèla bela e soave,
no te sì mìa che la mascarina
che g’ho visto a Carnevale,
ma par mi te sì che la mascarina
bela e sbarazina
da che la olta che t'ho catà a balare
e de ti non me son più desmentegà,
parché in tel core te me sì restà,
e gh'è nato un amore dentro de mi
sincero e pien de lealtà.
Co’ i to caveji longhi e sparpajà
fin a metà vita,
che i pare tuti fili d'oro,
l'è come vedare
'na massa de persone che canta in coro.
Bela e soridente,
che te fè deventar mata la gente,
co' la to ebreza e armonia
a tute le persone che te guarda
te ghe vè in simpatia
come la sguaza de primavera,
che la bagna i prà
e la fa rinverdir la tera.
E ti là in mezo,
guardando el sole che tramonta,
te pari 'na margherita,
e par mi te sì tuta la vita.
26
La pazienza
La pazienza è una virtù.
La virtù è una bella cosa.
Mettile assieme
e avrai una faccia preziosa.
Questa è una preghiera
che il buon Dio ci ha lasciata
in eredità.
Cerchiamo di eseguirla
e saremo benedetti
per l'eternità.
27
Misterioso amore
La luna pallida
come la tua bocca
che ha sete dei miei baci.
Non metterti niente
sulle tue labbra.
Che fra le mie e le tue
non ci sia nessuna trincea,
perché si possa sentire
il calore del nostro amore.
L'amore non ha età,
sia per l'anziano che il giovane,
perché si esprime col cuore.
E parlando, ascoltando il cuore,
con parola umile e sincera,
sia per l'anziano e il giovane
sarà sempre primavera,
una primavera
baciata dai raggi del sole
e dal profumo dei fiori.
28
Giorgio, Mario e Edda Furlanello
il terzetto più bello
Mario l'è un musicista da amirare,
la tastiera el la fa parlare.
La Edda col so violìn
la lo sóna con tanta passión e armonia
che veramente la so musica
va a brazéto con la poesia.
Giorgio el tenore
con la so oze forte e ben intonà
el canta qualunque romanza
che l'è 'na canonà,
el ghe méte anca el core
e i so acuti
i riva fin la su nel ziélo,
in Paradiso, dal Signore.
Quando el canta
tuto el publico lo scólta in silenzio
e gnan 'na mosca te senti solàre
e tante persone le se comóve
e te le vedi lagremare .
Insoma l'è un terzéto ben afiatà
e no' i vol essere pagà,
ma i lo fa par tegnére in alegria
i zóeni e i anziani.
Quando a la fine del spetacolo s'è rivà
la so piassè grossa sodisfazion
l'è quela de sentirse
a bàtare le man.
E lori i fa l'inchino
ringraziando el publico parché i sa
che l'è restà sodisfà.
29
El rossignolo
Quando el rossignolo
el canta - e tira el vento vol dir che l’è contento,
parché no’ ‘l g’ha bisogno de paga:
el vive a la giornada e co’ i so’ canti
el ne rende alegri tuti quanti.
El speta el sole ch’el tramonta
par nare a dormire su ‘na bela pianta
piena de frasca e ben sconta,
spetando l’alba del doman
e tirando a campà
fin che la so’ morte par inquinamento
la vegnarà.
E questo lu el lo sà,
parché gh’è tuto de contaminà.
30
El donatore de sangue
El donatore l'è sempre pronto a donare el so sangue
al sventurà che sta male.
Lu el sa ch'el no'l ven mia comercià
e tante vite umane le ghe n'ha de bisogno;
par questo el ghe lo dà senza tanto farse pregare.
E l'è un vero angelo custode par el malà.
Quanta gente gh'è stà salvà
col sangue de ogni donatore
che da le so vene gh'è stà cavà.
Co' 'na magnada che 'na olta a l'ano i fa,
tuti alegri in compagnia i se guarda in facia e i se dise:
“Anca st'ano col nostro sangue, che gh'emo dà,
tanti malà, che dovea morire, j'è ancora qua ".
Piassè de un qualchedun oncó come oncó a l'è contento
parché i g'ha dà la medaja d'oro o d'argento,
'na ricompensa al merito ch'el s'ha guadagnà
par le so donazion ch'el g'ha dà.
E l'è orgoglioso de portare la medaja
parche no' se sa ch'el simbolo lì che prezzo el g'avia,
non dal lato economico, ma bensì da l'ato de l'umanità.
E l'è sempre pronto a rispondere a l'apelo,
quando el ven ciamà, sia col tempo bruto o belo,
parché el sa che là su un leto a l'ospedale
gh'è ricoverà un mala grave,
che del so sangue el g'ha bisogno par poderlo a salvare.
E con tanta simpatia e sincerità
questa l'è 'na poesia
che a tuti i donatori de sangue g'ho dedicà.
31
Indice:
Pag. 3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
La fede calpestà
La banda del me paese
El traguardo
El cavolfiore
Caro Salieri
El prezzo de la salveza
El coro “Baita Verde” de Legnago
Viva i pensionati
A Edda Furlanello Giusti
Ci canta resta sempre zóeno
Atento, Carnevale!
Mama mia
Al tabachin Pierìn
La goèra
Ai ragazzi del ‘35
Amica luna
La sagra
Guardando el zielo
La Pizzeria a la Vigna
In memoria di Cecilia
Cara la me butina
Guardando ‘na farfala
L’è na valle che se brusa
La mascarina
La pasienza
Misterioso amore
Giorgio, Mario e Edda Furlanello
El rossignolo
El donatore de sangue
Altre opere dello stesso autore
per il Circolo NOI:
Nel ziél che lontan se perde
(in dialetto veronese)
32