www.rtr.ch
Via da Masans 2
[email protected] CH-7002 Cuira
Tel. +41 (0)81 255 75 75
Fax +41 (0)81 255 75 00
Communicaziun a las medias
Il pled rumantsch 2015 - Hei chills, giain a sgurtiar in pier*?
Cuira, ils 10-12-2015 – Ensemen
cun il public tschertga Radiotelevisiun Svizra
Rumantscha (RTR) ils 16 da december 2015 il pled rumantsch da l’onn 2015.
RTR a la tschertga dal pled rumantsch 2015
Sper la tschertga dal #rtrpled15 sa deditgescha il team da l'acziun a la tematica «slang». Las
redacturas da RTR discurran cun giuven e vegl, chatschaders e linguistas per s'avischinar al
fenomen che tuttas e tuts enconuschan da lur mintgadi. «Slang» è la furma da s'exprimer
specifica dad ina gruppa determinada. Uschia tschertgain nus pleds sco per exempel chillar,
checkar u chillvosa.
Suentermezdi tscherna la giuria da tut ils pleds ch’èn vegnids annunziads dal public enfin ils 16
da december.
Era quest onn datti da gudagnar in abunament da La Quotidiana, in bon per cudeschs offrì da la
Lia Rumantscha u in tablet da Samsung.
Propostas pon vegnir inoltradas enfin ils 16 da december 2015 a las 12.30 cun il formular sin la
pagina d’internet www.rtr.ch, per telefon sin 081 255 79 00, via mail a [email protected], sin la
pagina www.facebook.com/rtr.ch u via Twitter cun inditgar #rtrpled15 ubain per posta a
«Pled rumantsch 2015»
c/o Radiotelevisiun Svizra Rumantscha
Via da Masans 2
7002 Cuira
*) Hei chills, (uei, patgific) giain a sgurtiar (en il gieu da troccas signifitga «sgurtiar» prender davent ina carta da
troccas ad in auter giugader ed intgins giuvens da Mustér eran s'inamurads en il pled e duvravan quel per tut,
apunta, era per ir a baiver ina biera).
Program dal “Di dal pled rumantsch”:
Radio Rumantsch: mesemna, ils 16-12-2015 durant l’entir di
Telesguard: mesemna, ils 16-12-2015 a las 17.40 sin SRF1
Online: www.rtr.ch
Dapli infurmaziuns:
Radiotelevisiun Svizra Rumantscha
Isabelle Jaeger, manadra ressort quotidian RTR
tel. 081 255 75 75 | E-mail: [email protected]