La Quotidiana 16-04-2009, p. 15
La Posta precisescha
La rait dals uffizis da posta ha ina gronda valita
Erwin Ardüser, nov schef dals servetschs da programm, e Gian Ramming, nov schefredactur.
MAD
Novs tgmuns tar RTR
RTR cun nov schefredactur e nov schef dals servetschs da program
■ (cp) Gian Ramming è il nov schefredactur da Radio e Televisiun Rumantscha ed Erwin Ardüser il nov schef da
la partiziun «servetschs da program».
Quell’elecziun è vegnida fatga oz dal
cussegl d’administraziun da la SRG
SSR idée suisse Svizra Rumantscha
SRG.R sut il presidi da Duri Bezzola sin
proposta dal nov directur da RTR, Mariano Tschuor. Ils novelegids entran en
lur nova plazza cun l’entschatta matg
2009. Cun quella elecziun va il project
da la convergenza tar RTR en la davosa etappa. Gian Ramming (51) ed Erwin
Ardüser (47) lavuran gia tar l’interpresa
RTR. Ardüser dapi 1993, ils davos onns
sco manader dal Radio Rumantsch e
commember da la direcziun. Gian Ramming è entrà 2003 tar RTR, dapi in onn
sco substitut dal schefredactur e dapi
l’october 2008 sco schefredactur ad interim. Omadus enconuschan fitg bain tant
l’interpresa RTR ed il concern SRG SSR
idée suisse, sco era il mettier da producir
e gestiunar programs per radio, televisiun e multimedia.
Sco schefredactur è Gian Ramming
responsabel per tut ils cuntegns publicistics per radio, televisiun e multimedia.
Cun questa funcziun è el er commember
da la direcziun RTR. El succeda a Mariano Tschuor, ch’è vegnì elegì directur
RTR. Gian Ramming è burgais da Schlarigna, ha terminà ses studi a l’universitad
da Turitg cun ina lavur sur da l’ovra litterara da Reto Caratsch, è stà plirs onns delegà da la Crusch Cotschna en la Strivla
da Gaza, en ex-Jugoslavia ed a Sierra Leone. Otg onns ha el lavurà sco redactur tar
il Bündner Tagblatt e tar la Südostschweiz.
Sco schef dals servetschs da program e
commember da direcziun maina Erwin
Ardüser la nova partiziun «servetschs da
program». Quella includa 4 differents
ressorts: il secretariat da program, la communicaziun ed il marketing, ils archivs e
la producziun da portatuns e portafilms.
En il ressort communicaziun e marketing
è era integrada l’analisa e retschertga da
program. Erwin Ardüser è burgais da
Laax, ha suenter sia scolaziun commerziala lavurà en pliras firmas, uschia era tar
la Lia Rumantscha sco manader dal post
d’ediziuns e manader dal secretariat. Tar
il Radio Rumantsch ha el lavurà sco redactur, moderatur e correspundent regiunal. En sia funcziun sco manader dal
Radio Rumantsch è el stà responsabel per
l’offerta dal program e per divers projects
(RR24: schlargiament dal program). En
quella davosa funcziun fa el gia part a la
direcziun da RTR dapi 1999.
Mariano Tschuor, il nov directur da
Radio e Televisiun Rumantscha, è satisfatg da l’elecziun: «Cun Gian Ramming
ed Erwin Ardüser èn duas persunas cun
autas qualificaziuns professiunalas elegidas ch’empermettan da realisar a fin la
convergenza tar RTR e da sviluppar enavant RTR tar ina chasa da medias moderna cun varias offertas publicisticas per la
Svizra rumantscha.»
Dapi il zercladur / gün 2006 lavuran
Radio Rumantsch, Televisiun Rumantscha e multimedia RTR sut in tetg en la
Chasa RTR a la Via da Masans a Cuira.
Quai mument ha ina convergenza natirala cumenzà: la collavuraziun stretga
tranter las redacziuns da radio, televisiun
e multimedia. L’atun 2007 è quai process
vegnì instradà sistematicamain en ils ressorts da program. Quella fasa d’introducziun va a fin la stad 2009. Sco consequenza, ed en vista a novas sfidas e pretensiuns, ha RTR decidì d’optimar ed
adattar las structuras da la direcziun ed il
management da programs. L’elecziun
dad Erwin Ardüser e Gian Ramming introducescha ussa quella davosa etappa.
Sche va sur cuolms e vals,
Leu sevesein nus inaga,
Perquei che nuot va da rendiu
Tut stat el maun pussent da Diu.
Annunzia da mort
Augustin Giger
1.8.1927 – 13.4.2009
Nus havein la tresta obligaziun da communicar la mort da nossa
preziada collaboratura
Marlene Rolle
09-02-1976 entochen 09-04-2009
Marlene ruaussi en pasch!
Cura che las forzas van a fin eis ei negin murir pli lu eis ei ina deliberaziun. Da gliendisdis Pastgas ei il rudi dalla veta da nies car frar, quinau, aug e padrin serraus. Sia veta ei
stada sempla e ses mauns luvrus e prus. Ruaussa en pasch, car Augustin.
Adressa da malencurada:
Rosa Filli-Pally
7180 Curaglia
Nus essan trests:
Baseli Giger-Pally, frar
Tresa Solèr-Giger, sora
Carli Giger-Heinz, frar
Pauli Giger-Beer, frar
Nescha Derungs-Giger, sora
Nicolaus Giger-Zurfluh, frar
Ignaz Pally-Giger, quinau
nevs e niazas
figliols e figliolas
Il survetsch divin e la sepultura da l’urna ha liug sonda, ils 18 d’avrel 2009 allas 14.00 uras
en baselgia parochiala a Platta.
Il s. rusari vegn recitaus gievgia e venderdis, ils 16 ed ils 17 d’avrel allas 19.30 a Platta.
Enstagl da flurs veglian ins seregurdar dalla casa da tgira Sursassiala Mustér, Raiffeisen
Mustér, Conto 10473.26.
Pertge jau sai tge patratgs
che jau hai sur da vus,
di il Segner,
quai èn patratgs da pasch
e betg da sventira.
Jeremia 29,11