2
SURSELVA
MARDI, ILS 10 DA NOVEMBER 2015
Ted Ligety ei igl idol
„ SCHLUEIN
Zona Isla
s’avonza
(anr/abc) Vendergis vargau ha la radunonza communala da Schluein giu da
s’occupar da diversas tractandas formalas. Ella ha approbau unanim la revisiun
dils statuts dil Circuit dil register funsil
Glion-Lumnezia. Plinavon ha la suprastonza communala presentau alla radunonza ina fatschenta en connex cull’avertura dalla zona Isla ch’ei a disposiziun per
industria e commerci. La primavera
2015 han las lavurs da surbaghegiar ina
gronda parcella entschiet e talas van encunter la fin. Parallel cun tals projects privats sto la vischnaunca arver cuntinuadamein la zona cun vias e lingias. Per quei
intent haveva la radunonza communala
concediu in credit da 710 000 francs.
Damai ch’il schischom ella zona ei en
possess dalla pleiv catolica e dalla vischnaunca burgheisa sto la vischnaunca
politica fixar ina cunvegna cun quellas
duas partenarias. La radunonza communala ha approbau quella unanim ed autorisau la suprastonza da cumprar ina
surfatscha da 220 quadrats per in prezi
pauschal da 15 000 francs. Era el connex
cul plan da quatier han ils convischins da
Schluein fixau la cumpart dall’interessenza publica sin 50%.
Plinavon ha la radunonza communala priu notizia dil rapport final dalla zona da baghegiar per indigens Garneras.
Tala ei occupada diltut e las parcellas surbaghegiadas per gronda part. La cumpra
e l’avertura dalla zona han caschunau
cuosts ed entradas da rodund da 331 000
francs, la finala seresulta in pign avanzament da 932 francs. Per reglar la fatschenta haveva la radunonza communala approbau in credit brut da 220 000
francs aschia ch’igl ei necessari da lubir
formalmein ina summa posteriura da
111 215 francs. Quei han ils da Schluein
fatg unanim. La finala han ils presents era
priu notizia dil rapport final dalla lingia
da meteor Val Farschlein. Quella lavur ha
igl uffeci da construcziun bassa realisau
ils 2013. Per la cumpart dalla lingia communala haveva la radunonza communala approbau in credit da 40 000 francs.
Sco quei ch’il quen final ha mussau sto la
vischnaunca surprender cuosts totals da
102 379 francs. Il credit posteriur da
62 379 ha la radunonza lubiu senza cuntervusch.
38 atlets ellas retschas dil Surselva Skiteam
„ Sis dils nov skiunzs commembers
dil cader dad OG dil Surselva Skiteam
numnan Ted Ligety lur idol. Il skiunz
indigen Carlo Janka numna in sulet.
Tochen ch’ils 15 buobs e buobas da 13
tochen 16 onns van cun skis sco lur
idols drovi aunc entgin trenament da
cundiziun e sin skis. Ensemen culla
trenadra Selina Fravi tschentan els il
fundament per contonscher lur finamiras. Quellas finamiras ein allura dètg
aultas. Entgins numnan ina carriera
plein success encorunada cun ina medaglia d’aur als giugs olimpics lur finamira sportiva. Pli realistica ei Viviane
Wellinger da Falera. Ella siemia d’ina
carriera da scolasta da scoletta. Ina liunga veta en buna sanadad giavischa Gian
Zollinger da Hinwil. El ei in da plirs atlets dalla Bassa ellas retschas dil Surselva Skiteam. Siat dils 15 commembers
dil cader OG frequentan la scola alla
Classa da talents a Glion.
In Bernes ei il trenader
Sis atlets dumbra il cader dils skiunzs juniors dil Surselva Skiteam. In um digl
Entlebuch ei lur trenader. Michael Alle­
mann ha absolviu a Grindelwald la formaziun tier scolast da sport da neiv ed
ha luvrau treis sesiuns en Nova Zelanda
cun Grant Stockman. Cugl um engaschaus el sport da skis en Nova Zelanda,
en l’Australia ed a Sursaissa ei Michael
Allemann era setschentaus en Surselva.
El meina dus tochen treis trenaments ad
jamna.
Las empremas stortas sin neiv han ils
skiunzs sursilvans fatg l’entschatta october. Sco Ronny Cavegn ha informau ei
quei succediu a Saas-Fee, a Sölden e
Pitztal ed uss al Diavolezza. Ronny Cavegn ei schef alpin dil Surselva Skiteam.
Tier ils 15 skiunzs dil cader OG ed
ils sis dil cader da juniors dumbra la Surselva aunc ina skiunza e sis skiunzs en
caders surregiunals e naziunals. Didier
Cadonau e Tgasper Darms da Flond ein
commembers dil cader grischun, Yan­
nick Dobler da Sursaissa, Marco Gäm­
Venderdis proxim prelegia Hubert Giger
MAD
ella Biblioteca Trun.
Cader alpin JO
Gino Stucki, 2002, Flond/CS Mundaun; Seraina Veraguth, Flem, Arena
dallas Alps; Gioia Vieli, Val, CS Sursaissa; Cedric Brunold, 2001, Laax/Arena
dallas Alps; Yves Bürgin, 2001, Bachenbülach, CS Mundaun; Justina Cavegn,
2001, Glion/CS Sursaissa; Matia Coray,
2001, Ruschein/CS Ruschein; Bianca
Flütsch, 2001, Flem/Arena dalla Alps;
Nico Pally, Sedrun, CS Sedrun; Nils Halter, 2000, Surcuolm/CS Mundaun; Fadri Janutin, 2000, Landquart/CS Sursaissa; Kim Manetsch, 2000, Mustér/CS
Mustér; Andrin Veraguth, Flem/Arena
dallas Alps; Viviane Wellinger, 2000, Falera/Arena dallas Alps; Gian Zollinger,
2001, Hinwil/CS Sursaissa.
Gion Antieni Maissen ei il cautrenader nordic dil Surselva Skiteam. El promova il moviFOTO G. VENZIN
ment polisportiv e critichescha il trenament specific els giuvens onns.
perle da Flem e Rafael Berther da Sedrun
ein el cader dalla Svizra orientala. Noe­
mi Rüesch e Carlo Janka ein commembers da caders naziunals.
Quater dils anteriurs skiunzs sursilvans han finiu la fin dalla sesiun vargada lur carriera da sport. Quels ein Chri­
stian Spescha da Sursaissa, il victur dil
cup d’Europa, il 2010 ed ils treis commembers dil cader surregiunal ost Ce­
dric Spescha, Kevin e Yannick Caduff.
Tuts han calau muort blessuras.
Critica allas selecziuns
Gion Antieni Maissen da Trun ei il cautrenader dalla squadra cun 17 commembers dallas annadas 1996 tochen 2003.
En siu rapport critichescha il scolast da
sport alla Academia Engiadina a Samedan. Il scienziau da sport critichescha en
siu rapport las selecziuns prematuras.
Quellas effectueschien ch’ils megliers
curriders vegnien promovi e buc ils curriders cul meglier potenzial. «Novs studis muossan ch’il trenament specific caschuna success els giuvens onns, il success a liunga vesta denton buc.» La finamira seigi da far sport ina ura tochen
in’ura e mesa per di. Gion Antieni Maissen manegia denton buca sulet in sport
specific, mobein polisportiv. Il scolast da
sport sa buca sulet sebasar sin novs studis. El sa era sebasar sin atgna experientscha. Il temps ch’ils trenaders dil Club
da skis Trun han promoviu il moviment
polisportiv ella natira han Toni Livers ed
Cader alpin juniors
Ivo Arpagaus, 99, Cumbel/Lumnezia;
Noemi Caruso, 99, Lucerna/CS Mundaun; Melanie Cavigelli, 99, Siat/CS
Sursaissa; Mike Winzap, 99, Sursaissa/
CS Sursaissa; Lea Oechslin, 98, Flem/
CS Sursaissa; Janine Caduff, 97, Laax/
Arena dallas Alps.
Cader nordic
Niculina Nufer, 2003, Sedrun; Svenja
Tomaschett, 2002, Trun; Ursin Telli,
2002, Trin; Andriu Decurtins, 2001,
Trun; Fadri Nay, 2001, Trun; Fadri
Schmid, 2001, Sedrun; Cla Ursin Nufer, 2001, Sedrun; Chiara Arpagaus,
2000, Selva Sagogn; Sina Cavelti, 2000,
Selva Sagogn; Lena Kropf, 2000, Trun;
Alessandro Cadalbert, 1999, Castrisch;
Noah Malin, 1999, Castrisch; Severin
Bonolini, 1998, Castrisch; Manuel
Hänny, 1998, Castrisch; Dario Cavelti,
1997, Selva Sagogn; Maurizio Cavelti,
1997, Trun; Valeria Cavelti, 1996,
Trun.
Cun ina tenuta positiva
Strias e giats ners
„ (anr) Venderdis proxim, ils 13 da november allas 20.00 envida il team dalla
Biblioteca Trun alla notg da raquens svizra cul motto «strias e giats ners».
La notg da raquens vegn organisada
da SIKJM – igl institut da medias per affons e giuvenils – en l’entira Svizra la medema sera e cun in tema communabel. Ils
hosps ella Biblioteca Trun astgan guder
enzacontas historias da Hubert Giger. Igl
autur da Medel prelegia ord siu roman
historic «La Stria da Dentervals» e franc
era ina ni l’autra detga da Trun. Il team
dallas bibliotecaras selegra da biaras visetas en biblioteca ed offerescha suenter la
prelecziun in pign apero.
Eligius Tambornino tschentau il fundament per ina carriera da sport.
Cun Ornella Poltéra noda la sparta
nordic dil Surselva Skiteam igl engaschi
d’ina excellenta sportista e trenadra scolada. La dunna da Sagogn ei sezza stada
commembra dil cader nordic digl SST.
DA GIUSEP VENZIN / ANR
Dorothea Hunger festivescha il 100avel onn da naschientscha
„ (anr) Oz, ils 10 da november festivescha Dorothea Hunger il 100avel anniversari el ravugl da sia famiglia. Ella
cumplenescha siu tschentaner cun ina
admirabla vitalitad spirtala. Il mund el
qual Dorothea Hunger, lu aunc da schlatteina Michael, ei naschida ils 10 da november 1915 a Pagig el Scanvetg sedifferenziava considerabel dil mund contemporan. Secapescha che Dorothea Hunger
ha bia da relatar da quei ch’ei succediu e
davart las atgnas experienzas fatgas el decuors dils 100 onns vargai. Da quei che
cuora e passa actualmein pren Dorothea
Hunger denton stedi notizia. Regularmein legia ella la gasetta egl asil a Glion,
leu nua che la giubilara ei da casa. Entochen avon dus onns ha ella saviu passentar siu mintgagi el dacasa a Mulin a
Vuorz. Dorothea Hunger ei naschida sco
quarta da diesch fargliuns en mudestas
relaziuns. Il bab era stradin e damai che
la mumma era adina puspei malsauna ha
la giuvna beinspert stuiu surprender responsabladad per ils fargliuns pli giuvens. Igl ei sulet la sora pli giuvna che sa
aunc far part dalla fiasta da natalezi da
Dorothea Hunger e quei ella vegliadetgna da 90 onns. Alla giubilara eis ei stau
pusseivel da frequentar en ses giuvens
onns in emprendissadi da cusunza. Probabel buca la regla per ina giuvna en
quels onns. Dorothea Hunger naschida
Dorothea Hunger cumplenescha siu 100avel onn da naschientscha.
Michael ha pli tard luvrau per il militar e
cusiu uniformas. A Pagig ha Dorothea
empriu d’enconuscher in giuven romontsch oriunds da Vuorz che luvrava
leu sco signun. Ella ei suandada il futur
mariu a Vuorz nua ch’els ein maridai igl
onn 1948.
MAD
Da Pagig a Vuorz
La midada dad in intschess tudestg en in
vitg romontsch sursilvan ei probabel buca mo staus sempels per la giuvna dunna.
A selamentar han ins denton mai udiu
Dorothea ed aunc oz derasa ella ina tenuta positiva dalla veta ed era davart sia si-
tuaziun persunala, malgrad ch’ella lai
empau encrescher per siu anteriur dacasa el Mulin a Vuorz. Leu enta Mulin ein
ils tschun affons carschi si. E tonpli satisfatga ei la giubilara oz dallas visetas dils
agens affons e lur partenaris, dils siat biadis e nov sutbiadis. E beinenqualga envida la famiglia ad ina excursiun che porta
alla giubilara dabia satisfacziun. Tonpli
ch’ella ei oz visada alla sutga cun rodas
per semover. Bugen tuorna Dorothea
Hunger si Cabernard, l’acla sur il vitg da
Vuorz nua ch’ella ha passentau e luvrau
dabia stads sco pura. Dorothea Hunger,
ni la Dorli sco ella vegn numnada dalla
populaziun da Vuorz, astga mirar anavos
sin ina veta emplenida cun bia lavur. En
il bein puril e pli tard ha ella susteniu il
mariu sco resgiader enaquella che lez ha
surpriu ina autra incumbensa professiunala. Buc adina ha la constituziun corporala empermess a Dorothea da contonscher il 100avel onn da naschientscha.
Cun 60 onns ha ella stuiu schar allontanar in narunchel. Ella ei denton perdetga
ch’ins po era contonscher sulet cun in narunchel ina aulta vegliadetgna, buca sulet grazia ad ina vesta positiva sin la veta
e sin il mintgagi. Oz astga la giubilara retscheiver dabia gratulaziuns per siu anniversari e guder la fiasta el ravugl dils ses.
Probabel leu nua ch’ella sesenta il meglier. Cordiala gratulaziun.