BIZ Info
Maturitad professiunala
La maturitad professiunala e sias pussaivladads
Suenter la finiziun da la scolaziun fundamentala vegn surdà l‘attestat federal da qualificaziun (tud.: Eidg.
Fähigkeitszeugnis EFZ) e suenter l‘examen reussì da maturitad professiunala l‘attestat federal da la
maturitad professiunala. La matura professiunala cumplettescha la scolaziun fundamentala cun dapli
furmaziun generala e pussibilitescha l‘access tar in studi da bachelor ad ina Scola auta spezialisada
(tud.: Fachhochschle) correspundenta. Cun in examen supplementar (tud.: Passerelle) ni cun ina
maturitad gimnasiala po vegnir cumenzà in studi ad ina Scola auta universitara. Ulteriuras infurmaziuns
tar la maturitad professiunala chattais Vus sin la pagina d‘internet: www.berufsberatung.ch.
Vias tar la maturitad professiunala
La maturitad professiunala sa vegnir cuntanschida durant l‘emprendissadi (tud.: Berufsmaturität BM I),
suenter l‘emprendissadi (tud.: BM II) ni era cun la scolaziun ad ina Scola media mercantila (tud.: BM
HMS).
Maturitad professiunala I (tud.: BM I)
Quest tip da matura professiunala è ideals per quels che vulan dad ina vart ir a scola e da l’autra vart
tuttina cumenzar cun la vita professiunala per uschia gudagnar agens daners. Ils emprendists visitan
durant la scolaziun fundamentala che cuzza 3 fin 4 onns supplementarmain l‘instrucziun dals roms da la
maturitad professiunala. L‘absenza dal manaschi munta en questa cumbinaziun dus dis ad emna.
Cundiziuns d’admissiun: Reussir la procedura d‘admissiun ed il consentiment dal manaschi
d‘emprendissadi.
Maturitad professiunala II (tud.: BM II)
Suenter l‘emprendissadi po la scolaziun da la maturitad professiunala vegnir absolvida a temp cumplain
(2 semesters) ni cumplementarmain sper la professiun (3 fin 4 semesters).
Cundiziuns d’admissiun: attestat federal da qualificaziun (tud.: EFZ) e reussir la procedura d‘admissiun.
Maturitad professiunala mercantila (tud.: BM HMS)
A la Scola mercantila po vegnir absolvida la scolaziun sco commerziant/a (tud.: Fachfrau, -mann EFZ)
cun la maturitad professiunala. Questa scolaziun cun maturitad professiunala cuzza per regla 4 onns. Ils
praticums en ils manaschis han lieu u durant il temp da scola u a la fin da la scolaziun en furma dad in
praticum lung. Cundiziuns d’admissiun: Reussir la procedura chantunala d‘admissiun.
Sis direcziuns da la matura professiunala (tud.: BM) e lur roms d‘accent
Sper ils roms fundamentals sco matematica, linguas, istorgia ed economia preparan era roms d‘accent
sin in studi ad ina Scola auta spezialisada (tud.: Fachhochschule). Las suandantas sis direcziuns
vegnan purschidas:
Direcziun creativa: Art applitgà, cultura ed art; infurmaziun e communicaziun.
Direcziun sanadad e social: Scienzas natiralas; scienzas socialas.
Y:\05 BSLB\03 2012\14 BIZ\06 Merkblätter\Für Website\ORIGINALE\romanisch\120327-vc-Maturitad professiunala.docx
Erziehungs-, Kultur- und Umweltschutzdepartement
Departam ent d’ ed uc a zi u n, c ultur a e protec zi un da l’ am bi ent
Dipartimento dell’educazione, cultura e protezione dell’ambiente
Seite 2
Direcziun industriala: Infurmaziun e communicaziun; contabilitad.
Direcziun mercantila: Fatgs da finanzas e contabilitad.
Direcziun da las scienzas natiralas: Chemia e fisica; biologia ed ecologia.
Direcziun tecnica: Fisica; chemia.
Adressas en il Grischun
Direcziun creativa (tud.: Gestalterische Richtung)
Gewerbliche Berufsschule Chur, www.gbchur.ch (BM I, BM II)
Direcziun sanadad e social (tud.: Gesundheitliche und soziale Richtung)
Bildungszentrum Gesundheit und Soziales BGS Chur, www.bgs-chur.ch (BM I, BM II)
Direcziun mercantila (tud.: Kaufmännische Richtung)
Berufsschule der Landschaft Davos, www.berufsschuledavos.ch (BM I, BM II)
Scola mercantila (tud.: Handelsschule) Surselva Glion/Ilanz, www.bzs-surselva.ch (BM I)
Kaufmännische Berufsschule Oberengadin Samedan, www.berufsschule-samedan.ch (BM II)
Wirtschaftsschule KV Chur, www.wskvchur.ch (BM I, BM II)
Direcziun da las scienzas natiralas (tud.: Naturwissenschaftliche Richtung)
Landwirtschaftliches Bildungs- und Beratungszentrum LBBZ Plantahof Landquart
www.plantahof.ch (BM II)
Direcziun tecnica (tud.: Technische Richtung)
Gewerbeschule Samedan, www.berufsschule-samedan.ch (BM II)
Gewerbliche Berufsschule Chur, www.gbchur.ch (BM I)
Hochschule für Technik und Wirtschaft HTW Chur, www.htwchur.ch/tbm (BM II)
Direcziun mercantila en Scolas medias mercantilas (tud.: Kaufm. Richtung an HMS)
Academia Engiadina Samedan, www.academia-engiadina.ch
Bündner Kantonsschule Chur, www.bks-campus.ch
Scola mercantila (tud.: Handelsschule) Surselva Glion/Ilanz, www.bzs-surselva.ch
Hochalpines Institut Ftan, www.hif.ch
Schweizerische Alpine Mittelschule Davos, www.samd.ch
Schweizerisches Sport-Gymnasium Davos, SSGD, www.sportgymnasium.ch
La maturitad professiunala en la direcziun industriala (tud.: Gewerbliche Berufsmaturität) na vegn
betg purschida en il Grischun. Ordaifer il chantun datti pussaivladads a la Scola industriala da S. Gagl
(tud.: Gewerbliches Berufs- und Weiterbildungszentrum St. Gallen) www.gbssg.ch (BM I) ed a la Scola
da Maturitad professiunala a Turitg (tud.: Berufsmaturitätsschule Zürich), www.bms-zuerich.ch.
Infurmaziuns supplementaras … 
… e sustegn survegnis Vus en il CIP (tud.: BIZ = Berufs- und Informationszentrum). L‘adressa dal CIP
en Vossa regiun chattais Vus sut: www.berufsbildung.gr.ch → Sur da nus → Lieu ed adressa →
Cussegliaziun da professiun, da studi e da carriera; e-mail: [email protected]
Y:\05 BSLB\03 2012\14 BIZ\06 Merkblätter\Für Website\ORIGINALE\romanisch\120327-vc-Maturitad professiunala.docx
Erziehungs-, Kultur- und Umweltschutzdepartement
Departam ent d’ ed uc a zi u n, c ultur a e protec zi un da l’ am bi ent
Dipartimento dell’educazione, cultura e protezione dell’ambiente