La Fundaziun GFZ (Gemeinnützige Frauen Zürich) s’engascha dapi l‘onn 1885 per ils interess da las
dunnas, dals uffants e da las famiglias. Sco organisaziun da non-profit cun var 500 collavuraturas e
collavuraturs tgira ella passa 1000 uffants en 13 canortas d’uffants pitschens ed en famiglias dal di,
maina ultra da quai centers per famiglias ed è daventada la pli gronda purschidra per la tgira d’uffants
cumplementara a la famiglia en la citad da Turitg.
En il rom d’in project ed en collavuraziun cun l’uniun Canorta Rumantscha Turitg vegn creada en il
center per famiglias Zeltweg de la Fundaziun GFZ (Zeltweg 21b, 8032 Turitg) ina purschida da tgira
dad 1 di en lingua rumantscha per ina gruppa d’uffants (12.5 plazs dal di) tranter trais mais e la vegliadetgna da scolina. Questa purschida è unica a Turitg, cumenza cun in di l’emna e po vegnir extendida
tut tenor il basegn sin dus u plirs dis l’emna.
Nus tschertgain per il 1. da mars 2016 u tenor cunvegnientscha
Sco educaturA essas Vus responsabel/-bla per l’accumpagnament, la tgira e la promoziun adattada a
la vegliadetgna dals uffants a partir da trais mais fin la vegliadetgna da scolina e concepis cun
plaschair e creativitad il mintgadi dals uffants. Vus gidais a planisar activamain il mintgadi da la gruppa
e promovais las enconuschientschas da rumantsch dals uffants. Vus creais in’atmosfera, en la quala ils
uffants sa sentan bain e protegids. Cun ils geniturs tgirais Vus in contact construtiv e confident.
Vus dicurris currentamain rumantsch (tuttina tge idiom) e disponis sco spezialistA da tgira, direcziun
tgira d’uffants, d’ina ferma orientaziun al team, d’ina auta capacitad da supportar squitsch e d’ina
gronda flexibladad. Vus essas in persuna iniziativa che lavura gugent a moda independenta ed en
atgna responsabladad en in ambient plain vita.
Nus As purschain in’activitad pretensiusa e variada. Vus profitas d’in ambient da lavur attractiv e da
cundiziuns d’engaschament modernas. Questa plazza sa lascha cumplettar cun ulteriurs pensums parzials en ina da nossas canortas u sco siglider/-dra en diversas canortas da la Fundaziun GFZ.
Nus ans legrain da Vossa annunzia cumpletta cun foto, da preferenza per e-mail, a
[email protected] u Stiftung GFZ, Personalmanagement, Zeltweg 21, 8032 Zürich.
2/2
Per dumondas As stat gugent a disposiziun dunna Esther Amstad, (tel. 044 253 65 49).