INFUORMAZIUNS
Nouva ledscha da scoula
A partir dals 1. avuost 2013 aintra in vigur la nouva ledscha da scoula. La ledscha da scoula actuala es
gnüda revissa complettamaing ed a partir dal prossem on da scoula daja plüssas müdadas plü
grondas. Cun quist’infuormaziun Tils lessna orientar, stain però in mincha cas eir a disposiziun per
dumondas individualas.
Cumanzamaint da l’on da scoula e vacanzas
Cull’introducziun da la nouva ledscha da scoula vain fixà dal chantun il cumanzamaint da l’on da
scoula e las vacanzas d’utuon e da Nadal. Las üsanzas han lö eir tenor nouva ledscha da scoula
dürant ils dis tradiziunals e la partecipaziun es obligatorica per tuot ils scolars sco ulteriurs dis da
scoula. Las vacanzas da Chalandamarz e prümavaira vegnan coordinadas inavant illa regiun e nun
han lö al listess mumaint sco in otras valladas grischunas.
La scoulina es integrada illa ledscha da scoula
La scoulina es da nouv eir integrada illa ledscha da scoula ed ha ils listess drets e dovairs sco ils
uffants da scoula. La frequentaziun da la scoulina resta bainschi inavant facultativa (per uffants da
linguas estras exista la pussibiltà da tilla declerar obligatorica), però per quels uffants chi vegnan
annunzchats è’la obligatorica.
Uras da bloc dal avant mezdi in scoula primara ed in scoulina
A partir da l’on da scoula 2013/14 ha lö l’instrucziun in scoulina e scoula primara tenor temps da bloc
da 3 uras (scoulina) o 4 lecziuns (scoula primara) l'avant mezdi. Quai voul dir cha tuot las scolaras e
tuot ils scolars da scoula primara cumainzan l’instrucziun adüna il plü tard las 08.15 e finischan
l’avantmezdi a las 11.30.
In cas d’absenzas d’üna persuna d’instrucziun pervi da malatia o scolaziun es l'instrucziun resp. la
survaglianza garantida.
Promoziun integrativa
La promoziun integrativa rimplazza a partir da l’on da scoula 2013/14 a la classa pitschna integrativa
illa fuorma actuala. Ils uffants cun bsögn da sustegn vegnan scolats eir in avegnir d’üna pedagoga
curativa, e quai in differentas manieras.
Mincha classa da scoula primara e scoulina vain accumpagnada amo dürant duos lecziuns l’eivna
d’üna pedagoga curativa chi sustegna a la muossadra, magistra o magister primar in sia vocaziun. Sia
incumbenza principala es la promoziun integrativa sco prevenziun. Per quistas duos lecziuns nun es
ella ingaschada be pella promoziun da singulas scolaras o scolars da l’anteriura classa pitschna
integrada, dimpersè per tuot la classa.
Attestats
Ils discuors da güdicat chi han adüna lö intuorn la fin dal prüm semester restan inavant. Nouv esa
uschè cha davo mincha semester survegnan tuot ils uffants ün attestat cun notas (in 1. e 2. classa ün
attestat cun üna valütaziun in fuorma da pleds) e na be a la fin da l’on dad scoula.
Material da scoula
La contribuziun da genituors per mezs d’instrucziun (cumprar cudeschs da scoula o pajar üna pitschna
contribuziun pel adöver da tscherts cudeschs per ün on da scoula) vain surtutta a partir da l’on da
scoula 2013/14 plainamaing dal portader da scoula. Unicamaing scha scolars nun han pisser dal
material, sto quel gnir pajà dals genituors.
Bemerkung: Die allgemeine Korrespondenz der Gemeindeschule wird nur in der offiziellen Gemeindesprache verfasst, d. h. auf Romanisch.
Structuras dal di
A partir da l’on da scoula 2013/14 esa pussibel da far adöver eir da structuras dal di schi’d es
avantman ün bsögn dad almain 8 scolaras o scolars. Structuras dal di, voul dir cha'ls uffants han la
pussibiltà d'entrar in scoula a partir da las 07.30, da star sur mezdi in scoula e da star la saira fin il plü
tard las 18.00 in scoula, tuot suot survigilanza d'üna persuna creschüda chi vegn incumbenzada da
survagliar ils uffants e güdar eventualmaing pro dumondas, nun ha però l’incumbenza d’instruir.
Las sportas sun las seguaintas:
07.30 – 08.10 han uffants la pussibiltà d’entrar in scoula per far lezchas e stüdi individual
11.30 – 13.40 han ils uffants la pussibiltà da giantar e far lavurs survigiladas, stüdi individual
13.40 – 16.15 han ils uffants chi han liber da scoula la pussibiltà da restar in scoula e far lavurs
survigiladas resp. stüdi individual (ingün instrucziun)
16.15 – 18.00 han ils uffants la pussibiltà da restar in scoula e far lavurs survigiladas resp. stüdi
individual (p.ex. lezchas, praparaziuns)
Ils genituors han la pussibiltà da reservar singulas o plüssas unitats da survaglianza (p.ex. L1, L2, MA2
ed M5). L’annunzcha d’ün uffant per laschar survagliar in scoula vaglia per tuot l’on da scoula e nö be
per singulas eivnas. Ils cuosts da survaglianza van a charg dals genituors, dal cumün e dal chantun
(part pels genituors ca. fr. 15.00 per giantar e fr. 5.00 per unità).
urari
07.30 - 08.10
lündeschdi
LÜ1
mardi
M1
marcurdi
MA1
gövgia
GÖ1
venderdi
VE1
GÖ2
GÖ3
GÖ4
GÖ5
GÖ6
GÖ7
VE2
VE3
VE4
VE5
VE6
VE7
bloc da scoula
11.35 - 13.40
13.40 - 14.25
14.30 - 15.15
15.30 - 16.15
16.15 - 17.00
17.00 - 18.00
LÜ2
LÜ3
LÜ4
LÜ5
LÜ6
LÜ7
M2
M3
M4
M5
M6
M7
MA2
MA3
MA4
MA5
MA6
MA7
unitats = LÜ1, MA4, VE5 eui.
-------------------------------------------------------------------------------------------------------------------------------------Annunzcha:
No giavüschain da reservar las seguaintas unitats per nos uffant: (per minch’uffant üna singul’annunzcha)
Unitats:
………………………………………………………………………….
Nom dal/s genituor/s: …………………………………………………………………………..
Nom dal uffant:
………………………………………. classa: ………………………..
Suottascripziun
………………………………………………………………………….
Lö e data:
………………………………………………………………………….
Annunzchas fin als 28.06.2013 pro l'administraziun cumünala.
Amiaivels salüds; Il cussagl da scoula
Bemerkung: Die allgemeine Korrespondenz der Gemeindeschule wird nur in der offiziellen Gemeindesprache verfasst, d. h. auf Romanisch.