Schulinspektorat
Inspecturat da scola
Ispettorato scolastico
Va a cussagls da scoula, mainascoulas / persunas da
contact e persunas d'instrucziun
Info 2014 / 15
Nr. 1
Examen da recuors 2014 / Admissiun 2015
24 scolaras e scolars han absolt l'examen d'admissiun dals 3/4 gün 2014. A quatter da quels uffants
esa reuschi l'examen. L'inspectorat da scoula ingrazcha a tuot las magistras ed a tuot ils magisters
chi han assegnà, sco eir a la cumischiun d'examen per la lavur stupenda in connex cul proceder
d'admissiun.
100
80
60
81
79
75
40
20
37
38
38
0
2003/04
2004/05
2005/06
2006/07
2007/08
2008/09
26
28
23
23
24
2009/10
2010/11
2011/12
2012/13
2013/14
Quantità d'annunzchas per l'examen d'admissiun
Ils seguaints termins valan per l'on da scoula curraint
Decisiun d'assegnaziun provisorica:
Decisiun d'assegnaziun definitiva (Engiadina-Val Müstair):
Examen da recuors:
30 schner 2015
13 avrigl 2015
2/3 gün 2015
Proget da scoula Italia-Svizra EXPO 2015
Suot il motto "Nutrire il Pianeta, Energia per la Vita" ha lö in mai 2015 l'exposiziun mundiala EXPO a
Milano. Per quist'occasiun han il ministeri da fuormaziun talian e l'ambaschada svizra in Italia
sviluppà ün proget da scoula per l'on scolastic 2014/15. Quist proget triling (talian, tudais-ch,
frances) ha il böt da sensibilisar a scolaras e scolars svizzers e talians pels temas essenzials da
l'EXPO 2015, quai suot il motto "Imprender, sviluppar, elavurar" (vair agiunta cun descripziun dal
proget).
Il proget vain racumandà dal departamaint d'educaziun. Ulteriuras infuormaziuns sun da chattar
sülla pagina d'internet http://www.progettoscuola.expo2015.org/.
Lingua estra obligatorica "Talian" s-chalin superiur: Roms s-chalin superiur I
La gruppa accumpagnanta "Talian secundara l" ha creà insembel culla direcziun da la partiziun
mezs d'instrucziun e cun l'inspectorat da scoula tschegns per cumanzar ad instruir cul nouv mez
d'instrucziun "Amici d'Italia" in 7. classa (vair agiunta cun racumandaziuns).
Tanter oter vain rendü attent cha "Amici d'Italia 1" gnia elavurà infra ün on. La gruppa accumpagnanta, chi's cumpuona da magisters reals e secundars, examinescha quatter voutas l'on co cha la
lavur cul mez d'instrucziun prosperescha.
La verificaziun e'ls tschegns vegnan publichats sülla pagina d'internet da l'USS (AVS). Ils glossars
actualisats culla traducziun in tudais-ch sun agiunts a quist INFO (vair agiunta cun Glossario).
E rzi eh un gs -, K ul tur - und U m w el ts c hut zd epartem ent
D ep artam e nt d’ educ a zi u n, c ul tura e protec zi un da l’ am bi ent
D i parti m ento del l’ edu c a zi on e, c ultura e prote zi on e del l’ am bi ent e
1 da 3
Lingua estra obligatorica "Inglais" primara e s-chalin superiur: Roms primara
Per valütar las prestaziuns d'inglais in primara stà nouv a disposiziun a las magistras ed als magisters ün fögl d'infuormaziun (vair agiunta fögl d'infuormaziun). In quist fögl d'agüd chi's basa süll'experienza da l'on passà as chatta eir indicaziuns a reguard l'admissiun al s-chalin secundar. Il mez
d'instrucziun "New World 3" chi'd es nouv a partir da quist on da scoula es da lavurar tras cumplettamaing in prüma classa superiura.
Introducziun illa professiun per persunas d'instrucziun (IPPI): avs.gr.ch
La documainta actualisada dal proget IPPI, ch'id es gnü lantschà l'on passà cun grond success, es
da chattar sülla pagina d'internet . In quist proget cumünaivel, chi promouva ün cumanzamaint optimal illa lavur, sun involvadas passa 250 persunas (novizs, la Scoul'ota da pedagogia dal Grischun, il
servezzan psicologic, menturas e menturs, mainascoulas e l'inspectorat da scoula).
Di europeic da linguas: www.edk.ch/dyn/23557.php
Il di dals 26 settember es declerà minch'on sco di europeic da linguas. Quist es üna bun'occasiun
per s'occupar in scoula culla tematica da linguas e culturas. Sülla pagina d'internet da la conferenza
dals directuors d'educaziun CDEP (EDK) esa üna broschüra cun ideas per l'instrucziun (vair agiunta
cun ulteriuras infuormaziuns).
Maestranzas da mansters SwissSkills 2014: www.swissskillsbern2014.ch
Dals 17 fin ils 21 da settember 2014 han lö ils "SwissSkills Bern 2014". Per la prüma vouta vegnan
manadas tras tuot las concurrenzas al listess lö. Ils organisatuors spettan intuorn 1'000 concurrentas e concurrents our da ca. 70 mansters. Implü vegnan preschantats in quist'occasiun passa 130
mansters our da las spartas mansteranza, industria e servezzans.
Per classas daja la schanza unica da visitar quist'occurrenza. Infuormaziuns e talun d'annunzcha
sun da chattar sülla pagina d'internet.
Cuors obligatorics 2014/15: avs.gr.ch
Ils cuors obligatorics pel prossem on as chatta sülla pagina d'internet. Las fuormaziuns per inglais e
linguas chantunalas per la primara conclüdan la fin dal 2014. Las persunas d'instrucziun permissas
a las fuormaziuns ston avair absolt ils differents elemaints da la fuormaziun fin ils 31 december
2014. Rimplazzamaints per quist'occasiun pon be gnir quintats e miss in quint fin la fin da l'on da
scoula 2015/16. Davo nu vegnan pajadas plü ingünas contribuziuns chantunalas. Ils ultims cuors da
"Cumpetenza metodica in talian pel Grischun tudais-ch" resp. "Tudais-ch pel Grischun rumantsch"
han lö d'utuon 2014.
E rzi eh un gs -, K ul tur - und U m w el ts c hut zd epartem ent
D ep artam e nt d’ educ a zi u n, c ul tura e protec zi un da l’ am bi ent
D i parti m ento del l’ edu c a zi on e, c ultura e prote zi on e del l’ am bi ent e
2 da 3
Viadi da scoula PLUS: ch-go.ch/schulreiseplus
La "Fundaziun ch" chüra üna plattafuorma online e spordscha sustegn per viadis culla classa. Pro'l
proget "Schulreise Plus" po üna classa visitar ad ün'otra e surtour la rolla da guida turistica per
muossar chosas remarchablas ed attracziuns illa regiun. Uschè survegnan uffants invista in ün'otra
cultura e s-chaffischan contacts sur l'intschess linguistic oura.
Cun amiaivels salüds, Andrea Caviezel, manader inspectorat da scoula chantunal
Comunicaziuns districtualas
Bainvgnü
L’inspectorat da scoula Engiadina–Val Müstair bivgnainta cordialmaing a tuot las persunas
d’instrucziun ed a tuot ils cussagls da scoula chi sun entrats nouv in servezzan. Nus giavüschain a
scolaras e scolars, a magistras e magisters, a mainascoulas e cussagls da scoula ün on da scoula 2014/2015 cun bler plaschair e success. Nus ans allegrain sün üna buna collavuraziun.
Termin „Accent 2014/15“
Sco minch’on organisescha l’inspectorat da scoula districtual eir quist on ün „Accent“ chi spordscha
spazi per ün barat tematic. Il tema sarà „Sfidas in scoulina“. Quist’occurrenza ha lö in marcurdi, ils 5
november 2014, da las 14.00 fin las 17.30 a Zernez.
Nus giavüschain da tour notizcha da quist termin.
Cun amiaivels salüds, Curdin Lansel, manader inspectorat districtual
Agiuntas





EXPO Proget da scoula
Access ad "Amici d'Italia"
"Amici d'Italia" Glossario
Fögl d'infuormaziun valütaziun inglais primara
Di europeic da linguas 2015
E rzi eh un gs -, K ul tur - und U m w el ts c hut zd epartem ent
D ep artam e nt d’ educ a zi u n, c ul tura e protec zi un da l’ am bi ent
D i parti m ento del l’ edu c a zi on e, c ultura e prote zi on e del l’ am bi ent e
3 da 3