Schulinspektorat
Inspecturat da scola
Ispettorato scolastico
Vo a cussagls da scoula, mainascoulas / persunas da
contact e persunas d'instrucziun
Info 2014 / 15
Nr. 1
Examen da recuors 2014 / Admissiun 2015
24 scolaras e scolars haun absolt l'examen d'admissiun dals 3/4 gün 2014. A quatter da quels iffaunts esi reuschieu l'examen. L'inspectorat da scoula ingrazcha a tuot las magistras ed a tuot ils
magisters chi haun assegno, scu eir a la cumischiun d'examen per la lavur stupenda in connex cul
proceder d'admissiun.
100
80
60
81
79
75
40
20
37
38
38
0
2003/04
2004/05
2005/06
2006/07
2007/08
2008/09
26
28
23
23
24
2009/10
2010/11
2011/12
2012/13
2013/14
Quantited d'annunzchas per l'examen d'admissiun
Ils seguaints termins velan per l'an da scoula curraint
Decisiun d'assegnaziun provisorica:
Decisiun d'assegnaziun definitiva (Engiadina-Val Müstair):
Examen da recuors:
30 schner 2015
13 avrigl 2015
2/3 gün 2015
Proget da scoula Italia-Svizra EXPO 2015
Suot il motto "Nutrire il Pianeta, Energia per la Vita" ho lö in meg 2015 l'exposiziun mundiela EXPO
a Milano. Per quist'occasiun haun il ministeri da furmaziun taliaun e l'ambascheda svizra in Italia
sviluppo ün proget da scoula per l'an scolastic 2014/15. Quist proget triling (taliaun, tudas-ch,
frances) ho il böt da sensibiliser a scolaras e scolars svizzers e taliauns pels temas essenziels da
l'EXPO 2015, que suot il motto "Imprender, svilupper, elavurer" (vair agiunta cun descripziun dal
proget).
Il proget vain arcumando dal departamaint d'educaziun. Ulteriuras infurmaziuns sun da chatter sülla
pagina d'internet http://www.progettoscuola.expo2015.org/.
Lingua estra obligatorica "Taliaun" s-chelin superiur: Rams s-chelin superiur I
La gruppa accumpagnanta "Taliaun secundara l" ho creo insembel culla direcziun da la partiziun
mezs d'instrucziun e cun l'inspectorat da scoula tschegns per cumanzer ad instruir cul nouv mez
d'instrucziun "Amici d'Italia" in 7. classa (vair agiunta cun arcumandaziuns).
Traunter oter vain rendieu attent cha "Amici d'Italia 1" gnia elavuro infra ün an. La gruppa accumpagnanta, chi's cumpuona da magisters reels e secundars, examinescha quatter voutas l'an cu cha la
lavur cul mez d'instrucziun prosperescha.
La verificaziun e'ls tschegns vegnan publichos sülla pagina d'internet da l'USS (AVS). Ils glossars
actualisos culla traducziun in tudas-ch sun agiunts a quist INFO (vair agiunta cun Glossario).
E rzi eh un gs -, K ul tur - und U m w el ts c hut zd epartem ent
D ep artam e nt d’ educ a zi u n, c ul tura e protec zi un da l’ am bi ent
D i parti m ento del l’ edu c a zi on e, c ultura e prote zi on e del l’ am bi ent e
1 da 3
Lingua estra obligatorica "Inglais" primara e s-chelin superiur: Rams primara
Per valüter las prestaziuns d'inglais in primara sto nouv a disposiziun a las magistras ed als magisters ün fögl d'infurmaziun (vair agiunta fögl d'infurmaziun). In quist fögl d'agüd chi's basa süll'experienza da l'an passo as chatta eir indicaziuns a reguard l'admissiun al s-chelin secundar. Il mez
d'instrucziun "New World 3" chi'd es nouv a partir da quist an da scoula es da lavurer tres cumplettamaing in prüma classa superiura.
Introducziun illa professiun per persunas d'instrucziun (IPPI): avs.gr.ch
La documainta actualiseda dal proget IPPI, chi'd es gnieu lantscho l'an passo cun grand success, es
da chatter sülla pagina d'internet . In quist proget cumünaivel, chi promouva ün cumanzamaint optimel illa lavur, sun involvedas passa 250 persunas (novizs, la Scoul'ota da pedagogia dal Grischun, il
servezzan psicologic, menturas e menturs, mainascoulas e l'inspectorat da scoula).
Di europeic da linguas: www.edk.ch/dyn/23557.php
Il di dals 26 settember es declaro minch'an scu di europeic da linguas. Quist es üna bun'occasiun
per s'occuper in scoula culla tematica da linguas e culturas. Sülla pagina d'internet da la conferenza
dals directuors d'educaziun CDEP (EDK) esa üna broschüra cun idejas per l'instrucziun (vair agiunta cun ulteriuras infurmaziuns).
Maestraunzas da misters SwissSkills 2014: www.swissskillsbern2014.ch
Dals 17 fin ils 21 da settember 2014 haun lö ils "SwissSkills Bern 2014". Per la prüma vouta vegnan
mnedas tres tuot las concurrenzas al listess lö. Ils organisatuors spettan intuorn 1'000 concurrentas
e concurrents our da ca. 70 misters. Impü vegnan preschantos in quist'occasiun passa 130 misters
our da las spartas mansteraunza, industria e servezzans.
Per classas do que la schanza unica da visiter quist'occurrenza. Infurmaziuns e talun d'annunzcha
sun da chatter sülla pagina d'internet.
Cuors obligatorics 2014/15: avs.gr.ch
Ils cuors obligatorics pel prossem an as chatta sülla pagina d'internet. Las furmaziuns per inglais e
linguas chantunelas per la primara conclüdan la fin dal 2014. Las persunas d'instrucziun permissas
a las furmaziuns ston avair absolt ils differents elemaints da la furmaziun fin ils 31 december 2014.
Rimplazzamaints per quist'occasiun paun gnir quintos e miss in quint be fin la fin da l'an da scoula
2015/16. Zieva nu vegnan pajedas pü üngünas contribuziuns chantunelas. Ils ultims cuors da
"Cumpetenza metodica in taliaun pel Grischun tudas-ch" resp. "Tudas-ch pel Grischun rumauntsch"
haun lö d'utuon 2014.
E rzi eh un gs -, K ul tur - und U m w el ts c hut zd epartem ent
D ep artam e nt d’ educ a zi u n, c ul tura e protec zi un da l’ am bi ent
D i parti m ento del l’ edu c a zi on e, c ultura e prote zi on e del l’ am bi ent e
2 da 3
Viedi da scoula PLUS: ch-go.ch/schulreiseplus
La "Fundaziun ch" chüra üna plattafuorma online e spordscha sustegn per viedis culla classa. Tal
proget "Schulreise Plus" po üna classa visiter ad ün'otra e surpiglier la rolla da guida turistica per
musser chosas remarchablas ed attracziuns illa regiun. Uschè survegnan iffaunts invista in ün'otra
cultura e s-chaffeschan contacts sur l'intschess linguistic our.
Cun amiaivels salüds, Andrea Caviezel, mneder inspectorat da scoula chantunel
Comunicaziuns districtuelas
Bainvgnieu
L’inspectorat da scoula Engiadina–Val Müstair bivgnainta cordielmaing a tuot las persunas
d’instrucziun ed a tuot ils cussagls da scoula chi sun entros nouv in servezzan. Nus giavüschains a
scolaras e scolars, a magistras e magisters, a mainascoulas e cussagls da scoula ün an da scoula 2014/2015 cun bger plaschair e success. Nus ans allegrains sün üna buna collavuraziun.
Termin „Accent 2014/15“
Scu minch’an organisescha l’inspectorat da scoula districtuel eir quist an ün „Accent“ chi spordscha
spazi per ün barat tematic. Il tema saro „Sfidas in scoulina“. Quist’occurrenza ho lö in marculdi, ils 5
november 2014, da las 14.00 fin las 17.30 a Zernez.
Nus giavüschains da piglier notizcha da quist termin.
Cun amiaivels salüds, Curdin Lansel, mneder inspectorat districtuel
Agiuntas





EXPO Proget da scoula
Access ad "Amici d'Italia"
"Amici d'Italia" Glossario
Fögl d'infurmaziun valütaziun inglais primara
Di europeic da linguas 2015
E rzi eh un gs -, K ul tur - und U m w el ts c hut zd epartem ent
D ep artam e nt d’ educ a zi u n, c ul tura e protec zi un da l’ am bi ent
D i parti m ento del l’ edu c a zi on e, c ultura e prote zi on e del l’ am bi ent e
3 da 3