N MOND DE CULTURES
La etnìes
La parola etnìa vegn cà dal grech éthnos,
“pòpol”, e la vegn durèda per chela
comunitèdes
de
persones
che
se
recognosc te na cultura particolèra e te
carateristiches desche na religion, n lengaz, n
endrez politich, usanzes sies.
Tel mond l’é centenees de gropes etnics
desvalives, en contat anter de ic: anter la
desvaliva etnìes l’é semper stat barac
economics e culturèi, ma da spes ence
stritarìes che pel esser fenides con beghes
che vèlch outa se a serà sù con morc.
L’é etnìes che raprejenta la maoranza de la
popolazion
de n teritorie, alincontra n’é autres
Achuar de l’Ecuador
che l’é mendranzes. I studiousc rejona de
ìsola etnica canche l grop de mendranza l’é encercenà deldut da chel de maoranza; i
rejona enveze de penìsola etnica canche la comunanza de mendranza l’é n
sperlongiament de n pòpol de n stat vejin. N
ejempie de ìsola etnica pel esser apontin chel
di Ladins, che vif tel raion dolomitich; enveze n
ejempie de penìsola etnica per esser chel di
Todesc che vif tel Sudtirol, ajache i vif te la
Tèlia, ma i confina coi Tiroleisc che vif te
l’Austria.
Condizions de vita desvalives, desvaliva vides
de pissèr, de se endrezèr a livel sozièl e
politich l’é na richeza per nosc pianet se se é
bogn de viver e de lurèr ensema. Alincontra,
se n grop uman cree de esser l mior e de
cogner aer la soramessa sui etres, se rua
Natives americhegn “indians”
segur a conflic e a veres.
Aldidanché, fosc più che te etres momenc storics, ence de gra a la migrazions, l’é
etnìes desferentes che vif dessema ti valives stac o raions e donca n muie de
sozietèdes les é dò a doventèr multiculturales e
multireligiouses. De fat no l’é dit che etnìes
desvalives te n medemo stat les cogne se
sotmeter a n prozess de integrazion te la
cultura de la etnìa più forta.
I é de n muie chi che peissa che l’isolament e la
spartijon sie la caujes del destraboniment de na
cultura, ajache na cultura no pel soraviver
zenza contac, ma l’à de besegn de
comunicazion e de barac co la autres. L’é per
chest che se averjer e se confrontèr l’é pàbol
per l’identità culturèla.
Indigenes de la Papua Neva Guinea
1
L’é cultures che mor
Tel mond d’aldidanché, apede a la gran cultures l’é spazies mendres olache soravif
cultures e etnìes che risia de morir fora: vèlch outa l’é delbon gropes de persones
pìcoi,
déboi
economicamenter
e
politicamenter.
N muie de chesta etnìes les é states
endebolides te la storia da l’invajion de
pòpoi foresć che à sofoà sia cultura.
Coscita la é stata, per ejempie, coi pòpoi
sotmetui da la potenzes coloniales de
l’Europa, che conscidrèa chi pòpoi desche
salvères e zenza ziviltà e che donca se
cognea i zivilisèr co la “vera cultura”,
chela europeèna apontin.
L’é ence caji olache na cultura desvaliva
da chela de maoranza la é veduda desche
n empaz e donca la é isolèda. Amò
Tuareg tel desert del Sahara
apede, ti ùltimes dejenees l’espanjion de
la ziviltà industrièla à lascià fora cultures e pòpoi endò a livel tecnologich e déboi
politicamenter.
Per ejempie, te la foresta amazonica, n muie
de etnìes autòctones, che vel dir de chel lech,
les é states destrabonides béleche deldut a
cajon del dessatament de si habitat: l
desbosćiament che l’é stat fat per ge fèr post
a coltivazions, a minieres, a strèdes, l’à
straout sie sistem veior de vita.
Del 1992 l’ONU l’à dat fora na Declarazion
di Deric dì pòpoi autoctons per defener so
tegnir e sia cultures. Per pòpoi autoctons se
enten gropes umegn de naa veiora, con
sia reijes te sie teritorie, che risia de veder
sia
cultura
morir
fora
a
cajon
de
persecuzions, de na economìa débola e de n
numer massa bas de jent de partegnuda.
Inuit del Canada
La paroles che ne serf
Scrif l segnificat de chesta paroles:

Etnìa ......................................................................................................

Isola etnica ............................................................................................

Penìsola etnica .......................................................................................

Pòpol autocton .......................................................................................
2
Ejercizies
1. I gropes etnics se desferenzia anter de ic per vèlch carateristica fisica,
ma soraldut per sia cultura, che se veit ence da coche i se régola e da
coche i se fornesc sù. Este bon de recognoscer vèlch etnìa anter cheles
che vegn moscià te chisc retrac?
3
1
2
5
4
6
7
8
Apede l’inom de l’etnìa scrif l numer del retrat:
Zegaineres = retrat n. .......................
Dogon (Mali) = retrat n. ....................
Giaponeisc = retrat n. .......................
Quechua (Bolivia) = retrat n. ..............
Scozeisc = retrat n. ...........................
Ladins = retrat n. ...............................
Aborigenes (Australia) = retrat n. ..........
Indians = retrat n. .............................
3
I lengac
Anchecondì tel mond vegn rejonà più che 4000 lengac desvalives, zenza contèr i
dialec. Vigniun de chisc lengac l’é na gran richeza, ajache l’é l’esprescion de la cultura
de n pòpol.
I lengac l’é desche organismes vivenc: i nasc, i cresc, i muda tel temp, i mor.
I lengac rejoné da amàncol 30 o 40 milions de persones i é na trentina e entorn 250
chi rejoné da amàncol n milion de persones. Duc i etres l’é lengac locai, rejoné da
manco jent.
Tel mond d’aldidanché l’é n prozess de
smendrament
de
la
desvalivanzes
linguistiches: apede a pec lengac, più che
auter europeans, che i é dò a smaorèr l
numer de chi che i li rejona, l’é entorn
3000 idiomes, rejoné da gropes locai, che
risia de morir fora te no più che cincanta
egn.
L’ingleis l’é l prum lengaz veicolèr del
mond, l’é chel durà ti barac internazionèi
e ti mesi de comunicazion telematics. Sie
gran sparpagnament vegn cà dal poder
Te l’Australia, olache 150 lengac i é jà morc fora ti doi
politich e economich che anchecondì à i
sécoi passé a cajon de la colonisazion, l’é etres 100
Stac Unii e tel passà l Regn Unì, che fin a
lengac anchecondì che risia de fèr la valiva fin.
la pruma metà del Nefcent l’era la più
gran potenza colonièla del mond. Ence l sparpagnament di etres lengac europeans ti
etres continenc l’é leà a la colonisazion de gregn raions da man de la Spagna, del
Portogal, de la Franzia e di Paìjes Basc.
L poder di lengac più forc l’à però efec negatives, percheche, coche l’é jà stat dit, i
linguisć calcola che l 90% di lengac che se rejona amò anchecondì i risia de morir fora
e chest fossa delbon na gran arjumèda culturèla. Donca l’é de gran emportanza che la
neva generazions séghite a rejonèr l lengaz de la mère zenza tema de se confrontèr
con etres lengac.
LENGAC CHE RISIA DE MORIR FORA
1250 i é rejoné
presciapech
persones
da
1
gropes
milion
de
de
1000 I é rejoné da gropes de manco
che centmile persones
1000 I é rejoné da gropes anter cent
e mile persones
500 I é rejoné da gropes de manco
che cent persones
52 I é rejoné da 1-5 persones
4
Ejercizies
1. Vèrdege a chesta chèrta che moscia l sparpagnament de l’ingleis tel
mond e dapò respon a la domanes:
Stac olache
l’ingleis l’é
lengaz de la mère
o lengaz ofizièl
Stac olache
l’ingleis, veie
lengaz colonièl,
l’é amò rejonà
Te che continenc él pa rejonà de più l’ingleis?
........................................................................................................................
........................................................................................................................
Aldò de chel che te ès let tel test, perché pa l’ingleis l’é rejonà te chisc stac?
........................................................................................................................
........................................................................................................................
Che él pa che ge dèsc forza anchecondì a l’ingleis desche lengaz?
........................................................................................................................
........................................................................................................................
Ence se no l’é moscià da la chèrta, perché pa tel Brasil vegn rejonà portogheis e tel
rest de l’America Latina vegn rejonà spagnol?
........................................................................................................................
........................................................................................................................
5
La religions
Cater miliarc de persone sun sie miliarc che l’é tel mond cree te cinch gran
religions: l cristianeisem, l’islamism, l’induìsm, l budism e l’ebraìsm.
L cristianeisem, l’islamism e l’ebraìsm l’é religions
monoteìstes, ajache les recognosc n Die demò.
L’induìsm l’é na religion politeìsta, che vel dir che la é
caraterisèda da n muie de divinitèdes e l budism l’é
soraldut na filosofìa de vita.
I cristiegn ge va dò a l’ensegnament de la Bibia e i
cree te la divinità de Gejù Crist; anter de ic i é spartii te
catolics, protestanc, ortodosc e copti e i é soraldut te
l’Europa e tel continent american.
I mussulmegn i é spartii anter sunic e sciic. I é
soraldut te l’Africa del Nord e te l’Orient de Mez, ma
ence te la Malesia. I cree te Allah, che ge à dat al profet
Maomet si ensegnamenc, che i é scric ite tel Coran. Ti
ùltimes egn n muie de mussulmegn à lascià sia teres
per jir a stèr ti stac industrialisé, olache i séghita a aer
sia fe.
I ebrees fèsc referiment al Veie Testament de la Bibia.
Crist, l Die di cristiegn
Sia tera de
orìgin l’é Israel, ma i é sparpagné fora te
dut l mond, soraldut te l’Europa e tel
Nordamerica.
I induìsć, che i é soraldut te l’India, i cree
te n muie de divinitèdes, anter chestes la
più emportantes l’é Brahma, Shiva e
Vishnu.
I budisć i é soraldut te l’Asia zenterorientèla e i ge va dò a l’ensegnament de
Buddha, n prinz indian del V sécol i.C.
Apede chesta cinch gran religions n’é ence
Fidei mussulmegn a La Mecca
autres
desche
l
taoìsm
e
l
confucianeisem, soraldut te la Cina, e l
shintoìsm tel Giapon.
L’é béleche doi miliarc de persones che cree
te religions tribales: anter chestes la più
cognosciuda l’é l’animism, che cree che te
duta la cosses sie n spìrit; chestes les é
soraldut te l’Africa neigra, ma ence te
l’America Latina e te la tribù che à mantegnù
sia tradizions.
La pèrt che à la religion tel viver de la jent
la é n muie desvaliva anter la sozietèdes del
mond. Te l’Ozident, la religions cristiènes,
ence se les é n muie fones te la jent, les
condizionea n muie manco che enlouta la
mentalità. Amò apede, i stac i é laics, che vel
dir che sia leges les é indipendentes da la
Fidei ebrees dedant al Mur de la lègremes a
autoritèdes
de
la
gejies.
Tel
mond
Gerusalem
6
mussulman, alincontra, la religion à na
pèrt zentrèla te la vita sozièla e sia
emportanza politica la é dò a crescer.
Soraldut tel mond islamich la autoritèdes
religiouses chier de fèr valer sia régoles
no demò su la persones, ma ence tel
ciamp politich e a les fèr doventèr leges
del stat.
Alincontra l’é stac autoritères, desche la
Cina e l Vietnam, che descomana de
creer te religions, ajache i peissa che les
posse esser de entrich per la politica de
sie goern.
Fidei induisć se bagna tel Gange, l ruf sènt
Frati budisć tel Tibet
Rituèl animist a Haiti
L fondamentalism religious
L fondamentalism religious, o integralism, l’é na forma de religion politicisèda per
chela che n grop de persones che cree de aer la verità assoluta se dèsc jù te na vera
politica e culturèla, magari ence violenta, contra l “mèl” identificà coi “infidei”, chi che
à idees desvalives e donca “diaboliches”. I fondamentalisć de duta la religions i
refuda la modernità e i vel che al post de la leges del stat modern sie metù la
régoles de la tradizions religiousa che vegn cà da la scritures.
La parola “fondamentalism” la é stata touta sù da cristiegn evangelics di Stac Unii,
che tel scomenz del Nefcent i à publicà na lingia de libres che aea per tìtol I
fondamenc. Ic i era de contra a la modernisazion culturèla e religiousa e a duta chela
idees scientifiches che ge jìa de contra a la Bibia, conscidrèda la soula verità no demò
a livel religious, ma ence storich e scientifich. Per chest l’é gropes de cristiegn che no
azeta la teorìes de Darwin e che endreza ence atentac contra dotores che fèsc aborc.
Semper tel scomenz del Nefcent te la ziviltà islamica l’é nasciù movimenc
fondamentalisć desche reazion al colonialism european e a la ozidentalisazion de la
cultura. Per chest i disc che la sharìa (lege divina del Coran) la cogn esser respetèda
e vivuda coche la é stata metuda jù tel VIII sécol co l’obietif de endrezèr n stat
islamich che ge vae dò a la leges del Coran, da meter en esser sencajo ence co la
violenza.
Ence te la ziviltà ebraica l’é gropes fondamentalisć che, aldò de la Bibia e del Talmud, i
giustifichea la ocupazion militèra di teritories palestineisc.
7
Ejercizies
1. Empienesc ite chesta tabela co la informazions che te ès:
Sort de religion
Religions
monoteìstes
Colunes che l’é
Sia carateristiches
................................ ...........................................................
................................ ...........................................................
................................ ...........................................................
Religions
politeìstes
................................ ...........................................................
................................ ...........................................................
................................ ...........................................................
Autra credenzes
................................ ...........................................................
................................ ...........................................................
................................ ...........................................................
2. Con tie compagnes comenta chest pensier e dapò scrif chiò sotite la
conclujion de voscia discuscion:
Nemica de duc i fondamentalismes l’é na sozietà multireligiousa olache fe desvalives
vif dessema zenza problemes e les rejona anter eles a na vida pazifica.
da: Rancati, Bastianelli, Maestri: Zaino in spalla, Sansoni per la scuola
........................................................................................................................
........................................................................................................................
........................................................................................................................
........................................................................................................................
........................................................................................................................
........................................................................................................................
........................................................................................................................
........................................................................................................................
........................................................................................................................
8
La globalisazion culturèla
L’evoluzion tecnologica de la telecomunicazions, l se
sparpagnèr fora de la TV satelitèra e de la rei
telematica i à azelerà l prozess de globalisazion
culturèla, che l’é la unificazion a livel mondièl de la
vides de comportament e de pensier de la jent.
De fat i gregn mass media (TV, chino, DVD,
videojeghes, Internet), controlé da multinazionèles
de la comunicazion potentes, i condizionea te duc
cinch i continent la opinions e i pensieres de la
persones.
N pìcol numer de sozietà multinazionèles l
produsc l 90% di programes TV, di filmes, di
dessegnes animé e l’é patron de la maor stazions
televisives, di foli che vegn let de più, de la cèses
discografiches e cinematografiches de maor
emportanza. Set de chesta gran sozietèdes les à sia
senta ti USA, una te l’Australia, una tel Giapon e doi
te l’Europa.
L’India l’é l maor produtor mondièl de filmes, ma
chisc i à na difujion demò locala. N muie de etres
programes televisives e de filmes i vegn fac te la
Cina, ti stac arabes del Golf Persich e tel Brasil, ma
ence chisc i vegn mané fora te pec stac.
L prozess de globalisazion culturèla tol ite béleche
duta la popolazion ti stac ozidentèi, tel Giapon e te
l’Australia. Ti stac economicamenter manco svilupé,
alincontra, l tol ite soraldut la classes sozièles con
n vadagn medio-aut, che à l’azess ai mass media
prinzipai. Per endèna resta fora da chest prozess
chel muion de persones che vif con manco de doi
euro al dì.
Donca l’unificazion de la idees e di comportamenc la
enteressa la classes mesènes de duc i stac del
mond, che n muie da spes les desmentia sia reijes
culturèles per tor sù l stil de vita portà dant dai
gregn mass media internazionèi, olache l’é ite se sà
ben ence i prodoc più de moda (guanc firmé, fonins,
auti, zigarec, alimenc).
L prozess de globalisazion culturèla tol ite n muie i
joenec, ajache i pel esser n muie più condizioné che
la jent grana e i é più desponìboi a tor dant i
messajes di mass media internazionèi, i sà mìngol de ingleis e i é manco leé a sia
tradizions culturèles. Ti ùltimes dejenees l’é stat metù en pe na cultura globala di
joegn fata de cianties, filmes, personajes del spetàcol, videoclip, modes (guanc, tatù,
recins e piercing), programes informatics e videojeghes béleche valives te dut l mond.
Dut chest sistem de comunicazion de la cultura globala di joegn la é tegnuda en pe da
gregn investimenc tel reclam de multinazionèles granes de la vestimenta, de
l’alimentazion e de l’eletronica, che fèsc veder i prodoc reclamisé desche ogec de
cult, che i joegn che pel se l permeter i compra te dut l mond.
9
La globalisazion te la televijion
L format l’é n model de program televisif (quiz, talk
show, telefilm, reality show) che l vegn pissà e
projetà da stazions TV o da sozietà spezialisèdes e
che dapò l ge vegn venù a desvaliva televijions te
dut l mond. L format no dezide demò la sort e i
contegnui del program, ma ence la carateristiches
del prejentador, di atores, l’orarie de canche l cogn
esser manà fora, la scenografìa del studie olache se l
tol sù, i guanc, e c.i.
Coscita televijions ence n muie dalonc anter de eles per
posizion geografica, lengaz e cultura, les porta dant, per
ejempie, l medemo quiz, con prejentadores che enceben
che i rejone lengac desvalives, i se somea. La rezeta l’é
semper la medema: tant te la Tèlia, che te l’Australia o a
Taiwan.
L’é format televisives i programes de maor suzess di
ùltimes egn, desche l quiz “Chi vuole essere milionario?”
o l reality show “Il grande fratello”.
Ejercizies
1. Scrif ite tel cerchie del retrat l numer che ge corespon a la definizion:
1. Bolliwood,: l’é metù ensema da la paroles Bombay e Holliwood, l’é l
maor zenter de produzion de film te l’India
2. Film de produzion cineisa
3. Recostruzion de ambient a Cinecittà a Roma
4. Gran studie american de produzion cinematografica
10