Protocol dils 10 da matg 2014
Radunonza generala allas 20.00 el Hotel Sax a Mustér
Presents
Perstgisas
Extradas
21
24
Angelina Giossi, Tamara Cavigelli, Marc Deplazes, Placi Flury
Tractandas
1. Beinvegni ed appel
2. Elecziun da dus dumbravuschs
3. Approbaziun dil protocol dils 17 da matg 2013
4. Rapport annual dil president
5. Rendaquen e rapport dils revisurs
6. Preventiv 2014/15
7. Fixaziun dallas contribuziuns annualas per ils commembers
8. Elecziuns, reelecziuns
9. Rapports dils trenaders
10. Orientaziuns e decisiuns
11. Varia
1. Beinvegni ed appel
Il president Flavio Steger arva allas 20:04 uras la radunonza generala e fa in cordial beinvegni als 21 presents. El menziunescha las perstgisas per la radunonza e
prelegia las abdicaziuns dall’uniun.
2. Elecziun da dus dumbravuschs
Andreas Huonder ed Adrian Flepp vegnan proponi ed elegi sco dumbravuschs
per la radunonza.
-115/05/2014
3. Approbaziun dil protocol dils 17 da matg 2013
Era uonn ei il protocol digl onn vargau vegnius publicaus sin la pagina d’internet.
Ord quei motiv vegn el buca prelegius. Damondas ni remarcas dat ei neginas.
Il protocol dalla radunonza generala digl onn 2013 vegn approbaus unanimamein.
4. Rapport dil president
Flavio Steger ei il secund onn president dils Desertina Bulls. In punct fetg central
era quella sesiun d’encurir trenaders pils umens e pils kids. Sco sligiaziun temporara ha Andreas Huonder surpriu da trenar ils umens. In grond engraziament ad
Andreas per siu engaschi.
Corsin Lutz ha surpriu ils Kids e fatg buna lavur. Era ad el in grond engraziament.
La fiasta da giubileum da 20 onns Desertina Bulls ei stada in success cumplein.
Quei grazia al grond engaschi digl OK che secumponeva dad Angelina Giossi,
Claudia Flury, Beat Hosang. Era a Daniela Albin e Livia Solèr in grond engraziament per l’organisaziun dalla decoraziun en sala.
Il Turnier da notg 2013 ha uonn puspei giu liug sin treis plazs – buca sco ils davos
dus onns mo sin dus plazs - perquei ch’ei ha dau dapli annunzias ch’ils onns vargai. Igl augment dallas annunzias ha forsa era da far cun la pli gronda reclama
prestada sin differentas medias sco Facebook, Whatsapp ed Internet.
In grond engraziament fa il president a Marina Lombris e sia famiglia che han
segidau cun l’organisaziun dil material dall’ustria, alla equipa dallas damas per
menar l’ustria ed alla equipa dils umens per baghegiar si l’infrastructura dil turnier.
Sper il success da quella sera ha ei era dau entgins aspects negativs. Igl ei buca
vegniu schubergiau per cuntentientscha dil center da sport. Deplorablamein ha
ei era dau in donn vid igl apparat da bubrondas, ils quals cuosts il club d’unihoc
ha stuiu surprender. Il facit dil turnier da notg 2013 ei tut en tut fetg positivs.
Sesiun 2013/14
Umens
Ils umens han giugau l’emprema gada plaz pign. Els han deplorablamein contonschiu mo il davos plaz, malgrad ch’il giug da casa ei staus
fetg buns.
Damas
Las damas han cun lur quart plaz mussau ina buna prestaziun.
Juniors
Ils Juniors han entschiet la runda da casa cun ina terrada. Silvan e Severino han denton buca schau pender e baghegiau si l’equipa. Pli ditg
che la sesiun cuzzava e dapli victorias ein reussidas. Ils trenaders han
mess aschia ina buna basa per il futur dil club.
Junioras Las junioras han uonn buca trenau persulas. Ils juniors che prendevan
buca part a campiunadis trenavan cun ellas.
-215/05/2014
Arbiters
Dario Schuoler e Severino Giger ein stai duas gadas a schular. Ursina
Bearth e Ramona Venzin han muort motiv da blessura da Ramona buca saviu arbitrar.
Kids
Sin giavisch dil trenader dils kids ei vegniu organisau ina sera da S. Clau.
Adrian Bigliel ei sedeclaraus promts da giugar quella rolla – tgei che el
ha fatg per gronda cuntentientscha da tuts. Las fotis che Alexandra
Flepp ha fatg da quella sera ein sin la pagina d’internet.
Era questa sesiun ha la sera dil club giu liug (schaner 2014). Quei cun in turnier e
silsuenter ina spaghettata. Quei vegnin nus era a far el futur.
Tier il sponsoring ei vegniu investau bia temps – dapli tier quei ella tractanda 10.
5. Rendaquen e rapport dils revisurs
La cassiera Daniela Albin beneventa tuts e presenta il quen dalla sesiun 2013/14.
L’uniun siara giu il quen cun in gudogn da CHF 740.88, malgrad ver organisau la
fiasta da giubileum da 20 onns. La situaziun finanziala dall'uniun ei vinavon fetg
buna e muossa in capital agen da CHF 42'021.55.
Resumaziun entradas / extradas









Ei ha dau pli paucas entradas da commembradis muort diversas abdicaziuns
igl onn vargau (oravontut dils umens)
Expensas per campiunadi  pagas arbiters
Pagas, material e cuors d’arbiters  novas monduras pils arbiters
Expensas per trenaments  camp dallas damas (nova posiziun el preventiv)
Material dad unihoc  t-shirts che ein vegni produci per tuts, vons, ballas etc.
Reclama e marketing  Flyers per reclama juniorAs
Diversas expensas  S. Clau kids, tscheina sera dil club
Uonn ei vegniu fatg dapli gudogn al turnier da notg muort augment
d’equipas
La fiasta da giubileum ha caschunau cuosts da rodund CHF 4000.-. La vischnaunca da Mustér ha sponsurau CHF 1000.- per localitads dil center. Ils cuosts
per la tscheina eran aults, damai che entgins eran s’annunziai per la tscheina
e la finala buca stai presents.
Ils revisurs da quen Sonja Schmed e Beat Hosang han examinau il rendaquen e
han constattau, che tut las cudischaziuns ein accumpignadas da quittanzas e
ch’il quen corrispunda als statuts. Els proponan d’approbar il quen.
Il rendaquen vegn approbaus unanimamein.
-315/05/2014
6. Preventiv 2014/15
La cassiera Daniela Albin menziunescha che ei dat sper la nova posiziun camps
da
trenament
neginas
novas
posiziuns
el
preventiv
2014/15.
Il preventiv 2014/15 ei vegnius tschentaus ensemen tenor il quen effectiv dil
2013/14. La finamira ei da serrar giu la sesiun el plus da ca. CHF 50.-.
7. Fixaziun dallas contribuziuns annualas per ils commembers
La suprastonza propona da schar las contribuziuns sco era ils honoraris dils arbiters
sco entochen ussa.




Damas / Umens CHF 200.—
Seniors CHF 100.JuniorAs CHF 100.—
Kids CHF 50.—


Arbiters (cuors e schular) CHF 250.—
Per runda ch’els van a schular CHF 50.—
Niev vegnan ils cuosts da licenzas adattai als cuosts da Swiss Unihockey.
 Damas / Umens CHF 65.- (entochen ussa CHF 50.-)
 Juniors CHF 30.- (entochen ussa CHF 50.-)
Las propostas da schar ils cuosts da contribuziuns e honoraris sco entochen dacheu sco era augmentar ils cuosts da licenza vegnan approbai unanimamein.
8. Elecziuns, reelecziuns
President
Flavio Steger, stat aunc dus onns, schegie el vess saviu abdicar. El fa bugen quella lavur e ha aschia aunc contact cun la glieud dalla regiun.
Actuara
Marina Lombris, aunc in onn.
Cassiera
Daniela Albin ha abdicau. Niev surpren Livia Solèr quei post.
Revisiun da quen
Beat Hosang, stat aunc dus onns / Sonja Schmed aunc in onn.
Organisaziun trenaders
Florian Zanin, vinavon.
Sponsoring
Adrian Flepp, vinavon.
-415/05/2014
Turnier da notg
Flavio Steger/ Severino Giger, vinavon.
Internet
Flavio Steger, vinavon.
Beat Hosang vegn reelegius sco revisur, Livia Solèr vegn elegida sco cassiera e
Flavio Steger reelegius sco president – tut las elecziuns vegnan approbadas unanimamein cun applaus.
9. Rapports annnuals dils trenaders
Equipa dils umens – Andreas Huonder - 5. ligia plaz pign
Il trenader Andreas Huonder raquenta d’ina interessanta sesiun sin plaz pign, la
quala els han serrau giu sin il davos plaz. Tuttina han els saviu prender cun entgins
puncts positivs sco il davos giug che ei staus ina buna prestaziun. Plinavon sei seformau ina buna equipa per dar plaz grond la proxima sesiun.
Equipa dallas damas – Florian Zanin e Simon Bisquolm - 2. ligia plaz grond
Simon Bisquolm resumescha la sesiun vargada. Gia tier la condiziun mussavan las
giuvnas in grond engaschi. La sesiun ha entschiet fetg bein cun victorias ellas
empremas duas rundas. Il november ha giu liug in camp da dus dis, leu ei semussau ina schliata atmosfera denter las giuvnas. La conclusiun era ina terrada tier la
runda da casa. Suenter quella crisa eis ei puspei reussiu da gudignar tut ils giugs
priu ora quels encunter las equipas sigl emprem e secund plaz.
Vinavon han ellas giu discletg cun blessuras da Ramona Venzin, Angelina Giossi,
Livia Solèr ed Adela Stojkova.
Quater fetg rutinadas giugaduras calan da dar unihoc, ins sto mirar co cumpensar quei l’auter onn. Otg novas giugaduras vulan entscheiver. Aschia ei la finamira per l’autra sesiun dad integrar quellas novas giuagaduras en l’equipa. Quei
cun il sustegn dallas giugaduras pli versadas che restan ella equipa. Las giuvnas
vegnan a stuer surprender responsabladad. In engraziel va al goli Ursina Bearth
che era il sulet goli dalla equipa. Siu pensum era buca adina sempels, ella era
biaga “persula” duront il trenament – quei vegn a midar l’autra sesiun. Facit: da
14 giugs han las damas incassau en 10 giugs ils pli paucs goals, 5 gadas negins
goals tgei che muossa la ferma defensiun dall’equipa. Il far gols sto aunc semigliurar. Simon engrazia pigl engaschi.
Juniors C – Silvan Giger e Severino Giger – plaz pign
Silvan resumescha la sesiun vargada. Ei era l’emprema sesiun da campiunadi.
Entschiet han els cun siat entochen otg giugadurs, vonzei eran els en 20.
Gl’emprem campiunadi era a casa nua che els han spiars 22:0 e 24:2. Sin fundament da quels resultats han ils trenaders decidiu da baghegiar si naven dils
principis fundamentals digl unihoc. Plaunsiu eis ei lu reussiu als giuvens da gudignar in u l’auter giug, per exempel encunter Cuera ed Arosa. Il davos ei il progress
semussaus vid ils resultats che eran “mo” pli 14:6. Ils Juniors ein seplazzai sin il davos plaz dalla tabella – quei cun quater puncts, finamira eran dus puncts.
-515/05/2014
Ils biars san ussa co tener il pal e sittar. Ils trenaders ein plein speronza per la
proxima sesiun.
Junioras – Claudia Flury
Claudia Flury e sias gidontras Flavia Schnoz e Selina Solèr han entschiet la sesiun
cun ina sera da fuffergnadi alla quala duas giuvnas han priu part. Entochen la fin
ein nov junioras vegnidas als trenaments. Pli tard ein giuvens vegni vitier (che devan buc campiunadis cun ils Juniors C). Quei veva buns aspects sco “ils giuvens
targevan las giuvnas”. Mo summa summarum ei quei buca ina buna idea ord
motivs dalla grondezia, vegliadetgna, pubertad e spertadad differenta denter
las giuvnas ed ils giuvens.
Kids – Corsin Lutz
Il trenader Corsin Lutz ei buca presents. Ord quei motiv negin rapport.
Seniors
Ronny Zanin ei seperstgisaus per la radunonza, aschia che negin rapport ei avon
maun. Simon Bisquolm sa dir che ils trenaments eran accumpignai da certas dispettas che ein denton adina puspei secalmadas.
10. Orientaziuns e decisiuns
Il president Flavio Steger informescha, che el ei sesius ensemen cun ils trenaders ils
9 da matg 2014 per discuorer la situaziun da trenaders.
Umens
Ils umens vegnan a dar plaz grond. Silvan Giger ha encuretg entgins novs
giugadurs per ils umens. Ils trenaments meinan Florian Zanin e Simon Bisquolm ensemen. Mardis vegnan ils umens e las damas a trenar ensemen. Venderdis lu
dapersei. Als campiunadis vegn in trenader lu ad accumpignar ils umens e tschel
las damas.
Damas
La proxima sesiun vegn puspei dau plaz grond. Ils trenaments vegnan menai
principalmein da Simon Bisquolm cun agid da Florian Zanin che ei trenader principal dils umens. Els dus han encuretg intensiv assistents per la proxima sesiun, tgei
che ei aunc ussa buca reussiu.
Juniors
Alla fin dalla sesiun sei semussau che il potenzial dils giuvens ei avon maun. Severino Giger e Silvan Giger restan trenaders. Els vulan annunziar ina equpia juniors
C ed ina da juniors B – aschia che ei duvrass ulteriurs trenaders. En discussiun stat
Ronny Zanin per quei post, lez ei denton era in candidat per ils Kids.
Adrian Flepp studegia da surprender in post sco trenader – dat part al president.
Junioras
Ei fa era uonn buca grond senn d’annunziar ina equipa per campiunadis. Flavia
Schnoz e Selina Solèr han demissiunau sco trenadras. Claudia Flury stat vinavon.
Adela Stojkova ei sedeclarada prompta da segidar cun Claudia.
-615/05/2014
Kids
Corsin Lutz ha demissiunau. En damonda stat – sco gia menziunau - Ronny Zanin.
Arbiters
Cunquei che Marc Deplazes seretila dil post ei Andreas Huonder seglius en e
vegn a schular la proxima sesiun ensemen cun Dominic Deflorin.
Per las damas stattan Ursina Bearth e Ramona Venzin ina ulteriura sesiun cunquei
che ellas han la davosa sesiun buca saviu ir a schular ord motiv digl accident da
Ramona.
Sponsoring
Ils responsabels per il Sponsoring, Daniela Albin ed Adrian Flepp, informeschan. La
finamira dalla radunonza generala digl onn vargau ei stada, d’encurir novs sponsurs. Il concept ch’era avon maun era buc nazzegeivels, cunquei ch’el era buca
actuals pli. Aschia ha il concept stuiu vegnir surluvraus en emprema lingia – tgei
che ha pretendiu bia temps. Ussa ei material avon maun, aschia che ins sa ir tier
las fatschentas.
Novs sponsurs definitivs ein: Scrinaria Flepp (banda e beamer), Ustria la Cruna en
fuorma da donatur singular.
Ina gliesta dils sponsurs actuals, ni sponsurs che stattan en damonda ei avon
maun.
Sco propostas per sponsurs ei vegniu fatg Electro Cadi. Plinavon menziunescha la
commembra Adela Stojkova che siu bab – che ha ina atgna fatschenta – ei interessaus da sponsurar per exempel ina banda.
Ei ha dau duas abdicaziuns da sponsurs – Hotel Sax e l’ustria La Fravia a Disla.
Alla seduta dils nov da matg 2014 ei plinavon vegniu decidiu da metter ensemen
in OK che ellaborescha in concept per la promoziun da nies club. Per exempel
cun artechels da gasetta, Facebook, flyers, inserats, videos, Whatsapp eav.
Quei duei esser pinau sin igl uost, sin che las scolas entscheivan.
Il president propona, che igl OK secumpona ord quater persunas. Claudia Flury,
Adela Stojkova, Silvan Giger e Simon Bisquolm sedeclaran prompts da surprender
quei. Flavio Steger vegn medemamein a segidar nua che el sa.
Sco finiziun da tractanda 10 menziunescha il president, che Ronny Zanin ha dumandau si ils Desertina Bulls da segidar alla EX 2014 cun baghegiar si
l’infrastructura. Il president ha dau tier.
11. Varia


Il president informescha dalla radunanza dil BUV che ha liug gliendisdis, ils
12.5.14 a Cazis e damonda sche enzatgi dils commembers ei ella vischinonza e savess prender part a quella. Negin s’annunzia, aschia che Flavio
Steger vegn sez a prender part alla radunanza.
Alla cuorsa dil rein vegn buc pli luvrau per il club. Sonja Schmed enquera
“persunas privatas” ord il motiv, che adina las medemas persunas segidan.
-715/05/2014




La suprastonza fa in grond engraziament alla cassiera Daniela Albin per sia
grondiusa lavur prestada e siu grond engaschi el Club d’unihoc. La actuara Marina Lombris surdat ina orchidea.
Igl onn vargau ei vegniu decidiu da pagar ora ils trenaders cun ina pintga
summa. Cunquei che il club ha fatg in gudogn da rodund CHF 700.- ei vegniu decidiu unanimamein da puspei pagar ora ils trenaders. In grond engraziel per siu grond engaschi! La cassiera vegn a pagar ora ils tals.
Gl’emprem sitg vegn surprius dil club.
Allas 21:08 uras siara Flavio Steger la radunanza.
Mustér, ils 13 da matg 2014
Per il club d’unihoc UHC Desertina Bulls
L’actuara
Marina Lombris
-815/05/2014