IN CONCLUXON DÆ A MENTE A-I NÒSTRI CONSEGGI
No arvî a pòrta de caza a chi no conoscei anche s’o veste ’n’uniforme ò s’o
dixe de êse dipendente de aziende de publica utilitæ e verificæ de longo
co-ina telefonâ quæ serviçio o l’à mandòu i operai che pican a-a vòstra
pòrta e pe quæ motivi. Se no riçevei raseguaçioin no arvî pe nisciun motivo
e chiamæ e Fòrse d l’Ordine.
Pronto Intervento Polizia 113
Questura di Genova/Polizia di Stato
tel.010 53661
Pronto Intervento Carabinieri 112
Comando Provinciale Carabinieri
tel. 010 35601
Aregordæ che nisciun Ente o manda do personale a caza pe scheuve e
bolette, per rinborsi ò pe scangiâ monæa fâse dæta pe erô.
No afermâve mai pe-a stradda pe dâ a mente a chi ve ofre façili goagni ò a
chi ve domanda de poei controlâ i vòstri dinæ ò o vòstro libretto da
penscion anche se chi v’aferma e ve veu parlâ a l’é ’na personn-a distinta e
da-i belli moddi.
Quande fæ operaçioin de prelievo ò de versamento in banca ò inte ’n
ufiçio postale, se poei fæve aconpagnâ, sorviatutto inti giorni quande
vegne pagòu e penscioin ò inte quelli quande gh’é quarche scadensa pe
tutti quanti.
Se gh’ei o dubio de êse oservæ afermæve drento a banca ò a l’ufiçio
postale e parlæne co-i inpiegæ ò con chi fa o serviçio de vigilansa. Se sto
dubio chi o ve piggia pe-a stradda intræ inte ’na bitega ò çercæ ’n
poliçiotto ò ’na conpagnîa segûa.
Mentre anæ ò vegnî da-a banca ò da l’ufiçio postale, co-i dinæ inta stacca,
no afermæve con chi no conoscei e no fæve distrâe. Aregordæve che
nisciun cascê de banca ò de ufiçio postale o ve vegne apreuvo pe-a
stradda pe rilevâ ’n erô inti conti de palanche ch’o v’à consegnòu.
Quande adêuviæ o bancomat segei prudenti e-evitæ de fâ l’operaçion se
ve sentî amiæ
ADÊUVIÆ DE LONGO O GIUDIÇIO!
“EUGGI ”
A-E
TRUFE
REALIZZAZIONE A CURA DELL’ UFFICIO RELAZIONI CON IL PUBBLICO
QUESTURA DI GENOVA TEL.010/5366588 -
Si ringrazia per la traduzione il Prof. Franco Bampi
No arvî a personn-e che no conoscéi!
Atençion a-i fâsci dipendenti Inps, Enel, Telecom, a chi finze de
apartegnî a-e Fòrse de l’Ordine, a-i finti latonê, eletricisti ò a atri, che
con varie scuze se fan arvî a pòrta e se infrician drent’a-e vòstre caze
solo pe aprofitâse de viatri e fâse dâ de palanche ò pe pigiâse da röba
ch’a l’é vòstra ò atre cöse de valô.
Aregordæve che i Enti preanonçian l’arivo di seu dipendenti con
mette di avisi inti pòrteghi di palaççi. In ògni caxo l’é importante fâse
dî comme se ciaman (nomme, cognomme e numero do teserin) tutte e
personn-e che s’aprezentan da-a pòrta comme mandæ da de societæ,
pe poei verificâ che dixan a veitæ contatando i enti da-i quæ
dipendan. L’é inportante adêuviâ i recapiti indicæ inte l’elenco
telefonico e no quelli eventualmente fornîi da liatri perché porieivan
êse fâsci.Se tutto questo o no bastesse e se gh’ei ancon di dubbi, no
exitæ a contatâ e Fòrse de l’Ordine.
AREGORDÆ:
O trufadô, in genere, o no l’é ’na personn-a violenta, o l’à ’n’aia
distinta, elegante e o mette fiduccia, o parla ben e o mostra da
coltûa. Atençion a-e finte donaçioin ò a-e fâse ereditæ. Inte sti caxi,
per rende ciù credibile o regîo, i trufadoî se ghe metan in doî e
spiegan a chi veuan mette in mezo che, pe vegnî in posesso de
l’ereditæ ò da donaçion, bezeugna perfeçionâ l’atto da ’n scrivan o
quæ, naturalmente, o voriâ êse pagòu. Aloa a vitima a vegne
aconpagnâ a prelevâ ben ben di dinæ che i doî “conpæ” se fan
consegnâ; quindi tutti quanti montan in sce ’na machina pe anâ da-o
scrivan. Longo a stradda, co-ina scuza i trufadoî fan chinâ quello
ch’an misso into mezo e scapan via co-e seu palanche.
Atençion a tutte-e personn-e che çercan d’aprofitâse de viatri co-a
prospetiva de poei goâgnâ a-a spedîa e con façilitæ.
Fæ atençion a quande ve s’avixinn-a chi no conoscei e o ve veu
consegnâ ’n “pacco”, domandando di dinæ in cangio co-o dî che a
merçe a l’ea stæta precedentemente ordinâ da-i vòstri figgi ò da-i
vòstri parenti ò, comunque, da personn-e che viatri conoscei.
DIFFIDÆ DE CHI VEU CONTROLÂ E VÒSTRE PALANCHE !
Sucede de spesso che ’n ançian, subito dòppo avei retiòu di contanti
in banca ò a penscion a l’ufiçio da Pòsta o vegne fermòu da
quarchedun ch’o s’aprezenta comme dipendente de l’agençia e ch’o
ghe dixe de dovei verificâ o numero de serie de palanche apenn-a
retiæ, in quante ghe porieiva êse stæto ’n erô. Quande l’ançian o ghe
da e palanche, o trufadô, mentre o fa mostra de controlâle, o e
scangia con de monæe fâse.
Aregordæve: nisciun inpiegòu o ve çerchiâ mai a caza ò o ve
fermiâ pe-a stradda pe controlâ e vòstre palanche.
Se hai un
dubbio
chiamaci
saremo da te
per aiutarti!
O personale da Sala Operativa da Poliscia, ativa 24 oe in sce 24, o
çerchiâ de risòlve o problema, o contatiâ atri Ufiççi ò o saviâ atrovâ
di riferimenti utili, magara faxendo intervegnî direttamente in sciô
pòsto o seu personale. Ògni tipo de conseggio utile e ògni atra
informaçion a se peu atrovâ in sciô scito internet
www.poliziadistato.it.