Protocol da la radunanza generala da la società agricula
d’Engiadina Bassa
Gövgia als 2 avrigl a las 20.30 i’l rest.Motta Naluns
Fadri riva la radunanza las 20.30. El das-cha salüdar a 35 commembers. Fadri salüda
special al directur e referent sar Egon Scheiwiller.
S-chüsats per quista saira sun: Emil Müller, Flurin Nef, Ernst Aegerter e Werner Keller.
La lista da tractandas cumpiglia las seguaintas tractandas:
1.
2.
3.
4.
5.
6.
7.
8.
9.
10.
Bivgnaint
Elecziuns scrutinadurs
Protocol dals 28.05.2014 (il protocol nu vain plü prelet.)
Rendaquint 2014
Rapport dal president
Elecziun dal president
Elecziun da la suprastanza e revisurs da quint
Reducziun contribuziun annuala
Dumonda da credit da CHF 4000.-- per la maestranza da prada 2015
Decissiun per entrar sco società illa gruppa d’interess (Vereinigung für Lebensräume
ohne Grossraubtiere)
11. Varia
La lista da tractandas vegn approvada unanim.
1.
Bivgnaint
Fadri bivgnantescha a tuot ils preschaints.
2.
Elecziuns scrutinadurs
Sco scrutinadurs vegnan elets Not Buchli e Flurin Prenner.
3.
Protocol dals 28.05.2014
Il protocol nu vain prelet. I’s chatta ils protocols sülla pagina d‘internt suot www.agriculaeb.ch
Il protocol vain aczeptà sainza cuntravusch.
4.
Rendaquint 2014
Fadri Riatsch declera il quint in detagl.
Nos quint muossa pels 31.12.2013 ün chapital agen da CHF 295‘576.46 e pels
31.12.2014 ün chapital agen da CHF 293‘292.31
Resulta üna perdita da CHF 2‘284.15
Ils revisurs Corsin e Riet han reviss il quint als 31.03.2015 e chattà in fich bun uorden.
Corsin da preleziun dal rapport e propuona da far bun il quint e dar dis-charg als
respunsabels.
La radunanza da unanimaing dis-charg als respunsabels.
5.
Rapport dal president
Il rapport vegn integrà in sia fuorma i‘l protocol.
6.
Elecziun dal president
Fadri fa la dumonda schi’d es giavüschà da far cun scrutin serrà. Quai nun es il cas.
Fadri Stricker da il pled a Duri Padrun per manar tras quista tractanda.
Duri infuormescha cha Fadri es pront da‘s metter darcheu a disposiziun sco president.
El fa la dumonda schi’d es amo otras propostas. Quai nun es il cas.
Fadri vain elet cun la majorità da las vuschs.
7.
Elecziuns da la suprastanza e revisurs da quint
Nos president fa la proposta da eleger la suprastanza in globo. Ils commembers sun
perinclets culla proposta e reelegian ils suprastants unanim.
Ils duos revisurs da quint Riet e Corsin vegnan eir reelets unanimamaing.
8.
Reducziun contribuziun annuala
La contribuziun annuala importa CHF 1.-- per ha.
Cun quai cha nossa società sta bain da finanzas, fa la suprastanza la proposta da
redüer sün CHF 0.50 per ha.
La proposta vain unanimamaing approvada.
9.
Dumonda da credit da CHF 4000.-- per la maestranza da prada 2015
La suprastanza fa la proposta da contribuir ils CHF 4000.-- per la maestranza.
La radunanza segua unanimamaing la proposta.
Anton à Porta fa il giavüsch cha la prossma vouta as pudessa eir integrar la prada
intensiva e artificiala illa maestranza.
Quai vegn tut in cogniziun e miss pro cul pajamaint.
10. Decissiun per entrar sco società illa gruppa d’interess (Vereinigung der
Lebensräume ohne Grossraubtiere)
La suprastanza fa la proposta dad entrar aint illa gruppaziun. Fadri manzuna chi füss
bun scha mincha singul entress eir aint illa gruppa. La radunanza segua unanim a la
proposta dad entrar cun CHF 50.00 aint illa gruppa.
11. Varia
Nos president infuormescha sur dal quint da l’Agrischa da l’on passà. Entradas CHF
310‘000.--, sortidas CHF 222‘500.--, fa ün gudogn da CHF 75‘000.--.
Infuormaziun exposiziun districutala dals 2 mai 2015
Fadri fa il giavüsch cha plü blers commembers pussibel as partecipeschan vi da
l’exposiziun districutala. El infuormescha, cha quist on nu vegnan dattas in circulara las
brunzinas. Sco rimplazzamaint vegnan dattas oura plaquettas per las vendschadras da
las categorias.
Fadri Riatsch fa il giavüsch da’s partecipar ils 21 mai 2015 a la prüma discussiun da
podium „Bes-chas rappazas pro no“.
Infuormaziun plazza da faira Zernez. Da la società plazza da faira Zernez esa amo in
chascha CHF 12‘000.--. Cun quai cha la plazza da faira vain scholta, as haja deciss da
surdar il patronat a la società agricula Engiadina Bassa. Da quels CHF 12‘000.—van
CHF 6‘000.—a nossa società per manar tras las fairas da bescha. CHF 6‘000.—restan
illa chascha da la società plazza da faira Zernez.
Fadri Riatsch spartischa oura taluns d’annunzia per l’exposiziun districtuala Scuol.
Armon Mayer fa la dumonda a Fadri Stricker da declerar sco chi’d es gnü ch’el s’ha mis
a disposiziun per la suprastanza da l’Uniun paurila. Fadri Stricker d’eira in contact cun
Gian Sutter. L’idea d’eira dad avair aint ün president illa suprastanza tras quai cha Rico
Lamprecht vaiva demischiunà la carica da president da la società Val Müstair.
Il president serra la radunaza 21.45.
In seguit ha sar Egon Scheiwiller tgnü ün refarat sur da las pendicularas Motta Naluns. No
ingrazchian a sar Egon Scheiwiller per quist refarat e per l’apéretiv.
In buna fai l’actuar ad hoc
Duri Padrun