10
Redacziun: Flavia Hobi, 7324 Vilters, [email protected]
VENDERDI, ILS 5 DA ZERCLADUR 2015
GiuRu: www.giuru.ch
Mo in sguard enavos,
finalmain la matura…
DAD UOLF CANDRIAN
N
us eran aunc ensemen
s
co ils sems d’ina flur
a
von ch’il buf ha priu
e
d alzau nus ad ault.
In empruament ord il Vegl Testament
In’emprova d’ina interpretaziun nova
DAD UOLF CANDRIAN
„ … ed el ei revius dil cuolm si per
mazzar siu agen fegl, gest il pli vegl.
El veva quell’idea el tgau. In um. Ina
missiun. Sacrificar a Diu. El veva
survegniu quei camond, in siemi, ed ei
levaus baul la dumaun. Mo sisum il cuolm, in aunghel ei cumparius ed ha
getg: «Igl ei a fin, igl ei gia bien!»
El ha rispundiu: «Nana, jeu hai il camond da Diu!»
Igl aunghel tut surstaus, mo ha cuntinuau: «Na na na, cala si! Igl ei mo stau
in test, in test, miu bien!»
Buca secalmond ha el getg: «Tuttina
tgei che schabegia, quei eran ils plaids
da Diu!»
Igl aunghel, ussa tut desperaus cu’l
ha viu ch’el ha alzau la spada: «Cala, ti
stuorn! Neu giu da tiu ault cuolm, cun
quei che ti has avon meinas nus tuts alla malur, patratga tgei dolur!
Mo el ha buca calau: «Diu enconuscha mia cardientscha, ha buca da basegns da tests ed emprovas! Diu sa
ch’jeu hai adina cartiu, er’els temps che
hai pitiu!»
La glieud dil vitg, destadada dil burlem e dil grem, ei vegnida dil cuolm si
per mirar tgei che capeta sil crap dad
unfrir. La mumma ha entschiet a bargir cura ch’ella ha viu tgei che siu um
ha avon leu cun siu affon.
«Ei dat adina in’autra via! Camina
uss la tia ed emblida quei camond, ch’el
ha gia daditg revidiu!» Igl aunghel,
nunveseivels pils nuncartents, ha cuntinuau siu plaid uss agitau!
«Nanana, empau ei avunda.» Igl um
ei explodius: «Jeu sai exact tgei ch’jeu
fetschel, svanescha, va leu danunder
ch’eis vegnius!»
La glieud steva e mirava, sedumandava, mo negin ch’ughegiava da far in
pass vi tier quei um agitau che plaida
cheu cun spada alzada avon siu agen
fegl, ch’ei s’enclinaus avon el. Vesan
buc igl aunghel viers il qual el drezza sias smaledicziuns.
Finalmein ei er’il pastur arrivaus si
dalla planira, ed el va vi tier igl um,
pren el pil bratsch – e per in mument
tut che stat mureri, er’igl aunghel quescha tgeu – silenzi, tut che spetga, mureri.
Epi sbassa el l’arma ed ina larma cula da sia vesta giu. Il bab ha priu siu
fegl, e quel ha el embratschau ferm,
strihau cul maun sur il tgau.
Tgei ch’il pastur ha getg vegn per
adina a star in misteri, gnanc igl aunghel, la vusch da Diu, ha udiu.
Tuts che han vuliu engraziar a quei
pastur, mo lez ha alzau il maun, ei semenaus ed ius anavos tier sia muntanera.
Igl aunghel ha aunc scurlau il tgau
avon ch’el ei staus svanius.
Verzasca.
FOTO S. GIGER
Tgei canzun eis ei?
DAD UOLF CANDRIAN
„ La davosa canzun spagnola dalla
gruppa Santana ha negin lignau, donn!
Hoy es adios, oz ei adia, fuss stau encuretg. Mo quei vul mo gir, vinavon cun
aunc dapli slontsch! Bien divertiment
culla proxima translaziun d’ina canzun
svizra! La sligiaziun san ins semplamein tarmetter en in mail ad [email protected] ni en ina brev alla
Via da Laax 12, CP 32 a 7152 Sagogn.
Jeu savess uss descriver tei
Cun sai bu cons maletgs
Mera, savess cumparegliar tei cun deletgs
Cun cudischs – mo ti eis bia dapli per mei
Jeu anflass buc ils plaids, schi dir
e jeu savess buca co cantar aschia
Jeu perdess mei ellas fluras, mo ti eis bia dapli
Tut ils cudischs ch’jeu hai aunc mai legiu
Tut ils loghens ch’jeu hai aunc maina viu
Ti eis las canzuns ch’jeu vai aunc mai udiu
Ti restas sulet, ti restas sulet mia fantasia.
E pli baul vess buca schau la detta
Vess forsa aunc getg, o matei
Ch’jeu envidel en tei
Mo oz envidel ina cigretta,
Cumprel in cudisch, lasch pachetar en il regal
En quel bi – e tuttina lais scher el, a ti egal
Lais scher el sin tia pintga meisa da notg
Lais scher el sin via el sid, el tren da notg
La dedicaziun gnanc legiu tochen Napoli
La mar gnanc viu, tes egls lapislazuli
Epi arvas els e jeu fetg bogn lien,
Sfunsel en ina praula viaden
Sfundrel e vegnel buc ensi
Volvel miu dies encunter envi
Ils cudischs serai sin lur crunas
Els volvan loschs lur dies cunter mei
Mo jeu stoss buca leger las historias
Jeu scrivel historia e per tei
Pertgei ti eis
Tut ils cudischs ch’jeu hai aunc mai legiu
Tuts ils loghens ch’jeu haiaunc maina viu
Ti eis las canzuns ch’jeu vai aunc mai udiu
Ti restas sulet, ti restas sulet mia fantasia.
Schi bia dapli, bia dapli, aunc bia dapli
Denteren brischas atras cun mei
Negin um mass cun ella, mo figei
Negin striegn mo quei ch’ella fa cun in’egliada
Sedamondel – eis ella da tschiel curdada
Canzuns ch’jeu stoss buca translatar igl udiu
Jeu legel orda tei e capeschel sez cul temps
Schi bia bials loghens ch’jeu vai aunc mai viu
Per propi, daco stuess buc prender temps
Perquei ch’jeu sai ch’jeu less ella per adina,
Jeu vai ella gia legiu – mo callel buca si cun leger,
perquei ch’igl ei adina stau bi e legher
Tut ils cudischs ch’jeu hai aunc mai legiu
Tuts ils loghens ch’jeu hai aunc maina viu
Ti eis las canzuns ch’jeu vai aunc mai udiu
Ti restas sulet, ti restas sulet mia fantasia.
Mo cun sun levaus, las fluras ca pli e ti – E ti?
Ti eis schi bia dapli, bia dapli, aunc bia dapli
Sas ell’ei ina flomma, ina flomma
Ed ella vegn, vestgiu en tgietschen
Ah, jeu vai dumandau tgi eis ti mo
E vai ris cura ch’ella ha getg Mephisto, ah so
Gie lu eis vegnid’ina biala, gi ell’a mi:
Ins astga mo buc scha traplar.
Dumondel aunc ina gada co ins clomma ella
Dumondel daco ch’ella ei sch’ina flomma bella
Mera, jeu vai massa nums, perquei ch’jeu prendel
bia e sun era l mal en tei dadens
Mo jeu prendi ella gie strusch serius, ed ella prendi
mei gie aunc buc cun ella
Ella ei buca curdada giu,
damai che tut va adina mo engiu
Ella drovi buca cornas
Perquei ch’jeu sai ni sai buc crer, atgnamein sai jeu
schon ei.
E jeu vai tertgau ch’il giavel vegn cun fiug
E buc en aschi in tgietschen vestgiu
Mera, jeu vai tertgau ch’il giavel vegn cun fiug
E buc en aschi in tgietschen vestgiu
Ey, sch’jeu vesel tei sun fiug e flomma
(ella vegn cun rassa cotschna)
Vesel jeu tei vesel jeu nuot mo pli tei
(ella vegn cun rassa cotschna)
Okay, gie en quei cass stoss jeu buca dumandar sti
has fiug a mi
Sas envidar la cigretta culla detta
Ella gi; far termagls cun fiug lessas bu crei a mi
Ah, quei stuesses schon saber
Jeu gitg mo ch’jeu sai ch’ins crei buca pli
che ti existies. La veta ei buna e ti eis gliez toch e.
Ed ella gi; mo perquei che ti meras buca neu eis ei bi
E jeu sentel che mia cigi brischa
Ed ella gi ch’jeu sai doch schon schi bia
Che la vera cardientscha porta buca pli
Che las baselgias ein forsa vitas
Denton ina massa glieud en cheu
Ella drovi gnanc pli cappelinas
Era sch’jeu seigi en biro, saulti ella cun mei
Gie vai strusch capiu ella,
Sas el club, dad ault e Rum Havana
Vai getg ad ella la notg ei aunc giuvna madam
Ed ella gi mo gie e ti eis aunc coga giuvens
Tgei, tgei? Eh, vai buca capiu ell’endretg
Sas el club, bass profund e Rum d’Havana
Vai getg ad ella nus tschintschein sperasvi
Meglier sche nus saltein aunc inagada, neu