Gieus – senza cunfins
Editorial da Conradin Klaiss
nr. 91
annada 8, glion, december 01
pretsch frs. 40.–/onn
il proxim puntissimo è:
ramurs e caneras
fin da redacziun per il numer. 92:
12 da december 01
punts 92 cumpara
entschatta schaner 02
Boooiiinnng! MB preschenta: Il gieu da la vita!
L'emprim passentar ina bella uffanza, ir a scola, sa decider tranter in
mastergn ubain in studi e gudagnar il paun da mintgadi, insacura
maridar ed avair pops, alura bajegiar ina chasa, pajar taglia e cassa
da pensiun (natiralmain era cassa da malsauns), gudagnar en ina lottaria, investar en aczias, vegnir pli ritg, ubain pli pauper, vegnir vegl
ed a la fin anc murir. Il gieu da la vita.
Mintga uman fa ses gieu. Quest gieu entschaiva gia baud. Mintga giada che l'uffant vul insatge da la mamma, crida e sbragia el. El crida e
tugna enfin che la mamma dat ad el quai ch'el vul. Dat la mamma, ha
el gudagnà, na dat la mamma betg, ha ella gudagnà.
Il regl da giugar e plantà en il spiert da mintga uman. Senza quai regl
fiss la vita be ina mesa chaussa. Far da lader e polizist, da sa zuppar,
da bab e mamma, da pigliar, da cowboys ed indians, siglir cun elastic,
dar quartet, far da miedi (fitg interessant!), dar computer (oh, kids,
perdunai, playstation 2), dar gieus da maisa sco schah, mulin, la
stgala, la dama, uno, memory, tgi che va plaun va saun, e bler auter.
Quel che perda, sto sientar la vaschella. Cura ch'ins vegn in pau pli
vegl, remplazzan auters gieus il bittar fazielet. Il corp sa madira, ils
gieus cun ils egls vegnan pli intensivs (enconuschent sco flirtar,
ubain far l'amur da setg). Il rap vegn tar ina provocaziun, gudagnar en
il Lotto (cun u senza joker) vegn tar ina speranza da blers. Investar è
il chavazzin. Tgi che ristga dapli, sa gudagnar dapli (ubain perder tut).
Era en il sport. Mintga gieu ha sias atgnas reglas, ed ils umans fan
gieus senza cunfins e senza cunfins. Insatge tut auter: Dapi in temp
vegni mintga saira Tom & Jerry a las novitads. Bush e Bin Laden giogan il giat e la mieur. Per tgi tegnas Ti?
“L'entira vita è in quiz, e nus essan ils candidats”, chanta Happe Kerkeling. – Jau giavisch a Vus in bun gieu!
Infos interns
da la redacziun e dal layout da PUNTS
Tar la davosa gasetta era schabegià in sbagl. En x-in lieu eran ids a
perder ils flyers da reclama. Perquai scrivain nus gist anc ina giada
quai che nus avevan gia scrit en ils davos infos interns: "En questa
gasetta chattas ti in prospect per 'degustar' las quatter gasettas
rumantschas – La Quotidiana, Posta Ladina, Pagina da Surmeir e
PUNTS. Questa acziun da propects è vegnida lantschada e finanziada
– per gronda part – da la Lia Rumantscha..." – Basta, quellas e quels
che han pustà l'abo gratuit survegnan nossa gasetta fin en favrer.
En october avain nus prendì cumià da nossa anteriura secretaria
Géraldine Fry. E latiers avevan nus empermess da preschentar en il
proxim numer il nov secretari. Quai avain nus dentant emblidà da far.
En quest numer vegn quai dentant prendì suenter. That's Curdin Fliri…en questa gasetta!
sbozs veids ple. Ossa ò antschet igl gi. Igls sbozs èn nias vulvos aint e
mess an en recipient. Mintgign ò tratg egn. Chel cugl sboz digl imperatour ò dastgea cumandar ad egn u dus numers da far ensatge
tenor igl sies giaveisch. Cura tgi gl‘imperatour è sto satisfatg èn igls
sbozs nias dos or da nov.
Igl amprem imperatour ò cumando agl nomer treis da star sen ena
meisa e cantar ena canzung. Igl sagond imperatour ò gia l'idea da far
giuier igl nomer quatter e seis en pitschen teater. Dantant èn igls
oters clients dalla bar nias atents agl noss gi. Pover nomer egn, agl
qual igl terz imperatour ò cumando dad eir a far en cumplimaint
doltsch alla barista...
Nous vagn cuntinuo igl gi digl imperatour anc per varsaquantas rundas. Ed igl taimp è passo anc en po pi svelt.
La gasetta che Ti tegnas en maun fiss damai il davos numer da quest
onn. Nus da PUNTS schain perquai "grazia"! – A tuttas quellas che
han sustegnì nossa lavur, a tut quels che han gidà e collavurà, a tuttas quellas che han crititgà e ludà. Ed in specialmain grond "grazia"
schain nus a Tai, char/a lectur/a, grazia per Tes interess durant quest
onn. PUNTS Ta giavischa ina buna fin da quest onn ed in bun cumenzament dal proxim. Nus essan en mintga cas plain mirveglias tge
ch'ins spetga en il 2002.
Igl gi digl imperatour
da Rafael Müller
En per ragurdientschas ad ena dimora a Bologna
Bologna – martgea an l'Italgia digl nord. Bologna – la pi viglia universitad digl mond. E Bologna – igl martgea dalla cucina grassa, digls
tortellinis e dalla pasta.
Ma Bologna è er igl martgea dalla inovaziun culturala. La cuntinuada
preschientscha da students da tot igl mond ò gia avert Bologna per
ideas revoluziunaras – Bologna è er igl martgea cotschen. Cunzont
an igls onns sessanta e zetanta, noua tg'ella era center per en‘antiera generaziun da musichers ed artists. Tempi passati. Oz è Bologna
guvernada d'ena regenza conservativa e l'Italgia d'ena anc mendra.
Lotiers ò la nossa scolasta managea tgi l'Italgia vegia adegna gia difficultads cun la democrazeia, dantant ins vegia anfignen Berlusconi
adegna pudia ruschanar da democrazeia...
La nossa scolasta, chegl era ena studenta taliangra tgi instruiva an
ena scola da taliang per esters. La scola era fitg famigliara e nous
vagn amprandia bagn enqual pled taliang. Ma gl'è betg rasto tigls
pleds: er cultura an la sia furma la pi veiva. Numnadamaintg chella
tgi fò star per notgs allegher an cumpagneia ed alla levada digl
suglegl dondolar a tgesa cun zaps intscherts.
Cura tg'igl taimp passa svelt
Per en meis erans a Bologna e scu tgi gl'è cugl taimp, passa el an en
hui sch'ins sa diverta. Bagnspert ella rivada la davosa seira. Nous
erans an la Birreria del Piratello. En student digl Giapun sunava en
po sen la sia mandolina, tots en zichel trests perveia dalla fegn. Cò ò
el mess davent igl sies instrumaint ed ò fatg la proposta da giuier igl
gi digl imperatour. Nign saveva scu tg'el geva, chel gi. Simpel seia el,
i dovra angal en po palpieri ed ensatge da screiver. Ed el ò preparo
tants sbozs scu tgi nous erans. Sen egn da chels ò'l scretg l'Imperatore, igls oters ò'l numero dad egn anse anfignen tgi ò gia nigns
Reality Games
– adieu ?
da Fadrina Hofmann
BIG BROTHER, EXPEDITION ROBINSON, TAXI ORANGE e cumpagnia,
che esa capità cun quists gös da realità ? Nun interessa plü a sar
Meier che cha X ha tut a man cun Y sülla tualetta ? O chi chi vain tramiss a chasa da l'isla paradisica perquai cha las uzlanas brassadas
nu til gustaivan plü ? Perche nu vuscha'l plü chi chi po far amo ün pêr
rundas cul taxi, o scha Max e Vicky sun destinats ün per l'oter ?
L'attractività da quists uschedits "reality games" lascha davo. Gnanca quants kils cha la vendschadra da BIG DIET ha pers infra trais
eivnas nun interessa plü a ningün. Ed eir da las bellezzas pro GIRLS
CAMP s'haja intant avuonda. Déjà vu, es il facit. Quai chi's cugnuoscha nun animescha plü da verer. I mancan s-chandels ed ideas innovativas!
Co füssa cun serrar aint per ün'eivna a desch persunas in üna cabina
da telefon immez la pampa e da permetter a minchün be ün unic telefonat dürant quel temp ? O amo meglder, trametter our da motivs
d'actualità ad üna gruppina da citadins in üna regiun da crisa, per
exaimpel i'l Afganistan ?
Voyeurissem, esser gail davo novitats e s-chandels, fügir a si'aigna
vita quotidiana e lungurusa : quai provochescha bod talas ideas stüpidas per gös. Fingià ils vegls imperaturs Romans han chattà oura
che chi han dad offrir al pövel per cha quel saja quiet: pan e gös bastaivan. Eu nu less pretender cha interpraisas sco "Endemol" sajan da
congualar cun imperaturs Romans, o cha spectakels aint ill'arena
hajan üna parallela cun "reality games". Listess am daja da buonder
quant lönch chi giarà fin cha "Endemol" e cumpagnia preschaintan
lur prosma baschatta, ed impustüt che per üna baschatta cha quai
sarà. Ans laschain surprender.
IL TOP TEN DA GÖS
Che sun ils gös predilets dals uffants e da la giuventüna dad hozindi?
Punts ha fat üna pitschna retschercha sülla plazza da scoula da Scuol ed ha miss insembel üna glista dals
desch gös predilets:
1. UNO
2. LIGRETTO
3. PLAY STATION
4. "ARSCHLÖCHLA”
5. GÖS DA COMPUTER
6. MEMORY
7. "FUSSBALLINO"
8. TABLA MUGLINERA
9. CHI VA PLAN, VA SAN
10. SCHACH
RETSCHERCHA : INGLINA HOFMANN
5) Che es üna "Eselsbrücke" per rumauntsch?
Puntissimo
A) Üna punt d'esan
B) Ün esan cun punt
da Barbla Etter
C) Ün güdamemorgia
D) Ün chi scriva per las Punts,
(Brückenesel)
Quel chi respuonda sainza sbagl tuot quistas dumandas dal Puntissimo guadagna ün milliun flöchs da naiv (da clapper svess). Minchataunt velan eir püssas soluziuns. Eau At tegn il polesch.
6) Che es ün Züri-gais?
1) L'Auto da posta, vo quel
A) Üna razza da chevras
C) La regiun traunter Turich e Gais
B) Üna denominaziun per turists D) Quel cha'ls Sursilvans nomnan
"in turitges"
A) aposta
B) cun posta
C) dad ün post a l'oter
D) lo inua cha il bus da Cuira nu vo
2) "Beinvegni en territori romontsch". Da chi es quist slogan?
A) Da la battaglia da Chalavaina
B) Da Gion Antoni Derungs
C) Da la Viafier Retica cur ch'as
riva in Surselva
D) Dad ün museum rumauntsch
l'an 2777
3) Che es Islabella?
A) Ün sbagl in Isabella
B) Ün trid tunnel sün l'A13
7) Che es ün zercladur?
A) Ün gün
B) Üngün
8) Che es Turtmann?
A) Ün paraint da D. Truttmann
B) Ün cumün i'l Vallais
C) Ün isla sül lej da Com
D) Quell' isla singulera sülla quêla
as po piglier 3 chosas
4) Es ün Engiadi-nice
A) Ün blagunz da San Murezzan B) Üna cruscheda d'ün engiadinais
ed ün inglais
C) Üna copcha dals Spice Girls D) Il directur da turissem da l'Engiadina
C) Ün giardinier
D) Ün urdegn per lavurer in üert
C) Ün galdiner chi'd ho sbaglio ils
custabs
D) Ün past da la nouvelle cuisine
Agl Café digls Gis
da Rafael Müller
An las suandontas lengias sarogl rachinto d'en gioven om tgi vei igl
mond scu tg'ins contemplescha el halt: per exaimpel vei el liaint igls
problems digl traffic e digls conflicts, igls bels mumaints dalla cumpagneia e la fugacitad digl taimp. Ma vurdar igl mond scu gi fon tenor
el angal unfants.
Uscheia er chel de, noua tg'el stò cumprar en vistgia d'anviern per la
puppa da sia figliola tgi ò gist anniversari. Chest vistgia dattigl angal
an la tschintgavla etascha d'ena terriblamaintg gronda buteia. E
buteias cun tschintg etaschas fon neir tot confus el. Ma igl gioven om
ò cletg e catta dalunga igl regal tschartgea. Chegl igl fò betg angal da
bunga luna, ma er en po euforic. Perchegl declarescha el chel de per
bung e decida da far en viadi cugl tren. Pertge betg eir an en li
nunancunaschaint, sa dumonda el, pertge betg eir a Porrentruy.
Pertge betg eir a Porrentruy?
Detg e fatg. Arrivo a Porrentruy, fò el ena spassageda e catta tgi sa
tracta d'en martgea simpatichet. Ma essend tg'igl noss gioven om
detestescha tot igls sforzs fisics e perchegl tg'el catta tg'ins stoptga
adegna er vurdar ainten igl intern, decida el da far cunaschientscha
cun en café da chest martgea. Bagnspert catta el en'ustareia scu tgi
plai ad el: simpeletta ed an mintga cass sainza tavla da Gault Milau.
Las calours dalla reclama da glieisch èn sblatscheidas e sot la marca
d'ena birra ligia el Café de la Gare. Las tendas saron stadas uriundamaintg alvas, ma cugls onns tranter gleisch da suglegl dafora e fem
da cigarettas davains davantadas levamaintg bregnas.
Igl gioven om aintra e vei tgi sa tracta d'en pitschen café. El sa
tschainta an en cantung ve d'ena meisa. Gl'interieur è vigl e duvro. La
camariera tgi ò anfignen ossa, pusada alla meisa digl bar, fatg angiavigns a travers, s'avischigna ad el e dumonda cun vousch mez raca
igl sies giaveisch. Siva curt taimp survign igl nov cliaint igl sies café.
Igl café è ferm e bugliaint. Er chegl plai ad el. E per la sagonda geda
chest de è el en po euforic. Talmaintg animo antscheva el a stibgier
igls oters treis cliaints.
Treis cliaints, ena camariera ed en ester
Ve dalla meisa davant igl gioven om tschainta ena viglietta. Scu tgi
para ad el, ò la sia fatscha betg angal la madema calour scu las tendas, ma dat alla viglietta l'apparientscha da tgutgetta. Dantant tg'ella
sgratta ena carta da bingo, produtgescha ella en schort da viers. Igl
gioven om, betg zont abel digl lungatg discuria an chest martgea,
interpretescha chels viers scu comentars tigl gi da bingo.
La camariera tgi fò angiavigns a travers ed ossa anc la viglietta digl
bingo – igl noss gioven om constatescha tgi la gliuot an chest café
vegia ena predilecziun per gis. E cura tg'el contemplescha igl sagond
client, en vigliet cun vistgadeira isada e digl nas cotschen, en glas
vegn aint igl mang tramblont, alloura stò el pansar agl gi da chel
vigliet tgi vo planget a fegn. En partratg betg fitg curtaschevel, painsa igl gioven om gist sessour e less antschever a murmagner cun
sasez, cura tgi la viglietta digl bingo sa dolza e vo or digl local. Ella
passa dasper igl terz client. Chel ò tgavels greischs e porta ena giaca
da tgirom e stivagls digl tip wild-west. Egn scu blers oters cowboys
digl mintgade, painsa igl gioven om. Dasper igl cowboy stat la camariera, vistgeida digl tottafatg an rosa. Chella vo ansomma betg ansemen cugl cowboy, ma er betg cugl local. Gis da contrast igl vignan
andamaint ed el prova da tadlar tiers agl discurs da chels dus. Tgi
stoptga sa tractar d'en gi da flirt, tgapescha el. Ma chegl è gio tot. Igl
cowboy fò reir la camariera e chella tunga cun la sia vousch mez raca
scu ena gagligna. Puspe è el gist anriclo digl sies partratg er chest'eda betg fitg curtaschevel. E puspe vign el interrot an la sia autocritica dalla viglietta digl bingo. Chella turna an ustareia cun ena nova
carta da bingo. Ella sa tschainta, sgrata anavant e produtgescha novs
da chels viers guturals.
Consideraziuns irritontas
Agl gioven om plai igl pitschen mond da chest café cun chels treis
clients tgi paran da tutgier tar igl inventar digl café e tgi saron cò
mintga de per giuier igls sies gis, per giuier igls gis dalla sia rolla. Igl
noss gioven om stebgia tgi sch'igls clients gioian ena rolla an igl café
tgi è scu en pitschen mond, alloura gioian els – e cun els gl'antier rest
digls carstgangs – er ena rolla an igl grond mond. Numnadamaintg
la rolla dalla lour veta. E schi tots fetschan chegl, alloura er el!
Ups! – Igl gioven om è sursto dalla sia scuverta. Ed el sa dumonda tge
rolla tgi el gioia an chest café? – En ester stoptga el esser, per betg
deir en invasour ainten igl cres da chests treis clients indigens. Ma
chels fon betg cass dad el. Igl cowboy digl mintgade fò anc adegna
bels îgls alla camariera e la viglietta è dantant eida per la terza carta
da bingo.
Pertschert dad er angal esser en giuieder d'ena rolla paia el per turnar a tgesa.
Cura tg'igl noss gioven om è s'allontano per varsaquants pass, struba el curtamaintg la testa anvers igl café. E schibagn tg'el è sieir
d'esser sto an igl Café de la Gare, ligia el sen la reclama da gleisch
Café digls Gis.
Disventireivel temps da
Nadal
dad Alexander Casanova
Ils dis da november schi freids e crius sfundran ella brentina spessa.
Dapi dis haiel buca pli viu gnanc in sulet radi sulegl, che fagess schi
bein a miu intern. Schi cuorts ein ils dis, e strusch vargau las tschun,
sch'enzuglia la liunga e stgira notg mei en ina grevadetgna da fugir.
Tut la glieud ch'jeu entaupel va cun tgau afuns per las vias. Negliu in
soli che savess mirar a mi els egls per dar in stausch a mia monotonia.
Mo gleiti ei Nadal. Per biars ei quei il temps da reconciliaziun, in dils
pli bials temps digl onn. Tuts braman da puspei inagada sentupar cun
ils pli cars avon il pigniel bein decoraus en stiva caulda. In desideri
che ha era regiu en mei tochen uonn, daveras.Tut ils onns d'affonza
plitost pervia dils regals e dallas bunas caussas che mumma cuschinava duront quels dis da fiasta. Ils davos onns sundel buc exnum
serendius a casa per ils schenghetgs materialistics, quei ch'ei oz a
mi fetg marginal, na, per sentupar cun mes geniturs e fargliuns, cun
in per paucs buns camerats, che ein aunc vers camerats.
Mo uonn ei tut auter. Dapi in temps tacrognel jeu vi miu temps cun
anflar la risposta a mia damonda – ir a casa da Nadal ni buc. Jeu
tgerlentel memez la sera avon che semetter a ruaus, e la damaun
avon che vegnir ord ils ponns, cun quella decisiun. Ei tenta mei, di per
di. Pli datier da Nadal ch'ei vegn e pli fleivels daventel jeu per dar ina
decisiun. Igl ei in turmentar masochistic che peglia negina fin e meina mei d'in cantun a l'auter.
Visavi mumma che quenta cun mei senza sminar da mes panzieris,
sundel jeu obligaus da render viseta silmeins Nadalnotg. Ella drova
mei, uonn da Nadalnotg pir ch'enzacu. Mo il patratg da stuer esser
leu en stiva e buca astgar mirar els egls in a l'auter per che nus entscheivien buca tuts a bargir, tribulescha miu cor taluisa, gia ussa in
A B C D E F G H I J K L M N
1
2
3
4
5
6
7
8
9
10
11
12
13
14
meins avon. Seser ensemen en stiva a cantond canzuns schi bialas e
far ina biala tschera sco sche tut fuss sco adina, na quei sai jeu buc.
L'encarschadetgna pil temps vargau, cura che bab e mumma sesevan in sper l'auter sin canape e cantavan cun nus affons, lezza ei
memia gronda. Con biala fuva quella notg, cura che bab e mumma
carezavan aunc in l'auter e nus embratschavan els dus engraziond
per ils bials regals. Sch'enzatgi sa dar la garanzia a mi che bab sa
festivar persuls ina ventireivla Nadalnotg, senza sia famiglia ch'el ha
carezau sur tonts onns, sche saiel jeu esser prompts da serender a
casa per festivar cun nossa famiglia sgurdinada in per bials dis.
Per freaks da sport
Engiavinera / Lign dal mais
Ti guardas radund 5 uras per di sport a la televisiun e Ti enconuschas
ils anniversaris da tut ils giugadurs da la squadra naziunala dal Paraguay. Ti sas er quants ass che Roger Federer ha fatg durant ses
davos match. Ecco, nus vain precis las dretgas dumondas per tai.
1. (1E-1J) Game – set – and match! Da tge gieu discurrin nus?
2. (2A-2G) 22 umens curran suenter ina balla, drovan mo las musclas da las chommas. Las musclas da la bratscha dovran els per
dumbrar las bancanotas.
3. (3C-3E) Hockey na vegn betg giugà cun ina balla, mabain cun
in …?
4. (4A-4G) Il um solitari u la dunna solitaria. Tar ballapè han els in
pullover nair, tar hockey guardan els ora sco praschuners, e tar ballarait e tennis sesan els sin in sutga!
5. (5C-5J) La festa da sport che ha lieu mintga quatter onns ha
num: ils gieus …?
6. (6D-6H) Tar quest "sport" èn da la partida reginas e retgs, chavals e purs, curridurs e turs.
7. (7A-7I) Quest sport giogan surtut gigants. Els stendan la bratscha ed emprovan da bittar la balla sur ina rait.
Trametta il pled da soluziun (1E-7E) cun Tia adressa fin il pli tard
ils 15 da december 2001 a: David Truttmann, Schwarzenbachweg 16,
8049 Turitg.
Punts preschenta:
CHI VO PLAUN, FA RAPS e VERBISSIMO
La pagina volanta en questa gasetta n'è betg in pamflet politic. Na – Punts porscha questa giada dus gieus cun las tablas, las reglas e tuttiquanti. I na resta nagut auter
che da leger, giugar e gudagnar. Damai: empè da "MB präsentiert" – Punts preschenta!
CHI VO PLAUN, FA RAPS
Reglas da gö
VERBISSIMO
Reglas da gieu
Tü drouvast: figüras da gö, 16 töchs munaida
Ti dovras: Figuras da gieu, 1 quadrin, tabla da verbs qua dasperas
Decuors dal gö
Insè es que il gö "Chi vo plaun, vo saun", "Mensch ärgere dich nicht" u "Eile mit
Weile", ma a do qualche reglas superpü.
Mincha giuveder ho da metter a dispusiziun 16 töchs munaida (p.ex.: 16 descherins, 16 vaincherins u eir 16 nuschs, 16…, …).
6 da quels vegnan miss aint illa cassa illa mited dal gö, ils oters 10 tegna minch'ün svess.
Decurs da gieu, in exempel:
Il giuven entschaiva.
El dat cun il quadrin ed ha p.ex. in da 4. Questa cifra decida davart ils pass ch'el
po far. Ma halt! L'emprim sto el savair dir per rumantsch grischun il pled ch'è sin
il champ inua ch'el arrivass (la translaziun dal verb tudestg). Na sa el betg il pled,
na po el betg ir, ed il giugader da vart dretga dad el po cuntinuar cun il gieu.
Sa el dentant quest, po el cuntinuar. La medema cifra (en noss cas in da 4) decida
davart la furma da conjugaziun ch'el sto savair:
- il giuveder chi ho il prüm ün seser po cumanzer a metter üna da sias figüras
sül prüm champ culurieu.
- Sch'as ho bütto ün seser, as suos-cha bütter aunch'üna vouta il det.
- Trais voutas zieva rouda ün seser: metter a chesa tuot las figüras chi sun in viedi.
- Scha qualchün riva cun sia figüra sün ün champ già occupo, stu quel chi d'eira
lo il prüm metter a chesa sia figüra.
1 jau
2 ti
3 el/ella
4 nus
5 vus
6 els/ellas
Champ: ?
il giuveder chi tschaunta a dretta da quel chi'd es rivo sün quist champ stu fer üna
dumanda (savair generel, el stu svess savair la resposta) scha la dumanda so gnir
resposta, po il giuveder chi's rechatta sün quist champ bütter aunch'üna vouta il
det, scha na stu'l pajer üna munaida illa cassa.
En noss cas pia: nus .... (p.ex.) chantain
Sch'el na sa betg la furma correcta, dastga el far be 1 pass (1 pass perquai ch'el
ha savì il pled per rumantsch grischun). Sch'el sa la furma correcta dal verb, alura dastga el ir (en noss cas) en tut 4 pass, numnadamain enfin sin il champ dal
pled ch'el ha savì. Alura po cuntinuar il giugader da vart dretga.
Champ: %
sch'ün giuveder riva sün quist champ survain el la schanza da guadagner üna
munaida. El suos-cha nempe fer üna dumanda ad ün da sieus "adversaris". Scha
quel es bun da respuonder la dumanda nu capitta ünguotta, scha na stu quel
pajer al giuveder chi's rechatta sün quist champ - e chi ho fat la dumanda - üna
munaida.
L'arbitrader
In giugader è l'arbitrader. El na gioga betg il gieu sco ils auters. La glista da verbs
è en ses mauns. El decida, schebain il giugader ha savì il verb e la furma u na.
Sch'il giugader na sa betg il verb, po l'arbitrader ir (en noss cas) ils 4 pass ch'il
giugader na dastga betg ir. Sa il giugader il verb, ma betg la furma, dastga l'arbitrader er ir ils pass ch'il giugader na dastga betg ir (en noss cas 3 pass, 1 pass
dastga il giugader ir). Uschia po er el gudagnar il gieu!
Champ: <<
sch'ün giuveder riva sün quist champ stu'l ir a chesa cun sia figüra, suos-cha per
la peja piglier üna munaida our da la cassa.
Champ: $
il giuveder chi riva sün quist champ stu metter üna mundaida illa cassa.
Fin dal gö
Il giuveder chi ho il prüm da tuot sias quatter figüras süls champs da sia culur
vers la mited, ho guadagno e suos-cha tgnair tuot la munaida ch'el poseda auncha e quella chi's rechatta illa cassa. Scha qualchün ho pers tuot sia munaida
düraunt il gö crouda quel oura.
Champ: P
Tar quests verbs stos ti savair tut: il verb per rumantsch grischun, la furma conjugada, ed anc il particip perfect. Sche ti sas tut correctamein, dastgas ti surpassar il champ cun il verb che ti has savì per 2 pass. Uschiglio stos ti ir 3 pass enavos (davent dal champ che ti ès, betg davent dal champ che ti pudessas arrivar).
Champ: A
Tgi che vegn sin in da quests champs, sto surprender la figura ed il job da l'arbitrader. Lez surpiglia la figura dal giugader.
Fin dal gieu Champ:
Victur è, tgi che ha surpassà sco emprim il davos champ.
Idea dal gö: Pia Valär
Idea da gieu: Conradin Klaiss
1
helfen
gidar
gid
gidas
gida
gidain
gidais
gidan
9
lenken, leiten
diriger
dirigel
dirigias
dirigia
dirigiain
dirigiais
dirigian
17
tun, machen
far
fatsch
fas
fa
faschain
faschais
fan
26
tragen
purtar
port
portas
porta
purtain
purtais
portan
34
ziehen
trair
tir/trai
tiras/trais
tira/trai
tirain/train
tirais/trais
tiran/train
43
trinken
baiver
baiv
baivas
baiva
bavain
bavais
baivan
2
nagen
ruier
rui
ruis
rui
ruiain
ruiais
ruin
10
essen
mangiar
mangel
mangias
mangia
mangiain
mangiais
mangian
18
verbessern
curreger
curregel
curregias
curregia
curregiain
curregiais
curregian
27
sein
esser
sun
es
è
essan
essas
èn
36
bieten
porscher
porsch
porschas
porscha
purschain
purschais
porschan
44
gefallen
plaschair
plaschel
plais/plaschas
plai/plascha
plaschain
plaschais
plain/plaschan
3
Angst haben
temair
tem
temas
tema
temain
temais
teman
11
geben
dar
dun
das
dat
dain
dais
dattan
19
sehen
vesair
ves
vesas
vesa
vesain
vesais
vesan
28
platzen
schluppar
schlopp
schloppas
schloppa
schluppain
schluppais
schloppan
37
kommen
vegnir
vegn
vegns
vegn
vegnin
vegnis
vegnan
45
schweigen
taschair
tasch
taschas
tascha
taschain
taschais
taschan
4
müssen
stuair
stoss
stos
sto
stuain
stuais
ston
12
wollen
vulair
vi
vuls
vul
(vu)lain
(vu)lais
vulan
20
taufen
battegiar
battegel
battegias
battegia
battegiain
battegiais
battegian
29
spriessen
pruir
prui
pruis
prui
pruin
pruis
pruin
38
gehen
ir
vom
vas
va
giain
giais
van
46
fragen
dumandar
dumond
dumondas
dumonda
dumandain
dumandais
dumondan
5
verkaufen
vender
vend
vendas
venda
vendain
vendais
vendan
13
laden, aufladen
chargiar
chargel
chargias
chargia
chargiain
chargiais
chargian
22
danken
engraziar
engraziel
engrazias
engrazia
engraziain
engraziais
engrazian
30
bestellen
pustar
post
postas
posta
pustain
pustais
postan
39
wägen, wiegen
pasar
pais
paisas
paisa
pasain
pasais
paisan
47
glauben
crair
crai
crais
crai
cartain/crajain
cartais/crajais
crain
6
kochen
cuir
cuesch
cueschas
cuescha
cuin
cuis
cueschan
14
lachen
rir
ri
ris
ri
riain
riais
rin
23
halten
tegnair
tegn
tegnas
tegna
tegnain
tegnais
tegnan
31
liegen
giaschair
giaschel
giaschas
giascha
giaschain
giaschais
giaschan
40
bekommen
retschaiver
retschaiv
retschaivas
retschaiva
retschavain
retschavais
retschaivan
48
loben
ludar
laud
laudas
lauda
ludain
ludais
laudan
7
abreisen
partir
part
partas
parta
partin
partis
partan
15
lesen
leger
legel
legias
legia
legiain
legiais
legian
24
melden
annunziar
annunziel
annunzias
annunzia
annunziain
annunziais
annunzian
32
beissen
morder
mord
mordas
morda
murdain
murdais
mordan
41 haben
avair
hai
has
ha
avain
avais
han
49
geniessen
giudair
giaud
giaudas
giauda
giudain
giudais
giaudan
P8
kochen
coier
coi
cois
coi
cuiain
cuiais
coin
cotg
P16 wissen
savair
sai
sas
sa
savain
savais
san
P
savì
P42 sagen
dir
di
dis
di
schain
schais
din
P
ditg
P50 stehen
star
stun
stas
stat
stain
stais
stattan
P
stà
P
P25 lassen
laschar
lasch
laschas
lascha
laschain
laschais
laschan
P
laschà
P33 fliehen
fugir
fugel
fuis
fui
fugin
fugis
fuin
P
fugì
"Nossas ureglias èn
grondas" – Intervista cun
Isabella Wieland e David
Spinnler, ils schefs dal
Battaporta
da David Truttmann
L'emissiun da giuvenils Battaporta mida manader/dra da redacziun.
David Spinnler surpiglia il post dad Isabella Wieland. Ella è stada durant ils davos dus onns scheffa dal Battaporta. PUNTS ha discurrì
cun ils dus schefs tras ils cabels electronics – ina intervista per email.
PUNTS: Tar il Battaporta datti proximamain diversas midadas en la
(capo)redacziun. Resta praticamain tut sco fin ussa, u è quai prest
ina revoluziun?
Isabella: Clar che quei ei ina revoluziun! Sch'ei fuss buca ina revoluziun sche fuss ei per l'ina buca il Battaporta e per l'autra buca David.
David: Nus pruvain natiralmain mintga di da far revoluziun – vul dir
da purtar precis quai che la Rumantschia giuvna vul udir e savair. En
quel senn sper jau che nus restain buns per las ureglias giuvnas! Dal
rest: sche insatgi ha impuls ubain criticas: nossas ureglias èn grondas (betg mo las buccas!). L'adressa per impuls e reclamaziuns:
www.rtr.ch e lura cliccar sin contact e lura scriver il commentari e
lura trametter!
Stop – ussa vais fatg avunda reclama. Nus lessan però dapli personality. Perquai a mintgin ina dumonda: David, Ti es il nov schef, tge
sa mida per Tai? Ed Isabella, pertge ans bandunas Ti?
David: Jau na poss betg pli preparar ina emissiun senza che diesch
mails – trenta telefons e ventg persunas vegnan en da porta – or dal
corn dal telefon ed or dal visur dal computer … Jau vuless gidar che
nus vain quellas ideas che pussibilteschan bun radio per giuvens –
che nus fain ina emissiun da radio che fa … ou – ussa essan nus puspè tar la reclama …
Isabella: Jeu bandunel il Battaporta perquei ch'jeu sundel gest vid il
leger il cudisch "Pumps und Pampers", quei che di ensasez tut. Per il
proxim miez onn vegn jeu a bratar il Musikexpress, il Rolling Stone ni
il Visions cun studiar co ins fa massascha a novsnaschi, tgei guoter
ch'ins drova cu e tgei puder ch'ei buns per tgei inflamaziun. Denton
tgei vul quei dir bandunar – jeu bandunel buca vus; jeu sun cun vus;
vus tedleis gie era mintga sera naven da las 18:15 il Battaporta!!!!
Sgarschaivel, Vus chattais schon adina la storta tar la reclama! E
lura faschais anc reclama senza grondas cumprovas per la qualitad da Vossa emissiun. Nus vulain perquai savair: pertge han ina
giuvna ed in giuven rumantsch da tadlar precis il Battaporta? Ussa
stuais furnir arguments – ha!
Isabella: (Prest ina frechadad dad insumma astgar dumendar!!!!!)
Fetg sempel perquei ch'il Battaporta ei simplamein la suletta buna
emissiun per la giuventetgna ch'ei dat. La musica ei speciala, ils
moderaturs ein aunc libers ed ils temas ein actuals, giuvenils ed
interessants. Vitier vegni che nos auditurAs san adina puspei gudignar bunas cd's, bigliets libers per concerts, teaters, films da kino
etc. ni era "cash" en Las fregas. Detg cuort. Battaporta mintga sera
suenter las 18.15. "It's the beginning of a new and exciting different
story."
David: Arguments che fan buna reclama per nus – ha! Jau crai che
nus vain bun sound per giuvens – nus porschain temas giuvens da tut
il mund sco per exempel intervistas cun stars da la musica – cun giuvens rumantschs che van sin muntognas dad 8000 meters etc. etc. –
ma nus vain era ils temas giuvens da noss pitschen mund rumantsch
– in mund che è definitivmain ed almain mintgatant cool e sexy – jau
crai che nus purtain en stiva, en auto, en duscha ed en letg quai che
la Rumantschia giuvna fa e vul savair. Nus pruvain da far quai bain e: nus vain in huara gaudi da far radio per vus – sche vus savais tge
che jau manegiel!
Ussa basti però propi cun la reclama. Uschiglio sto pajar il Radio
Rumantsch per questa intervista sco per in inserat! - Auter tema:
dad esser schurnalistA da radio, e quai anc per ina emissiun da
giuventetgna, da quai siemian blers giuvenils. Isabella, tge è propi
uschè fascinant vi da quel job? E il job insumma fascinant?
Isabella: El decuors dils davos onns hai jeu empriu d'enconuscher
fetg bia glieud dalla scena da musica, dal sport, dalla politica ed era
bia glieud ch'ei buca prominenta denton era fetg interessanta. Sper la
glieud fascineschan era las differentas tematicas adina puspei mei ed
oravontut igl haver la pusseivladad da far las damondas che interesseschan mei a las persunas dil fatg. Auters plaids che fan per mei
interessant miu job ei flexibladad, independenza, lavur individuala en
in team ed ed ed…. (uss tonscha ei aschiglioc empleneschel gest il
rest da quella numbra).
E David, tge cussegls das Ti ad ina giuvna / ad in giuven che vuless
per mort e fin vegnir schurnalistA da radio. Tge pussaivladads datti en la pitschna Rumantschia?
David: Ina che vul far da schurni duai simplamain ina giada cumenzar
da scriver per la gasetta da la scola – da l'affar – dal quartier – dal
vitg etc. Ubain ch'ella duai gist crear in'atgna gasetta. Las Punts èn
natiralmain era ina varianta – i dat differents nums tar il radio e la
televisiun rumantscha che han fatg ils emprims pass tar Punts (jau
per exempel). Impurtant è ch'ins vul adina savair dapli – e quai anc in
zichel pli precis che tut ils auters. Ed igl n'è betg mal sch'ins raquinta gugent ad auters istorgias interessantas. Sch'ins vul lura propi far
da schurni lura duai ins simplamain ina giada chaminar dad isch en
tar quella firma ch'ins vul lavurar: hallo – jau vuless far da schurni –
quest sun mes motivs – tge pussibiltatds datti? practicum - giarsunadi? Daventar sez activ è adina bun! Dal rest: En Rumantschia na datti
betg blers buns schurnis – mintgina ch'è vairamain buna e creativa
chatta tenor mai perquai era in bun job en Rumantschia – e dal rest
per la segunda giada: il mund è anc bler pli grond ed era là è buna
glieud adina tschertgada!
Curdin Fliri
Isabella Wieland
David Spinnler
Il disc dal mais, proponì
dal Battaporta dal Radio
Rumantsch
Lenny Kravitz – Lenny
(Virgin)
da Jachen Prevost, Battaporta
1989: "Let love rule", l'emprim album da Lenny Kravitz – cun registraziuns che tunavan da quai dal 1969 u 70, da Jimi Hendryx. La reacziun quella giada: attenziun! Quest tip è excentric, interessant, extravagant e fa sound da buntad. Igl è perfin vegnì pretendì che Kravitz
saja la gronda speranza ed il grond innovatur dal rock'n'roll.
2001: "Lenny", il 6avel da Kravitz – che ans tira puspè endament ils
onns 70 e che maschaida il sound da quella giada cun quel dal terz
millenni. "Jau hai gugent extrems e cuntrasts", di Lenny Kravitz "ed
jau ma permet dad ir en tschertga da cunfins". Gia l'emprim toc
"Battlefield of love” mussa la direcziun: Lenny dat gas! Las ingredienzias: ina gronda purziun ghitarras diras, puspè elements psichedelics, sia vusch expressiva e lura las balladas à la kravitz sco "Stillness of heart" che fan luar. R'n'R 100%.
La redacziun dal Battaporta preschenta mintga mais ina schibetta.
Grazia fitgun als schurnis radioactivs!
Chavazzins da Curdin
Nos nov secretari Curdin
Fliri
da la redacziun da PUNTS
Dapi quest mais avain nus in nov secretari – Curdin Fliri da Scuol. Sia
adressa chattas Ti en l'impressum da questa gasetta. Però tgi è Curdin vairamain. Voilà – el sa preschenta gist sez, cun agid da divers
chavazzins.
Idiom rumantsch: vallader
Segn da zodiac: pesch
Past preferì: gnirom e pulenta
Bavronda preferida: tè da Roland
Musica: John Frusciante, Bush, Pearl Jam, RHCP, Lifehouse
Film: Snatch, Dogma
Simpatia per: glieud sincera
Antipatia envers: magisters chi nüzzian oura lur posiziun
Hobi: viagiar pel muond, pes-char
Sport: rampignar, snowboard
Motto: La vita es üna quantità da mumaints. Eu tils giod perche chi
tils dà be üna jada.
Tes gieu preferì: trent'ün
Bill Clinton è a Savognin
Brev da lectur or da la California
Inua è Bill Clinton? – Tschel di m'ha respundì Severin, mes figliol, per
e-mail. "Char Men, Billy fa qua a Savognin in curs da rumantsch! El e
Philipp Bruggisser, ex-schef da la Swissair, giaudan la cuschina dal
Hotel Piz Mitgel, fiman furns e baterlan sur da tempi passati."
Jau hai natiralmain subito tschertgà il numer dal Hotel Piz Mitgel ed
hai telefonà sur l'Atlantic via.
"Bun di, qua è Men Caduff da la California. Jau vess gugent discurrì
cun Bill Clinton!"
"Quai n'è betg pussaivel per il mument", ha ditg la recepziunista "signur Clinton ha gist si ina baracca potenta. El e signur Bruggisser
chantan dapi trais uras 'Chara lingua da la mamma'. Ma signur... aah,
gea, signur Men, Vus pudais telefonar anc ina giada en trais uras."
"Perstgisai", hai jau interrrut "tgi frequenta tut anc il curs da rumantsch a Savognin?" La recepziunista è ida per ina glista. "Also" ha
ella ditg ed jau hai prendì en maun in culli.
"Quai fiss ina giada Dumeni Columberg."
"Tge? Dumeni Columberg fa in curs da rumantsch?"
"Gea, in curs d'introducziun en rumantsch grischun per patriots."
"E tgi anc?"
"Michael Schumacher. Quel fa in curs da vallader. El vul gea ir a star
a Tschlin e deponar là ses raps. Zumthor realesischa gist plans per
ina plazza aviatica giu Strada."
"Tge? Hai jau udì endretg, Michael Schumacher emprenda rum…?"
"Gea, ensemen cun DJ Bobo. Quel less far l'onn che vegn ina turnea
cun songs en rumantsch grischun, ina promotion-tour per il pledari
grond."
"E tgi è anc a Savognin?"
"Tut ils schurnalists rumantschs, dal Radio e da la Televisiun, da La
Quotidiana, da la Pagina da Surmeir e da la Posta Ladina."
"Quels han schon da basegn dad in curs da rumantsch", hai jau respundì.
"Na, quels na fan betg in curs da rumantsch, quels fan in work-shop
cun il tema: Tgi da nus ha il meglier product schurnalistic?"
"E lura, han els chattà ina resposta?", hai jau dumandà.
"Quai na sai jau betg", ha respundì la recepziunista "ma ier èn set
schurnalists vegnì transportads a l'ospidal, tuts avevan rut ils nas."
"E tgi maina quel work-shop?"
"Peter Aliesch."
Tras il telefon udiv jau anc adina a chantar a Bill Clinton. – "Ich hab'
ein knallrotes Gummiboot".
Cun chars salids Voss Men Caduff
[email protected]
Tia brev m'ha fatg grond plaschair. Normalmain na fan ils umans
betg cas da mai. Els crain en la trapla dal svilup ed ignoreschan mai.
E quai schebain che jau emprov da persvader els cun tut mias forzas.
Jau als tramet anghels da la fin, scu per exempel ils anghels Christoph ed Ueli che han l'incumbensa da ruinar la toleranza per tut l'ester. U l'anghel Schmid che bitta, ensemen cun ses generals, ils raps
ora da fanestra dal palazi federal. Ubain era mes anghel preferì
George W. che stat per stgaffir la Terza guerra mundiala. Tiers quai
èn gia sa mussadas varsaquantas da mias soras: la Fin dals TwinTowers, la Fin da la Swissair e suenter als Indeschavels Dis da litterartura a Domat era la Fin da la cardientscha en l'analisa objectiva da
texts. Autras soras èn per sa far vesair: sco per exempel la Fin da la
democrazia. An l'USA e l'Italia è ella gia preschenta. U la sora che Ti
enconuschas era: la Fin dal rumantsch a Suagnign. E proximamain
vegn ins a vesair mia sora Fin dal Radio Rumantsch. Voss radio vegn
privatisà e vendì ad ina rait da terrorists islamics che vegnan a far
londerora in radio da propaganda ed oraziun per convertir ils catolics
da la Surselva ed ils protestants da la Engiadina tar il islam.
Ma sco gia ditg, jau sun anc lunsch davent. Pia na stos Ti betg ir a
prender penetienzia – pervia da mai. Dentant fissi bun, sche Ti giessas puspè ina giada a messa - pervia dal plevon ed ils commembers
dal Corpus Dei da Suagnign.
Chars salids da la Fin dal mund
Links dal mais –
Dad undas e bottas
Rimnà da Jonas Meyer
Bottas e sgriffels
www.swissdrive.ch / www.lernfahrt.ch
Examen da teoria per il auto. Schliar patgific a chasa dumondas d'examen. swissdrive.ch e lernfahrt.ch porschan in'ura da prova. Latiers
vulan domadus raps. Swissdrive.ch pretenda 9 raps per dumonda
corrigida, lernfahrt.ch 30 francs per dus mais (50 entradas).
swissdrive.ch
*****: Pagina ufficiala da l'associaziun svizra da scolasts d'ir cun
auto (asa). Pagina simpla e fitg survesaivla.
lernfahrt.ch
****: Na dal tuttafatg uschè bella sco l'autra e betg uffiziala, cuntegna persuenter bleras infurmaziuns supplementaras tar il tema ir
cun auto.
Resposta da la Fin dal
mund
Char abitant da Suagnign
Bogn dad undas
www.winamp.com
www.internetradioindex.com
www.internetradiolist.com
En las davosas Punts has Ti scrit ina brev a mai per dumandar, sche
jau vegnia bainprest. Ti vesevas l'attentat sin ils Twin-Towers e la ruina da la Swissair sco ensainas apocalipticas. E Ti na savevas betg,
sche jau legia insumma las Punts. – Ma Ti na stos betg avair tema.
Mes temp n'è betg anc arrivà. Jau sun anc giuven. (Autramain na
legess jau betg las Punts!)
Be ina pitschna tscherna da radios en l'internet. Els emettan d'in
cuntin musica da differents stils. Per retschaiver in emettur drovas ti
insatge sco in WinAmp u in RealPlayer e lu giu cun tut. Surtut adattà
en il biro (schef paja) u en scola (scola paja).
******: Excellent per glieud che lavura gugent cun musica, ma emblida adina ils DC's a chasa.
Butia da tanta Emma
www.amazon.com
La butia enturn la chantunada. Diversas medias (cudeschs, musica,
DVD, games,...), apparats (computers, cameras, telefons,...), viadis ed
accessoris d'aventura, euv.
Quai ch'ins na chatta betg en la normala butia, datti forsa qua. Ina
pagina da consum.
*****: Schelta immensa. Per part vaira bunmarchà. Cumparegliar
pretschs!
Impressum
chauredactur: David Truttmann, Schwarzenbachweg 16, 8049 Turitg,
[email protected], 01 340 08 95
caporedactur/as: Fadrina Hofmann, Bagnera, 7550 Scuol, [email protected], Conradin Klaiss, 7163 Danis, [email protected],
Rafael Müller, Rue de l'Industrie 2, 1700 Fribourg, [email protected]
redactur/as en quest numer: Alexander Casanova, Barbla Etter, Inglina Hofmann, Jonas Meyer, Jachen Prevost, Pia Valär
layout: Theres Jörger, Örlikonerstrasse 5, 8057 Turitg, [email protected]
secretariat: PUNTS, Curdin Fliri, Avant Muglins, 7550 Scuol, [email protected], 081 864 92 62 u 076 380 44 45
stampa: Spescha&Grünenfelder, Glion
spediziun: Argo SA, Glion
pretsch d'abunament: 40 francs ad onn, Raiffeisen Laax 70-6699-9
editura: GiuRu, Chascha postala 312, 7002 Cuira
internet: www.punts.ch, www.giuru.ch
punts è commembra da l'associaziun da la Pressa Svizra dals Giuvens
Occurrenzas
La GiuRu ed il Cor Rumantsch faun festa!
Quist an do que, impè da la festa "normela" dal Cor Rumantsch chi
ho adüna lö intuorn Nadel, üna festa extraordinaria. – La GiuRu es i'l
an da giubileum. Ella exista uossa daspö desch ans, dimena, ün motiv
inuorden per fer festa! Il Cor Rumantsch da las scoulas medias a Cuira, giuvnas e giuvens da tuot las valledas rumantschas vegnan ad organiser la saira festiva cun bar e musica e tuot.
La festa ho lö la gövgia als 20-12-2001 aint il Marsöl a Cuira da las
21.00-03.00
La musica vegn da la band "Alive and Rocking-Viver e far Vibrar" ,
Battaisem da lur disc cumpact "CARA".
Entreda: 10.- illa prevendita (puster sur mail: [email protected], 12.- saira
reducziun per commembers da la GiuRu!!
Nadal!
Per la 2001avla giada envida il mund da festagiar la festa da las festas – Nadal. Qua in pèr curtas infurmaziuns organisatorias:
Cura: ils 24-25 da december 2001, vers saira
Inua: en stiva
Lieu: dapertut, inua ch'i dat da cumprar Coca-Cola
Pretsch d'entrada: blers regals
Surpraisa: blers regals
Scumond d'entrada: per tut quels/quellas ch'èn sulets/tas
Persunas principalas: Josef, Maria, il Bambin, l'asen ed il bov
Special guests: Chasper, Meltger, Baltisar, Babbonatale ed ils pasturs
Menu: fondue chinoise u filet en pasta
Attenziun: prender cun sai in bun digestiv!
£££ Punts££ £
£ £££–£il pli
££ ££ bel£ £
regal£ £ ££
£da £ Nadal £
Ina finamira per il proxim onn? – Abunescha Punts
( ) Jau abunesch PUNTS – la gasetta giuvna per mo 40 francs ad onn
( ) Jau regal in abunament da PUNTS – la gasetta giuvna
GiuRu – l'organisaziun per realisar Tia idea
La GiuRu sustegna Tai a finanziar, communitgar e realisar Tes project
rumantsch e giuvenil. Ti survegnas sco commember/bra da la GiuRu
regularmain infurmaziuns dals projects actuals e la pussaivladad da
Ta partecipar ad inscunters internaziunals ed ad autras activitads.
num e prenum:
adressa:
lieu:
trametta il talun a noss secretariat: PUNTS, Curdin Fliri, Avant
Muglins, 7550 Scuol, [email protected], 081 864 92 62 u 076 380
44 45
Jau vuless daventar commember/bra da la GiuRu:
( ) Jau vuless las infurmaziuns per e – mail e na paj uschia betg la
contribuziun da 10 francs
( ) Jau vuless las infurmaziuns per posta e paj en 10 frs sin il conto:
GKB GiuRu 70-216-5
num e prenum:
adressa:
lieu:
tel:
e-mail:
Trametta il talun a la suandanta adressa: GiuRu, Chascha postala,
7000 Cuira, u T'annunzia sut www.GiuRu.ch.