PUBLICAZIUNS UFFICIALAS
2015, JAMNA 21
Damondas da baghegiar
Datum da publicaziun
Patrun
Representant
Project
Liug
Numera parcella
Zona
Datum da publicaziun
Patrun
Project
Liug
Numera parcella
Numera baghetg
Zona
22 da matg 2015
Cassa da pensiun dalla Viafier retica
Bahnhofstrasse 25
7002 Cuera
Carigiet Architektur & Baumanagement AG
Plazza Cumin 1
7130 Glion
Construcziun nova Sorts II; casa da pliras famiglias B e C cun garascha sutterrana
Via Sorts, Glion
1420
Zona da habitar e da commerci 3
22 da matg 2015
Max Burger
Schmiedgasse 15
9230 Flawil
Nova pumpa a calira (aria/aua), fassada vest
Via Nova 2, Rueun
10206
9-140
Zona d‘agricultura
Protestas
Protestas dil dretg public ein d’inoltrar en scret e cun indicar ils motivs enteifer 20 dis naven dil datum da
publicaziun alla Vischnaunca Ilanz/Glion, Plazza Cumin 9, 7130 Glion.
Duront las uras da lavur dallas 8.00 – 12.00 e dallas 13.00 – 17.30 san ins prender envesta dalla damonda da
baghegiar en Casa Cumin, 4. alzada, biro dall’administraziun. S'annunziei p.pl. ordavon per telefon 081 920 15 15.
Uffeci da baghegiar Ilanz/Glion
Entrada en vigur dall’ordinaziun davart l’organisaziun dalla vischnaunca
La suprastonza communala Ilanz/Glion ha approbau alla sesida dils 27 d’avrel 2015 l’ordinaziun davart
l’organisaziun dalla vischnaunca e decidiu da metter en vigur quella sin igl 1. da zercladur 2015. Dall’ordinaziun
san ins prender envesta sin la pagina d’internet dalla vischnaunca Ilanz/Glion www.ilanz-glion.ch ni ch’ins sa retrer quella tier l’administraziun communala. Nus supplichein da prender enconuschientscha.
Suprastonza communala Ilanz/Glion
Dumbraziun dallas habitaziuns vitas igl 1. da zercladur 2015
La basa legala per la dumbraziun fuorman la lescha federala da statistica (LStat) dils 9 d’october 1992 e
l’ordinaziun federala davart la realisaziun da relevaziuns statisticas dils 30 da zercladur 1993 resp. la midada
digl 1. d’uost 1994. Tenor quellas ei la lavur da dumbraziun per la vischnaunca sco era per ils possessurs ed
administraturs d’immobilias obligatoria.
D’annunziar ein habitaziuns e casas d’ina ni pliras famiglias che adempleschan las suandontas cundiziuns il di da
referenza (1. da zercladur):
buc occupadas, denton habitablas
e
– publicadas per affitar stablamein sil pli pauc treis meins ni offeridas per vender
–
Da risguardar ein era casas da vacanzas, casas ni habitaziuns secundaras, aschilunsch ch’ellas vegnan
publicadas per affitar stablamein sil pli pauc treis meins ni offeridas per vender.
Possessurs ed administraturs da habitaziuns e casas d'ina ni pliras famiglias vitas ein obligai d’annunziar quellas
entochen il pli tard mesjamna, ils 3 da zercladur 2015 per telefon 081 920 15 15 ni via e-mail a
[email protected].
Controlla da habitonts Ilanz/Glion
Basa da pumpiers dad Ilanz/Glion
Exercezi da pumpiers - mesjamna, ils 27 da matg 2015, gruppa ost
(Castrisch, Duvin, Pitasch, Riein, Sevgein)
Uras e liug da sentupada: allas 20.00, local da pumpiers Duvin
Exercezi da pumpiers - gievgia, ils 28 da matg 2015, gruppa nord
(Ladir, Ruschein)
Uras e liug da sentupada: allas 20.00, local da pumpiers Ladir
Perstgisas per exercezis buca frequentai ein d’inoltrar al cumandant en scret e cun indicar ils motivs enteifer 10
dis, en cass d’absenza dil liug sil pli tard enteifer 3 dis suenter il retuorn.
Il cumandant Edmund Venzin
Rimnada da pupi vegl a Glion
Gievgia, ils 11 da zercladur 2015
Nus supplichein Vus da deponer il pupi vegl bein cavigliau e ligiau – buc en scatlas ni sacs da plastic – tochen
las 8.00 els loghens da rimnada usitai. Nus rimnein negin cartun. Tgi che vul sa era deponer il pupi vegl
directamein els containers (sper la tuor da cantun alla Via Bual, suosta / Landi e DA NIEV era sper las hallas da
gimnastica sin igl areal da scola). Alla staziun da Glion ha ei negin container da rimnada pli.
Sche Vus haveis damondas, s’annunziei p.pl. tier il secretariat dalla scola superiura da Glion, tel. 081 925 28 29.
Ils dis da rimnada da pupi per igl onn da scola 2015/16 vegnan publichei il fenadur el Fegl ufficial.
Bien engraziament per Vies agid
Scolaras e scolars dil scalem superiur da Glion