ENGIADINA
MARDI, ILS 26 DA FAVRER 2008
13
Plüs lais suogliaivan la soula da la Val
Interessantas cugnuschentschas da la geologia da l’Engiadina Bassa
tektonik im Unterengadin» chi cuntegna
il stüdi da Peter Schlusche ha cumpilà
Rufus J. Bertle e po gnir retrat pro l’Academia Engiadina a Samedan.
DA MARIO PULT / ANR
■ L’anteriur geolog austriac Peter
Schlusche ha perscrutà ed analisà la
situaziun geologica da l’Engiadina
Bassa. Rufus J. Bertle, geolog da
Schruns, ha referi a Scuol davart l’ouvra da Schlusche. La società per perscrutaziun da la natüra da l’Engiadina
Bassa ha invidà ad ün referat chi ha miss
in evidenza la gronda lavur cha’l scienzià
viennais Peter Schlusche ha fat pro nus.
Al cuntrari da la gronda part dals geologs
s’ha Schlusche interessà fingià avant 50
ons per la correlaziun tanter l’archeologia, la perscrutaziun dal clima e la geologia. Il geolog Rufus J. Bertle ha preschantà üna survista da las retscherchas da
Schlusche chi’d es mort dal 1981.
Prunas da detagls
Bod tuot chi sa cha la geologia da l’Engiadina Bassa vain dominada da la «Fanestra engiadinaisa» chi s’extenda dad
Ardez fin a Prutz illa Val da l’En tirolaisa. Las muntognas sun gnüdas creadas
grazcha a la forza da las plattas oceanicas
chi s’han fuadas suot las plattas continentalas aint. Quistas forzas tillas fuorman amo adüna uschè ch’ellas erodeschan o creschan per alch pacs millimeters o centimeters l’on. Peter Schlusche
ha tut suot ögl tuot las vals lateralas da la
Val S-charl e da Valsuot. El ha constatà
cha la sedimentaziun pro Sasstaglià in
Val S-charl stopcha esser üna consequenza d’ün terratrembel chi ha provochà üna
Peter Schlusche,
il scienzià serius
Chi sa da’s metter avant cha quia d’eira üna jada ün lai?
bouda. Quista ha fuormà ün lai, quai chi
tenor Schlusche pudess esser capità in
connex cun la fuormaziun da l’isla Santorin in Grecia, 1670 avant Cristus. I sto
avair dat dürant il temp da bruonz üna
seguonda bouda cun gronds blocs da
grip chi ha provochà ün’uonda da flüss
chi ha miss suot aua la cuntrada da Gur-
FOTO M. PULT
laina a Scuol. Ulteriuras boudas proruottas dals pizs han probabelmaing
fuormà amo oters lais in Valsuot sco per
exaimpel ün a Parnarsura sün territori da
Sent ingio cha Schlusche ha chattà sablun tipic. Ma eir pro Martina sarà stat
ün lai. «Il spejel da l’aua da quel lai pudess esser stat ad ün’otezza da 1100 me-
ters», ha manià Bertle. La gronda lavur
da Peter Schlusche es statta d’examinar
manüdamaing las differentas vettas da
crappa, gera e sablun in numerus lös. El
ha fat prunas da skizzas e disegns, ha documentà detagliadamaing ils chats e tils
ha commentats perfin eir in rumantsch.
Il tom «Zur Quartärgeologie und Neo-
La perscrutaziun da la geologia
quartara nu vaiva s’occupada da
l’Engiadina Bassa fin cha Peter
Schlusche ha cumanzà dal 1959 a
ramassar ed a notar prunas da datas. El vaiva il dun artistic da disegnar cartas e profils da maniera
chi fan ün effet dinamic. Schlusche savaiva leger illa fuorma da la
morfologia e nu spiegaiva be ils fenomens a la surfatscha da la terra,
ma savaiva perfin trar conclusiuns
a reguard il svilup casual dürant ils
spazis da temp geologics. El d’eira
ün scienzià chi savaiva cha sias retscherchas pudaivan gnir correttas. Perquai nu tillas ha’l neir publichadas. Sia metoda da perscrutar d’eira da cumbinar la geologia
quartara culla stratigrafia, la sedimentologia e la tectonica. Peter
Schlusche ha examinà fingià avant
50 ons il müdamaint climatic, ün
dals temas ils plü importants da la
geologia actuala.
Priorità per las duonnas
Ils 2 da marz cuorran las duonnas be tanter dad ellas
Musicists e partecipants dal lavuratori culla Mnozil
Brass l’on passà
sül lai da Reschen.
FOTO S. HECHENSTEINER
Deschavel giubileum dal Xong
Il temp d’annunzcha ha cumanzà
■ (anr) Dürant l’eivna dals 21 als 25 lügl
vegna darcheu fat musica illas regiuns
cunfinantas dal Dreiländereck Svizra,
Austria ed Italia. Per ils lavuratoris musicals dal Xong 2008 as poja fingià s’annunzchar. L’idea da realisar ün festival
cultural cumünaivel e chürar uschea la diversità dal «Dreiländereck» Svizra, Austria
ed Italia es nada dal 1997. In quel on s’haja preparà e realisà la festa commemorativa pels 500 ons battaglia da Chalavaina.
Ils organisatuors han decis da cuntinuar
cun quista collavuraziun culturala. Daspö
quella jada vain minch’on darcheu realisà
il festival Xong. Üna sporta essenziala da
quel sun ils lavuratoris musicals.
Lavuratoris musicals
a Mals ed a Tschlin
Rudolf Pietsch, commember dals «Tanzgeigers», mouva peis e cour da seis public. Sch’el tira ils chantins da seis instrumaint, sigluottan eir sias chommas.
Sch’el tils stricha, nina seis corp culla melodia. E sch’el chanta, ria tuot seis corp.
Daspö bod trent’ons implischa l’ensem-
ble «Tanzgeiger» salas da concerts e palcs
da ballar internaziunals. Seis commembers derivan dad Oberösterreich. Là as
cundischa cun sal e paiver, da dutsch
«surfin» a picant «fulminant», e quai as
doda eir pro la musica, pro’ls valsers plain
svung, pro las polcas rasantas, pro’ls
«ländlers» pachifics e pro’ls csardas be fö.
I’l lavuratori «Sunar in maniera musicantica» (Das musikantische Spiel) dals 21
als 25 lügl a Mals intermedieschan ils
«Tanzgeigers» lur paschiun da far musica sainza notas per gïa, gïun ed orgel da
man. In listessa maniera vegn lavurà eir
aint il lavuratori dad instrumaints da tola da la «Mnozil Brass». I’s tratta quia da
l’unic lavuratori da plüs dis da quista
gruppa da Vienna, chi ha ragiunt intant
renomina mundiala – il septet ha sunà
tanter oter fingià in Taiwan, Giapun,
Mexico ed illa Royal Albert Hall a Londra. Eir a Mals dà il trumbettist e tübist
svizzer Hans Kennel seis lavuratori da tüba. A Tschlin ha lö il lavuratori dals
«Fränzlis» per instrumaints da corda e da
zoflar.
Annunzchas fin la fin d’avrigl
Quists quatter lavuratoris as drizzan a persunas chi instruischan musica ed eir a musicantas e musicants da hobby. La partecipaziun als lavuratoris dals Tanzgeigers e da
la Mnozil Brass vain arcugnuschüda sco
cuors da perfecziunamaint tant da l’Institut für Musikerziehung sco eir da l’Arbeitsgemeinschaft Südtiroler Mittelschullehrer e dal Katholischer Südtiroler Lehrerbund. S’annunzchar as poja fin als 30
avrigl 2008. «Stimme stimmen» invezza es
ün lavuratori avert, ingio cha minchün e
minchüna as po partecipar spontanamaing tenor vöglia e cuvaida. Però ils partecipants as ston mouver bodezzas. Mincha di dürant l’eivna dal Xong (21 – 25
lügl) as chattan els da las 07.00 a las 08.00
sül Tartscher Pichl dasper Mals. Ils exercizis da vusch our i’l liber vegnan preschantats da differents musikers dal Xong. A la
fin daja üna culazchun cumünaivla.
Per ulteriuras infuormaziuns davart il program
cumplet dal festival Xong e per as annunzchar
per ils lavuratoris: www.xong.net o telefonicamaing 0039 0473 830720.
■ (anr/map) Daspö ün pêr ons sun in
Engiadin’Ota reservadas las duos dumengias da marz per las cuorsas da
passlung. Il prüm cuorran las duonnas
sül traget da Samedan a S-chanf. Fundada es gnüda la cuorsa da passlung per
las duonnas dal 1999 davo cha a Kandersteg d’eira gnüda organisada la prüma
cuorsa da quist gener. Las bunas experienzas e’l nomer constant da partecipantas han persvas ils organisatuors da
mantgnair quista cuorsa speciala.
trais minuts avant co tuot tschellas, precis a las 10.00. Cun quista masüra as voula prevgnir ad üna fuolla chi chatscha e
stumpla. Actualmaing s’han annunzchadas raduond 850 curriduras chi derivan
per 88 pertschient da la Svizra. Da quistas vain la mità dal Grischun e la fideltà a la cuorsa para gronda perquai cha 87
duonnas s’han partecipadas a tuottas
nouv cuorsas e 331 a tschinch e daplü
cuorsas. Be ün tschinchavel fa part per la
prüma jada.
«La cuorsa da duonnas
tocca a las duonnas»
Cun quist slogan appelleschan ils organisatuors a tuot las persunas masculinas
da sustegner a lur duonnas, figlias ed
amias a la partenza ed al böt. Ma sül traget, sco eventual accumpagnamaint, nu
sun ils homens admiss. La distanza da Samedan a S-chanf importa 17 kilometers
e s’affa fich bain per principiantas o eir
per curriduras chi’s vöglian parderdscher
pel maraton da la dumengia davo. Il traget es plü o main planiv cun tendenza
aval e sa esser ün giodimaint causa ch’el
nun es neir extrem lung. A Samedan partan las 200 plü sveltas curriduras chi vegnan eruidas tenor lur prestaziun e tenor
ils resultats da las duos ultimas cuorsas
Vendschadras cun noms illusters
Las partecipantas sun partidas in nouv
categorias: Pro las giuvnas sun duos annadas in üna categoria intant cha pro las
duonnas sun quai desch annadas. Las plü
giuvnas han l’annada 1993. Las prümas
trais curriduras da mincha categoria survegnan premis e la megldra tschüffa üna
trofea. Quatter curriduras, tuottas Svizras, s’han inscrittas illa glista da las vendschadras da las nouv cuorsas: Ursina
Badilatti, Ines Schweizer e Natascia Leonardi cun minchüna duos victorias e Flurina Bachmann chi ha vendschü trais jadas. Il record data dal 2002 e vain tgnü
d’Ines Schweizer cun 33.41,2 minuts; la
vendschadra da l’on passà es Flurina
Bachmann.
Eir giuvnas a partir
da l’annada 1993
pon as partecipar a
la cuorsa da duonnas chi ha lö dumengia, ils duos da
marz, e chi maina
da Samedan
a S-chanf.
MAD