Schul- und Kindergarteninspektorat (SK-I)
Inspecturat da scola e da scolina
Ispettorato scolastico e di scuola dell’infanzia
Info 2012/13
1
Als cussegls da scola, direcziuns da scola, persunas
da contact e persunas d’instrucziun (incl. scoletta)
Diembers da scolars al pass naven dil scalem primar sil scalem secundar
Dils 2004 entochen ils 2008 ei il diember da scolaras e scolars grischuns ella sisavla classa primara sereducius naven da 2‘237 scolar(a)s giu sin ca.1950 scolar(a)s, quei munta ina digren da ca.
13%. Dapi igl onn 2004 ei il diember sestabilisaus sin quei nivel.
La cumpart da scolar(a)s che vegn assegnaus alla scola secundara (66%) ei s’augmentada levet
naven da 2004 tochen 2012. El medem temps ei il diember da scolar(a)s che vegn annunziaus per
igl examen da recuors legreivlamein sereducius naven da 79 sin 23 participont(a)s.
Termins proceder d’access 2012/13: www.avs.gr.ch
Decisiun d’access provisoria:
Decisiun d’access definitiva:
Giudicament da recuors cantunal:
31 da schaner 2013
24 d‘avrel 2013
ils 4 e 5 da zercladur 2013
Preparaziuns per ils examens d’access allas scolas medias
Il deputau A. Thöny ha fatg il mars 2012 la damonda alla Regenza grischuna, schebein ei detti directivas unificadas cantunalas pertuccont la preparaziun per ils examens d’access ellas scolas medias. Ultra da quei vegn la Regenza dumandada, co ella patratgi d’ir entuorn cun ina pratica multifara. En sia risposta dils 20 da zercladur 2012 ei la Regenza digl avis, „ch’i stoppia vegnir preparà
cun cleras finamiras per l’examen d’admissiun. La scola duai surpigliar ina part da
l’accumpagnament e dal sustegn en il rom d’ina incumbensa regulara ed en il rom da l’instrucziun
regulara. Da quai fan part tranter auter la correctura d’examens exemplars, in’analisa dals sbagls
ensemen cun ils giuvenils, ina cussegliaziun d’emprender sco er structuras da temp per schliar
singulas serias d’examen exemplaras en in temp real. Tut questas activitads ston la finala gidar las
scolaras ed ils scolars a rinforzar lur cumpetenza persunala en ina furma adattada.“
Corrispundend a quella incarica da basa dat ei neginas directivas. Igl inspectorat da scola ha examinau la situaziun en connex cun la risposta sin quella damonda: „En quest connex poi vegnir
constatà che la tematica è vegnida tractada en tut las scolas – schebain en moda vaira differenta e vegn percepida per gronda part cun responsabladad, en moda orientada a la promoziun sco er al
sustegn.“
(Citats ord la risposta dalla Regenza grischuna dils 20 da zercladur 2012)
Examens da recepziun ellas scolas medias 2013: www.avs.gr.ch
Silla pagina d’internet digl Uffeci per la scolaziun media-superiura (UMS) sesanfla ina survesta dils
termins che pertuccan il proceder d’access allas scolas medias per igl onn 2013. Sin quella pagina
ein era ulteriuras informaziuns nizeivlas d‘anflar.
E rzi eh un gs -, K ul tur - und U m w el ts c hut zd epartem ent
D ep artam e nt d’ educ a zi u n, c ul tura e protec zi un da l’ am bi ent
D i parti m ento del l’ edu c a zi on e, c ultura e prote zi on e del l’ am bi ent e
1 da 4
Gruppas accumpignontas per l’instrucziun dils secunds lungatgs (ISL)
Cun l’entschatta digl onn da scola 2012/13 ein duas gruppas accumpignontas che secumponan da
persunas d’instrucziun dalla scola primara vegnidas tschernidas (engles ella primara per las scolas
egl intschess tudestg e romontsch sco era engles per igl intschess talian). Sut la direcziun digl inspectorat vegnan las finamiras dallas etappas e las indicaziuns concretas dalla materia elaboradas
e publicadas sin la pagina d’internet digl Uffeci da scola e sport per sustener las persunas
d’instrucziun.
Aschi spèrt sco las scolaras ed ils scolars dalla tschunavla classa actuala cun dus lungatgs jasters
midan el scalem superiur, vegnan las novas gruppas accumpignontas dil scalem superiur medemamein ad entscheiver cun la lavur da coordinaziun e sustegn els roms talian, romontsch ed
engles.
Eliminaziun da lungatgs jasters / qualificaziun da scolast(a)s futur(a)s
La Cumissiun cantunala per formaziun e cultura (CFC) ha dau il mars 2012 denter auter l’incarica
alla Regenza da crear pusseivladads da dispensar scolar(a)s regular(a)s senza adattaziun dallas
finamiras d’emprender dall’instrucziun da lungatgs jasters. Ultra da quei duei vegnir sclariu, schebein absolventas ed absolvents dalla Scol’aulta da pedagogia disponan dallas cumpetenzas da
lungatg necessarias.
La Regenza preveda en sia risposta dils 27 da zercladur 2012 da mantener era el futur pusseivladads da dispensaziun motivadas. Ina extensiun dalla pusseivladad da dispensaziun era sin scolar(a)s regular(a)s ei buca previda.
Tenor la risposta dalla Regenza disponan las persunas d’instrucziun che fineschan la Scol’aulta da
pedagogia dallas cumpetenzas da lungatg necessarias. Las Scolas aultas da pedagogia ein numnadamein obligadas da far contracts da prestaziun cun ils cantuns da domicil. Quels contracts ston
corrispunder allas prescripziuns intercantunalas dalla Conferenza dils directurs d’educaziun
(CDEP).
Matematica al scalem superiur: Geometria ed organisaziun dall’instrucziun
Entras il conclus dalla Regenza grischuna dils 21 da zercladur 2012 vegnan ils detagls pertuccont
l’introducziun dil niev mied da matematica per ils scalems superiurs dil Grischun reglai:
Translaziun:
Las cumparts dil mied d’instrucziun per la 8. e 9. classa inclusiv il cudisch tematic,
il carnet accumpignont ed il carnet da lavur, ils models da copiar sco era las purschidas d’exercitar online vegnan translatadas per talian.
Decuors:
Las sis lecziuns jamnilas d’aritmetica, algebra e geometria ein d’instruir en successiun lineara tenor il mied d’instrucziun. Ils singuls capetels sebasan sin ils capetels precedents.
Geometria:
Ils capetels da geometria ch’ein integrai el mied d’instrucziun ein d’instruir sco ina
unitad da „matematica/geometria“ e d’indicar egl urari cun „M/Gm“.
Eliminaziun:
La pusseivladad d’eliminar la geometria ella 9. classa (a partir digl onn da scola
2014/15) croda entras l’introducziun dil niev mied d’instrucziun.
Niveaus:
Ils differents tips da scola respectivamein las classas da niveau astgan buca
vegnir instrui il medem mument ella medema stanza da scola entras la medema
persuna d’instrucziun.
Attestat:
Las notas digl attestat vegnan vinavon dadas en duas parts independentas: ina
nota per matematica (aritmetica ed algebra) ed ina nota per geometria. Cheutras
duein ils roms matematics survegnir vinavon la medema peisa visavi ils lungatgs.
Igl inspectorat da scola stat bugen a disposiziun en cass da damondas.
E rzi eh un gs -, K ul tur - und U m w el ts c hut zd epartem ent
D ep artam e nt d’ educ a zi u n, c ul tura e protec zi un da l’ am bi ent
D i parti m ento del l’ edu c a zi on e, c ultura e prote zi on e del l’ am bi ent e
2 von 4
Formaziun supplementara obligatoria: www.avs.gr.ch
Las formaziuns supplementaras obligatorias actualas san vegnir consultadas sin la pagina
d‘internet digl Uffeci da scola e sport.
Fiutscher: www.fiutscher.ch
L‘exposiziun grischuna dallas professiuns che ha liug naven dils 6 entochen ils 11 da november
2012 ella hala dil marcau a Cuera dat ina survesta cumplessiva arisguard las professiuns cun
emprendissadi, las plazzas d’emprendissadi e las pusseivladads da far carriera el Grischun.
L’Uniun d’artisanadi e mistregn envida tut(ta)s scolar(a)s dil scalem superiur sco era tut las persunas d’instrucziun cordialmein a quella occurrenza.
Classas che s’annunzian tochen ils 28 da settember 2012 sin la pagina d’internet, viagieschan gratuitamein a Cuera e retscheivan sper la carta d’entrada supplementarmein ina tschavera da miezdi.
Cordialmein salida, A. Caviezel, menader digl Inspectorat da scola dil Grischun.
Communicaziuns digl inspectorat da scola e scolina Surselva
Nova numera da telefon digl inspectorat
Naven dall’entschatta settember 2012 ei igl inspectorat contonschibels sut la numera da telefon
081 257 62 20.
Termins per l’evaluaziun digl inspectorat: www.avs.gr.ch
Per igl onn da scola 2012/13 vegnan suandontas scolas evaluadas entras igl inspectorat da scola e
scolina Surselva:
Scola
Evaluaziun
Occurrenza finala
1
Sumvitg
03. – 07.09.2012
05.10.2012
2
Sagogn
24. – 28.09.2012
23.10.2012
3
Schluein
29. – 31.10.2012
20.11.2012
4
Valendas-Versam
12. – 16.11.2012
11.12.2012
5
Disentis-Mustér
21. – 25.01.2013
19.02.2013
6
Medel
28. – 30.01.2013
21.02.2013
7
Rueun e contuorn
11. – 15.03.2013
09.04.2013
8
Ruschein
02. – 05.04.2013
14.05.2013
9
Obersaxen
21. – 24.05.2013
11.06.2013
10
Mundaun
27. – 29.05.2013
13.06.2013
E rzi eh un gs -, K ul tur - und U m w el ts c hut zd epartem ent
D ep artam e nt d’ educ a zi u n, c ul tura e protec zi un da l’ am bi ent
D i parti m ento del l’ edu c a zi on e, c ultura e prote zi on e del l’ am bi ent e
3 von 4
Conferenza regiunala per cussegls da scola (presidentas/presidents) e per
meinascolas resp. persunas da contact: www.avs.gr.ch
mardis,
20-11-12 allas 19.30 – 21.30 uras, hotel Eden, occurrenza tudestga
mesjamna, 21-11-12 allas 19.30 – 21.30 uras, hotel Eden, occurrenza romontscha
 Ina invitaziun detagliada suonda pli tard.
Conversaziun englesa a Schluein
Hazel Savoldelli-Myerscough porscha la pusseivladad da perfecziunar la tschontscha englesa el
restaurant Posta veglia a Schluein. Quels inscunters han liug la mesjamna sera. Dapli informaziuns
ein d’anflar el document aschuntau.
Niev onn da scola
Nus giavischein a Vus tuts in emperneivel niev onn da scola e sperein vinavon sin ina buna collaboraziun sco ils onns vargai. Per damondas, cussegliaziun e sustegn stein nus bugen a disposiziun.
Cordialmein salida
Inspectorat da scola e scolina Surselva
Alexi Nay, menader dil district
Glion, ils 27 d’uost 2012
E rzi eh un gs -, K ul tur - und U m w el ts c hut zd epartem ent
D ep artam e nt d’ educ a zi u n, c ul tura e protec zi un da l’ am bi ent
D i parti m ento del l’ edu c a zi on e, c ultura e prote zi on e del l’ am bi ent e
4 von 4