Schulinspektorat
Inspecturat da scola
Ispettorato scolastico
Als cussegls da scola, direcziuns da scola e persunas
d'instrucziun
Info 2014 / 15
nr. 1
Giudicament d'admissiun 2014 / Procedura d'admissiun 2015
24 scolaras e scolars han absolviu il 3 e 4 da zercladur 2014 il giudicament d'admissiun cantunal.
Quater scolaras e scolars han fatg igl examen cun success.
Igl inspectorat da scola engrazia a tut las persunas d'instrucziun che han assegnau las scolaras ed
ils scolars sco era alla cumissiun d'assegnaziun per la grondiusa lavur en connex cun la procedura
d'admissiun.
100
80
60
81
79
75
40
20
37
38
38
0
2003/04
2004/05
2005/06
2006/07
2007/08
2008/09
26
28
23
23
24
2009/10
2010/11
2011/12
2012/13
2013/14
Diember d'annuzias al giudicament d'admissiun
Termins per il proxim onn da scola:
Decisiun probabla d'assegnaziun:
Decisiun definitiva d'assegnaziun:
Giudicament d'admissiun (examen da recuors):
30 da schaner 2015
22 d'avrel 2015
2/3 da zercladur 2015
Project da scola Italia-Svizra EXPO 2015
Sut il motto "Nutrire il Pianeta, Energia per la Vita" ha liug il matg 2015 l'exposiziun mundiala EXPO
a Milaun. Il ministerium da formaziun dall'Italia e l'ambassada svizra han svilupau a posta per quella
occurrenza in project pigl onn da scola 2014/15.
Sut il motto "emprender, sviluppar, elaborar" vul quei project triling (talian, tudestg, engles) sensibilisar scolaras e scolars dalla Svizra e dall'Italia per tematicas impurtontas dalla EXPO 2015. (mira
aschunta cun descripziun dil project).
Il project vegn recumandaus dil departement da cultura. Ulteriuras informaziun anfleis sin la pagina
d'internet: http://www.progettoscuola.expo2015.org/.
Talian sco lungatg jester obligatori al sclalem superiur: roms scalem secundar I
Ensemen cun la direcziun dil sectur mieds d'instrucziun e cugl inspectorat da scola ha la gruppa
accumpignonta "talian sec. I" fatg entginas remarcas davart la partenza cun il mied d'instrucziun
"Amici d'Italia" (7.classa) (mira aschunta cun recumandaziun).
E rzi eh un gs -, K ul tur - und U m w el ts c hut zd epartem ent
D ep artam e nt d’ educ a zi u n, c ul tura e protec zi un da l’ am bi ent
D i parti m ento del l’ edu c a zi on e, c ultura e prote zi on e del l’ am bi ent e
1 von 3
Denter auter ei da risguardar che "Amici d'Italia 1" ei da tractar en in onn da scola. La gruppa accumpignonta, che secumponta ord persunas d'instrucziun dalla scola secundara e dalla scola reala,
vegn ad examinar quater gadas ad onn, co la lavur cun il mied d'instrucziun funcziunescha.
Ils resultats dalla gruppa accumpignonta ed ils avis ord la pratica vegnan publicai sin la pagina d'internet digl uffeci. Ils glossaris actuals cun la translaziun tudestga dils plaids talians ein aschuntai a
quest fegl d'informaziun. (mira aschunta cun Glossario).
Engles sco lungatg jester obligatori al scalem primar e superiur: roms scalem primar
Per il "giudicament dalla prestaziun d'engles sil scalem primar" vegn mess a disposiziun in fegl d'informaziun (mira aschunta cun fegl d'informaziun). Quei fegl d'informaziun, che sebasa sin experienzas ord la pratica duront il davos onn da scola, cuntegn era informaziuns davart l'admissiun al scalem secundar I.
Il niev mied d'instrucziun d'engles "New World 3" pil scalem superiur ei obligatoris en tut las empremas classas superiuras.
Introducziun en la professiun per persunas d'instrucziun (IPPI): avs.gr.ch
Ils documents actualisai tiel project IPPI, che ein vegnius lantschaus igl onn vargau cun success, ein
d'anflar sin la pagina d'internet. Varga 250 persunas (principiantas e principiants, scola aulta pedagogica GR, survetsch psicologic, menturas e menturas, direcziuns da scola, inspectorat da scola)
ein involvadas en quei project communabel per possibilitar ina entschatta optimala en la professiun.
Di europeic dils lungatgs: www.edk.ch/dyn/23557.php
Ils 26 da settember 2014 ha liug il proxim di europeic dils lungatgs. Quei ei gest ina buna occasiun
da sefatschentar cul tema "lungatgs e culturas". Sin la pagina d'internet dalla conferenza dils directurs d'educaziun (EDK) ei d'anflar ina broschura cun ideas per l'instrucziun (mira aschunta cun ulteriuras informaziuns).
Campiunadis professiunals SwissSkills 2014: www.swissskillsbern2014.ch
Dils 17 entochen ils 21 da settember 2014 han liug a Berna ils "SwissSkills Bern 2014". Per
l'emprema gada vegnan els menai atras el medem liug. Ins spetga rodund 1000 concurrentas e
concurrents en 70 professiuns. Ulteriuramein vegnan presentadas varga 130 professiuns ord il secturs mistregn, industria e prestaziuns da survetsch.
Sco persuna d'instrucziun haveis la unica pusseivladad da visitar quella occurrenza cun la classa.
Ulteriuras informaziuns, en special pertuccont l'annunzia, anfleis sin la pagina d'internet.
Formaziun supplementara oblgatoria: avs.gr.ch
Ils differents cuors dalla formaziun supplementara obligatoria pil proxim onn calendari ein publicai
sin la pagina d'internet. Las formaziuns supplementaras engles e lungatgs cantunals scalem primar
vegnan terminadas cugl onn 2014. Las persunas d'instrucziun admessas alla formaziun ston haver
absolviu ils differents elements dalla formaziun supplementara entochen ils 31 da december 2014.
E rzi eh un gs -, K ul tur - und U m w el ts c hut zd epartem ent
D ep artam e nt d’ educ a zi u n, c ul tura e protec zi un da l’ am bi ent
D i parti m ento del l’ edu c a zi on e, c ultura e prote zi on e del l’ am bi ent e
2 von 3
Daners per substituziuns san vegnir retratgs entochen la fin digl onn da scola 2015/16. Pli tard san
las contribuziuns cantunalas buca vegnir pagadas. Ils davos cuors "cumpetenzas metodicas talian
per il Grischun tudestg resp. per la Romontschia" han liug igl atun 2014.
Viadi da scola PLUS: ch-go.ch/schulreiseplus
La "ch Stiftung" meina ina plattafuorma online e porscha sustegn per intermediar classas che vulan
far in viadi da scola ni che vulan esser classas hospitontas. Tiel project "Schulreise Plus" sa ina persuna d'instrucziun far in viadi cun l'atgna classa tier ina classa hospitonta ni suprender la rolla dil
guid da viadi per la classa che vegn sin viseta. Aschia pon ils affons survegnir in'investa en autras
culturas e crear contacts sur ils cunfins linguistics ora.
Cordials salids, Andrea Caviezel, menader digl inspecturat da scola dil Grischun
Communicaziuns digl inspectorat da scola Surselva
Conferenzas regiunalas per cussegls da scola (presidentas/presidents) e per
meinascolas resp. persunas da contact: www.avs.gr.ch
Mardis, ils 11-11-14, allas 19.30 – 21.30 uras, Hotel Eden, occurrenza tudestga
Mesjamna, 12-11-14, allas 19.30 – 21.30 uras, Hotel Eden, occurrenza romontscha
 Nus supplichein da reservar provisoricamein ils termins. Ina invitaziun detagliada suonda pli
tard.
Informaziuns per il diever da ZKL – Quiz da leger: www.lesequiz.ch
La centrala per lecturas da classa promova il leger entras dar la pusseivladad d‘empristar
cudischs d’affons e giuvenils en sets da classa. Actualmein stattan 400 tetels reparti sils nov
onns da scola a disposiziun. Il plascher vid las novas medias ed il plascher da leger vegnan
combinai in cun l’auter. La nova savida che las scolaras ed ils scolars han obteniu entras la
lectura sa vegnir controllada ed analisada vid il computer.
Niev onn da scola 2014-15
Nus giavischein a tuts ina buna entschatta dil niev onn da scola 2014-15 e quintein vinavon cun ina
buna collaboraziun. Bugen stein nus a disposiziun en cass da damondas ni per cussegliaziun/sustegn.
Cordials salids
Inspectorat da scola Surselva
Alexi Nay, menader dil district
Glion, 19 d’uost 2014
E rzi eh un gs -, K ul tur - und U m w el ts c hut zd epartem ent
D ep artam e nt d’ educ a zi u n, c ul tura e protec zi un da l’ am bi ent
D i parti m ento del l’ edu c a zi on e, c ultura e prote zi on e del l’ am bi ent e
3 von 3