ASG gets $10.5 USCG member
Mil. to help small helps out the Toa o
businesses A1 le Tai program B1
PAGO PAGO, AMERICAN SAMOA
Aso To’ona’i, Ianuari 21, 2012
$1.00
▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
C
M
Y
K
Frank Gaisoa, pule o le kamupani TMO ma le foa’i tele e $40,000 ua tu’uina atu ile kalapu a Pago Pago e fa’afoeina ai le lakapi fitu a le kalapu mo le Fu’a a
Amerika Samoa ia Apelila. Pelesitene, Tole’afoa Isitolo Wolf, sui pelesitene, Salausa Dr. John Ah Ching ma mautofi o Malisi Pago na latou taliaina ma le olioli lenei
[FV]
mealofa tele ise fa’atasiga ma tusitala na faia i le aso Falaile, 20 Ianuari i le fale aiga a le Sadies By the Sea.
“TOE TOTOGI Afa ‘Aisa Seattle, Uosigitone
LAFOGA 2%”
tusia: Leua Aiono Frost
tusia Ausage Fausia
C
M
Y
K
O le fuafuaga a le Kovana ina ia toe fa’aauau le
lafoga o totogi e 2% mo le tausaga Tupe lenei 2012, ua
tele i ai manatu ma fesili o le atunu’u, i le mafua’aga
o le a toe fa’ae’e ai fua lea lafoga mo le falema’i, ae
ua le alo le malo e sa’ili ni tupe e fofo ai le fa’afitauli.
Ona la o lea mata’upu, ua fa’aaoga e ni isi o le
atunu’u luga o leitio fa’asalalau e fa’aleo ai o latou
lagona mafatia ma le le fiafia, i le fuafuaga a le
Kovana lea e pei ona toe fa’alauiloa mai ai sana fuafuaga, mo le toe fa’aauauina lea o le lafoga 2% mai
totogi o tagata faigaluega i le tausaga lenei 2012.
O ni isi o le atunu’u sa latou ta’ua lea fuafuaga o
se faiga ua amo ai fua e tagata faigaluega le mamafa o
le avega, ae o lo o nofonofo le ua mafua ai ona tula’i
mai tulaga pagatia i tupe a le falema’i.
Fai mai isi o le faiga lea ua fai e le malo, ua manino
mai ai le atili mamafatu o le avega o le a tauamo e
tagata, e fai o le maualuga o pili a le ASPA, taugata le
soifuaga ao lea fo’i o le a toe fa’ae’e ma le lafoga 2%.
“O le a koe oi fo’i le akugu’u oga o legei lafoga e
2% o le a koe fa’ae’e mai e le kovana ma le malo, e
pologa ai lava kagaka vaivai e olioli ai lava kagaka
malolosi,” o le tomumu lea a le isi toeaina ina ua fesiligia e le Samoa News.
Ae na ta’ua e le isi tama i luga o le polokalama a
Faleomavaega Eni i le vaiaso nei, afai o le a toe tipi
le 2% o le lafoga mai le totogi a lona afafine e to’atasi
lea o lo o galue mo le tausiga o le aiga, o lona uiga o le
(Faaauau itulau 10)
O se afa mata’utia na aga’i mai le itu i Matu i
sisifo o le Vasa Pasefika na fa’apuloua Uosigitone
i le timu ‘aisa malulu tele ma na tele vaega o lea
setete na taofia uma galuega ma femalaga’iga ona o
le tetele o le ‘aisa lea.
E le gata i lena fa’aletonu, ae o le silia ma le 10,000
o aiga na motusia a latou eletise, ma le faitau selau
o ta’avale sa fa’aletonu i luga o le alatele, ma taofia
fa’atopetope ai ma femalaga’iga i Malaeva’alele i
Seattle, ma o mea uma na ua fa’aletonu ina ua pa’u
lea afa aisa i lea setete.
E mautinoa e to’atele aiga Samoa o lo’o i ai i lea
setete. O le mea lea sa mafai ai ona fa’ailo i ni ala
feso’ota’iga tau initeneti se fa’asalalauga a le Samoa
News ina ia maua ni tala mai aiga Samoa i lea setete
po’o a mai i latou! Mai lea Uepesite ma le Facebook,
sa fa’ailo mai ai lagona o tagata ae maise o fe’au
fa’amalosi’au i o latou aiga, ae silisili lava, o latou
fe’au misi alofa atu ia i latou uma o lo’o afaina i le
malulu ma le afa ‘aisa i lea setete.
“E moni e i ai tausaga fo’i sa timu ‘aisa pe afa ‘aisa
ai fo’i lenei vaega o le atunu’u, ae o lenei tausaga, ua
iloga mai, ua ese atu le faifaitetele o le malulu, ‘aisa
to’a ma le afa ‘aisa ua afaina ai nei le olaga i lenei
setete. E tele mea ua taofia, ma galuega ua le toe tatalaina, ae ole faigata pito i ogaoga, o le motusia ai o le
eletise, ae faigata atili ai ona fa’amafanafana tagata i
totonu o latou fale.”
Mai le aso Tofi na te’a nei, e tasi lava le ola ua
mautinoa sa maumau i lenei afa ‘aisa, o se tamaititi na le taumafai e aumaia mai totonu o le ta’avale
na lelea ese mai le pakaga a le faleoloa sa faia ai le
fa’atau o mea’ai a le latou aiga. E ese mai le tamai-
titi, sa i ai ma le tagata matua sa sailia mai le Vanu o
Willamette o Albany, e tusa ma le 70 maila le mamao
mai le itu i saute o Portland, e pei ona fa’aalia mai e
Wanda Omadahl.
O le itu i matu o Seattle sa fa’ailoa mai ua matua
‘aisa lava, ma ua fa’atonuina fo’i le vaega o feoa’iga
ina oo ane fa’asao mai se tasi na alu atu e taumafai
ona fa’asao mai se tasi, ae ua lavea ai o ia. O lea sui
na fa’ao’o fo’i i le falema’i tele i Seattle, ae leai ma
se fa’amaumauga na mafai ona fa’ailoa ane e lea sui,
pe na fa’apefea ona lavea o ia.
O le vaega a le Vaai Tau a lea setete, lea e i ai
le latou Fa’ailo Amata na fa’ato’a fa’alogoina e le
to’atele o le setete lea ua fa’ae’e i le aso Tofi na te’a
nei. Na fa’asalalauina fo’i i televise ma leitio le tele
o fa’asalalauga fa’atopetope ina ia lapata’ia tagata i
vaipanoa uma o Uosigitone i saute sisifo ia nofouta
i le o’o atu o nei fa’afitauli, motusia o le eletise
ma ua faigata ona toe femalaga’i i ta’avale tagata i
le va o a’ai. E le gata i lea, ae ua fautuaina fo’i le
mamalu lautele, ina ia utagia i si fa’aletonu e aofia ai
ma le pa’u’u o fale ona ua mamafa ai ‘aisa i o latou
fa’amalama ma tumutumu o taualuga.
Ua toatele ua fautuaina ina ia feoai latou ta’avale
ma fe’avea’i a latou ili la’au, ina ia fesoasoani afai ae
o’o ane i se alatele ua poloka i la’au pa’u’u, ia tatipi e
i latou ma ia toe fa’agasolo lelei le feoaiga a ta’avale
i luga o alatele.
Ua atugalu fo’i le vaega o leoleo a le a’ai ona o
tulaga o lologa i le taimi e uma ai lenei afa ‘aisa. O
le latou tala mai e fa’apea, “O se vaega lea e tele ina
lamatia ai le soifua o tagata, o alatele ma feoa’iga
i ta’avale afi, aua e to’atele lava i latou e oso ane
(Faaauau itulau 10)
Itulau 2 ♦ samoa news, Aso To’ona’i, Ianuari 21, 2012
Tala “Oto’oto” i
Amerika Samoa
tusia: Leua Aiono Frost
••••••••••••••••••••••••••••••••
Toa o le Tai : Leoleo Fa’apitoa i Matafaga
••••••••••••••••••••••••••••••••
O se va’aiga i le tama’ita’i faipisinisi o Betty Hunkin Cavanagh ua faia le a’oa’oga ma ana “Sui
fa’atonu o Tafaoga” lea o le a galulue i le aso e fa’asinosino ma fa’amatala le tele o mata’aga o le
tatou atunu’u i turisi o le a asia i tatou i le Meli tele o le a tatou talimalo ai fo’i. [ata: Leua Aiono Frost]
E te fia
Poka?
Tusia e Toleafoa Haserota Auva’a
O LE LAP TOP
Ua fo’i mai le tamaloa o Tasi i lana malaga
mai i Ausetalia, ua taunu’u mai ma fa’amatala
loa i le olomatua mea na va’ai ai i Ausetalia, o
lo ‘o manuia si teine o Ova ma si ona to’alua
fa’apena si ana fanau.
“Ou te fai atu o le atatamai o le fanau a si o’u
afafine, so ‘o uma lava ia te a’u i vaitaimi a o
o’u laitiiti....” ia ae oso mai le olomatua, “Oooe
ai e so’o ia te oe...e te le’i o’o lava i le vasega
4....” ae fai mai le toeaina, “oe....fa’apea na o’o
i se vasega 3...fai fa’alelei au fa’amatalaga,....
mafaufau muamua ona e tautala ai lea.!!!!.”
Ua taufa’ai’u puta fo’i le feiloa’iga a le
to’alua lea, fai mai le toeaina, “E a e sa’o
au....ana e le to nei ta te le nonofo, se manu o
fa’apenei o la ua ou tu mai i Niu Sila...a leai,
fa’apenei ua fai so’u to’alua palagi.”
Ae ‘oso mai le olomatua o Ova, “Oi ta
fefe...e le iloa lava po ‘o lea sau tala e fai i le
teine palagi..” ae fai mai loa le toeaina, “O le
manaia ia o le komepiuta a le teine....te fai atu o
le vave ona maua tusi....” fai le olomatua, “O le
a le igoa o le mea ?”
Tatou iloa fo’i le toeaina e le mana’o lava e
to’ilalo i le olomatua...”O LE TIP TOP....AUA
FA’APEA LAVA OE IA OU KE LE ILOA
FO’I GAGU...!!!!”
E KELE MEA E ‘ESE AI
LE KAU O KAU I’A!
O le isi fafine na alu atu i Saleologa e fa’atau
mai sana tau i’a i le Maketi o I’a, na savavali
ma tau matamata i i’a lea ua fau mai i luga o le
laulau e fa’atau ai i’a. Fesili atu le fafine i lea
fa’atau i’a ia ta’u mai o le $30.00 e leai se pau
i lalo, alu i le mea o tautau mai tau-i’a fesili i
le fa’atau i’a e sau le tali o le mea lava e tasi,
$30.00 aga’i i luga.
Ua ita le fafine ma fai loa i le ‘au fa’atau i’a,
“Sole e leai lava se isi e se’i iloa fa’ataugofie
mai ana i’a...leiloa pe na fai se tou tonu ?”
Ae laloga mai e le tama fagota sa moe i lalo
o le laulau, ‘oso mai loa la’u tama lea, “TIGA,
VA’AI OE E LELEI GALUEGA UMA O LE
LALOLAGI LEGEI...E KUKU LAVA MA
FAI A LAKOU GALUEGA.....A’O LE GALUEGA LEGEI E U I LUGA LOU TULAI’U
MA FAI..!!!! le mafaufau lou fai’ai ona e
kaukala mai lea, va’ai mai a lea fa’atoa momoe
tagata i le vaivai ua alu le po atoa o fagogota ae
le mafaufau....O KAU A GA O KAU I’A, O
KAU A GA.”
ALOFA ATU I LE VAEGA LENA
E i ai se taule’ale’a na a’oga i uta i Moamoa
i le a’oga Fesoasoani, sa maua ane le i’uga o le
a alu le tama lea o Kolio i Roma, Italia, e a’oga
fa’a-Patele ai, i le fiafia tele o le tama, na alu vili
ai ona matua i Falelima i Savai’i e tau ai le tala
fiafia, i lona maua lea o lona avanoa e alu ai e
a’oga fa’a-Patele i Roma.
“Oi tama fa’amalo atu lava ia te oulua o’u
matua, o le a ua maua mai i i’uga o a’u o le a ou
alu nanei i Roma ou te a’oga ai fa’a-Patele ma
e ono tausaga……” ua leva o tau mafaufau le
toeaina lenei i se tala na fai mai ai lona atali’i,
“Hellowwwww….o a mai oe…o le a le mea ua
fai mai sau ‘upu ia te a’u ?”.
Ae o lo ‘o mafaufau lava le toeaina i le mea
lea ua ta’u e si ona atali’i, tau mafaufau lava ia
‘amuia lona atali’i o lea o le fa’afesaga’i nei ma
Iesu….o lona manatu lava o Roma e tu i le lagi.”
Toe fai atu si ona atali’i, “Hello..Daddy ua
lelei se’i o’u alu e tapena a’u ato leaga e leai se
mea ua tapenaina…ae alofa atu ia Mommy…
se’i toe vili mai i o i Roma pe’a ou taunu’u, ua
e iloa ?
Ae na o le pau lava le tala o le toeaina, “IA
ALOFA ATU IA IESU…MA SI TOEAINA
O APERAAMO MA LE LE TOE AU LENA
PAULO…!!!”.
E TE PUPULA MAI LAVA
OU MATA I VAE AE SOLI A
O mai le isi ulugali’i papalagi lena i le
Maketi i Saleufi e matamata i mea i totonu o
le maketi, feoa’i solo lava e atu i le itu lena e
fa’ata’u ai mea-taulima fa’asolosolo mai ai i
mea na fa’atau ai mea mata. E o’o mai i’ina o
fai le talanoaga a isi faifa’ato’aga na, e o’o mai
loa ae fa’aloloa loa vae o le isi toeaina i luma
o le ‘auala i le mea e savavali ai tagata fa’atau.
Ua te’i lava i le tu o le olomatua palagi i le vae
o le faifa’atoaga lena, na o’u fai lava o le olomatua palagi, “Oh…I am sorry….I’m sorry…
Sir !!!” ua nonofo nei le ‘au faifa’atoaga ua tilotilo le isi i le isi, fai mai loa le isi uo tamaloa
lena, “Fai i ai sou tala…ana o a’u ua leva ona
fai sa’u tala.”
Fai mai le toeaina lena e ana vae ia na tu ai
le palagi, ‘OI VA’AI MAI LAVA I VAE AE
KOE FAI MAI E KOE SOLI FA’ALELEI….
DAMNN IS U…”
E to’alua ni alo o Amerika Samoa ua matua a’oa’oina lelei
e le susuga Bruckner Chase - le “Toa o le Tai lea sa a’au mai
Aunu’u e o’o mai i Utulei” fa’atasi ai ma le fesoasoani malosi a
le susuga Zero I’aulualo, ina ia ‘avea i la’ua ma ulua’i “Toa o le
Tai” e leoleoina le matafaga i taimi o lo ’o fa’amalu ai i ta’elega
masani, pe afai fo’i e tutupu ni fa’aletonu ma e mo’omia ona toe
fa’asaoina le soifua o se tasi, o i la’ua nei ua a’otauina mo lea
matata aoga tele.
O sui talavou nei e to’alua o le susuuga Charles Miller ma
Alesana Alesana lea ua aofia nei i la’ua i le polokalama fa’apitoa
a le susuga Chase, ina ia ‘avea ma leoleo o le tai. Ua toeitiiti
atoa lelei le tolu vaiaso o fa’atautaia nei a’oa’oga fa’apitoa, ma
e fa’atautaia lava i le gataifale o le Fale’aiga lauiloa i Utulei,
Don’t Drink The Water i le matafaga i Utulei.
O le polokalama fa’apitoa o lo o ua fa’atautaia nei e Bruckner
Chase ua aofia ai le sa’iliga o ni Leoleo Fa’apitoa o le Tai, i latou
e toe a’oa’oina ni isi e to’atele o lo tatou atunu’u ina ia fiafia i le
gataifale, to’aga e a’au ma fa’alauteleina o latou tomai i le olaga
e si’omia e le Tai. O le itu tele lava o nei a’oa’oga, o ala e mafai
ona e fa’aleleia atili ai lou gataifale, ma ia aoga fo’i lou gataifale
e sapaia le soifua o i latou e to’atele o le atunu’u.
O le a’au i le vasa loloa e tatau lava ona lava tima’ia ai alo
o tatou atunu’u tu matafaga, aua ua toetoe lava atoa uma nu’u
o lo tatou malo, e i ai lona gataifale e fagogota i ai, ta’e’ele ma
tafafao i ai.
O i latou ua filifilia e fa’atautaia nei a’oa’oga, o ni isi ua
mautinoa ua lava tapena ina ia mautinoa fo’i o lelei a’oa’oga
fa’apitoa o fanau e ‘avea ai ma leoleo o le tai i le lumana’i mo
le atunu’u. E i ai le fa’a’iloga fa’apitoa e tauva i ai i latou ua
a’oa’oina, ua fa’ailoa mai o le Bruckner Chase Award. Pe afai e
maua e oe lea fa’a’iloga, ua e pasia le agava’a e te toe a’oa’oina
ai ni isi fo’i o le tupulaga talavou ia ‘avea ma isi Leoleo o le Tai.
O lenei polokalama ua fuafua ina ia fa’aulu i a’oga tulaga
lua e tauva ai, ma ua fa’ailoa mai, e to’atele na’ua le fanauiti
ua manatu, e ao ina iloa e i latou a’au, ma fiafia uma fo’i e
ta’e’ele ma le agaga saogalemu i le sami. O ni isi e le o iloa
a’au, o lo ’o limiti fo’i lo latou fiafia e ta’ale ma le lagona
saogalemu i le sami.
O le lavea’ia o se soifua mai ni isi fa’aletonu e ono tutupu i le
tai, ua matua a’oa’oina fa’apitoa ai nei talavou, ma o lo o fuafua,
e su’eina e i la’ua su’ega o le “Lavea’ina o le Soifua i le Tai”
ina ia fa’aau’upega ai i la’ua e tautua le atunu’u. O i la’ua nei, pe
afai e manuia mai la’ua sa’iliga, o le a ‘avea ma ulua’i “Ofisa e
Lavea’i Soifua i le Tai.”[Ocean Lifeguard Agency].
Pe afai e te fia malamalama toto’a i lea lava ituaiga o a’oa’oga
fa’apitoa mo tomai e agava’a ai mo sou fa’ailoga e ‘avea ai oe
ma Leoleo o le Tai, ui ane i le Uepesite: www.brucknerchase.
com po’o le Imeli: [email protected].
••••••••••••••••••••••••••••••••
Galuega Fa’amama & Fa’amatagofie DMWR
••••••••••••••••••••••••••••••••
O le aso Faraile o le vaiaso talu ai, na tonu ai i le finagalo
o le ali’i fa’atonu ma lona sui fa’atonu ina ia talafa’auto le
‘aufaigaluega atoa, ae se’i faia la latou galuega fa’amama ina
ia fa’amatagofie ai le gataifale o le atunu’u i le fa’ai’uga o le
vaiaso.
Afai la sa e vala’au i le numera a lea ofisa, e matua faigata
lava ona malamalama le tama’ita’i filipino fou lea fa’ato’a
fa’afaigaluega na tu’u e talia le telefoni, ae ua o uma le ofisa lea
e fai lea galuega fa’amama.
E matua fa’afetaia lea galuega, aua o lo tatou talafatai lava
ia, ua va’aia ai le tele na’ua o lapisi, o otaota tia’i mai i mea
tausami ua mae’a ona inumia ma ‘aina, ae fa’alapisia ai loa e
le mamalu femalaga’i o tatou gataifale. Na va’aia le tele o taga
lapisi tutumu i so ’o se ituaiga o lapisi lafoa’i. O ni isi taimi,
ona ua tutumu kalone fa’atutu solo mo le lafoa’i i ai o lapisi,
ua mafua ai ona toe lelea solo le otaota ma le lava le avanoa e
fa’aputu uma i ai le atigi ‘apa, atigi fagu, o pepa o setaifou [foam
cups & plates] po ’o ipu pepa una o so ’o se ituaiga.
Mai lea galuega tele, sa ‘iloga ai, e mo’omia lava ituaiga galuega fa’amama fa’apenei ona fa’atautaia i vaiaso ta’itasi. E ui
lava ina fa’ataunu’u tiute o nai tagata faigaluega a le Matagaluega o Paka ma Malae ta’alo, ae matua le lava lea mo le mama
a’ia’i o le talafatai i aso ta’itasi.
Na faia le fa’amama lea i ‘auvai o vaitafe, totonu o ‘autu o
alavai i afio’aga i Fagatogo ma Utulei ma se vaega o Malaloa ma
Pago Pago, fa’atasi ai ma Gataivai. Na tu’ufa’atasi fo’i loto o le
Matagaluega o le Vaomatua ma le Gataifale ma isi Ofisa e i ai
le ASAA ma isi vaega o le Malo e aofia ai ma le Paka ma Malae
Ta’alo a lo tatou Malo lava. E latalata i le afe pauna le mamafa
o le lapisi sa fuaina na toina mai le ‘ele’ele ma le sami fa’apea
vaitafe i lea taeao.
ALOFA
FA’Avae ai Aiga
Vaega 96
Ua na o le punou o Loimata
ua le tautala, ua lagona e le teine
le mata muli i tala a lona tina.
Ua lagona fo’i e Loimata le tiga
o tala e lafo ane ia te ia i aso
uma e mafuta ai ma lona tina.
Peita’i, sa ia toe manatua, o tala
nei, e le o ni tala e fa’apea ai ua
le alofa lona tina ia te ia, e leai,
o ‘upu o le alofa moni, lea e lafo
ane e lona tina ia te ia.
Na oso ane nei le toeaina ua
fa’asalavei, ona ua fa’alogologo
atu, e i’u lava ina o’o le a’ao
malosi o le lo’omatua i si ona
afafine, ae le i alu le la malaga
i tua. “Ia o le a lua fa’atalitali la
i le pasi o le afiafi, pe afai e te
lua le manana’o e momoli oulua
i tua, e a le na tonu?” Na tali le
lo’omatua o Tagiilima ma lona
loto fiafia, “Lameko, se pe e te
fai mai i le taimi lenei ou te alu
e fa’agutu le solofanua ou te
ti’eti’e ai i lo’u aiga Lameko,
e leai se faigata ia te a’u, ona
o lea ua e malie mai ma te o
ma Loimata e asi lo’u aiga.”
Ua alu nei le talie a le fanau a
Tagiilima, ma lulu o latou ulu,
ua iloa lelei e tama, ua matua’i
fuli le lo’omatua e fa’asuka lelei
si toeaina, ua le magalogalo, ae
ua matua’i suamalie e pei o le
aisakulimi lea e fa’atau i le fale
aisakulimi o ‘Isa.
Na savali ane nei Eteuati,
ma musumusu i le taliga o lona
tuafafine o Loimata, ona o lo ’o
i ai le mea o lo ’o mana’o ai.
Ua pisi nei le lo’omatua mo le
fa’avasegaina o tupe ma lisiti e
tu’u atu i a Lolesio, le teutupe
o le fa’ato’aga o Etena, a’o le i
alu le la malaga i tua. Na tu a’e
nei i luga Loimata, ma savavali
loa i fafo i le togala’au ma lona
tuagane ma nofo nofo ai.
“Eteuati, e ‘ese lava Tina ia
ma ana tala e lafo mai ia te a’u.
E le o malie lava lona loto i se
mea ta te faia, ua ou le iloa po
’o le a se isi mea ou te faia, ina
ia fiafia ai ma alofa mai ai, ia ta
ita. Ua pei lava ta ita o se tagata
‘ese.” Na liliu ane nei Eteuati
ma fusi si ona tuafafine i lea
taimi. Ua lagona le alofa, ina ua
fa’alogologo atu i le tagi talatala
a Loimataoapa’ula.
“Mata, ‘aua e te tagi, va’ai oe,
o so ’o se matua alofa ma naunau
i sana fanau, e a’oa’i, e lafo atu
i ai tala e sili ona tiga, aisea, ina
ia iloa, ma lagona ai e le tama
po ’o le teine le mea e tatau ona
fai. Afai la e te fa’alogo atu o
lafo mai e Tina ia te oe ‘upu ia,
o ‘upu o le alofa moni Loimata,
leaga e leai se tina e mana’o e
va’ai atu o ola falolo sana fanau,
ia lafoa’i ‘upu e le tau ai lou loto,
ae ia e taofi mau i ‘upu lelei e
a’oa’oina ai lou olaga. Va’ai
fo’i oe i a te a’u, po ’o a lava
‘upu e lafo mai ia te a’u, ou te
to’aga lava e folo le fuala’au o le
onosa’i, onosa’i, onosa’i, ai ana
o se fuala’au e leaga, ua leva ona
ou oti, e a le ga.”
Na vave ona uma faigatala
a Eteuati ma lona tuafafine,
ae ua talie nei. Ua iloa lelei e
Loimata uiga fa’aitu lua o lona
tuagane o Eteuati, e i ai taimi e
fa’alogo atu ua liu mai, a le o le
na, e fa’alogologo atu Loimata
ua fa’ai’i mai le leo o Eteuati, ai
fo’i o le mea lea e pipi’i ai lona
loto ia te ia.
“Mata, e te iloa lou ‘ofu fo’i
lea na ou va’ai o e ‘ofu ai i le
lotu i le Aso Sa lea ua te’a?” Na
tilotilo ane nei Loimata i lona
tuagane ma le le mautonu o lona
mafaufau, pe aisea ua fesili ane
ai i lona ‘ofu lea.
“Eteuati, o le a le mea ua e
mana’o ai fua i lo’u ‘ofu, o le
‘ofu teine, e le fetaui le na mea o
lou ‘ofu fua i lo’u ‘ofu, e le o oe
o se teine, o oe lava o le tama.”
“Loimata si o’u tuafafine,
va’ai fo’i oe, o le ituaiga
fausaga lea e maua ai matou nei
e lua itu, o le itu tama ma le itu
teine, o le isi aso ua tama, o le
isi aso ua teine, a pe a e tago e
‘aumai lou ‘ofu lena nanei ia te
a’u, ae lua te le i o ma Tina, se i
o’u fa’aaogaina.”
Ua ‘ata leo tele Loimata
ma tu i luga. “Eteuati, o le a
le uiga o lau tala, oka, oka e, o
le a e ‘ofu fua lava i lo’u ‘ofu,
aisea?” Na tilotilo nei le tama
i ona tamatama’i vae, ma ua
ea a’e nei i luga, “Se ou te alu
ai i le siva i le po taeao ma te
o ma Lipine.” Ua u’u le gutu o
Loimata i lea taimi ma tilotilo
ane i a Eteuati. E moni lava o
a ni isi uiga o Eteuati, ae e iloa
lelei lava e Loimata, o si ona
tuagane lava lea e sulu i ai pe
a mana’o i se mea, ona o lo ’o
faigaluega lelei Eteuati. “Ia ua
lelei, ae tolotolo mai la i tua i
le fa’amalama nanei e avatu ai,
ae va’ai lo’u ‘ofu i masae, ua e
iloa o oe e masomasoa, a’o a’u
o le teine mo’i.” Ua ‘ata Eteuati
ma toe tali ane i lona tuafafine,
“E, va’ai outou, o outou na ua
agasala ai le lalolagi e, talu ai le
tou fia a’ai fua i le apu a Atamu.
A’o matou nei, na o le eva lava
i lau fau malu ma o keige e su’e
kama, ae a.” Na ‘ata nei Loimata
ma toe tepa tasi ane i lona tuagane, e taufa’alili ma fa’atiga
ulu ia te ia, peita’i, e iloa lava
e le tama’ita’i le naunau o ona
tuagane ia te ia.
Ua na o le tutu nei o Lameko
ma lana fanau tama ma tilotilo
ifo i atigipusa e valu ma atopa’u
e lua, ae le aofia ai ma ato
fa’afafa e tolu. Ua u’u le gutu
o le toeaina ma tilotilo ane i le
lo’omatua, ua toe mafaufau le
toeaina, pe o le a le taimi o le
vaeluaga o le po na fai ai atigipusa nei, ona e leai lava ni pusa
fa’apea sa ia va’ai i ai. O le isi
itu na manatu i ai le toeaina, po
’o a mea o lo ’o i totonu o atigipusa nei ua va’ai atu i ai. Ua
talie tama ma tilotilo ane i lo
latou tina.
Na fesili nei le toeaina ona o
lona fia iloa, “Tagi, o lua mea ia
e ‘ave i tua?” Na tali Tagiilima,
“Ioe, Meko, o mea na e ‘ave i
si o’u aiga i tua.” Ua lulu le ulu
o le toeaina o Lameko, ae oso
ane le fa’asalavei tala o Eteuati,
“Tina, e fa’afefea ona ofi i
totonu o le pasi nei atigipusa.
A’o a mea o i totonu o atigipusa,
oka oka, se ua tumu lalo nei.”
Na lili nei Eteuati ma savali, ma
toe fa’apea mai, “Fa’atali atu
se i o’u alu e va’ai la’u atopa’u
po ’o atoa uma ou mitiafu ma
o’u ‘ofutino fou na fa’atau mai
ananafi.”
Ua alu nei le talie a Lameko
ma lana fanau ma tilotilo ane i
si o latou tina e fai mai lava ia o
lona aiga, o lona aiga, ae po ’o
le a fa’afefea latou ia.
Ua liliu ane nei Tagiilima i
lana tama tautala so’o, “Eteuati,
na o le si’i lava o pusa na, tu’u
le tautala so’o, oi, a tausi tausi
outou ua outou feola ona tou
le alolofa lea i lo’u aiga, o lo’u
aiga na tu malosi mai i le tausiga o outou, na o ni fanau se ua
fa’amasinosino mai mea e fai. E
leai sa outou fe’au tou te tautatala
ai i mea ia, na o lo outou malolo
lava pau le na, a ou loto lava e si’i
atoa le fale lenei e fa’atu i tua i
lo’u aiga, o le mea lava lea e fai.”
Ua leai se tasi na tali, ae ua liliu
ane nei tama ma toe fa’atulaga
lelei atigipusa aua le malaga a si
o latou tina i lona aiga.
O totonu o atigi pusa nei, o lo
’o i ai ‘ulo, o falai, o ipu, so ’o
se ituaiga ipu, o sipuni, o tui, ma
naifi fai mea’ai. O isi atigipusa
o pusa mea’ai. O le isi atigipusa,
o ta’aiga ie ma ie ta’i lima iata,
e tufa mo tagata o lona aiga, pe
a taunu’u, ia tofu lava si tina ma
le ie e su’i ai si ana puletasi. O
totonu o le ato lea ua motu le
‘au ma toe su’i i le filo, o lo ’o
i ai le vaega tupe, ua uma ona
fa’avasega e le lo’omatua. O le
tupe e tufa atu i nai ona tuagane
ma a latou fanau, fa’apea teutusi
a Fa’afeagaiga o lo ’o galulue i
le galuega a le Atua i lona nu’u.
O uiga ia o Tagiilima e le mafai
ona galo i le loto o Lameko ma
lana fanau, aua o le loto atoa o
Tagiilima, o lona aiga.
samoa news, Aso To’ona’i, Ianuari 21, 2012 ♦ Itulau 3
FAASILASILAGA
E fa’atulou atu i le pa’ia ma le mamalu tele o le ’aufa’afofoga,
tulou, tulou, tulou lava. A o lenei fa’asalalauga e fa’asino tonu i le
mamalu o e o alaala i le Falelima i Sisifo o lagolagoina le itu tauva
a le Afioga a Faoa ma le Tofa a Taufete’e mo le Kovana ma le Sui
Kovana. O le a faia la tatou fa’atasiga i le Aso To’onai nei, Ianuari
21 – 10 i le taeao i le Laoa o le Tofa i le Matua o Paogofie i
Pava’ia’i. E talosagaina ai ma le fa’aaloalo le pa’ia ma le mamalu,
o e uma o fa’amoemoe ma ’ana’ana e fia ‘auai i komiti a Sisifo,
fa’amolemole maliu mai i lenei fonotaga taua.
Ma le fa’aaloalo tele lava,
Paogofie
Ta’ita’i Komiti o le Falelima i Sisifo
ANNOUNCEMENT
There will be a meeting of the Western District Committee for the
Faoa and Taufete’e campaign for Governor and Lieutenant
Governor this Saturday, January 21st, 10am at High Talking Chief
Paogofie Guest House in Pava’ia’i. All those interested in joining
and serving in any of the Western District village committees are
respectfully invited to join us.
Thank you,
Paogofie
Chairman for the Western District Campaign Committee
for Faoa and Taufete’e for Governor and Lieutenant Governor
Talofa Video
ALL
MOVIES
$2
NEW RELEASES:
Real Steel • Abduction
Killer Elite • Scorpion King 3
Pavaiai 699-7206 • Nuuuli 699-1888 • Fagatogo 633-2239 • Aua 644-1888
Location: Industrial Park in Tafuna
Contact: 684-699-6187 Fax: 684-699-6188
“Dependable from
Start to Finish”
The Supply Chain Partner
You Can Depend On
Itulau 4 ♦ samoa news, Aso To’ona’i, Ianuari 21, 2012
TA L A
I
TAALOGA
3 Talavou
Fa’amau
Fa’ailoga
Football
tusia: Leua Aiono Frost
I le taumafaiga a le ASHSAA ina ia fa’amau fa’ailoga taumafaiga a ni isi o le fanau talavou sa ta’a’alo i tulaga ‘ese’ese o le
Ta’aloga Lakapi Fa’a-Amerika po ’o le Football a A’oga Maualuluga i le Teritori o Amerika Samoa, sa ‘ausia ai e ni isi o talavou
fa’ailoga o le “Tama Ta’alo o le Tausaga A’oga 2011-2012.”
O i latou nei e aofia ai le ali’i na ta’alo mo le tulaga Defensive
Tackle [DT] lea na manumalo ai le ali’i o Vincent Ta’ala mai le
‘Au Futipolo a Faga’itua Vikings i lana numera ta’alo #59. O le
tulaga o le QB quarterback na maua lea e le Numera 7 a le a’oga
a Fagaitua Vikings lava, le susuga Ricardo Gonzales.
E lua fa’ailoga o le “Tama Ta’alo Lelei” o le tausaga atoa
a le ASHSAA ma le tama ta’alo lelei mo le ta’aloga o le Siamupini na sa’ilia i le va o Fagaitua Vikings Varsity Team ma
Tafuna Warriors Varsity lea ua umia uma e le ali’i Quarterback
o Ricardo Gonzales.
O se fiafiaga fo’i lea i Tina o nei ali’i ta’a’alo e to’alua, na
matua o’o mai i le Ofisa o la tatou nei nusipepa ina ia tapu’eina
o la’ua ata ma a la’ua fanau fa’apineina i a la’ua taumafaiga
maoa’e i le Futipolo.
O i la’ua uma fo’i nei sa ‘avea ma tama ta’a’alo i le ‘Au
Futipolo a Amerika Samoa lea sa fetaui ma Hawai’i i le ta’aloga
faitaulia na amatalia ai le tausaga fou a lo tatou atunu’u : Le
Sa’iliga o se ‘au e umia le “Samoa Bowl” i le tausaga e 2012.
I se saunoaga fa’apitoa a nei ali’i e to’alua, sa la’ua fa’ailoa
ai, “O se fa’amalosi’au lea i le olaga ta’alo o i maua o ni fa’amau
fa’apea, e mafai ona e toe manatua ai, sa e taumafai malosi mai
le amataga mo sou ‘ai, ia ‘avea a’u ma se tama ta’alo i le Futipolo i le NFL!”
O la’ua fa’ailoga nei, na fa’amausali atili mai i lea lava
fetauiga i le va o Amerika Samoa ma Hawai’i mo le Samoa
Bowl 2012. Ua ‘iloga fo’i lo la’ua agaga fa’afetai ia i latou sa
fesoasoani malosi i a la’ua taumafaiga, a’o tausa’ili manuia e
ala i le ta’aloga Football I’inei, ma e naunau lava i se avanoa e
malaga ai i fafo e ala i sikolasipi mai lea lava fa’agatama.
Ona o le sa’afi fiafia lava fo’i o nei tina lalelei i le taumafai
maoa’e a le fanau, ua fiafia ai e fa’ailo lo latou talisapaia ma le
agaga fiafia o taumafaiga a le fanau i lenei tausaga. O Eve Gonzales ma le faletua o Joy Ta’ala, ua fa’aalia o la’ua agaga fiafia
ma le fa’afetai i lea lava sauniga sa faia fa’apitoa e taua’aoina ai
fa’ailoga nei i o la’ua alo.
E le’i misia fo’i i le aiga ae maise matua o le ali’i talavou mai
Tafuna Warriors Junior Varsity Football Team lea avanoa. Sa
‘auai fo’i ina ia taua’aoina le fa’a’iloga mo le ali’i o Ali’ioaiga
AJ Filoiali’i mai Faleniu ma Ta’u, Manu’a. O lea ali’i ua ia mauaina fo’i le fa’a’iloga MVP mo le ASHSAA Football Tournament i le tausaga a’oga 2011-2012. O matua o le ali’i talavou
lea, Rev. Filoiali’i & Fa’afota Filoiali’i o le Ekalesia Faapotopotoga Kerisiano i Amerika Samoa i Faleniu.
AS-EPA SAYS:
Litter hurts. .
Do the right thing
O se va’aiga i le to’alua o le fanau sa maua fa’ailoga o le MVP ma la’ua tina.
[ata: Jeff Hayner]
Foa’i $40,000 TMO mo
le Fitu a Malisi Pago…
tusia Falaniko Vitolio
O se foa’i pito i sili ona maualuga i ona
tugala fa’alupelupeina na alo iai Frank Gaisoa
ma lana kamupani, Tautua Mo Oe (TMO)
Na foa’ina e Gaisoa ma le TMO le $40,000 i
le kalapu a Malisi Pago mo le fa’amoemoe a
le sosaiete ile fia faia lea o se ta’aloga lakapi
ta’ito’a fitu fa’a va o malo i le masina o Aplelia
aua le famanatuina o le Fu’a a Amerika Samoa.
O lenei sauniga na faia lea i le Sadies By The
Sea i Utulei ma le au tusitala ile taeao o le aso
Falaile, 20 o Ianuari.
Sa saunoa Gaisoa, e fiafia lona tagata ma
le TMO e fesoasoani i le atina’eina o ta’aloga
ma le taleni a tupulaga talavou a le tertitori. O
lea ua a’e ai se manatu ia te ia ma lona aiga o
le’a foa’i lenei seleni tele e una’i ai le tupulaga
ta’alo aua so latou lumana’i i lenei fa’agatama
o le lakapi. O Gaisoa ma le TMO, ua lau iloa i
lo latou lagolago i ta’aloga a Amerika Samoa.
Sa momoli le fa’afetai tele a le pelesitene o
Malisi Pago, Tole’afoa Isitolo Wolf ia Gaisoa,
lona aiga ma le latou kamupani TMO ona o le
amana’ia o le samoga a le sosaiete a Malisi, e
ala lea ile fesoasoani tau tupe ua latou tu’uina
mai mo le tauvaga ia Apelila.
Fai mai Tole’afoa, o le agaga na fausia ai
lenei fa’amoemoe ina una’i le tupulaga e atia’e
lenei ta’aloga i Amerika Samoa aua ua va’ai
mamao Malisi Pago ile tele o fa’amanuiaga ua
maua mai ile lakapi pe’a fua ia Samoa ma motu
tua’oi.
“E mafai ona maua ni sikolasipi i lenei
ta’aloga ma e matou te galulue vavalalata ma
uso a Malisi i Samoa ma Niu Sila e maua ai nei
avanoa e fa’alautele ai le poto fa’a lakapi a tupulaga o Amerika Samoa. E mafai ai ona ta’a’alo
lakapi fa’apolofesa alo o le teritori ma maua ai
konokarate e ofi atu ai e ta’a’alo i Europa ma isi
atunu’u ua lauiloa ai Samoa i lenei ta’aloga,” o
le saunoaga lea a Tole’afoa.
Sa fa’aopo’opo mai Tole’afoa o le isi itu taua
o lenei ta’aloga fa’a va o malo o le’a tapena e
Malisi Pago, ia fesoasoani malosi ai i le tulei
ina o le sini o le Iuni Lakapi a Amerika Samoa
ia talia le talosaga a le teritori e avea ma sui o le
International Rugby Board (IRB) o lo’o pulea
lakapi a le lalolagi.
“Tasi lenei fesoasoani tele a le susuga ia
Gaisoa ma le TMO e ala i la latou foa’i tele ua ia
taua’aoina i lenei aso. Ia va’ai mai le IRB o lo’o
fai sa tatou galuega lelei mo le atina’eina ma
le fa’ateleina o le malamalama o tama ta’a’alo
o Amerika Samoa e ala lea i le ta’amilosaga
fa’a va o malo o le’a alo atu iai Malisi Pago ia
Apelila.
“E ao ina tatou tu malosi e sapaia le talosaga a
le afioga ia Kovana Togiola, o ia fo’i o le ta’ita’i
o le Iuni Lakapi a Amerika Samoa ia talia e le
IRB le fanoga a le teritori. O le fesaoasoani tau
tupe la mai ia Gaisoa ma le TMO ua mafai ai
ona fa’atino nei peleni ua fa’ata’atia. Pe ana le
seanoa lenei tino i tupe ua foa’i mai e Gaisoa
ma le TMO e le taunu’u le fa’amoemoe.”
Fai mai a le pelesitene, o lenei miti ina faia
se ta’aloga fa’ava o malo i Amerika Samoa o se
miti a Malisi Pago na fafau mai talu ona fa’avae
le sosaiete tusa ma le 12 tausaga talu ai.
“Lenei la o le’a tino mai i lenei tausaga ona
o le agalofa ma le agalelei o Gaisoa ma le TMO
ile fo’ai e $40,000 ua taulimaina.”
Sa fa’aopo’opo i le fa’afetai a le pelesitene ia
lona soa pelesitene, Salausa Dr. John Ah Ching
i lana fo’i molimau. Fai mai a ia, a tatou tilotilo i le Ipu o le lalolagi sa faia lea i Niu Sila
talu ai nei, na’o tama ta’alo Samoa na tele ina
ta’a’alo mai i isi atunu’u ma lauiloa, ma mimita
ai Samoa na lua.
“Ua mafai ona fa’atino lenei galuega ona ole
lima foa’i o Gaisoa ma le aiga atoa ma le kamupani TMO mo lenei fa’amoemoe. Avatu ai le
(Faaauau itulau 11)
samoa news, Aso To’ona’i, Ianuari 21, 2012 ♦ Itulau 5
Fa’apine
Tausima’i
pasi —
5PN & 4RN
saunia: Leua Aiono Frost
Na fa’ato’a fa’ataunu’u le sauniga mamalu o le fa’apinega o
tama’ita’i Tausima’i Pasi e to’aiva, to’alima e pasi ma fa’ailoga
PN ae to’afa na papasi ma fa’ailoga RN ma sa fa’ato’a faia lea
sauniga mamalu o le fa’apinega aloa’ia o latou tautoga mo le
galulue ai i lea tofi, fa’atasi ai ma fa’amau fa’ailogaina o la latou
‘au’aunaga.
O lea sauniga mamalu sa faia lea i le Fale Laumei i Utulei, i
le afiafi o le aso 12 Ianuari, 2012 ma sa fa’atumulia lea sauniga
mamalu i aiga, uo mamae ma e masani i le vasega fa’au’u o lenei
tausaga mai a’oa’oga fa’atausima’i i le Kolisi Tu’ufa’atasi o
Amerika Samoa.
O le fa’au’uga sa faia lea i le aso 23 Tesema, 2011, ma sa
‘auai fo’i i latou nei i le solo a le ‘au fa’au’u o lena fa’ai’uga
o le tausaga, ae peita’i, e le mafai ona tu’ua ai lenei sauniga
mamalu e fa’atinoina pea e le Sosaiete a Tama’ita’i Tausima’i
o Amerika Samoa, le pulega o A’oga Fa’atausima’i i le Kolisi
fa’atasi ai ma le poloa’iga fa’amalosi’au a le Kovana Sili ina ia
fa’atauaina pea lava lea ‘au’aunaga aoga ma le lelei mo tagata
uma ua fa’agasegasea ma mo’omia le a’apa atu ma fesoasoani.
I le sauniga sa fa’atautaia na mua’i tatalaina lea i le saunoaga
aloa’ia a le susuga le Sui Peresetene o le Kolisi Tu’ufa’atasi, le susuga
Tapa’au Dr. Daniel Aga. “O la outou ‘au’aunaga e matua taua lava i
le soifuaga o tagata uma o le atunu’u. Ua loa ona i ai lea ‘au’aunaga
e afua mai lava i le amataga, ma outou e ta’imua mai lava la outou
tautua. Ia ‘avea fo’i lenei avanoa, mai le ma’ua laulau se’elua ma le
Peresetene o le Kolisi - Seth Galea’i, Ia outou manuia!”
I se saunoaga fa’amalosi’au, e fa’afetaia ai le ‘au’aunaga a nei
tausima’i pasi, na fa’apea ai le afioga le Kovana Sili, Togiola Tulafono, “O lenei le galuega afai e te ulufale i ai, ua matua faigata lava
ona e toe solomuli ai pe e te toe alu ‘ese mai ai, aua e a? Ona o le
tautoga ua saunia outou e osia i le aso! Afai fo’i e te faigaluega ai
ona ua filifili e te faia, e te tu’ua fo’i lou soifua i luga o le laina,
ae maise lava mo le ua e tautuaina. E moni e le o i ai ni a outou
au’upega e puipuia ai outou, ae peita’i, e tutusa pau le lamatia o
lo outou ola ma i latou o lo ’o fe’avea’i fana, ‘ofutau ma talita e
puipuia ai i latou mai ia i latou o lo ’o sulufa’i mai ia te outou.”
“Ona o la outou tautoga lea o le a osia i le po nei, e le o outou
fa’avaivai ai e sofa’i i le ogaoga o outou tiute fa’atino, ina ia mafai
ona toe fa’afo’i le malosi i e mama’i ua i ai i maota gasegase ma
tatalia togafitiga fa’atonuina mai foma’i. Ua outou le fa’atali se’i
mua’i faia le tautoga, ona fa’ato’a outou faia ai lea o tiute ma’oti
mo outou e fa’atino, fa’afetai i le agaga alofa lena, ma le fa’asoa
o le alofa ia i latou ua mo’omia.”
I la outou ‘au’aunaga, e ao lava ina i ai mea fou e tatau ona
a’oa’oina ai outou i taimi uma, e fa’aleleia atili ai le tautuaina o
tagata gasegase. E tatau ia te outou ona sa’ili atili le atamai lena
e fa’atino ai tiute. Aisea? Aua e fa’amoemoe tagata gasegase i la
outou lea manulauti, ua fa’a’au’upegaina outou i tomai ma taleni
e tausia ai i latou. O le afuaga tonu lea e ala ai ona tatau lava le
to’aga e a’oa’oina outou i tomai ‘ese’ese e ao ina outou faia ai le
galuega.”
O suafa o i latou ua fa’amanuiaina:
Pasia a’oa’oga: Practical Nursing
Audrey Jean Mauga, LPN
Feauina Meaole
Emmely Nickel, LPN
Arieta Sofeni-Maulupe
Siaifoi Carol Tafiti, LPN
Pasia a’oa’oga: Registered Nursing
Oge Liu-Chan Lefiti
Samson Felise Steffany, RN
Fa’aotaota Ta’ase
Mark Anthony Villajuan, RN
I lea afiafi sa va’aia lava le fiafia fa’atasi o aiga, le vasega o
Tama’ita’i Tausima’i Amerika Samoa, le Fa’auluuluga ma faia’oga
o le Kosi Fa’atausima’i i le Kolisi ma la latou fo’i Pulega, ae maise
ai lava le afioga le Fa’a-Ao o le Malo o Amerika Samoa Kovana
Sili Togiola Tulafono ma le vasega o matua ma Aiga, ae maise uo
mamae ma e masani i le au fa’au’u fa’apine i le afiafi taua.
saunia:[email protected]
O se va’aiga i le susuga Mageo ma lana soa mai le KVZK–TV i Utulei, o se pa’aga lava a le
Samoa News ma le To’asavili i le tele o taimi a’o alo faiva i le sailiga o tala tusia ma ata tapu’e o
[ata: Leua Aiono Frost]
mea e tutupu i si o tatou malo.
AMATA FA’AMASINOGA E FA’ATE’A AI LE FA’AMASINO SILI…
saunia: Leua Aiono Frost
O le ali’i fa’amasino sili a le Malo o Filipaina,
Renato Corona, o ia fo’i lea o lo ’o fa’auluulu i
ai le Matagaluega o Fa’amasinoga a lea Malo, o
lo ‘o ua fa’ailoa mai, o le a amatalia le iloiloga o
moliga e fa’asaga ia te ia, ua tu’ua’ia ai lona sui,
ua fa’a’au’au ana fa’ai’uga na faia i le Peresetene
tama’ita’i ua tuana’i o Gloria Arroyo.
O lenei fa’amasinoga o lo ’o i ai le fuafuaga,
afai ae malo le itu agai o le fa’amasinoga, ona
fa’ate’a pe fa’atula’i ‘ese lea o le fa’amasino sili
mai lona tofiga.
O lea fa’amasinoga, ua fa’ailoa mai o le a
filifilia lea e le vaega a le Komiti Fa’afoe mo
Fa’amasinoga a le Senate a lea malo, ma e to’a
23 sui totino o lea Komiti. O le moliga lea e sili
ona le fiafia ai le mamalu o le senate, ua fa’ailoa i
fa’ai’uga faia a le Fa’amasino Sili Renato Corona,
e fa’aauau ae le usita’ia ai e ia lona tofiga, e mau
fa’atuatuaina ai o ia e le mamalu lautele o lona
atunu’u, lea sa tatau ona mamafa ia te ia. Ua
fa’ailoa mai e le senate, “Afai ae fa’amaonia lea
moliga o le fa’amasino sili, o lona uiga ua solituina e ia le fa’avae o le Malo o Filipaina.”
O le konekeresi sa latou fa’amalosia le tula’i
‘ese mai o Corona mai lona tofiga, ma la latou
tu’ua’iga lea ua afua lea iloiloga amata a le
Senate i le fa’amasino sili. E mautinoa lava, o
lo ’o tete’e le ali’i fa’amasino sili i nei tu’ua’iga,
ma lana saunoaga fo’i, e le mafaia ona fa’atula’i
‘esea o ia e le Konekeresi, i lalo o le fa’avae e le
mafai, e oti lava o ia i lona tofiga lea.
E tusa ai ma le iloa e le susuga le fa’amasino
sili o lona tofi, e se’i vagana lava ua maliu o ia,
ona fa’ato’a fa’ate’a lea o ia ma le tofiga lea, pe
afai e leai lava ma sana solitulafono o faia. Ia
te ia lea, e leai sona sasi o i ai i lana fa’ai’uga
na faia e tusa ai o le fa’amasinoga o le afioga le
Peresetene o le Malo, Gloria Arroyo.
O le fa’amasinoga nei, a’o le’i amatalia, e
fa’aauau mo ni masina e le pu’upu’u. O le ali’i peresetene lea e tula’i i le taimi nei Benigno Aquino, o
ia lea o lo ’o una’ia lea fa’amasinoga ina ia faia e
fa’asaga i le fa’amasino sili, ma lana saunoaga ua
faia i le Nusipepa AFP, “E tatau ona matou mafaia
ona taofi le fa’aauau pea ona faia e lenei fa’amasino
o fa’ai’uga e le talafeagai ma le fa’avae o le Malo
ma ona tulafono e ao ina puipuia ai.”
Ua fa’ailoa mai, o le a fa’ateleina tagata i
totonu o le Konekeresi a lea malo e auau le
mau ina ia fa’atula’i ‘esea Corona mai le tofi
fa’amasino sili, aua ua foliga mai, e manumalo
pea le fa’ai’uga ua ia faia, e le mafai ai e le malo
ona saisaitia mai Arroyo, i ana soligatulafono ua
mae’a fa’afofogaina i le fa’amasinoga.
Ina ua mae’a faia le palotaga a le Konekeresi
ina ia fa’atula’ia ai Corona mai lona tofiga, na
maua le fa’ai’uga e 188 i latou na ‘auai i lea mau,
mai le 284 o i latou i totonu o le konekeresi. O le
fa’ai’uga o le palota lea, ua mafai ai ona faia le
iloiloga o Corona i luma o le Senate, e na’o le 23
sui o lea komiti fa’afoe.
E ‘ese mai le fa’atula’i ‘ese o Corona mai
lona tofiga, ua fa’ailoa fo’i se isi moliga, ona e
le o mafai e ia ona fa’atonuina mai i le i’uga a le
fa’amasinoga, ia fa’aalia uma mai fa’amaumauga
o aseta ma tupe o lo ’o masalomia le fa’aaogaina
le tatau e le peresetene ua te’a, Gloria Arroyo.
O le tama’ita’i peresetene talu ai, Arroyo sa ia
tofia le ali’i o Corona e ‘avea ma fa’amasino sili
a’o toetoe lava mae’a lona taimi o se peresetene
o le Malo o Filipaina, ae o Corona fo’i sa ‘avea
ma pule o tagata faigaluega i le ofisa o le Peresetene a’o ‘avea Arroyo ma peresetene.
O lea tofiga e ‘avea ma fa’amasino sili o
Corona, sa matua fesiligia lava e le ali’i ua ‘avea
nei ma Peresetene Benigno Aquino, ma o le
afuaga fo’i lea o lona talitonu o lo ’o taumafai
lava Corona i lona malosi fa’a- fa’amasino sili, e
taofia le tele o su’esu’ega ma sa’ili’iliga e tusa ai
o tu’ua’iga lea e fa’asaga i le sa ‘avea ma peresetene - Gloria Arroyo.
I le masina o Novema 2011, na toe tatalaina
ai fo’i e Corona i sana fa’atonuga le fa’asa ai e le
fa’amasinoga ina ia taofia ai le toe tu’ua e Arroyo
o Filipaina, peita’i, ona o tulaga o lona sa’iliga
togofitiga o gasegase lea sa mafai ai ona fa’ataga
e le fa’amasino sili lona alu ‘ese mai le malo.
Ina ua toe taliu ane Arroyo i lona malo, sa
saisaitia ai loa i moliga e fa’apea ai, sa ia sai’oa
le palotaga o le Senate i le tausaga e 2007, peita’i
o le moliga, o lo ’o matua tete’e lava i ai Arroyo.
I tala fa’asalalau mai e le tele o nusipepa ma
televise ua fa’aalia ai, o lo ’o to’atele lava i latou
o le atunu’u o lo ’o fiafia i le sa’iliga mae’ae’a a
le ali’i peresetene Aquino o lo ’o faia e fa’asaga
i le tama’ita’i sa tula’i e ‘avea ma Peresetene o
Filipaina lea ua tuana’i nei.
O le fa’amasinoga o Corona, o se tasi lea
o mea ua faia e le tusa ai ma le tulafono o le
fa’avae o le malo, ae ua sopoia ai e le ali’i Peresetene Aquino le va tapu’ia fa’atamasa o le tofiga
“Fa’amasino Sili” o lea malo.
I le taimi nei, e le o sapaia e le Vaega o
Fa’amasinoga le fa’ai’uga a le Peresetene ma le
Konekeresi ina ia tula’i Corona i luma o la latou
Komiti Fa’afoe o le Vaega o Fa’amasinoga a
le Senate, e tali i ona moliga e pei ona tu’ua’ia
ai e le afioga le Peresetene Aquino ma 188 o le
Konekeresi.
Itulau 6 ♦ samoa news, Aso To’ona’i, Ianuari 21, 2012
T ALA SAMOA
m
a
i
brought to you by
Call us today
for further
assistance.
Saunia: LAF/Naenae Productions
FAAMAVAE REV. OKA FAUOLO MAI
LE FONO A EKALESIA SOOFAATASI
O le vaiaso nei na faailoa mai e le Fono a Ekalesia
Soofaatasi a Samoa le faamavae o le taitaifono, le
susuga i le Toeaina ia Oka Fauolo mai lea tofiga ua
atoa nei le 20 tausaga. E lei talia e sui o le fono le faamavaega a le susuga i le Toeaina e pei ona faaleoina
e le sui taitaifono, le susuga Leaupepe Kasiano.
O ni nai vaiaso ua tuanai na sa faataotolia ai
le susuga i le Toeaina i le maota gasegase ma na
ia faaalia i lana faamavaega, ua le o toe lava lona
malosi e faaauau ai lea tofiga ma ua tatau ona faaavanoa le tofiga. E ui e lei talia le faamavaega, e lei
tafa le finagalo o le susuga Oka ma sa ia faaalia, ua
ia lagona lava ua le o toe lava lona malosi e faaauau
ai i le tofi taitaifono ma ua tatau ona saili se tasi o
maua le malosi o le tino ma le agaga e faaauauina
le galuega.
E faamavae le susuga Rev. Oka Fauolo ua 82
tausaga o lona soifua ma o le tele o ia tausaga sa
ia galue ai i le Upu folafola. Sa avea o ia ma pule
o le aoga faafifeau a le ekalesia EFKS i Malua i le
silia ma le 20 tausaga ma na avea foi ma taitaifono
a le ekalesia mo le tele o tausaga seia oo lava ina
penisione malolo ina ua atoa le 70 tausaga o lona
soifua. O le tausaga 2005 na faalauiloa ai se tusi
sa tusia e le susuga i le Toeaina ua faaigoaina, “O
le vavega o le Alofa Laveai,” o se tusi e silia ma le
800 ona itulau o loo faamatala mai ai tala mai le
1761 i Egelani e oo mai i le 1999 i Samoa, o le tala
faasolopito o le ekalesia i Samoa.
O le susuga i le Toeaina o se alo o le itumalo
Faasaleleaga mai le afioaga o Fusi, Safotulafai ma
e toafa o la alo ma le faletua ia Sooletauamatumua,
ma alo o la alo e toa 13.
O loo aumau nei le susuga Oka Fauolo ma le faletua ia Soo i le afioaga o Vaoala.
MALILIU SE ULUGALII INA UA TAFEA
LE LA TAAVALE I LE MALI’OLI’O
O le taeao o le aso Faraile na maliliu ai se tama
matua e 65 tausaga ma se tina matua e 60 tausaga,
o se ulugalii i le motu tele i Salafai, i le vaitafe o le
Mali’oli’o i le auala sima o lo o i ai i Samalaeulu.
O lea ulugalii e faapea e mai lava i le afioaga o
Samalaeulu ma e alala i autafa tonu lava o le vaitafe
i le isi itu.
Na faaalia, o le vaveao o le aso Faraile poo le
itula e 5 i le vaveao, na faanatinati mai ai e tuli le
vaa o le 6 i le taeao i le uafu i Salelologa mo le
faamoemoe e malaga i Upolu ma na agai ane lava
laua i le la taavale ma kolosi le vai, a o le taimi tonu
lea o lo o malosi tafega. Na iu ina tafea ai le taavale
ma maliliu ai lava.
O tagata lava o le afioaga o Samalaeulu na agai
ane ma toe maua le taavale, ma maua ai foi ma tino
maliliu o le ulugalii. Na faaalia e le sooupu o le
Matagaluega o Leoleo ma Falepuipui, le afioga
Leaupepe Fatu Pula e faapea, o lo o i le maota gasegase i Tuasivi tino maliliu o lea ulugalii. Ua fau-
Visit: www.tanoatusitala.com
www.tanoahotels.com
tanoa tusitala hotel, apia, samoa
Phone: 685-21-122 • Fax: 685-23-652
tuaina ai foi ma le mamalu lautele o le atunuu ina
ia faaeteete i tulaga uma ona o le mamafa o timuga,
mai lava i le kolosi o vaitafe, o lologa i nofoaga
maualalalo faapea le agai atu i faiga faiva i le gataifale. O le taeao ananafi na taofia ai femalagaiga o
vaa i le va o le uafu i Mulifanua ma Salelologa ona
o le sou tele o le sami, ma o lo o fetuunai lava e le
kapeteni ma lana auvaa e fua i lipoti o le tala i le tau
pe talafeagai ona femalagaai.
TOE FO’I MAI SE TAMAITAI SAMOA SA
AVE FAAMLOSI MO LE 13 TAUSAGA
Ua toe faafoi mai nei i Samoa se tasi o alo
tamaitai o le atunuu e suafa ia Melisa mai le afioaga
o Fagafau i le motu tele i Salafai, na avea faamalosia
ese mai i lona aiga mo le umi e 13 tausaga. i se pepa
o faamatalaga mai le Ofisa o le Hai Komesina o
Niu Sila i Samoa, e faapea na laveai mai o ia mai le
atunuu o Filipaina.
E ave faamalosi ese atu ma Samoa le nei tamaitai
ua 15 tausaga le matua. E faapea le faamatalaga, na
ave faanana o ia e se ulugalii Amerika na agai mai i
Samoa, ma se la auvaa o tagata Netherlands i se vaa
afi tele ma toe folau ese agai atu i le itu i Saute i Sasae
o Asia ma faapologa ai le nei alo teine o Samoa i luga
o lea vaa mo le umi e 4 tausaga. Peitai, i se tasi aso
ina ua faaletonu le afi o le vaa, na oso ese ai Melisa
ma aau agai i uta ina ua tulata i se tasi o atunuu, ma
sola ai. Mulimuli ane, faatoa ia iloa o lea atunuu o
Filipaina. O ina na ia faaogaina ai se telefoni ma
valaau mai Samoa ma iloa ai loa e lona aiga le tulaga
moni o lo o tupu. O galuega amata i le sailia ma le
toe laveaia mai o lea tamaitai, na faatinoina lea e se
ulugalii o le tamaloa o le Ausetalia e suafa ia Bruce
Peek ae o le tina o le Samoa e suafa ia Belle.
O le asiasi mai o Belle i lona aiga i Savaii, na
feiloai ai ma le faifeau lotu patipati a le afioaga o
Fagafau ma faailoa ane o le tama teine a se tasi o sui
o le ekalesia na leiloa i le 13 tausaga talu ai, ae na
o le telefoni lea na valaau mai na sola ese ma tagata
na avea o ia, ma o loo ola, ae o lo o i Filipaina. E
tele tagata faavaomalo ma faalapotopotoga na agai
iai le sailiga a le ulugalii o Bruce ma Belle, ma i’u
lava ina maua le nofoaga o lo o i ai Melisa. E faapea
i le taimi na faatoa sulufai atu ai i Filipaina, na sulufai ane ma maua le fesoasoani i se tasi o nofoaga a
le Ekalesia Mamona o lo o i ai, e faapea sa i ai ma
se faifeau Samoa, peitai, e le i faafesootaia mai e lea
faifeau lona aiga i Samoa, ae na ave ane o ia faafaigaluega i se tasi o a latou fale sulufai mo le umi e 9
tausaga e aunoa ma se totogi, poo se gaioiga e toe
faafoi mai o ia i Samoa.
O le tausaga e 2009 na laveaina mai ai o ia mai
i lea nofoaga e le ulugalii na taua, ma fai ona pepa
malaga ma tulaga moomia uma e malaga ese ai ma
lea atunuu, ma auina ane ai loa o ia i Niu Sila e
amata toe fotua’e ai lona olaga. O le 16 masina talu
ai na faaipoipo ai o ia, ma ua iai nei lana tama teine
lua masina le matua. O le aoauli la o le aso Faraile,
sa faia ai se feiloaiga a tusitala ma lea tamaitai i le
ofisa o le Hai Komesina o Niu Sila i Apia.
FAATU LE PISINISI LAUPAPA A LE
EKALESIA WORSHIP CENTER I FUGALEI
Ua faatuina nei se pisinisi laupapa a le Ekalesia
o le Samoa Worship Center. O lea pisinisi o lo o i
Fugalei tafatafa ane o le tele o pisinisi o lo o agai
ma tumutumu i ai le mamalu o le atunuu. Na saunoa
le susuga i le faifeau o le ekalesia, le susuga Viliamu Mafo’e, o le valaauina mai o le ekalesia i le
finagalo faaalia o le Atua na mafua ai ona faatuina e
le ekalesia lea pisinisi ua faaigoaina o le Kingdom
Builders. Na ia taua, o le auaunaga a lea kamupani
laupapa a le ekalesia, o le a o latou ofoina atu ai
laupapa lelei lava mo le mamalu o le atunuu i ni tau
taugofie.
O ia laupapa o lo o faatauina mai i Niu Sila, ona
o latou toe faatauina atu lea i ni tau taugofie. E valu
masina na faagaioi ai e le laulauafono a le ekalesia
le faatuina o lea faamoemoe ma faatinoina a latou
suesuega ae le i tatalaina le pisinisi. O le sini autu
lava o lea faamoemoe, ina ia maua ni seleni a le
lotu e lagolagosua ai i galuega a alo o le atunuu o
lo o faa-misiona atu i atunuu i fafo e pei o Initia ma
Pakistan. E le o mafai ona faailoa mai le aofaiga
o le seleni na faatuina ai lea atinae a le ekalesia.
Peitai, e iai foi nisi o ana atinae e pei o lana leitio
ma le fale TV o le Kingdom TV.
MALAGA MAI SIKOTILANI E ILOILO MA
LE MANU SAMOA I LE TAUSAGA NEI
Ua faaalia e le afioga i le ofisa sili o le Iuni
Lakapi a Samoa, le susuga ia Su’a Peter Schuster, le
mautinoa nei o le malaga mai o Sikotilani i Samoa
mo sana taaloga faitaulia ma le Manu Samoa i le
ogatotonu o le tausaga nei.
O le vaiaso na sei mavae atu, na malaga mai ai i
Samoa le taitai malaga o le au tele a Sikotilani ma
nisi o le pulega e asiasi o tatou malae taalo aemaise
le Apia Park, faapea tulaga uma mo le aumau ai
i Samoa i le faasauni ai mo le taaloga faitaulia e
pei o maota talimalo ma potu e fai ai a latou fono
ma tulaga uma faapena. i le maea ai o lea asiasiga,
ua faamalieina le pulega o le au tele a lea atunuu,
ma faamautu ai loa lo latou oo mai i Samoa mo
lea faamoemoe i le maea ai o nisi o ana taaloga
faavaomalo ma le Wallabies a Ausetalia.
O le feiloaiga lata mai a le Manu ma Sikotilani
o le tausaga e 2010, lea na malolo ai le Manu i le
minute faaiu o lea taaloga ina ua manuia le aaina o le
sala i le pou a Sikotilani. Ae o le faaiuga o le tausaga
i le masina o Novema, o lo o i ai le faamoemoe e
malaga taamilo atu ai le Manu Samoa i Europa. O
le taimi nei na faaalia e Su’a, ua mautinoa le tatou
taaloga faitaulia ma le au tele a Farani, lea na sue
siamupini ma le Olo Peleki a Niu Sila i le Ipu o le
lalolagi. Ua faamautu mai, o le aso 23 o Novema
o le a faia ai le taaloga ma Farani i le laumua o lea
atunuu i Pale. Peitai o isi taaloga e lua na atofa, o
le a faamautu mai e le Fono Faatonu a le Lakapi
Faavaomalo i le maea ai o lana fonotaga i le aso 2 o
le masina fou o Fepuari, poo ai tonu atunuu ia o le a
fetaui ma le Manu e faamaea ai lea malaga taamilo.
O le lotoa lena i Fugalei o le a faatuina ai le pisinisi laupapa a le ekalesia o le Worship Center mo le faatauina atu o laupapa mai fafo i se tau taugofie.
[Ata: Naenae Productions]
C
M
Y
K
C
M
Y
K
MANA’OMIA
FA’ATELEINA
TOTINO E TAUTUA E LE ASOA
samoa news, Aso To’ona’i, Ianuari 21, 2012 ♦ Itulau 7
tusia: Leua Aiono Frost
C
M
Y
K
C
M
Y
K
Ua i ai nei se sa’iliga tele a le ASOA [American Samoa
Organization on Aging] i le taimi nei, e latou te fia maua uma
lava le mamalu o le atunu’u ua atoa le 60 tausaga ma sili atu.
O lea su’esu’ega a le ASOA o sa latou galuega amata ina ia
mafai ona feutaga’i ma le vasega matutua o le atunu’u, i ni ala
e fa’aleleia atili ai le ‘au’aunaga mo i latou.
O le manulauti lea sa una’ia i le fonotaga o le Aso Lua lona
lua o le masina o Ianuari, lea e masani ona faia ai latou fonotaga
i la latou Ofisa ‘autu i le Paka Liona i Tafuna. O le susuga le
Failautusi o le ASOA Marilyn Ah Ching lea sa ia fa’ailoa mai i
la tatou nusipepa nei, lea fa’amoemoe, ma ua fa’ao’o atu ai lea
fanoga i le mamalu o tatou matua e 60 tausaga ma sili atu, ina
ia fa’ailoa mai lou suafa e ala i le vala’au mai lea i le telefoni
699-1131 po ’o le 699-4432 ma le 770-4432, 731-3876.
E i ai fo’i ni tautua e mafai ona agava’a ai outou uma o le
a lisia o outou suafa, o totino o lenei sosaiete. E ‘ese mai le
‘avea o oe ma totino o le TAOA, e mafai fo’i ona ‘avea oe ma
totino o le ASOA. O lea Sosaiete o se tasi o totino e lalo mai o
le fa’amalu o le TAOA, ia ‘aua ne’i popolevale i tatou matua,
fa’apea ne’i te’i ua fa’aleaoga ai lou ‘avea ma sui o le TAOA a
lo tatou Malo.
E le o gata la i lenei fa’asalalauga ua uia ai ala o tala tusia i le
nusipepa, ae ua fesoasoani mai fo’i le vaega a le National Emergency Grant [NEG] i lenei fa’amoemoe, ma ua latou savalia ai
le Fagaloa, ma taumafai ona tusia uma suafa o matua ua atoa le
60 tausaga ma sili atu o le soifuaga.
Ua fa’amoemoe o le a outou talia lelei nei sui o le NEG o le
a savalia o outou maota ma laoa, ina ia fa’amauina mai outou
suafa mo lea fa’amoemoe lelei. I lea lava fo’i sa’iliga o le a
fa’atino e le NEG mo le ASOA, ia tali fesili o le a fa’aleoina,
ina ia mafai ona mautinoa tonu e le ASOA ituaiga mana’omia o
lo ’o i ai i le soifuaga o tagata matutua o lo tatou atunu’u.
Mo se fa’ata’ita’iga, “E i ai ni isi o lo ’o mana’omia se
to’oto’o ona ua fa’aletonu lona a’ao, ae sa le mana’omia i
le isi 3 masina ua te’a.” Ona o lea fa’ato’a o’o mai le afaina
o lona a’ao, ua fa’ato’a mana’omia ai, ae ua le maua fo’i se
feso’ota’iga vave ma i matou po ’o isi fo’i uso a sosaiete o lo ’o
tautuaina lava i tatou, tama ma tina matutua.
Ua tulata mai fo’i le taimi e ofoina mai ai e le ASOA a’oga
su’isu’i e mafai ona faia e tina matutua ma tama fo’i o lo ’o
malolosi pea ma lelei le va’ai. O lea fesoasoani ua mafai ona
fa’atino ona o le ‘au’aunaga a le USDA ma le Land Grant lea e
fa’apa’aga ma le ASOA ma maua ai lea avanoa lelei e fa’asoa
mai ai lea taleni ma tomai e mo’omia lava e tagata uma.
O lea vasega, o le a toe fa’ailoa patino ai i tina matutua,
le su’iga o la’ei o tamaiti ma tama fo’i ae maise o ia lava!
O le ASOA na fa’ato’a fa’atula’ia i le tausaga e 2009 ma sa
fa’atautaia lana ulua’i fonotaga i le AP Lutali Center i Pago
Pago.
O le tausaga fo’i ua tuana’i sa fa’ato’a fa’atino ai e le ASOA
lana polokalama fetufa’i ma le fanau talavou e ala i le a’oa’oina
o tu ma agaifanua fa’asamoa ma isi atunu’u i le fanau i vaitaimi
o le tu’uaga umi o a’oga ia Me se’ia o’o ia Aukuso. Na matua
fiafia tele le fanau e ‘auai i nei a’oa’oga, ae ua so’o fo’i le fau
ma le fau i le soifua o le fanau, e ’iloga ona fiafia i latou e
mafuta ma matua matutua ma latou iloa ai le tele o isi mea e
le’i mafai ona latou maua mai o latou matua talavou. O lo ’o i ai
lava le fa’amoemoe o le ASOA e fa’aauau lava lea ‘au’aunaga
mo le fanauiti 7-12 tausaga le matutua i le isi tu’uaga umi fo’i
o lenei tausaga.
Peita’i, i lenei tausaga, ua taumafai atili le susuga Mike
Hamphill o le ASOA ina ia faia se a’oa’oga po ’o se tolauapi
fa’apitoa mo le fanau talavou i le vasega o tamaiti i a’oga maualuluga. Talosia i le alofa o le Atua e mafai ai ona fa’atula’i lea
fa’amoemoe i lenei tausaga.
Manatua, fa’ao’o mai sau vala’au i numera o telefoni o i luga,
pe afai ua atoa le 60 o ou tausaga, ma sili atu fo’i. Ina ia mafai
ona o’o atu se sui o le ASOA e fa’amasani ma oe, ma aumaia
fo’i oe i se fonotaga e fa’ailoa ai le tele o isi fo’i mataupu ma
tautua aoga e te maua mai le ASOA.
tusitala: [email protected]
O se va’aiga i le galuega tele sa gafa ma le aufaigaluega a le DMWR i le aso Faraile o le vaiaso
na te’a. Fa’amalo ma fa’afetai! [ata: Jeff Hayner]
Itulau 8 ♦ samoa news, Aso To’ona’i, Ianuari 21, 2012
O se va’aiga i nisi o malo fa’aaloalogia i le tatalaga o le Maota o le susuga le Faifeau Malolo Manumalo o Emau Petaia ma le faletua i Kana.
FA’ATUSATUSA FAIGAMALO A TOGIOLA IA
OBAMA MA TUILAEPA
ENI “E LE O SE MUIMUI AE FAI ATU AI FO’I”
tusia Ausage Fausia
Na fa’ai’u le saunoaga a le ali’i faipule ia Faleomavaega Eni
i le mata’upu e uiga i le fanua o lo o vavao ai le VA ma le malo
o Amerika Samoa, i lona si’i ina mai lea o fa’amaumauga e
fa’atusatusa ai le faigamalo a le ali’i kovana ia Togiola Tulafono
o lo o i ai nei, ma faigamalo a ni isi o ta’ita’i o le lalolagi e aofia
ai Tuilaepa le Palemia o Samoa, ma Barack Obama le Peresetene
o le malo tele o Amerika.
Na mafua ona ‘aumai e Faleomavaega le mata’upu e uiga i
faigamalo, ona o le ‘auala o lo o fa’aalu i ai tupe a le malo o
Amerika Samoa, e aofia ai ma se fuafuaga a kovana Togiola e toe
fa’aopoopo se isi sui o lana Kapeneta, e ala i le fa’atula’i lea o se
isi Matagaluega fou mo Fitafita Tuai, ina ia mafai ai ona ‘avea le
Fa’atonu o lea Matagaluega o se tasi o sui o lana Kapeneta.
“Aisea o le a toe mana’omia ai fua e le Kovana ni isi sui mo
lana Kapeneta, ae le sefe nei tupe e fesoasoani ai i se isi mana’oga
o le malo,” o le saunoaga lea a Eni.
“Na ou fa’alogo a fono le Kovana ma lana Kapeneta pe a ma
le to’a 30 sui e ‘auai, ae a fono le Palemia o Samoa ma lana kapeneta e le atoa se toa 10, a fono fo’i le Peresetene o Amerika ma
lana Kapeneta e na o le toa 15, ae o Amerika Samoa e le atoa se
toa 56,000 o tagata o lo o nonofo ai, e fa’afefea la ona tupu lea
mea,?” o le saunoaga lea a Faleomavaega ma soisoi.
E ui o lea ua ta’oto i le Fa’amasinoga le mata’upu a Fitafita
Tuai ma le malo, ona o le fanua i Tafuna lea e lisi e Fitafita Tuai
mai le malo, peita’i na saunoa le ali’i faipule ma fa’ailoa lona le
malamalama tele, po o a mea ia ua mana’o le kovana e fa’aaoga
i ai fale ia sa fausia e Fitafita Tuai, ua mafua ai ona ia faia le
fa’ai’uga e fa’atula’i ‘ese i latou mai le fanua.
E tusa ai ma fa’afinauga a loia ua i luma o le fa’amasinoga e
uiga i lenei mata’upu, o lo o ta’ua ai le mafua’aga ua ala ai ona
manatu le malo e fa’atula’i ‘ese Fitafita Tuai mai le fanua, ona ua
mae’a le taimi o le lisi sa sainia.
Peita’i i se saunoaga a Togiola i luga o se tasi o ana polokalama i le tausaga na te’a nei, ina ua fa’atoa alia’e mai le mata’upu
lenei i le lisi ma Fitafita Tuai, sa ia ta’ua ai e fa’apea, e uiga lava
ua leva ona mae’a le lisi a Fitafita Tuai ma le malo, peita’i sa ia
tu’uina atu pea le avanoa latou te fa’aaogaina ai pea le fanua i a
latou fuafuaga, ona o le taimi lea o lo o latou tatala atu le avanoa
e fa’aaoga ai e ni isi o Fa’alapotopotoga o Ta’aloga i le atunu’u e
pei o le Asosi Fusu le fale mo a latou ta’aloga, ae o le taimi lava
na mumusu ai loa Fitafita Tuai e toe tatalaina atu lea fesoasoani
mo Asosi o Taaloga, sa ia faia ai loa ma le fa’ai’uga ua tatau loa
ona tula’i ‘ese ma le fanua.
E ui o ia tulaga, o lo o tumau pea le talitonuga o sui o Fitafita
Tuai e pei ona finauina e le latou loia i luma o le Fa’amasinoga, e
le’i ta’ita’i mae’a le lisi o le fanua, fa’atoa mae’a i le 2017 e ui o
lea ua finau mai le malo, o le lisi na mae’a i le 2007.
Feso’ota’i mai i le tusitala ia [email protected]
[ata: Leua Aiono Frost]
Teine A’oga Iran Fana oti i Texas
saunia: Leua Aiono Frost
O se tama’ita’i a’oga mai Iran sa nofo mau i
Texas ma ua iloa fo’i e le to’atele e matua sogasoga
o ia i galuega fai mo Iran, ua tete’i tagata uma o la
latou vaitua’oi ina ua tafanaina o ia i totonu o lana
ta’avale e tusa ma nai iata mai lona fale.
O Gelareh Bagherzadeh, e 30 ona tausaga, na
sau lana ta’avale e ui mai i lumafale o le atugafale
o lo ‘o i ai lona fale e tusa o le 12:00 i le po, ae na
fanaina lava o ia i totonu o lana ta’avale, ae le’i
o’o mai i lona fale.
Ina ua tuvae leoleo i le nofoaga o lea fa’alavelave
tau ta’avale, sa va’aia le ta’avale a le tama’ita’i
foma’i lenei ua oso i totonu o le faitoto’a o le fale
ta’avale ae o lo ’o ola lava le afi o le ta’avale e
le’i tapeina, ae o lo ’o ta’avavale fo’i pa’u o le
ta’avale. Na maua atu lava le tama’ita’i foma’i o
Gelareh o lo ’o fa’agaulua i luga o le nofoa o le
‘ave ta’avale, ma ua ‘iloga mai na fanaina mai o ia
i lona fa’amalama o lana ta’avale.
Ua ‘iloga mai i su’esu’ega a ali’i leoleo, e leai
ma se mea ua ‘ave’esea mai totonu o le ta’avale,
o lana telefoni ma lana ‘ato o lo ’o i ai uma lava
i totonu o lana ta’avale. O se tala mai le vaega
su’esu’e mo tagata fasiotia fa’apea, na fa’aalia e
ni isi sa fa’alogoina le mea na tupu, ua fa’ailoa
mai, “na matou fa’alogoina le papa o fana, soso’o
ai ma le patatu mai o le ta’avale ua so’a se mea,
ona toe fa’alogoina lea o le i’i o pa’u o le ta’avale
e foliga mai ua alu ‘ese.”
Na fa’ailoa e leoleo su’esu’e i le vaega a le ABC
News KTRK, o le tagata mulimuli na talanoa ma
lea tama’ita’i foma’i o lana uo mamae, ma le ali’i sa
la’ua uo muamua lea na la talanoa lava ae fana loa
ma Gelareh i lea po. Ina ua fa’atalanoa le ali’i na la
talanoa, sa ia fa’ailoa mai, e na te le’i lagonaina se
pa o le fana, peita’i, sa ia fa’alogoina le patatu o le
mea ma le i’i o pa’u o se ta’avale ua alu ‘ese mai.
O lenei tama’ita’i foma’i, o lona tupu’aga o le
malo Iran, ma o le lalamua ia o lenei tama’ita’i
e fa’ailo ma taumafai aia tatau a tama’ita’i mai
Iran, ma e tele fo’i ona manatu e fa’aalia ai lona
tete’e i le tele o mea e faia e le malo Iran e le o
talafeagai ma aia tatau a ona tagatanu’u, e tusa ai
ma ona manatu e fa’aalia i fa’atalanoaga sa faia
ma le Nusipepa a le Houston Chronicle.
O le tausaga e 2010 na faia ai le tele o solo
tete’e e mana’omia ai le suiga o se faigamalo mo
Iran, sa lalamua ai lenei tama’ita’i, peita’i, sa toe
o’o ane o ia e talosaga, ina ia taofia lona igoa ma
ata sa maua ai o ia mai fa’asalalauga, ona ua i’ite
o ia e o’o mai ai ni sauaga ia te ia. O se tala lea
mai le Houston Chronicle.
E le o fa’amauina e leoleo su’esu’e le maliu o
lenei tama’ita’i e afua mai lona tete’e na’ua i mea
ma le faigamalo a Iran, peita’i o lo ’o sa’ilia pea
mea uma e tau talafeagai ma le ala ua fasiotia ai
fa’apea lenei tama’ita’i atamai ma le aoga fo’i i
tagata lautele e ala i lana galuega.
Peita’i, o le ala ua maliu ai o ia, o se ala e pei
se mea fai fa’alilolilo, ma e ao lava ina maua uma
ni fa’amaumauga mai ata tapu’e i mea pu’eata o
lea vaia’ai, ma ua mae’a i ai nei i a’ao o leoleo
su’esu’e nei mea pu’eata e o’o lava i mea pu’eata
a lona vai a’ai lea sa tapu’e mai le isi itu ala a’o
fasiotia o ia, ua ‘avea e leoleo, ma o se ala ua
fa’afaigofie ai le sa’iliga.
I le vaia’ai lava o alaala ai lenei tama’ita’i, ua
‘iloga mai le fiafia ai o i latou e nofo tua’oi ma ia,
e leai fo’i ni isi se to’atele e o ane i lona fale, ae
o lo ’o galue lea tama’ita’i i sa’iliga o meafaigaluega mo su’esu’ega fa’a-molekiula i le falema’i o
Texas Medical Center.
Na fa’ailoa i fa’amaumauga a Leoleo sa mua’i
o’o ane i latou e sa’ilia se fana na mua’i fa’apaina i
lea nofoaga 800 August Drive i le po lea e tusa ma le
11:45pm peita’i, na toe fo’i nei ali’i leoleo i lo latou
ofisa e le’i maua se mea o fa’aletonu ai lea vaia’ai.
Ae na toe fa’ao’o atu se vala’au i se tasi ua
tafanaina i lea vaia’ai e tusa ma le 45minute
mulimuli ane ai i le mea na tupu muamua, ma ua
o’o mai leoleo ae maua ai le ta’avale a Gelareh
ua so’a le fale ta’avale a le aiga e fa’asaga mai i
lona fale i le isi ituala 894 August Drive. O’o mai
i ai le vaega a le falema’i, e leai ua maliu Gelareh
i totonu o lana ta’avale ona o se pulufana na fana
mai ai o ia i lona fa’amalama.
O se tasi mea ua ‘iloga mai, na ta e Gelareh
lana ta’avale i le itu e leai se ala o i ai, i le fale o
lo ’o fa’asaga mai i lona fale, ae le liliu sa’o o ia i
lona fale. O lo ’o sa’ilia i lipine na tapu’ea i mea
pu’e ata, pe aisea lava ua ia faia ai lea filifiliga.
Peita’i, mai tala a tagata uma o la latou vaia’ai,
ua fa’ailoa ai e i latou, “o taimi uma lava e paka lava
e Gelareh lana ta’avale i luga o le alatele i lumafale
o lona fale.” O se tasi o lo ’o soso’o o la’ua fale ma
Gelareh, sa ia fa’ailoa mai, “E matua ‘ese lava le
ala ua fasiotia ai lenei tama’ita’i, ma e le va’aia so’o
lenei fo’i ituaiga o faiga e le to’atele, ma e le o se
va’aiga faigofie fo’i.” O lea ali’i, o lana mea pu’eata
sa pu’eina ai le ata o le alatele sa fasia ai Gelareh ma
ua fa’ao’o nei i leoleo lea lava lipine.
E le’i mafai ona maua le aiga o Gelareh mo
le taimi nei e fa’ailoa i ai le mea ua tupu ia te ia!
Salu Vale le Lau Ta’amu a A’opa
[Malo le faitau, malo fo’i le onosai, ae alo mai
loa o le toe sosooina lenei o la tatou tala fa’asolo,
lea na gata mai i le vaiaso na te’a nei i le taimi
lea ua so’ona mateletele atu ai le fafine o Lumepa
i le ali’i leoleo po o a ana tala ua fai i lana tama
ua mafua ai ona tagi masusu le tamaitiiti, ma ua
oio lava i se toe talanoa atu i ai ua matua le mafai
lava ona toe tali mai i se ‘upu se tasi, talu ai le
mafatia o lona loto.]
Na tu le ali’i leoleo o Meki mo ni nai minute
ma tau to manatu i se isi ‘auala o le a ia faia, ina ia
tafa ai le fa’agau le malie o le fafine lea ua oso a’e
ia te ia ona o le tagi o lana tama i le la talanoaga o
lo o fai nei, ae o le fafine o Lumepa i le taimi lea,
na ona uma atu lava o lona avavau i le ali’i leoleo,
a’apa atu loa ma lona lima ua toso fa’atata ‘ese mai
lana tama ma la savavali atu loa aga’i i le fale, ae o
le gutu o le fafine e le malolo i lona tu’i fesiliina lea
o lana tama po o a tala a le leoleo sa fai atu ia te ia.
“O a uma ma isi aga kala ga fai aku ia ke oe ua
mafua ai oga e kagi,?” o le fesili fia iloa lea a le
fafine o Lumepa ae o le tamaitiiti i le taimi lea e le
o seki lelei lona mafaufau, ona o lo o i ai le mea
lea o lo o i lona loto sa mana’o e ta’u i le leoleo, ae
na ‘avea le avaavau atu o le leoleo ma ona foliga
saua ia te ia ma itu na oso ai lona fefe, ma mafua
ai loa ona tagi aueue. “Shhh, sa i ai se kala a le
leoleo ga fai aku ia ke oe ua mafua ai oga e kagi
fa’apega,?” o le toe fesili atu lea a Lumepa i lana
tama ina ua fiu lava e fesili muamua atu i ai ae leai
lava sana tali, “E leai, ga pau lava laga kala ga fai
mai ia ke a’u, fai mai pe i ai se isi mea ga ou va’ai
o kupu i le kaimi ga igu pia ai Pulusi ma Iose,” o
le tala tau le lagona lea a le tamaitiiti i lona tina,
ae ua ‘avea ma itu na toe oso atu ai ma le isi fesili
fa’aloia a le fafine i lana tama, “O le a la lau kali i
le leoleo, ae o a gi isi mea e ke iloa e ke le’i va’ai
lava i se igugapia a Pulusi ma lou kama,?” e le’i
tali le tamaitiiti i le taimi lea ae ua na o le tu lava
ma fa’atau pupula i lona tina e foliga mai e i ai se
mea e le o malamalama ai i ana tala o lo o fai atu.
“Sole Pega, ga e fai i le leoleo sa igupia lou kama
ma Pulusi i se aso o le vaiaso lea na maua aku ai
Pulusi o oki i kokogu o la lakou fale,?” o le isi lea
fesili a le fafine na toe fesiligia ai lana tama, ona e
atagia mai i lana tala sa ia ta’uina i le leoleo sa fai
le inugapia a lona tama ma Pulusi, “Ioe, sa ou fai i
le leoleo sa ou va’ai o igu pia lo’u kama ma Pulusi
i kua i le umukuka i le po o le aso Ko’oga’i, ae ou
ke le’i iloa le kaimi ga uma ai le la igupapia sa fai.”
O le ‘Au Uso ma le Purinisese mai Initia
[Soso’o ane loa lau faitau i le toe soso’oina o la tatou tala fa’asolo,
lea na gata mai i le vaiaso na te’a nei i le taimi lea na toe faliu ai le
ta’ita’i fitafita ma toe savali atu i luga o le va’a, ma ia tu’uina atu loa le
fa’atonuga i fitafita uma o lo o fo’i manuia mai, ina ia gasolo loa i fafo
ma le va’a se’i feiloa’i atu i o latou aiga.]
Na ona taunu’u lava o le ta’ita’i lea sa fa’auluulu i ai le osofa’iga i
totonu o le va’a, fai loa ma lana fa’atonuga i fitafita ina ia amata fa’agasolo
loa i fafo fitafita uma o le taua se’i feiloa’i ma aiga ma uo, ona fa’atoa
avatu mulimuli ai loa lea o tino maliliu o i latou sa maliliu mai le osofa’iga, ma o se taimi pito sili lea
na fiafia i aiga o fitafita ia ua aga’i atu i fafo, ina ua latou va’aia le aga’i manuia atu o latou tagata sa
o i le taua. O fafine ma a latou fanau ua tamomo’e atu ma fa’afeiloa’i fitafita, o isi ua le mafai ona toe
fa’ama’amulu ‘ese atu o latou ta’ito’alua, e o’o lava fo’i i fanau ua matua fiafia uma i le feiloa’iga
lea o lo o fai i luga o le uafu, ae o le isi itu o le uafu, o lo o laulaututu ai i latou o lo o fa’ailoga fesili
o latou mafaufau po o toe fo’i mai a latou fitafita na malaga i le taua, aua o lea ua toeitiiti mae’a uma
mai i fafo fitafita, ae e le’i va’aia lava o latou ta’ito’alua po o fanau fo’i.
“E!, ta le lava va’ai atu e le o sau si a’u tama i le solo o fitafita ua toe fo’i manuia mai i le taua,
paga le faigata o lenei mea,” o le tagi to’atasi lea a le isi tina o lo o tutu to’alua ma si ana tama
e 4 tausaga le matua, a’o gasolo mai pea i lalo fitafita mulimuli o le laina, ma, o le taimi lava na
mautinoa ai e le tina o lea ua uma mai fitafita mai le va’a, na punou ifo ai loa i lalo ma fusi si ana
tama o lo o la tutu ma tagi fa’ataio ai aua o lea ua ia mautinoa, o lana tama le isi o lo o aofia ai i fitafita ua maliliu. O le taimi lava fo’i lea e tasi na tau fai fa’alogoina ai loa le leo o le fa’anoanoa ma le
aue, ina ua mautinoa uma lava fo’i e isi aiga o fitafita sa malaga i le taua, o a latou fitafita isi fitafita
ua mautinoa ua maliliu i le taua, ae na atili ai le laue mai o aiga, ta’ito’alua ma fanau ae maise ai
matua ma uo ina ua latou va’aia le auina mai i lalo o le va’a o pusa maliu o nai o latou aiga, ma o se
taimi pito sili lea ona fa’anoanoa i aiga o i latou nei. Se’i o tatou taliu atu i le osofa’iga a le malo o
Asuria lea ua aga’i mai e tuliloa mai le fuava’a a le malo o Initia. E le’i atoa se aso talu ona te’a ‘ese
mai le fuava’a a Initia mai ogasami o Asuria, ae alu ‘ese mai loa ma le isi va’a tele o le fuava’a tau a
Asuria ma le fa’amoemoe, ia o latou vave taunu’u i gataifale o le malo i le taimi lea o lo o vevesi ai
aiga ona o latou aiga ua maliliu. Tasi lava le fa’amoemoega ‘autu o le osofa’iga lea ua fa’atonuina
ai e Iasoni, e le gata ia fasiotia le tagata na ‘autu i ai le osofa’iga na alu atu i lona malo, a ia toe maua
atu le purinisese o Lorina lea ua ‘aumai fa’atagata o taua e le malo o Initia.
Tala i Vavau o Samoa
O LE SAU’AI O FA’AUFILAU’ULU
O le isi lenei Vavau a le atunu’u
e le gata na mafua mai ai ni isi o
muagagana fa’aalaga’upu mai le
amataga, ae o le tulaga malie fo’i
o lona fa’amatalaina. Fai mai le
mau a tagata A’opo i Savai’i, o
le Sau’ai lenei o Fa’aufilau’ulu,
e tele lava ina nofo i luga o le
sami, ia po o le isi fo’i ona igoa
sa fa’aigoa ai i aso ua mavae, o le
pupu, e pei o le pupu o lo o i le
nu’u o Taga. O le mau la a tagata
A’opo e fa’apea, o le Pupu lenei,
sa masani ona pipisi ina a’e le
suavai magalo mai le manava o
le ‘ele’ele, ma o le suavai lea sa
fa’aaoga e tagata A’opo e fai ai a
latou taumafa i aso ua mavae, ona
o le nu’u e naumati i le suavai.
A o’o la i le po, ona o mai
lea o tagata A’opo ua ta mai lau
ta’amu, ua fola fa’ata’amilomilo i
le gutu o le Pupu, ina ia mafai ona
tali tali ai le suavai lea e pipisi mai
e le Pupu i le po, ma, a o’o lava
i le taeao, ona o mai lea o tagata
ua ao atu suavai ia na maua i le
po, ma ‘ave ua fa’aaoga e fai ai
mea’ai. Ae fai mai le mau a le
nu’u, o se tasi taeao, na aga’i atu
ai tagata o le nu’u e asi a latou lau
ta’amu ia sa fola fa’ataamilomilo
i le ‘augutu o le Pupu, pe o i ai
ni suavai, ae asi atu, e leai ma se
suavai o to’a mai ai, talu ai se mea
mata’utia sa tupu i le po, ao tofafa
le nu’u atoa.
Fai mai le tala, ona o le
malosi o galu i lea po, na mafua
ai ona leotele le e’e a le Pupu o
Fa’aufilau’ulu, pe a o’o i le taimi
na te pipisi ina ae ai le suavai
magalo i uta, ma o le leotele tele o
le e’e a le Pupu o Fa’aufilau’ulu,
na mafua ai ona tei valevale le
Sau’ai o lo o nofo i le Pupu i Taga.
Ae ona o le ita tele o le Sau’ai o
lo o nofo i le Pupu i Taga i le leo-
tele tele o lenei tagata e e’e atu,
na mafua ai ona ia alu e sa’ili, po
o ai lava lenei e le mafaufau i le
leva o le po, ma le isi itu, sa i ai le
manatu o le Sau’ai mai Taga, e na
o ia lava le Sau’ai leotele o totonu
o Salafai atoa, ae o lea ua maua
ane, e i ai le isi Sau’ai e sili atu
lona leotele nai lo ia.
Ua amata le sa’iliga a le Sau’ai
mai Taga, i lona fia mauaina o le
tagata le mafaufau lea o lo o e’e
leotele i le leva o le po, fai mai
ua alu pea le sa’iliga ma ina ua
latalata i le tulua o po ma ao, na
taunu’u ai loa le Sau’ai mai Taga i
(Faaauau itulau 10)
samoa news, Aso To’ona’i, Ianuari 21, 2012 ♦ Itulau 9
E TE TALITONU
I AI PE LEAI?
SILIA $14 MILIONA ‘AITALAFU O
PILI UA SAUNI LBJ E FA’AMAGALO
tusia Ausage Fausia
Tailo ia te oe pe e te talitonu i ai pe leai, ae tusa ai ma se
fa’amatalaga na tu’uina atu e le Pulega a le Falema’i o le LBJ i
luma o le Maota o Sui i le vaiaso nei, sa latou ta’ua ai sa latou
fuafuaga ua i ai, i lo latou fuafua lea e fa’amagalo ‘aitalafu o pili
e le’i totogiina atu a tagata i le falema’i e tusa ma le $14 miliona.
Na o’o lava fo’i i ni isi o Faipule o le Maota o Sui na matua
fa’ate’ia fo’i i latou i lenei fa’aaliga mai le Teutupe a le LBJ o
Viola Babcock.
Ina ua fa’afofoga i ai ni isi o le atunu’u i lea mata’upu, o le
to’atele lava sa fa’afetaia le fa’ai’uga a le falema’i ae o ni isi e
le’i talitonu ona sa latou ta’ua, e fa’afefea ona tupu lea tulaga o
lea e mana’omia e le falema’i ni tupe.
“Ou ke le kalikogu i ai a’u ia i lea kala ua fai mai e le falema’i,
akogu fo’i o gi kala ua lakou faia e kau iga fa’amoe ai gai faipule,
ae o lea lava ua lakou saugi e si’i a lakou pili ma fa’aauau le
aoiga o lakou ‘aikalafu,” o le tala le talitonu lea a le tama matua
o Finau Tevaga o Tafuna.
O lagona lava fo’i ia e tasi na fa’asoa mai e isi tina e to’alua
e galulue i le kamupani o le StarKist Samoa ina ua fesiligia i
lenei mata’upu, fa’apea ai ma se tama talavou e galue i se tasi
o Konekarate fai ‘auala i le atunu’u. “Fa’atoa ou talitonu lava
pe afai ou te alu atu i le falema’i ae fa’apea mai le falema’i ua
leai sa’u ‘aitalafu, ona ou iloa lea, o a’u la le isi tagata lea ua
fa’amagalo le ‘aitalafu,” o le tala lea a Matina Ulutunu.
Ae tusa ai ma le molimau a le LBJ i le maota o sui sa ta’ua
ai, mai le silia i le $16.6 miliona o ‘aitalafu a tagata o lo o i
le falema’i, o le $14 o ia ‘aitalafu e talitonu i latou e le mafai
ona latou toe aoina mai, o ‘aitalafu fo’i ia ua silia ma le 5 i le 6
tausaga talu ona i ai. E tusa ai ma fa’amaumauga a le falema’i ua
taua’aoina e le maota o sui, e lata i le $7 miliona o lea ‘aitalafu e
maua mai i tagata e le o ni tagata nonofo mau i Amerika Samoa.
“Ou ke iloa o le isi lega mafua’aga ua kele ai kulaga fa’alekogu
i kupe a le falema’i, oga o kagaka ga ‘aumai i polokalama a le
kamupani i’a ia ua koe fo’i, ae o lo o i ai a lakou ‘aikalafu i le
falema’i e le’i kokogia,” o le tomumu lea a le isi ali’i ‘ave pasi e
lei mana’o e fa’ailoa lona igoa.
MARIUANA NANA
TOTONU PUSA SE’EVAE
tusia Ausage Fausia
O se osofa’iga sa faia e leoleo i le taeao o le aso Lua o le
vaiaso nei i le fale o se ali’i i Fagaima, o lo o tu’ua’ia ai le maua
e le ta’ifau fa’apitoa sa fa’aaoga e leoleo o lona igoa o Canine
MARCO ni mariuana sa nana i totonu o se atigipusa e tu’u ai
se’evae sa i totonu o le potu e nofo ai le ali’i e ana ia le fale.
E ‘ese mai i mariuana, ae sa maua ai fo’i isi mea e fa’aaoga e
tagata latou te fa’aaogaina fuala’au fa’asaina e pei o pepa e ta’ai
ai mariuana, o ‘afa sikaleti mariuana, ma se tinoitupe tele sa afifi
i totonu o se totini.
Sa fa’apea fo’i ona maua i ai ma se masini lea e fa’aaoga e
tagata kamuta i totonu o le potu, ma e tusa ai ma ripoti a leoleo,
sa fa’aaoga lenei masini e fa’aninini’i ai vaega o lau mariuana.
E osofa’i e leoleo le fale o le ali’i o Vili Oney i Fagaima i le
taeao o le aso Lua, ae o le taimi lea ua auina atu ai Oney e leoleo
i le Fa’amasinoga Fa’aitumalo, mo le tu’uina atu o sana tali e
tusa ai o le mata’upu na loka ai o ia e leoleo i le fa’ai’uga o le
vaiaso ona o le ‘ave taavale ‘ona.
Na ona uma lava ona tali tete’e a Oney i le moliaga o le ‘ave
taavale ‘ona i luma o le fa’amasinoga, tatala loa ma ia i tua mai
le to’ese e aunoa ma se tupe e totogi, i lalo o tu’utu’uga e ao
ona ia usita’i i ai, e fa’atali ai le isi aso lea ua toe tolopo i ai lana
mata’upu, peita’i a’o tatala ‘ese e Oney le togiga a pagota sa
‘ofu mai ai i le taeao lea, ae o atu leoleo o le Vaega e gafa ma
le Su’esu’eina o Fuala’au Fa’asaina ma toe taofia mai o ia ma
auina atu i le Ofisa o Leoleo mo isi su’esu’ega ona o fuala’au
fa’asaina o lo o tu’ua’ia na maua mai i lona fale.
Ina ua fesiligia o ia e leoleo e uigai mariuana, o le tupe atoa
ai ma isi mea sa maua mai i lona fale i Fagaima, na tautino le ua
molia i leoleo, o ia e ana ia mariuana sa maua mai i lona fale, e
o’o lava fo’i i le tupe sa i totonu o le totini, o tupe ia sa maua mai
i mariuana sa ia fa’atauina atu.
E ‘ese mai i le moliaga o le ‘ave taavale ‘ona lea ua te’ena
e Oney, ua tu’ua’ia fo’i o ia i le moliaga mamafa o lona umia
fa’asolitulafono lea o vaega o le la’au fa’asaina o le mariuana, lea
fo’i ua ia te’ena ia tu’uaiga. O le vaiaso fou lea ua fa’amoemoe
e faia ai le ulua’i iloiloga o Oney e uiga i mariuana ia ua tu’ua’ia
ai o ia, ma o lo o taofia pea o ia i le to’ese i le taimi nei ina ua le
mafai ona ia totogiina le $20,000 sa fa’atulaga e le fa’amasinoga
e tatala ai o ia i tua mai le to’ese.
Itulau 10 ♦ samoa news, Aso To’ona’i, Ianuari 21, 2012
A Washington State Patrol trooper directs traffic across the median on the eastbound access to the Narrows Bridge, Friday, Jan. 20, 2012 in Gig harbor, Wash..
(AP Photo/The News Tribune, Drew Perine)
Both spans were closed earlier in the day due to large ice chunks falling onto the bridge decks. ➧ Afa ‘Aisa Seattle, Uosigitone…
➧ TOE TOTOGI LAFOGA 2%
feoa’ima le manatu e fia o’o i o latou aiga.
Ua sili atu ona afaina le olaga o tagata, ona
o le motusia o le eletise.” I le malae va’alele
i Sea-Tac lea ua tapunia, aua ua tula’i mai,
o feoa’iga a Pasese i luga o latou nofoafi, o
le a fa’aletonu ma e ono lamatia le soifua o
tagata e to’atele ona o le ‘aisa. I totonu lava ia
o le malae va’alele ua toeititi atoa le inisi o le
mafiafia o le ‘aisa to’a ae ua fa’ateteleina lava
le malosi o le malulu.
Ua mae’a fo’i ona fa’asalalauina mai le
gasolo atu o aiga uma ua motusia le eletise,
ae leai ni ‘afi tafu’ i totonu o latou fale, po’o
le le’i tapenaina fo’i ni fafie po’o malala mo
lea tulaga, ina ia o’o uma i nofoaga tetele ua
tausia fa’atasia ai i latou mo le aso Tofi ma le
Aso Faraile atoa se’iloga ua toe fa’aolaina o
latou eletise.
O le tala mai e tusa ma le 46,000 o aiga
ua mae’a si’itia atu e le vaega ta’imua i fesoasoani mo le mamalu lautele ina ua motusia
eletise o latou maota ma laoa. O le itule e sapalaia e le Puget Sound Energy e tusa ma le
to’a 70,000 o maota ua motusia latou eletise i
le aso Lulu mai le taeao lava i le itula e 7:00.
O a’oga uma fo’i i Uosigitone sa taofia mo le
vaiaso atoa, e afua mai le aso Lua, se’i mavae
le fa’aletonu o le sapalai o le eletise, aua ua
malulu fa’asolo atoa nofoaga uma ina ua leai
se sapalai o le paoa.
O le isi fa’aletonu, o le aso Lulu lava
na toe palasi mai ai le isi afa ‘aisa ma
fa’aopoopo le isi 8inisi o le ‘aisa i le laufanua o Olympia Uosigitone ma o’o atu ai
le mafiafia o le ‘aisa i le 11 inisi, ae o le
tausaga e 1972 ia Ianuari 24 o lo’o sili le
mafiafia o le ‘aisa sa fuaina ai e 14.2 inisi.
O lona uiga ua lona lua nei le 2012 i le mafiafia o le ‘aisa ua fuaina ai.
Ua fa’ailoa mai, o le setete o Oregon e le o
‘aisa fa’apea, ae o lo’o tetele ai lava timuga.
Ua fa’ailoa mai, ua si’isi’i vave tele le maualuga o le suavai i lea fo’i setete, ma ua tapunia
fo’i le tele o Iunivesite i Uosigitone WSU i
a le toe maua e la’ua ma le tina le $26 mai le vaiaso totogi e tasi
a le malo lea sa masani ona la maua, e fesoasoani ai i isi mana’oga
o le aiga. E atagia mai i le taumafaiga a le Fono Faitulafono o lo o
manino mai ai le naunau pea o i latou e toe fa’aauau le lafoga lenei,
ina ia mafai ai ona maua se isi tupe fa’aopopo mo le falema’i ona o
le tulaga fa’aletonu i le itu tau tupe ua i ai.
Fai mai le molimau a le Pule o le Ofisa o Lafoga ia Melvin
Joseph, e silia i le $1.5 miliona na mafai ona maua e le malo i le
lafoga e 2% o totogi mai tagata faigaluega a le malo lava latou ia,
ae lei fa’aopoopoina ai le tupe sa maua mai i le 2% lea na tipi mai i
totogi o tagata faigaluega mai pisinisi ma kamupani tua.
Sa ia ta’ua, afai e tu’u fa’atasi fa’amaumauga nei, e ono o’o atu
i le $2 miliona le tupe atoa e tatau ona maua e le malo mai le lafoga
lea i le tausaga na te’a nei, o le tupe fo’i la lea o lo o fuafua e tatau
ona maua e le falema’i i le tausaga fa’aletupe lenei 2012 pe afai ae
toe fa’aauau le lafoga lenei. Fai mai manatu o isi, o le a i ai se suiga
o le lafoga lea aua o lea ua fa’amaonia ma maua o isi galuega fou o
lo o fa’atupe mai e le NEG e silia ma le 700, o lona uiga, o le isi lea
vaega tupe o le a fa’aopoopo i totonu o le lafoga lenei. Ae po o fea
lava e ‘ave i ai le lafoga lenei, pau le popolega o le atunu’u, afai ae
toe fa’aauau o le a toe amo fo’i e le atunu’u le isi avega mamafa tu.
Mai itulau 1
Pullman, o le Iunivesite o Uosigitone na soloia
fo’i a latou vasega uma i le aso Tofi ma a’oga
uma lava i Seattle, Uosigitone na tapunia i le
aso Lulu, aso Tofi ma le aso Faraile, ananafi
lea.
O le a’ai o Lewis County, le itu i saute o
Olympia, o i’ina lea e matua mafiafia ai lava
le to’a o le ‘aisa, 12- 17 inisi le mafiafia i le
aso Tofi, ma ua fa’ailoa mai, e le’i masani ai
ona fa’apea se tetele o le ‘aisa to’a i lea setete
mai tausaga ua mavae. O se fa’aaliga lea a le
NOAA vaega a le va’ai tau.
Ua lapata’ia pea le mamalu lautele i lea
a’ai, aua afai ae mae’a le ‘aisa, ona soso’o lea
ma le lolovai pe a liusuavai uma lea tele o le
‘aisa i le eleele, ae maise ai i nofoaga e tulata
i le ‘auvai o Chehalis River., lea lava e masani
ona lologa i le tele o tausaga.
E faitau selau le aofaiga o fa’alavelave tau
ta’avale na tutupu i le tele o nei afa ‘aisa, ae
peita’i, e fa’afetaia lava e leai nisi sa maliliu
ai, se’i vagana ai le pepe ma le tagata matua o
lo’o sailia pea.
O se molimau mai se tasi o alo o Samoa
i Steilacoom Uosigitone ua ia fa’ailoa mai
ai, “Na motusia lava i matou ma le eletise i
le taeao o le aso Lulu, o lea lava ua malulu
fa’atasi uma ai le lalolagi nei OOOhs.” O se
tala lea a May Tuvaelagi Avapalu.
Peita’i, o se tala mai a Tuioleloto Tiny Seigafo Aveina - ua ia fa’aalia ai, i le afiafi o le aso
Lulu, “Fa’afetai e le’i o’o mai le motusia ia i
matou i Tacoma, ae nofo filemu ma fa’apupu’u
i autafa o le afi! Pau le mea e tau fai ma tupu
o le emoemo o moli le fale,ma ua atoa le 10
inisi o le mafiafia o le ‘aisa i fafo. Tatalo atu
mo outou uma i lena itu, ae tatalo mai fo’i mo
matou!”
Afai e te fia faitau i le tele o fa’amatalaga ma
fe’au fa’amafanafana mai isi Samoa ia i latou
i totonu o nofoaga fita i le ‘aisa, faitau i ai i le
facebook “Samoa News American Samoa.”
tusitala: [email protected]
Mai itulau 10
➧ Tala i Vavau o Samoa…
Mai itulau 10
le vaega tonu o lo o e’e mai ai le Pupu o Fa’aufilau’ulu. Fai mai e le’i
toe fa’atali le Sau’ai mai Taga i se isi lava mea e fai, ae ua fa’asaga atu
loa ma sasau lana po malosi i le alafau po o le manifinifi o le Pupu o
Fa’aufilau’ulu. Na ‘avea le tauga o le po a le Sau’ai mai Taga i le gutu
o Fa’aufilau’ulu ma itu na motu fa’afuasei ai lana e’e, ma ‘ese ai loa
le mea ua fa’asaga i ai lona gutu, ua le fa’asaga sa’o mai i uta i le pa’u
matu e pei ona masani ai, ae ua fa’asaga i tai i le sami.
Ua malama le taeao, ona aga’i mai loa lea o le nu’u o A’opo e asi
a latou lau ta’amu lea sa fola i le po, pe o to’a ai se suavai, peita’i e
taunu’u mai, e leai ma se suavai o to’a atu ai. Na o latou taumafai e
sa’ili pe o le a le mafua’aga, ma o latou iloa ai, o le suavai magalo lea
sa masani ona pipisi mai e Fa’aufilau’ulu i uta, ua pipisi aga’i i tai i le
sami, ona ua fa’asaga i tai i le sami lona gutu, ma o i’ina lea na maua
ai le muagagana lea e masani ona fai e le to’atele e fa’apea, “Ua fola
vale lau ta’amu o A’opo.” O lona uiga, ua mao A’opo i le folaina o a
latou lau ta’amu, ae leai se suavai na maua ai, ma fai mai fo’i le mau
a tagata A’opo, e o’o mai lava i aso nei, ua le toe pipisi mai i uta le
Pupu o Fa’aufilau’ulu, ae o lo o pipisi pea i tai i le sami. Soifua
samoa news, Aso To’ona’i, Ianuari 21, 2012 ♦ Itulau 11
American Samoa
O se va’aiga i nisi sui sa auai o le Kalapu a Malisi i le taua’aoina ole meaaalofa tupe $40,000.
[ata: Leua Aiono Frost]
mai le TMO e fa’atautaia ai le Liki Lakapi 7 ia Aperila. Fa’afetai tele.
➧ Foa’i $40,000 TMO mo le Fitu a Malisi Pago
Mai itulau 4
fa’afetai tele ia Gaisoa, le aiga ma le TMO mo
lenei tupe tele ua tau a’aoina mai.”
O le taimi lona lua lenei ua faia ai e Malisi
Pago se fitu fa’a va o malo ile teritori. Ile tausaga
1998, na faia ai le fitu maumua fa’a va o malo na
tapena e Malisi Pago i taimi a’o pelesitene Sefo
Ainu’u. Sa masi’i mai ai au malolosi a Moata’a,
Apia, Malisi Sagato Iosefo, SCOPA, Vaiala,
Vaimoso ma isi. Na tatalaina aloa’ia lea fitu e
Kovana Lutali ma e lua aso na faia ai i le malae o
le ASCC. Na manumalo ai Malisi Sagato Iosefo
mai Lotopa na to’ilalo ai Moata’a.
Fai mai a le so’o upu a Malisi Pago, Tauileave
Toluono Tonkaman, o le fitu ua fuafua nei, o lo’o
tatala le avanoa i au mai Fiti, Tonga, Ausetalia,
Tokelau, Niue, Rarotonga, Samoa, Niu Sila Ausetalia, ma au a le teritori. “Ua iai feso’ota’iga ma
le susuga a Papali’i Peter Fatialofa, le kapiteni a
le Manu Samoa (1988-1996) mo ni au masi’I mai
Niu Sila, ma o lana tala mai e lua au ua fuafua mai
Aukilani mo le fitu i Amerika Samoa. O lo’o talia
fo’i nisi tali mai vala’aulia ua uma ona tufatufa.”
Fai mai Toluono, o le isi kamupani o lo’o tu
malosi i lenei fa’amoemoe o le kamupani fai ofu
ta’alo lea o le Carisbrook mai Niu Sila.
Na fa’apupula e Toluono, ele gata i le $40,000
tinoi tupe na aumai ia Gaisoa ma le TMO ae
fa’apena fo’i ona latou fa’ataua le toniga fou a le au
a Malisi Pago e tusa lona tau aofa’i ma le $10.000.
“E momoli atu ai le agaga fa’agae’etia ma
le fa’afetai tele i le susuga ia Gaisoa ma le
kapumani a le TMO mo nei fesoasoani tetele ua
taua’aoina mai mo le ta’aloga ta’ito’a fitu fa’a va
o malo o le’a tapena lea ma gaigoia e le sosaiete
a Malisi Pago,” o le tala lea a Toluono.
O le aso 13 ile 14 o Apelila e fa’amoemoe o
le’a faia ai lenei ta’aloga i le Veterans Stadium i
Tafuna. O le’a toe iai se isi feiloa’iga a le Malisi
Pago ma le au tusitala i se aso oi luma e fa’a
lauiloa mai ai isi fuafuaga o le fitu fa’a va o malo.
SU’E PAGOTA SOSOLA AE MAUA
AI MA LE ‘AU AMIO VALEA…
tusia Ausage Fausia
Na ‘avea le pisi o leoleo i le tau sa’ilia lea o
ali’i laiti e to’alua lea na sosola ‘ese mai i tua i le
Falepuipui o Tamaiti i Tafuna i le vaiaso na te’a
nei, ma itu na o latou maua atu ai ma se toeaina
e 67 tausaga le matua, o lo o ia faia mai ni uiga
mataga i se teineitiiti e 16 tausaga le matua, i se
tama’i fale e tu i totonu o le togavao lea e latalata
atu lava i le nofoaga o lo o i ai le Falepuipui o
Tamaiti laiti i Tafuna lava.
Na fa’aauau e isi leoleo le sa’iliga o pagota
na sosola ae ua aga’i ane nei isi leoleo ua pu’e
fa’apagota le ali’i o Siulepa Auelua, o se ali’i
‘ave taxi e 67 tausaga ma auina atu loa i le ofisa
mo su’esu’ega, mulimuli ane ai loka o ia i le
to’ese ma tu’ua’ia i moliaga mamafa e aofia ai
le faiaiga ma se teineitiiti e laitiiti i lalo o le tulafono, tagofia o itutinosa o se teineitiiti, faia o uiga
fa’asotoma, atoa ai ma le faia o feusuaiga mataga
i fanau laiti.
Na te’ena malosi e le ula lea moliaga fa’asaga
ia te ia i luma o le fa’amasinoga maualuga, e o’o
fo’i i lona ulua’i iloiloga lea na fa’atulaga e faia
i le aso ananafi, sa le’i fa’ataunu’uina fo’i, ina ua
ia manatu e fa’aagafua le fa’ataunu’uina o lea
iloiloga, ae tu’u sa’o atu loa lana mata’upu i luma
o le fa’amasinoga maualuga e fa’aauau ai lana
mata’upu.
O le taeao o le aso Gafua o le vaiaso fou ua
fa’amoemoe e tofu atu ai loa le mata’upu a le ula
lea i luma o le fa’amasinoga maualuga, lea o le a
fa’atulaga ai loa le aso e faia ai sona fa’amasinoga
‘autu, po o le faia fo’i lea o sa latou maliliega ma
le malo e fa’amuta ai lenei mata’upu.
E $35,000 le tupe lea ua fa’atulaga e le
fa’amasinoga e totogi ona fa’atoa mafai lea ona
tatala le ‘ave taxi e fa’atalitali ai taualumaga o
lana mata’upu.
Afai ae mafai ona tatala le ‘ave taxi i tua
ma le to’ese, ua fa’asa ona ia toe taumafai e
fa’afeso’ota’i le teineitiiti na a’afia i so o se
‘auala. Ua fa’asa fo’i ona ia taumafai e sola ‘ese
ma le atunu’u, ae ia tu’uina atu ona pepa malaga
e taofi e le malo se’i uma lana mata’upu ona
fa’atoa toe tu’uina atu lea ia te ia.
E ‘ese mai i le mata’upu lea, e 64 tausaga o le
isi fo’i toeaina o lo o taofia i le to’ese i Tafuna, ona
o tu’uaiga i lona faia lea o uiga mataga i se alualutoto e na o le 6 tausaga le matua, lea e fai mai
fa’amaumauga a le malo e aiga i ai le toeaina lea.
E le o mafai ona fa’alauiloa le suafa o le ula
lea ona o puipuiga tau i le tulafono, ae maise ai
e aiga o ia ma le teineitiiti o lo o a’afia i lenei
mata’upu.
E tusa ai ma fa’amaumauga a le fa’amasinoga
o lo o ta’ua ai, o le mata’upu lenei na alia’e mai i
le masina o Aukuso na te’a nei, ma fa’aauau mai ai
lava se’ia o’o mai i le aso 6 o Ianuari na te’a nei,
lea e pei ona tula’i mai ai le fa’alavelave mulimuli.
O lo o te’ena fo’i e le toeaina lea moliaga
mamafa fa’asaga ia te ia, lea e aofia ai lona faia
o ni amioga mataga, tagofia o itutinosa o se teineitiiti, faiaiga ma se teineitiiti, fa’apea ai ma lona
faia o ni gaoioiga e ono lamatia ai le saogalemu
o ni fanau laiti.
E $100,000 le tupe lea ua fa’atulaga e tatala ai
le tama lenei i tua mai le to’ese, ma ua fa’amoemoe
o le aso Gafua o le vaiaso fou o le a tula’i ai fo’i o
ia i luma o le fa’amasinoga maualuga.
Feso’ota’i mai i le tusitala ia
[email protected]
Well being Zone!
Massage
Go
M
a ss a ge To G
o
VALENTINES DAY SPECIAL
“Couples Massage” or you can bring a friend!
SAME TIME-SAME DAY - ONLY $100!
Call today for your reservations or pick up
a Gift Certificate for that special someone.
Gift Certificates Now Available!
Come get the treatment you deserve...
call now and find out more 688-1999
Located in Puapua Near the Calvary Temple
How much will my Classified Ad cost?
PERSONAL
BUSINESS
$ 6
$ 8
ONE DAY
$12
$16
Two Days
$18
$24
Three Days
$20 ($5 each day)
$28 ($7 each day)
FOUR DAYS
$25
$35
Five Days
$24 ($4 each day)
$36 ($6 each day)
SIX DAYS
All additional days after 6 runs:
$ 4 each day
$ 6 each day
We’re here for you! • 633-5599
“THE SOURCE”
Heavy Equipment, Truck & Part Sales.
Generators & Part Sales
Hydraulic Parts /Filter Sales.
Call Doug Harrington
Office {684} 699-8735 Cell 258-2505
Email: [email protected]
How much will my Classified Ad cost?
PERSONAL
BUSINESS
$ 6
$ 8
ONE DAY
$12
$16
Two Days
$18
$24
Three Days
$20 ($5 each day)
$28 ($7 each day)
FOUR DAYS
$25
$35
Five Days
$24 ($4 each day)
$36 ($6 each day)
SIX DAYS
All additional days after 6 runs:
$ 4 each day
$ 6 each day
We’re here for you! • 633-5599
ISLAND BREEZE
PURIFIEDWATER
Refill
1 GALLON - 5 GALLON
Fagaalu across from Matafao Ele. School
Tel: 633-7038 or 633-7685
5 Gal. delivered to your home, business or office!
Itulau 12 ♦ samoa news, Aso To’ona’i, Ianuari 21, 2012
ITULAU A
TAMAITI
TAMAITI...
FA’ALOGO MAI!
Fa’atumu paso ia o lo’o i lalo ona ave lea o
lau pepa i le ofisa a le Samoa News i
Fagaotog, e te auai ai i le se’i e mafai ai ona
maua ai sau fa’ailoga! E le mafai ona faia se
kopi o le pepa lenei.
O fa’ailoga e aofia ai se “Free Value Meal”
mai i le McDonald’s po o se “Movie
Ticket” ia po o fa’ailoga uma e lua. Va’ai
le To’asavili i le Aso Toonai a lolomi atu ai
igoa o i latou ua manumalo.
Ta’aloga mo tamaiti
UPU
O lenei itulau e mo i latou i le
va o le 4 ma le 16 tausaga.
Tusi lou igoa ma le numera
telefoni i luga o le pepa.
Paso o le Vaiaso
SAUNIA E HERCULES
NANA
saunia e Hercules
Saili mai upu o lo’o tusia i lalo i totonu o le fa’atafafa o mata’itusi. Ia manatua o nei
upu, e mafai ona sipela aga’i i luma, aga’i i tua, i luga po o le aga’i fo’i i lalo.
Ia manuia le taumafaiga.
EM EU NAMAME T ELII
ELUK RI E EVAGELIA
A TASULEI KESENEK
I F EUE ESETAMAENI
AEVNKMOPAILESEG
S EALAEAESAPORUE
I P TOL T T NVAOL E EI
LAENE ENEUATUSSF
EOAUSL EURE EPIOE
EMKVIAI S EULV P TU
MEOIALI S PS EUAOE
AONELEELELEPLGU
LVEEMELEEINKARA
OU EV SONGOPOSIL E
AKUEPI SELI SARAF
FAALAVA
C
M
Y
K
C
M
Y
K
LALO
1. Fa’amalu, Galemu
1. NFL Pres. tagata 5. Ioselu, ___, Opetaia
ta’a’alo, Kevin
10. Sipela i tua ‘FUATA’
2.Maliu
12.Nifo
3. Fanau teine, Pres.
13. Ulugalii Tupu: ____ & Barrack Obama, ___ha
Kate
4. Iuni, ____, ____uso
15. Moli/Mafanafana o le ao
6. Falea’iga - ____’s Place
16. 3 Futu = 1 ___?
7. Nuu: P___oa
17. Se tamalii i Vailoa
8. Rep. Taotasi A.
18. E le foa’i
9. Vaueli: Kalala
19. Samoa Netball,
11. Lotu Aso___?
Monique ___?
14. Nu’uu: F__tu
21. Konesane: Siamu mu
m__ Futi
22. NFL, Cardinals, Reagan
17. Niihau, ____, Oahu
23. Kirikiti, Faleniu
19. Pulea “Nighthawk” 24. Ta’a i le vai
Band
25. Math, Kiona
20. E le o i’a vai a’o ____?
26. Se igoa tama’ita’i
21. Sui, Suiga, Suiina
28. Fana, ___ malosi
23. Aoga: Manu___?
29. La, ___, Nu
26. Moli: Ola tasi
30.
Nu’u:
___aluia
27. Pasi la’u pasese
UPU: Emelia, Elia, Ekuale, Eperu, Elisara, Eliu, Eseese, Emoemo, Ekalesia,
31. Konesane: Saiko
Ekueta, Elenoa, Emanuele, Elisaia, Enoka, Eleele, Eneliko, Elise, Enesi,
32. tupe
33. Puupuu: Uiagalelei
Esipe, Eteru, Evalani, Eeva, Emele, Esiai, Etena, Elisopo, Etelii, Etemamanu,
Evaevaga, Elena, Elevisi, Esekia, Esipala, Eliapo, Esoto, Esekielu, Eagelia,
Europa, Euatu, Esetamaeni, Eneenea, Eueua, Eeloa, Eemaloa
?!? TALI o Paso ?!?