Club da ballapei Lumnezia
plascher...
respect...
success...
Caum postal 6, 7144 Vella
www.cblumnezia.ch
[email protected]
Reglament da contribuziuns per commembers dil
Club da ballapei Lumnezia
__________________________________________________________________________________
1. Introducziun
 Igl onn da fatschenta entscheiva mintgamai igl 1. da zercladur e finescha ils 31 da matg.
 Supplementarmein tier la contribuziun annuala da commember vegn fixau ina summa da
reducziun. Quella sa vegnir reducida cun prestar uras obligatoricas.
 Commembers activs, juniors e geniturs ein obligai d’annunziar alla suprastonza in’adressa
d’email valeivla e ligionta. Tuts plans da lavur vegnan tarmess tier electronicamein sin
l’adressa annunziada. Midadas d’adressas ein da communicar immediatamein.
 Ei stat liber als juniors B entochen E da desister sin la reducziun e d’aschia pagar l’entira
contribuziun annuala. En tals cass ston las uras obligatoricas buca vegnir prestadas. Quei
ei denton da communicar a scret al president entochen ils 15 d’uost.
 Il program da lavur annual fuorma la basa per la prestaziun dallas uras obligatoricas. Quel
vegn mintgamai fixaus entras la suprastonza all’entschatta dalla sesiun e publicaus sin la
pagina d’internet www.cblumnezia.ch (sut occurenzas). Il program da lavur sa vegnir
adattaus duront la sesiun cun ulteriuras occurenzas, tier las qualas uras obligatoricas ein
da prestar.
2. Contribuziuns da commembers
 All’entschatta dalla sesiun vegn la contribuziun annuala cun reducziun tschentada a quen.
Categoria
Contribuziun
Uras
Summa
Contribuziun annuala
annuala
obligatoricas da reducziun
cun reducziun
Collaboraziun
geniturs
Commember activ
500.00
12 uras
250.00
250.00
na
Junior A
300.00
12 uras
150.00
150.00
na
Junior B
300.00
6 uras
150.00
150.00
na
Junior C
300.00
6 uras
150.00
150.00
gie
Junior D
300.00
4 uras
150.00
150.00
gie
Junior E
300.00
4 uras
150.00
150.00
gie
Junior F
150.00
0 uras
0.00
150.00 negin'obligaziun
Junior G
0.00
0 uras
0.00
0.00 negin'obligaziun
80.00
0 uras
0.00
80.00 negin'obligaziun
Senior
3. Uras obligatoricas e reducziun dalla contribuziun annuala
 Giugadurs activs e juniors A san vegnir obligai (tenor basegns) da prestar dapli uras che las
suranumnadas uras obligatoricas.
 Las uras obligatoricas per ils juniors C entochen E ston vegnir prestadas entras ils geniturs
(mira colonna collaboraziun geniturs). Geniturs da juniors pli giuvens, pia juniors F e G,
ston buca prestar uras obligatoricas e pagan aschia sulettamein la contribuziun annuala.
Famiglias cun dus ni plirs affons ston prestar uras obligatoricas mo per in junior (l’aulta
Pagina 1 da 2
categoria da junior vala). Tenor basegns san els denton vegnir supplicai per in ulteriur
survetsch. Ils seniors ein deliberai da prestar uras obligatoricas.
 Ei dat negin relasch parzial dalla summa da reducziun. Las uras fixadas ston vegnir
prestadas cumpleinamein. Sch’ei exista davart dil club negin basegn vid uras obligatoricas
ni sch’ei succeda negin plan da lavur, vegnan las uras obligatoricas taxadas entras la
suprastonza sco ademplidas.
 Igl ei secapescha pusseivel da prestar dapliras uras che las uras obligatoricas. Las sururas
vegnan medemamein registradas. Quellas vegnan denton buca transmessas sin la proxima
sesiun.
4. Elecziun d’occurenzas giustificadas per prestar uras obligatoricas
 Turniers da ballapei (GKB FUSSBALLCUP, Menzli Cup, tuniers OFV), lotto da Sogn Stiafen,
Marcau Daniev, fiasta da finiziun ni ulteriuras occurenzas tenor program da lavur.
 Arbiter KIFU e turniers, lavurs vid l’infrastructura ni sanaziuns dils plazs da ballapei.
5. Reducziun automatica dalla summa da reducziun e dallas uras obligatoricas
 Trenaders e funcziunaris ston prestar neginas uras obligatoricas per lur affons entochen la
categoria da vegliadetgna da juniors C.
 Giugadurs licenziai (pass activ ed activs en in’equipa) che s’engaschan regularmein
enteifer ina sesiun per il club (trenader, funcziunari, arbiter etc.) pagan la contribuziun
annuala cun reducziun. Talas persunas ein deliberadas da prestar uras obligatoricas ed
obtegnan plinavon in’indemnisaziun tenor il reglament d’indemnisaziun e da spesas dil
Club da ballapei Lumnezia.
6. Scadenza e disposiziuns finalas
 Las uras obligatoricas vegnan registradas dil responsabel per il plan da lavur e silsuenter
surdadas alla persuna responsabla dalla suprastonza per l’administraziun.
 Commembers, juniors ni geniturs che dattan buca suatientscha al plan da lavur senza
perstgisa valeivla ni substitut, piardan il dretg sin la reducziun dalla summa da reducziun.
En quei cass vegn la summa da reducziun tschentada a quen immediatamein (senza
cunvegnientscha). Quella regla va medemamein en vigur, sch’in commember seperstgisa
buca per in’occurenza (era sch’el ha gia prestau per part uras obligatoricas).
 Commembers activs ch’ein absents senza perstgisa valeivla malgrad plan da lavur vegnan
serrai intern per dus giugs da campiunadi. En cass da repetiziun per l’entira sesiun.
 Ein las uras obligatoricas buca prestadas cumpleinamein entochen la fin dalla sesiun (31
da matg) schegie ch’il basegn dil club ei staus avon maun (tier absenzas perstgisadas
denton senza haver adempliu il duer), vegn l’entira summa da reducziun tschentada a
quen alla fin dalla sesiun.
 La suprastonza decida definitiv.
Quest reglament ei vegnius approbaus a caschun dalla radunonza generala dils 20 da zercladur 2014
ed entra en vigur cun la sesiun 2014/2015.
Vella, ils 20 da zercladur 2014
Suprastonza Club da ballapei Lumnezia
Il president:
Gion Marc Collenberg
Igl actuar:
Silvan Caduff
Pagina 2 da 2