Preschentà da la:
Festa svizra da chant Meiringen
ACTUAL
12 – 21 da zercladur 2015
Ediziun 1, zercladur 2014
Vossa annunzia
Concerts da scuntrada
Concerts festivs
Vus n’avais anc betg annunzià definitiv Voss
chor? Alura fa quai ussa prescha!
Sin nossa pagina d’internet www.gesangfest.ch chattais Vus tuttas infurmaziuns impurtantas ed il formular d’annunzia. Las
sondas èn gia frequentadas fitg bain. Gugent As retschevain nus Vus era ils dus venderdis e las duas dumengias.
Pertge sa scuntra la band da rock cun il chor maschadà tessinais? Pertge viagia in chor da dunnas
da la Part Sura Bernaisa en il Grischun tar in chor
viril ch’el n’enconuscha betg? Tge han sunatibas
da far en in exercizi da chor?
Els exerciteschan tuts per in concert da scuntrada
a la Festa svizra da chant 2015. Empruvai era Vus
scuntradas singularas! Sut www.gesangfest.ch/ru/
Angebot/Cantar/Concerts_da_scuntrada chattais
Vus chors che tschertgan partenaris per in concert
da scuntrada.
Ils 19 concerts festivs cun 60 chors èn surdats. I
na pon betg pli vegnir acceptadas ulteriuras annunzias. S’allegrai cun nus sin concerts captivants
e tuns or da tut las regiuns linguisticas.
Dumandas frequentas
Pudain nus preschentar in concert da
scuntrada? Quant ditg cuzza la preschentaziun davant ils experts? As
stuain nus laschar giuditgar? Tuttas
infurmaziuns necessarias tar l’organisaziun
da las activitads musicalas chattais Vus
en il reglament da festa en l’annexa u sut
www.gesangfest.ch.
Quant ditg cuzzan las activitads? Sin il
talun d’annunzia è inditgà il temp necessari per mintga activitad. Attenziun: il temp
n’includa betg sulet la durada dal concert,
mabain era il chantar en.
Sche Vus avais anc ulteriuras dumondas stà
noss telefon a disposiziun il suandant temp:
glindesdi, 08.00 –12.00 / 14.00 –17.30
mesemna, 14.00 – 20.00
gievgia, 14.00 –17.30
Contact:
Festa svizra da chant 2015
Bahnhofplatz 6
CP 532
3860 Meiringen
033 333 20 15
[email protected]
Migros, Raiffeisen e
Swisslos sustegnan la
festa svizra da chant
La finanziaziun da la Festa svizra da chant 2015
è sin buna via. Igl è a disposiziun ina ferma basa
cun la Migros sco «Presenting Sponsor» sco era
Raiffeisen e Swisslos sco sponsurs principals. Cun
divers sponsurs e partenaris potenzials è il comite d’organisaziun londervi da stipular contracts
ed ulteriuras firmas ed organisaziuns sa mussan
interessadas per il grond eveniment en il Haslital.
Infurmaziuns tar il sponsoring chattan ins sin la pagina d’internet www.gesangfest.ch.
Pernottar ed emprender
a conuscher il Haslital
Tuttas reservaziuns per pernottaziuns en connex
cun la Festa svizra da chant 2015 a Meiringen
vegnan fatgas exclusiv da Haslital Tourismus.
Supplementar tar la purschida dad alloschis pon
participants e visitaders da la festa reservar tar
Haslital Tourismus a cundiziuns spezialas las pli
bellas excursiuns en il Haslital.
Voss giavischs per pernottaziuns ed excursiuns
cun tuttas datas necessarias inditgai per pl. en il
formular d’annunzia uffizial al secretariat da la Festa svizra da chant 2015 ensemen cun l’annunzia
da Voss chor ([email protected]). Suenter vegn
il comite d’organisaziun a planisar l’urari da preschentaziun dals chors. Uschè svelt ch’ils dis da
preschentaziun èn fixads, vegn Haslital Tourismus
a reparter e reservar ils hotels e confirmar quai
direct als chors. Per chors che sa preschentan als
concerts festivs vegn quai ad esser il cas davent
da la fin da zercladur 2014, per ils ulteriurs chors
davent dal settember 2014.
Davart ils pretschs per las pernottaziuns sco era
davart nossas purschidas d’excursiuns As informescha la publicaziun uffiziala u www.gesangfest.
ch. Nus As faschain gia oz in cordial bainvegni tar
nus en il Haslital!
Haslital Tourismus
Christine Flück e Deborah Winterberger