SURSELVA
VENDERDI, ILS 18 DA FAVRER 2011
Treis secundas han muncau per bronz
Serafin Wiestner da Trin sin buna via el cader B da Swiss Ski
ticipaziun ella staffetta dils umens ei la
finamira dil menader da construcziun
e biatlet da professiun.
DA GIUSEP VENZIN / ANR
■ La fin da november ha Serafin
Wiestner entschiet la sesiun da biatlon cun duas cuorsas dil cup svizzer
a Realp. Las schibas han buca vuliu
curdar. Ella cuorsa dil sprint la sonda han sis schibas teniu la dira ed ella cuorsa da persecuziun la dumengia ha il sportist da 20 onns falliu
treis schibas en venter e siat sin peis.
Cul retard da varga quater minutas sil
victur ei Serafin Wiestner daventaus
tschunavel. «Jeu crei buca da haver giu
enzacu ina tala schliata entschatta dalla sesiun.» Ina jamna sissu il medem
debachel al stan da sittar a Realp e puspei 14 siets falli. Era ses concurrents
han sittau mal, ed ei ha tunschiu pil
tierz plaz. Ina cuorsa da sprint ed ina
cuorsa da persecuziun ein era stadas sil
program dils campunadis mundials
dils juniors la fin da schaner a Nove
Mesto. Encunter la concurrenza internaziunala ha il bostger e sportist da
professiun brigliau. Per l’emprema ga
en sia carriera ha Serafin Wiestner tuccau tuttas 15 schibas – e quei ella pli
impurtonta cuorsa da sia carriera. Cun
ina excellenta prestaziun ella loipa hai
tunschiu pil tschunavel plaz. Era sch’ei
ha muncau strusch treis secundas per
la medaglia da bronz ei il giuven da
Trin Mulin staus pli che cuntents: «Jeu
hai contonschiu il maximum a Nove
Mesto.» Quei maximum savess era tonscher per far il proxim pass el scalem
dalla carriera, il pass dil cader C el cader B da Swiss Ski.
La cuorsa dalla veta
Gia l’entschatta da schaner haveva il
biatlet da Trin brigliau el stan da sittar
da Nove Mesto ella Tschechia en ina
cuorsa dil Cup internaziunal da biatlon. Ella cuorsa cun in triep atlets dil
Thomas Frei da Flem ha battiu quest unviern culla sanadad. Tuttina ha el pudiu sequalificar pils Campiunadis mundials da biatlon en Sibiria.
MAD
cup mundial era Serafin Wiestner daventaus 25avel. Sin Thomas Frei da
Flem, il sulet commember dalla squadra naziunala svizra, haveva il junior
spiars sulet ina minuta e mesa. Cun in
siet falliu ella tiarza da quater rundas
da tschun kilometers haveva il giuvenot dau in schatg da sias habilitads. Ella cuorsa dil campunadi mundial ha
Serafin Wiestner schau nudar il 17avel
plaz el cuorer. L’analisa dil temps ha
schizun fatg surstar el: «Jeu hai sittau il
secund spert, sulet il campiun mundial Tom Barth dalla Tiaratudestga ha
sittau pli spert.» In di suenter siu «exploit» eis el turnaus alla partenza dalla
cuorsa da persecuziun ed ei ha puspei
tunschiu per ina prestaziun solida.
Cun in siet falliu en venter ed in sin
peis hai tunschiu pil dieschavel rang.
Thomas Frei als
campiunadis mundials
La sesiun 2009/10 ha Thomas Frei da
Flem brigliau cun in tierz plaz ella
cuorsa dil cup mundial a Pokljuka en
Slovenia. Quei plaz ed il 12 e 13avel
rang als giugs olimpics havevan tunschiu per la qualificaziun sco commember dalla squadra naziunala. Il
sportist che viva dapi entgins onns a
Tavau ei actualmein il sulet biatlet
svizzer cun quei status, mo sias prestaziuns han schau suenter. «Jeu hai
entschiet la sesiun cun buna speronza, mo la sanadad ha schau mei a
miez liug», ha il sportist da 30 onns
detg. Igl emprem ha il magun disdiu e
suenter han duas cunauras frenau il
biatlet.
Cul 28avel plaz el sprint ad Anterselva ell’Italia ed il 33avel rang el
sprint a Presque Isle els Stadis Uni ei
Thomas Frei tuttina sequalificaus pils
campiunadis mundials a KhantyMansiysk en Sibiria. Leu eis el tschentaus per la staffetta mischedada: «Igl
auter dependa dalla fuorma.» La par-
Sandrina ed Aurora Maissen
domineschan il cup svizzer
El cup svizzer dils affons e giuvenils,
domineschan Sandrina ed Aurora
Maissen da Trun. Dallas quater cuorsas a Realp (2), Lantsch, Engelberg ed
Unterwasser el Toggenburg han las
duas buobas da Campliun gudignau
mintgamai quater. La tschunavla
victoria ha Sandrina munchentau ad
Engelberg cun quater secundas retard
sin Marianne Fatton da Chaumont ella Svizra franzosa.
Ils treis siets falli – ina excepziun ella sesiun actuala – han impediu la
tschunavla victoria. Sandrina ei igl
emprem onn ella categoria dallas buobas U16, sia dominonza en quella categoria vegn era a cuzzar igl onn proxim. Aurora ha muncau ella cuorsa ad
Unterwasser.
Boom da biatlon
«Il sport da biatlon ha tschaffau la Tiaratudestga e da leu anora l’entira
Europa centrala. Il diember d’aspectaturs allas cuorsas dil cup mundial survarga il diember d’aspectaturs allas
cuorsas da cuorsa liunga e da skis alpin», ha Thomas Frei constatau e puntuau: «La popularitad dil biatlon ei
carschida culla lavur mediala dalla Tiaratudestga.»
Il boom da biatlon ha era tschaffau
il Grischun. Lantsch ei vidlunder da
realisar in center da biatlon. Sco Leo
Baselgia, il president dil Club da cuorsa liunga Bual, ha confirmau, ei la finanziaziun dil project segirada. Ussa
spetgan ils iniziants il rapport ecologic
per puder entscheiver cullas lavurs igl
onn proxim.
Bänz Friedli – in um che se(se)nta sco las dunnas
Igl um da casa dalla naziun ha fascinau in grond publicum a Glion
DA SUSI ROTHMUND / ANR
■ Temas sco cavals cun pampers, maschinas da lavar che discuoran romontsch, Renzo Blumenthal, Bernhard
Russi, episodas da sias vacanzas da
skis a Laax e bia auter ha Bänz Friedli
cumbinau cun siu program da divertiment ch’el ha presentau la mesjamna
sera a Glion. Umens da casa che fan tut
il percasa e miran dils affons ein aunc oz
raritads. Quels paucs ch’ei dat vegnan
guess admirai da bia dunnas, mo segir
buc in che ha in status da cult sco Bänz
Friedli, il Bernes che habitescha a Turitg.
El astga schizun selamentar ella publicitad e far paleis extendidamein ils quitaus
dallas dunnas da casa. Quei fa el mintga
jamna en sia columna che cumpara el
«Migros Magazin». Cun fin humor ed
ina pulita purziun autoironia capescha el
da cumbinar banalitads dil mintgadi cun
sias observaziuns criticas dalla societad.
Tgi enconuscha buc igl um che sa bunamein far si in biro per far ensemen batlinis ni far ina tarschola? El capescha da
descriver situaziuns dil mintgadi cun fin
humor ed en mintga detagl – aschia che
mintga dunna e mintga um da casa sa
s’identificar in ton cun el. In bien amitg
dallas dunnas da casa par’el dad esser e
quei han ins era sentiu la mesjamna sera
a Glion. L’aula dalla casa da scola dil marcau era s’emplenida tochen sil davos plaz
ed igl organisatur e menader dil CCM,
Martin Mathiuet, ha beneventau cun
plascher il publicum. Era Bänz Friedli ei
staus sturstaus da ton interess. Cun bia
dunnas el publicum seigi el bein disaus,
mo che tons umens seigien vegni – e quei
ina sera ch’ei vegni ballapei alla televisiun – fetschi special grond plascher.
Sgiavlar e gnocchergnar
Bänz Friedli ha capiu da divertir il publicum e mussau con attaschaus ch’el ei al
Grischun ed oravontut alla Surselva. Gia
dapi onns fa el vacanzas da skis a Laax ed
ei in fideivel pazient dil miedi Josef Bürki.
Aschi ditg che Bänz va mo cun skis metscha el pil solit, mo strusch ch’el va cun
snowboard schai el baul ni tard enzanua
cun rut l’ossa e setschenta ella pratica dil
miedi da Laax. Igl onn vargau haveva el in
bratsch el gep, mo quei pren buc ad el la
curascha d’empruar siu cletg era uonn:
«Jeu hai studiau da schar metter gia orda-
von omisdus bratschs en gep, quei fagess
buc aschi mal cu jeu dun davos giu.» Rätselromanisch – sco el numna nies lungatg
– fatschenta adina puspei el. La mesjamna ei el staus egl element ed ha capiu da
parodiar Romontschs, Franzos ed era
quels dil Balcan ein buca mitschai. Bernes
ei siu dialect e sco Martin Mathiuet ha
menziunau alla fin dalla sera eis ei buca da
capir co in Bernes vegn da paterlar ton en
ina ura. Buca dil tut voluntari ha Bänz
Friedli empriu ses emprems plaids romontschs, perquei che sia maschina da lavar resti discurrevi mo romontsch. Ussa
ha el plascher e sa schizun sgiavlar dètg
flot. Il plaid romontsch digl onn «gnochergnar» plai ad el oreifer. Quei muossi
tgei pievel carin ch’ils Romontschs seigien
Vender cudischs s’auda era tier e zaco sto igl um da casa era fadiar ses daners da sac.
FOTOS S. ROTHMUND
– buca sco ils Tudestgs che hagien eligiu il
plaid digl onn «Ausschaffung».
Da canuns e pampers
Avon onns fuva Bänz encunter ils canuns
da neiv, mo ussa seigi el bi leds ch’ei detti tals a Laax. El ha era ludau la pintga
cotschna. Sch’ins cumpareglia quella
culs trens e trams ella Bassa seigi quei sco
meditaziun e wellness. Igl expert da far
tarlischar bogns e cuschinas ha era declarau ch’ils uors, lufs, elefants ed auters animals che vegnien numnai problems seigien buc il problem, mobein ils carstgauns da problems che inventien ils
problems. Pauc simpatia ha el pils experts che vegnan pagai per schar ora sabientschas nundetgas sco: «Il cass Fritzel
ei in fetg grev cass d’inzest.» Larmas dil
rir han buca muncau la mesjamna sera.
Aschia era cu el ha parodau igl «expert»
da cuorsas da skis Bernhard Russi che
savevi sez mo ir agradgiu cun skis. Ussa
commenteschi el mintga storta en detagl
e laschi ora caussas sco – la neiv era agressiva! Neiv agressiva? Cu el hagi legiu che
la vischnaunca da Flem pretendi dils vitturins da metter si «pampers» als cavals
hagi el nuota propi saviu crer quei e telefonau al vitturin Meiler. La dunna da
quel hagi priu giu il telefon e declarau
che quei seigi aschia, mo ei vegnien a far
sco tochen dacheu. Ei seigi gie iu bein 35
onns senza pampers. «E saveis tgei – ei
han raschun», ha Bänz Friedli manegiau.
Cun ferm applaus ha il publicum engraziau ad el per la legra sera e probablamein
vegnan ils presents a leger el futur aunc
pli stedi sias columnas jamnilas.
5
Mompé Medel festivescha
il giubileum
■ (anr/hh) L’Uniun da scursalar Mompé Medel festivescha dumengia proxima, ils 20 da fevrer 2011 il giubileum
da diesch onns. Quei fa ella cun in arranschament public. Muort la munconza da neiv sa la cuorsa da scarsolas e sliusas buca vegnir arranschada.
Igl unviern 2001 ei la senda da scursalar e spassegiar da Mompé Medel entochen a «Fontauna Starnauns» vegnida
aviarta ufficialmein e parallelmein ei
l’Uniun da scursalar Mompé Medel
vegnida fundada. Cun ina lunghezia da
treis kilometers porschan las vias dalla
migliuraziun als visitaders la caschun da
guder la bellezia cuntrada e da senezegiar da far enzatgei per la sanadad. Gia
in onn pli tard ei vegniu arranschau
l’emprema cuorsa da nostalgia da sliusas da corns e la cuorsa da scarsolas per
famiglias a Mompé Medel. Avon quater
onns ha l’uniun allura remplazzau la
maschina da pista veglia ed uonn eis ella sedecidida d’ereger el liug da partenza ed arrivada dalla cuorsa in niev stabiliment per different diever. Quel consista da treis containers. Dus da quels
surveschan sco liug da sentupada e cassa, in per indrezs sanitars. Sco quei ch’il
Il baghetg niev cun treis containers
dall’Uniun da scursalar Mompé Medel.
FOTO H. HUONDER
president dall’uniun, Baseli Jacomet, di,
ei vegniu investau en quei edifeci rodund 100 000 francs. L’uniun cun biebein in tozzel commembras e commembers ei s’engaschada cun tutta forza ella
realisaziun da quei baghetg che fa ina
biala pareta. La pista da scursalar ei stada aviarta quest unviern sulettamein
duront rodund duas jamnas, las miserablas relaziuns da neiv han buca lubiu
in menaschi regulau sco ils unviarns
passai.
Dumengia proxima festivescha l’uniun siu giubileum da diesch onns.
Oriundamein era ei previu da far quei
ensemen cun la cuorsa da scarsolas e
sliusas, mo muort la munconza da neiv
sa quella buca vegnir arranschada quest
unviern. Aschia seconcentrescha l’uniun cumpleinamein sin il giubileum
che vegn commemoraus el rom d’ina fiastetta ch’entscheiva allas 11.30. Ad in
e scadin vegn purschiu la pusseivladad
da gentar e d’assister agl act festiv ch’entscheiva allas 13.00. Quel cumpeglia
plaids, reminiscenzas e divertiment.
■ SAGOGN
Concert d’orgla
cun Giusep Tschuor
(cp) Dumengia proxima, ils 20 da fevrer
2011 allas 17.00 ha liug en baselgia parochiala catolica a Sagogn in concert per
orgla e spinet. Il musicist da Sagogn,
Giusep Tschuor, vegn ad interpretar ina
roscha ovras da plirs cumponists. La
collecta ei destinada per il Hôpital Albert Schweitzer en Haiti (dr. Rolf Maibach).
reclama
electro
920 00 00