SURSELVA
GIEVGIA, IL 1. D’AVRIGL 2010
Buca mo installaziuns d’electro
■ CALENDER MUSICAL
Giuseppe Verdi:
Quattro pezzi sacri
Alpiq InTec che ha cumprau l’Aurax electro porscha l’entira tecnica da casa
DA SIMON CAMARTIN
DA HANS HUONDER / ANR
■ La Rätia Energie SA ha vendiu l’Aurax electro alla Alpiq InTec, ina feglia
dil concern internaziunal Alpiq. L’interpresa ei buca mo specialisada sil
sectur dallas installaziuns d’electro,
mobein dall’entira tecnica da casa. Il
spectrum sestenda dalla planisaziun
entochen l’installaziun d’electro, sanitar, scaldament e segirtad. Cun quei
arriva in niev concurrent per interpresas da differentas branschas en Surselva. La novitad dalla vendita dall’Aurax electro l’jamna vargada ei buca stada
per tuts ina surpresa. Che l’installaziun
d’electro era plitost in element jester ella fatschenta dalla Rätia Energie SA era
bein enconuschent els cerchels professiunals. Dapi in temps circulavan speculaziuns a tgi che quella part dall’interpresa
vegni la fin finala vendida. L’Alpiq InTec
che ha surpriu l’Aurax electro ei ina feglia dalla Alpiq Holding SA ch’ei en Svizra dominonta sil sectur dil commerci cun
energia e che ha la pli gronda purschida
d’energia dalla Svizra cun sguard sin igl
exteriur. En Svizra ei il concern responsabels per rodund ina tiarza digl entir
provediment d’electricitad. Il concern ei
naschius l’entschatta 2009 entras la fusiun dalla Atel Holding SA e dalla Energie Ouest Suisse SA. Dapresent ei l’interpresa engaschada en 30 naziuns ed occupa varga 10 000 persunas. 2009 ha la Alpiq Holding SA contonschiu ina sviulta
da 15 milliardas francs.
In vast spectrum
La Alpiq InTec che ha surpriu l’Aurax
electro occupa rodund 3700 persunas,
L’Aurax electro va
vi els mauns dalla
Alpiq InTec, ina interpresa che porscha ils survetschs
per l’entira tecnica
da casa.
FOTO H. HUONDER
la sviulta ha contonschiu igl onn vargau
815 milliuns francs. Sco quei ch’il responsabel per il marketing e la communicaziun, Benno Affentranger, ha detg
sin damonda dall’Agentura da novitads
rumantscha, ei l’interpresa buc engaschada tuttina fetg dapertut en Svizra.
La Svizra orientala s’auda denton tier
ina dallas fermas regiuns d’Alpiq InTec.
Per quei motiv va l’Aurax electro ch’ei
engaschada en Surselva ed en Purtenza
lu era bein a prau cun sia expansiun. Tenor Affentranger ha l’Alpiq InTec
acquistau ils davos onns in bien tozzel
fatschentas en l’entira Svizra ed aschia
augmentau sia preschientscha e fermezia. Cun la cumpra dall’Aurax electro
crescha il stab da collaboraturs ella Svizra orientala da 220 sin biebein 300.
L’Aurax electro vegn integrada ella Alpiq InTec cun l’entschatta digl onn vegnent. Per il beinreussir da quella procedura procura in team d’integraziun
che consista da collaboraturs dad omisduas interpresas.
Interpresa generala
La purschida dalla Alpiq InTec ha in
vast spectrum. Ella cumpeglia aschidadir l’entira tecnica da casa e quei naven
dalla planisaziun entochen alla installaziun ed il servis: Tecnica d’electro, scaldament, ventilaziun, indrezs sanitaris e
tecnica da segirtad. L’Alpiq InTec ei era
specialista per projects gronds, per la
tecnica da viafier e dil traffic. Egl avegnir vul l’interpresa porscher tut ils survetschs era en Surselva. «Quella finami-
ra ei clara, cass cuntrari havessen nus gie
buca stuiu far quella cumpra. Grazia alla reit da filialas dalla Aurax electro seporschan las premissas da saver augmentar la purschida tenor nossa filosofia da fatschenta e naturalmein tenor
nossas finamiras.» Nezegiar vul la Alpiq
InTec en emprema lingia denton il
know-how che l’Aurax electro posseda
sil sectur dallas installaziuns electricas.
Grazia a siu vast spectrum da fatschenta porscha la Alpiq InTec lavur a persunas da 16 differentas professiuns. En
quei senn augmenta quei era l’attractivitad e variaziun pertuccont plazzas
d’emprendissadi en Surselva. «Suenter
l’integraziun vegn il num Aurax electro
a svanir e remplazzaus entras Alpiq InTec», di Benno Affentranger.
Scolaziun, experientscha ed engaschi
Bruno Benaglio ha raquintau dalla carriera da siu fegl Diego
■ (anr/gv) Diego Benaglio ei il goli
dalla squadra naziunala. Igl onn vargau ha el gudignau cun Wolfsburg il
tetel da campiun dalla ligia naziunala
tudestga. Sia mumma Annina deriva
da Castrisch e la Scola da talents Surselva nezegia ils contacts cul sportist.
Il bab Bruno Benaglio ha raquintau il
mardis sera avon ina pintga raspada da
geniturs da scolars dalla scola da talents
dalla carriera da siu fegl che ha bandunau la casa paterna cun 18 onns en direcziun Stuttgart. «Pér cura che Diego ha
fatg il pass ella veta suenter il sport sa ins
risdar d’ina carriera gartegiada», ha il bab
che ha mintga di contact cun siu fegl renomau detg. Cun prest 27 onns hagi
Diego aunc entgin potenzial da sesviluppar, mo per vegnir vinavon e tier in club
da muntada internaziunala drovi tier siu
engaschi era cletg. «Actualmein savess
quei esser sulet en biebein in tozzel clubs
ell’Engheltiara, en Spagna ed ell’Italia e
dasperas aunc ils clubs top dalla Tiaratudestga.» Il bab dil giugadur da ballapei
svizzer digl onn vargau ha buca numnau
la paga da siu fegl, mo denter las lingias
ha el concediu ch’igl ei buca pauc.
Avon il referat da Bruno Benaglio ha
Reto Gruber, il vicepresident dalla Federaziun grischuna da ballapei, referiu
dallas structuras da promoziun dall’uniun ed igl anteriur giugadur professiunal Stefan Wolf – el ha giugau tier Lucerna, Sion, Servette e S. Gagl – ha risdau da siu engaschi sco promotur da
sportists giuvens cun sia interpresa
Wolfassist. Il giugadur Fabian Lustenberger che gioga actualmein tier Hertha
Berlin ella ligia naziunala tudestga ei in
dils sportists che selai cussegliar dil manager da sport. Negins cussegls drovan
ils giugadurs e trenaders sursilvans. In
sulet trenader ha tedlau ils tips dallas
persunas dil fatg.
Dil tennis tiel ballapei
Bruno Benaglio deva tennis ed aschia ha
il fegl era entschiet cun quei sport. Il sentiment pil bal haveva Diego Benaglio, mo
cul semover sil plaz da tennis haveva el
aunc breigias ed il trenader ha cussegliau
da dar ballapei per semigliurar. Damai
ch’el era il grond ei el spert vegnius plazzaus en gol.
Il giuven sportist ha fatg ils scalems
dalla carriera da ballapei in suenter l’auter – dalla regiun tochen els caders naziunals. El hagi prestau igl engaschi ord
atgna perschuasiun. La carriera dil giu-
Bruno Benaglio
(enamiez) ha raquintau dalla carriera da siu fegl
Diego ch’ei il goli
naziunal svizzer.
Seniester Gieri
Tschuor, il menader dalla Scola da
talents Surselva e
dretg Robert Blasko dall’uniun da
promoturs scola da
talents. FOTO G. VENZIN
5
ven sportist ha era pretendiu sacrifecis
dils geniturs, mo Bruno Benaglio ha
puntuau: «Ils sacrifecis ch’ils geniturs en
Surselva fan per lur affons che dattan ballapei ei in bienton pli gronds.»
Cun in emprendissadi da sportist tier
il Club da ballapei Grasshoppers ha Diego Benaglio limitau la resca da star inagada avon scalgias. Cun biebein 18 onns
ha el bandunau la casa paterna: «Nus
eran aunc tut auter che segirs ch’el fetschi
ina carriera da sportist.» Culla midada da
Stuttgart tier Funchal sill’insla Madeira,
dalla Bundesliga ella ligia naziunala dil
Portugal, hagi siu fegl danovamein
tschercau ina sfida. «El saveva nuot portughes e siu tudestg ed engles capeva era
negin.» En Portugal hagi Diego Benaglio
denton saviu sesviluppar senza squetsch.
«Dall’Italia legevel jeu dils Svizzers che
havevan sittau gols ella seria C, mo che
Diego era eligius meglier giugadur el
giug encunter Porto avon 50 000
aspectaturs buca lingia.»
La tenuta decida
«Success ei buca dependent dallas entradas», ha Bruno Benaglio detg als geniturs
cun speronza d’ina carriera da sport da
lur affon. Il pli impurtont seigi da far il
sport cun plascher e cun perschuasiun.
Per vegnir vinavon el sport stoppi ins dumignar sesez sco emprem. «Sch’ins ha
dubis da buca haver fatg tut per vegnir
vinavon ha ins disgiu sco sportist.» Che
siu fegl Diego hagi fatg tut per la carriera e desistiu da bia persuenter ha il bab
buca schau dubis. El ha criticau la tenuta dils «Maradona pigns». Ei dat sportists
che han contonschiu tut il pusseivel cun
17 onns. «Tals ch’ein cuntents cun quei,
han gia finiu la carriera da sportist.» Per
daventar in sportist professiunal drovi la
dretga tenuta.
Las impurtontas fiastas el calender
ecclesiastic han schau fastitgs tier ils
cumponists da tuttas epocas. Gia ils
himnis e las antifonas dil choral gregorian havevan per las fiastas grondas lur
atgna tempra. Pastgas ed ils dis dalla
Passiun crodan en egl sch’ins studegia
la litteratura musicala.
Giuseppe Verdi numnava sesez duront si’entira veta in agnosticher perschuadiu. Mo ei vegn era pretendiu che
Verdi seigi daventaus cartents ils davos
onns da sia veta. Co igl ei propi stau
savess mo Verdi sez palesar, tut tschei
ei speculaziun.
Incontestabel ei che Verdi ha en ses
vegls onns cumponiu entginas ovras sacralas. El scheva ch’il retuorn allas ragischs seigi impurtont: Tornare all’antico sarà un progresso! Gia sco giuven
musicist haveva el scret entginas paucas ovras religiusas. Suenter sia «Aida»
senteva el ina vocaziun pli sublima;
quei ei stau la motivaziun per cumponer quater ovras cun fundus religius.
En quei temps s’occupava il maestro
dall’opera pli e pli cun la musica da
Bach e surtut da Palestrina, il qual el
numnava il «ver prenci dalla musica sacrala».
Sut il tetel «Quattro pezzi sacri» ha
Verdi cumpilau las cumposiziuns Ave
Maria, Stabat Mater, Laudi alla Vergine Maria ed in Te Deum. Igl ei in’ovra
nunusitada. Igl Ave Maria ed il Laudi
alla Vergine Maria ein screts per quater
vuschs solisticas a cappella, ferton ch’il
Stabat Mater ed il Te Deum ein ovras
vocalas maiestusas cun chor dubel, solists ed in orchester en gronda formaziun sinfonica. Gest quellas divergenzas en la cumposiziun dallas singulas
parts ein motiv ch’ils «Quattro pezzi
sacri» figureschan pauc sils programs
da concert. Verdi sez taxava il Te Deum
per sia megliera ovra. Venderdis sogn
cun il Stabat Mater e Pastgas cun il Te
Deum ein representai en quell’ovra
ambivalenta che cuntegn tuttas qualitads dil Verdi genuin.
Giuseppe Verdi: Quattro pezzi sacri; Requiem;
Janet Baker, Mezzosopran; Philharmonia
Orchestra and Choir; Carlo Maria Giulini,
Dirigent: EMI
La Cuorsa
dil Rein
era per uffants
(rtr) Metter en moviment ils uffants,
quai vul la Cuorsa dil Rein a Mustér. Per
l’emprima giada datti ina tura da 1,7 respectiv 3,4 kilometers ch’è adattada per
uffants. Tenor ils organisaturs datti gia
dumondas da clubs da sport da la regiun
per tramettar lur uffants a la cursa e laschar gidar ils geniturs vid l’organisaziun. Sper la cursa d’uffants nova datti las
rutas classicas per curriders e walkers. La
Cuorsa dil Rein ha lieu il zercladur, ella
vegn organisada per la terza giada a Mustér.
reclama
Für individuelle Lösungen
EDECOM COMPUTER SA
telefon 081 943 31 31
[email protected]
www.edecom.ch
electro
920 00 00