PRACTICIST/A DA
CONSTRUCZIUN AFP
Furmaziun da basa professiunala da dus onns
cun attestat federal professiunal (AFP)
www.bauberufe.ch
L’access per giuvenils che
construeschan lur avegnir e prendan
per mauns las chaussas.
Il pli impurtant en in’egliada
› Practicistas e practicists da
construcziun ston esser corporal main fits. Per lavurs grevas stattan
a disposiziun maschinas modernas.
› Els lavuran en media 40,5 uras
l’emna. La stad dapli, l’enviern
pli pauc.
› Las pajas èn pli autas ch’en autras
branschas.
› Els han sis emnas vacanzas durant
l’emprendissadi (suenter tschintg
emnas).
Sco practicista resp. practicist da
construcziun entras ti en il mund da
construcziun. Ti lavuras gugent cun
ils mauns, en il liber e da tutt’aura.
Questa furmaziun è l’access ideal al mund
da construcziun. Cura che ti has reussì la
furmaziun sco practicist da construcziun,
pos ti entschaiver cun il segund onn d’emprendissadi sco miradur. Uschia daventas
ti en quatter onns da furmaziun miradura
resp. miradur cun in attestat federal da
qualificaziun (AFQ).
Tias incumbensas sin il plazzal èn variadas.
Ti gidas a betunar ed ad armar. Ti construeschas en in team diversas sorts da
miraglia cun ils elements spezials necessaris
e las isolaziuns. Ti gidas a spustar elements
prefabritgads. Ti ta fatschentas era cun
lavurs da terra e d’emplenida, cun chanalisaziuns e conducts. Ultra da quai gidas ti
a construir tumbins e colliaments.
Ti prestas tia lavur en la vita professiunala
da mintgadi ch’è mintgatant hectica tenor
instrucziun ed en in team. In di l’emna
frequentas ti la scola professiunala ed ils
ulteriurs curs ordaifer il manaschi. Sche
las finamiras èn reussidas, survegns ti
suenter dus onns l’attestat federal professiunal (AFP).
L’industria principala da construcziun
porscha excellentas pussaivladads da
perfecziunament.
La segirezza da la lavur è
impurtanta sin tut il plazzal –
per exempel il entular.
›
‹
›
Bunamain tut las lavurs sin
il plazzal vegnan fatgas en il
team – per exempel il betunar.
Senza lavur a maun na vai
betg – per exempel per far
lavurs d’emplenida.
INFO
Furmaziun da basa per daventar practicista/
practicist da construcziun (AFP)
› Durada: 2 onns
› Champs d’activitad principals: construcziun
auta e bassa
› Furmaziun pratica: en in’interpresa da
construcziun
› Furmaziun teoretica: 1 di l’emna en la scola
professiunala
› Roms liads a la professiun: segirezza al plaz da
lavur, realisaziun da la construcziun (betunaziun,
armadira, drenascha/chanalisaziun, mirs, entuladas,
etc.), material da construcziun, dissegn professiunal (plans e skizzas), calculaziun professiunala,
protecziun da la sanadad e da l’ambient
› Curs ordaifer il manaschi: 48 dis deditgads a las
basas per l’execuziun (material da construcziun,
plans, etc.), realisaziun da la construcziun,
controlla da l’incarica
› Diplom: practicista/practicist da construcziun cun
attestat federal professiunal (AFP)
Perfecziunament
› Practicistas/practicists da construcziun pon sa
scolar a la miradura/al miradur (AFQ) cun ina
furmaziun da basa scursanida (cuntinuaziun en
il 2. onn da la furmaziun da basa).
› Suenter han els las medemas pussaivladads da
perfecziunament sco miraduras/miradurs (AFQ).
Ulteriuras infurmaziuns
www.bauberufe.ch
www.professioni-costruzione.ch
www.baumeister.ch
www.costruttori.ch
Infurmaziuns generalas davart la tscherna da
la professiun e la planisaziun da la carriera:
www.berufsberatung.ch
www.orientamento.ch
Ina professiun per tai?
Tias fermezzas
› Ti fas gugent lavurs corporalas.
› Ti prendas gugent per mauns las chaussas.
› Ti has ina buna sanadad.
› Ti has perseveranza e na capituleschas
betg immediat.
› Ti na survegns betg sturnizi en l’autezza.
› Da tai pon ins sa fidar.
› Ti lavuras gugent en in team.
Las bellas varts da questa professiun
› Ti pos far ina lavur corporala ed es adina or
en il liber.
› Ti vesas la saira tge che ti e tes team avais prestà.
› Suenter tia scolaziun pos ti cuntinuar cun il
2. onn d’emprendissadi sco miradura/miradur.
Era quai fa part da la professiun
› Ti lavuras da tutt’aura or en il liber.
› Ti stos avair ina buna constituziun corporala
(per lavurs grevas stattan a disposiziun
maschinas).
› La lavur pretenda flexibladad; tut tenor la stagiun
e la lavur stos ti lavurar in pau pli ditg la saira.
Vuls ti vegnir practicista/practicist da
construcziun?
› Dumonda in’interpresa en tia regiun,
sche ti pos far in fufragnadi.
Far mirs, entular, armar, betunar, emplenir ...
Practicistas e practicists da construcziun
èn impurtants per il team. Ensemen cun tes
collegas construeschas ti chasas d’abitar,
edifizis industrials, scolas, implants da
sport e bler auter. Per pudair exequir las
lavurs entaifer il temp planisà, gidas ti er
ad endrizzar il lieu da lavur, a magasinar
ed a dismetter correctamain il material.
Sco practicista u practicist da construcziun
lavuras ti en la construcziun bassa. Ti ta
fatschentas oravant tut cun lavurs da terra
e d’emplenida, cun chanalisaziuns e conducts. Ultra da quai gidas ti a construir
tumbins e colliaments.
Il lieu da lavur ed il team sa midan adina
puspè. Uschia na vegni mai lungurus. Il
cuntrari: la lavur è interessanta e variada.
Cun auters pleds: ti ta participeschas a la
construcziun davent da l’entschatta enfin
la fin. Quai è il pli bel vi da la lavur: ti vesas
co ch’insatge progredescha. Quai che ti has
prestà, pos ti mussar da tut temp ed adina
puspè contemplar.
Sustegn per tut il team
La segirezza
Preparar il plazzal ed uschia surpigliar cun
responsabladad per la segirezza, l’urden
e la nettezza. Montar puntanadas e protecziuns cunter crudadas.
Ulteriuras lavurs
Leger simpels plans, chapir tge ch’è impurtant per la lavur, preparar il material da
construcziun, utilisar correctamain substanzas privlusas, emprender da manischar
apparats pitschens.
Editura: Societad svizra dals impressaris constructurs, Weinbergstrasse 49, Chascha postala, 8042 Turitg, www.baumeister.ch
Layout e grafica: agor ag, www.agor.ch | Fotos: Stefan Kubli, www.stefankubli.ch
Grazia fitg a tut las firmas ed organisaziuns ch’èn sa participadas.
Questa broschura po vegnir retratga gratuitamain tar la Societad svizra dals impressaris constructurs.
1. ediziun 2012. © 2012 Societad svizra dals impressaris constructurs, Turitg. Tut ils dretgs resalvads.
N. art. 50133
Il plazzal
Sustegnair il team cun lavurs praticas
sco endrizzar il plazzal, spazzar edifizis,
demontar implants, far mirs, stgavaments
ed entuladas, betunar, nettegiar ils isegls
da lavur.