Radiotelevisiun Svizra Rumantscha - Simona Waltert, la speranza da...
http://www.rtr.ch/home/novitads/archiv/2014/11/14/Simona-Waltert-...
Simona Waltert, la speranza da tennis grischuna
Publicaziun: 14-11-2014, 08.32
Zoom
Simona Waltert vul daventar ina da las meglras 10 giugadras dal mund. (mad)
Cun mo 13 onns è la giuvna da Cuira per lunsch la meglra giugadra da tennis en il Grischun. Ella ha era gudagnà il titel da
campiunessa svizra en sia categoria. Mo Simona Waltert vul anc dapli. Sia finamira a mesa vista è da sa participar als
turnier da juniors dals turniers da Grand-Slam. A lunga vista siemia ella da daventar ina da las meglras 10 giugadras dal
mund. Mo ella è conscienta, che quai è ina lunga via ch’ella sto ir pass per pass.
In dals trenaders dad ella, Hans Markutt, è persvadì da Simona Waltert. Ella haja il potenzial ed era il conturn che constat.
Ed ella fa bler per vegnir vinavant, trenescha enfin 18 uras ad emna. La scola, quella prenda ella dentant tuttina serius. Las
notas sajan fitg bunas. (rtr/ul)
Actual la damaun: Simona Waltert va pass per pass direcziun elita da tennis (14-11-2014)
1 von 1
18.11.2014 06:43