La Quotidiana 27-11-2009, p.07
SURSELVA
VENDERDI, ILS 27 DA NOVEMBER 2009
7
4 decleranzas d’amur intimas per pleds rumantschs
Nies Tschespet 75 è cumparì a chaschun dals Dis da litteratura
Prender pleds giu dal sisurchombras
Trais auturs han purtà a la glisch antiquitads ch’èn stadas ditg sisurchombras e
ch’ins pudess far giu pulvra e puspè duvrar. Il scriptur Vic Hendry declera «auncallura» per ses pred preferì. Ina bella expressiun ch’ins pudess duvrar enstagl da
«malgrà» u «tuttina».
Per reverenda Duri Gaudenz munta
«faströgn» in pled rumantschissem e bel,
era sch’el descriva ina chaussa malempernaivla, pertge tgi che «faströgna» zuola la
notg ses patratgs envi ed ennà e na po
betg sa durmentar.
E tge vul quai dir «haver flurs santeri»? L’um pensiunà Hermann Walther:
«Tgei bellezza expressiun da la poesia populara! Ella sesanfla el Niev Vocabulari
sin pagina 889 e stat per ‘graue Haare haben’.»
Yvonne Gienal ha fatg var ventg illustraziuns tar texts dal nov Tschespet. Las
illustraziuns regordan als tagls appenzellais cun forsch, ma cumparan cun pli
paucas firlefanzas ed en furma moderna.
DA CLAUDIA CADRUVI / ANR
■ «Miu pli bi plaid» è ina parada da
hits da pleds charsinants, imposants,
d’antiquitads custaivlas u schizunt da
germanissems. En mintga cas rendi da
cumprar il nov cudesch – gnanca tant
pervi dals pleds sco tals, mabain pervi da las persunas che scrivan. «Tgei
has schon puspei fatg?» «Nuot.» Cun
questas duas frasas banalas declera Ciril
Spescha, scolar a Rueun, sia preferientscha per il pled «nuot». La contribuziun
minimalistica è exemplarica. En ella sa
zuppa la tipica guerra tranter las generaziuns. Ella stat per tantas sbarradas tranter mammas e figls e tranter scolasts e
scolars. Spescha ha prelegì sia contribuziun a la vernissascha dal nov tschespet
als Dis da litteratura a Domat (guarda fanestra). Il giuven ha surrì cun sia entira
fatscha. Eri in surrir innocent u malign?
Nunpussaivel da dir. Nunpussaivel èsi
era da savair sche quest giuvenoter che
replica «nuot» ha forsa fatg furbarias e fiRenata Cathomas è ina da las 94 persunas che han scrit per Nies Tschespet 75. A Domat ha ella prelegì «uetta».
libergas senza fin. Ma quai na va tiers
schuber «nuot» als creschids.
Libertad
Imposant, legher u charin
La pitschna contribuziun da Spescha è er
exemplarica per tut las autras contribuziuns en il nov Tschespet. Betg pervi da
sia lunghezza – ils auters texts èn pli
lungs – mabain perquai ch’ella di dapli
davart quel che ha scrit la contribuziun
che davart il pled sco tal. Gist quai fascinescha il pli fitg durant leger il nov
Tschespet. Ins inscuntra 94 persunas che
tradeschan cun «miu pli bi plaid» insatge
intim da l’atgna vita.
Tar tscherts pleds san ins immediat e
senza leger las raschuns pertge ch’ils auturs u las auturas han tschernì els. Igl è
pleds charins u charsinants ch’ins dovra
forsa per in uffant u in’amanta. Per
exempel gnocla, fignecla, lumpazi, sabiutta, zepla, buzibau. Auters pleds tunan simplamain legher u han in bel sun:
clinöz, strüzzel, stgirat, tschetschapuorla, clocca, battaclanc, babellas, pluschignar, Buania, niala, nuschpignas.
Lura datti expressiuns imposantas sco
«tarantschun» u maiestusas e dignas sco
«attaschadadad». Tar tscherts pleds sco
«carner» na chapeschan ins betg immediat pertge ch’ils auturs prendan els per
bels ed i dovra l’explicaziun. «In plaid
cun carn per zatgei ch’ei mo pli ossa. / In
mussament per igl optimissem ni per la
vera cristifideivladad dil romontsch»,
scriva il schurnalist Michel Decurtins pertutgant sia tscherna dal «carner».
Tge pomai è in craclin ed in abersac?
I dat er in’entira ritscha da surpraisas e
FOTO C. CADRUVI
pleds ch’ins n’ha strusch dudì sco il «craclin» da la scolara Vanessa Veraguth: «mes
dents secavan ella pasta crocanta / craccrac-crac / il fin gust da sal schai sillas
levzas / mmh… delizius / levas era in?»
E tge fiss il sursilvan insumma senza ils
germanissems? Gist sis pleds emprestads
dal tudestg vegnan numnads: malgengli,
abersac, hausembec, glis, franzlas e liftà.
Ma tge munta «abersac» ch’il schurnalist
Peter Egloff prenda sco pli bel pled? Il vocabulari d’Alexi Decurtins sto gidar: Abersac munta satg da scola, satgados u turnister da militer e deriva da «Habersack». En
sia contribuziun enumerescha Egloff anc
pli che ventg auters germanissems sco ualti e recli, ma era da quels sco «lanstros»
ch’èn vegnids stgatschads a chantun ils ultims decennis da romanissems sterils sco
la via principala u la via chantunala.
Carner
MALETGS YVONNE GIENAL
■ NUA EI QUEI? - LEGN DIL MEINS
In aspect pittoresc
(anr/sb) Il meins vargau havein nus
survegniu in mantun cartas da lecturas e lecturs che han enconuschiu la
pintga ucliva Falens. Il legn digl october havevan nus titulau «in’ucliva mo
per dus» e quei ha animau ina gronda
part dils participonts dil legn da scriver
sin lur carta era il num da Gion Antoni
Deflorin e sia sora Tresa ch’ein ils sulets
habitonts da Falens. La fotografia publicada muossa lur casa e clavau e sur ca-
sa ves’ins – mo pignet – ils dus fargliuns
vid far fein. Davostier il vitg da Cumpadials e pli lunsch naven quel da Sumvitg. Entgins han scret sin lur carta Madernal ni Perdomat. Quei ei falliu era
sche quellas uclivas ein buca lunsch naven da Perdomat. Pign aber oho – savess
ins dir tier Falens, nus havein numnadamein survegniu in tschuat cartas cun
cuortas historias ni anecdotas tier Falens.
Aschia scriva Walter Candinas da
Horn per exempel che Falens hagi schizun giu ina ga in cusseglier guvernativ.
La mumma da Luigi Albrecht ch’ei vegnius eligius 1936 ella regenza grischuna eri numnadamein da Falens. La vischnaunca da Sumvitg hagi dau ad el il
dretg da burgheis. Plinavon han plirs
lecturs scret versets sco per exempel
Paul Tomaschett: «Enzatgi leva ir si Laus
nua ch’el era par’ei aunc mai staus. Sil
retuorn ei vegnius a Falens e leu selischnaus e rut en ils dents…». Ei para denton da dar pliras variantas che tonschan
da mal ils dents tochen rut ils dents e
dad enzatgi tochen tier il giavel ed
aschia vinavon. Forsa ha enzatgi la versiun originala? Plirs participonts scrivan
era dils habitonts da Falens, aschia era
Lucia Duff che seregorda d’ina excursiun ch’il Chor mischedau da Sumvitg
ha fatg a Luven per ir a teater. Quella
sera havevi il Gion Antoni teniu si da
cumpignia l’entira ustria. Marguerite
Candinas scriva dallas spassegiadas sper
Falens ora e dallas interessantas paterladas cul Gion Antoni. Manuela Schnoz
seregorda dils temps nua che sia mumma gidavi igl aug da far fein a Falens ed
ella e sias soras cun cusrins e cusrinas
purtavien empau veta egl uclaun.
Grond plascher havein nus secapescha
era giu dalla carta da Gion Antoni e sia
sora Tresa Deflorin.
Legn dil november
Oz publichein nus puspei ina fotografia
che muossa empau dapli dad in vitg – in
aspect pittoresc che pudess retener mintga artist che passa da quellas varts. Denton mo ual aschia e senza vuler carreschan ni van ins strusch pli tras il vitg che
nus tscherchein. La vischnaunca che
porta il medem num sco il vitg silla fotografia cumpeglia treis fracziuns e dumbra 1270 habitonts. Tgi che sa nua che
quei ei duei scriver la soluziun sin ina
carta postala e tarmetter quella entochen
ils 10 da december 2009 (attenziun al
termin) a: La Quotidiana, Susi Rothmund, 7176 Cumpadials. La sligiaziun
vegn publicada ina jamna pli tard cul
proxim legn. Ord il diember da rispostas
gestas tila nossa diala da cletg la sort pils
premis che vegnan era quella ga sponsurai dallas Pendicularas Sedrun, da La
Quotidiana e «Südostschweiz Buchverlag» e dalla societad Amarenda. Bien
cletg ed engraziel gia ordavon per historias ed anecdotas en connex cul «vitg pittoresc».
Ils victurs
1. premi: A. ed F. Schnoz-Candinas, Cuera (ina carta dil di dallas
Pendicularas Sedrun).
2.premi: Rosa Riedi-Riedi, Mustér (in cudisch «Surselva – nossa
patria»).
3. premi: Rosita Monn-Tomaschett, Camischolas (ina marenda
dalla societad Amarenda).
Cordiala gratulaziun!