Communicaziun a las medias Aarau, ils 21 d'avrigl 2013 Beginn Pressetext
Aarau survegn la Festa federala da la musica populara
Per l’emprima giada en l’istorgia da la musica populara svizra daventa il chantun
Argovia lieu da la Festa federala da la musica populara. Per la 12avla giada vegn
organisada la Festa federala da la musica populara che ha lieu dals 10 fin ils 13 da
settember 2015 ad Aarau. La radunanza da delegads da la Societad per la musica
populara en Svizra a Cuira ha affidà ad Aarau l’occurrenza gronda cun ca. 70’000
visitadras e visitaders.
A partir da gievgia, ils 10 da settember fin dumengia, ils 13 da settember spetg’ins ad Aarau
fin 400 furmaziuns cun ca. 1200 musicantas e musicants e dieschmillis da visitadras e
visitaders. Ils davos lieus da la festa che ha lieu mo mintga quatter onns èn stads Cuira
(2011), Stans (2007) e Bulle (2003).
In comité d’organisaziun cun experientscha
La presidenta dal comité d’organisaziun dad Aarau (CO), la cussegliera dals chantuns
Christine Egerszegi, ha gì grond plaschair dal fatg che la Festa federala è vegnida affidada
ad Aarau: «Nus vegnin ad esser osps cordials e porscher a tuttas visitadras ed a tuts
visitaders ina festa nunemblidaivla». Suenter la decisiun positiva dals delegads a favur dad
Aarau sco lieu d’occurrenza vegn il CO a cumenzar cun la lavur. La gronda part dals ressorts
ha gia pudì vegnir occupada cun experts qualifitgads e cumprovads. Er il comité da
patrunadi è occupà prominentamain cun ils cussegliers guvernativs Alex Hürzeler e Roland
Brogli, sco era cun ulteriurs exponents da la politica e da l’economia. Il budget total vegn ad
importar var dus milliuns.
Festa federala da la musica populara 2015, c/o Schaerer und Partner AG, Marco Canonica, responsabel per medias/PR, Niederlenzer Kirchweg 3, 5600 Lenzburg, 079 218 13 01, m.canonica@schaerer-­‐partner.ch Communicaziun a las medias Aarau, ils 21 d'avrigl 2013 «Swissness» ad Aarau
Il terren da festa da la 12avla Festa federala da la musica populara furma la citad veglia dad
Aarau. Ultra da quai è prevesida per la sonda saira en la halla da sport Schachen ina sairada
da gala da la musica populara svizra che vegn emessa en directa en la televisiun. Las
preschentaziuns da las furmaziuns che vegnan valitadas cumenzan il venderdi e duran fin la
dumengia suentermezdi. L’act festiv uffizial ed il cortegi han lieu dumengia, ils 13 da
settember 2015. Ultra da la musica populara en las pli differentas variaziuns vegn purschì a
las ca. 70’000 visitadras e visitaders da l’entira Svizra in program vast ed allegher che
cuntegna differents elements da la folclora svizra.
Experientscha federala ad Aarau
Il chantun Argovia è, cun sia chapitala Aarau, in organisatur ed osp experimentà e cumprovà
quai che reguarda occurrenzas grondas. Uschia han gì lieu ad Aarau il 2005 la Festa
federala da jodladers, il 2007 la Festa federala da lutga e da gieus alpesters ed il 2010 la
Festa federala da tir.
Ende Pressetext
Für weitere Fragen steht Ihnen Marco Canonica, OK-Mitglied und Leiter Medien/PR,
jederzeit gerne zur Verfügung.
Mobil 079 218 13 01
E-Mail [email protected]
•
•
Agiuntas:
Foto Christine Egerszegi, presidenta dal CO
Foto da la radunanza da delegads a Cuira cun la delegaziun dad Aarau
Festa federala da la musica populara 2015, c/o Schaerer und Partner AG, Marco Canonica, responsabel per medias/PR, Niederlenzer Kirchweg 3, 5600 Lenzburg, 079 218 13 01, m.canonica@schaerer-­‐partner.ch