Preschentà da la:
Festa svizra da chant Meiringen
ACTUAL
Tschertgà chantadurs
sco gidanters
La festa svizra da chant 2015 a Meiringen
duai daventar ina festa nunemblidaivla da
la cultura e da las amicizias. Per mintga di
dals arranschaments duvrain nus 350 gidanters per assister a las 13 000 chantaduras e chantadurs. Essas Vus era da la partida
sco gidanter/a?
Nus tschertgain glieud engaschada e motivada. As participai al grond project ed As
engaschai en ina da las bleras spartas interessantas. As annunziai via
www.gesangfest.ch/de/Angebot/Helfer
u tar il manader da ressort dals gidanters,
Dres Winterberger:
[email protected]
Contact:
Festa svizra da chant 2015
Bahnhofplatz 6
CP 532
3860 Meiringen
033 333 20 15
[email protected]
12 – 21 da zercladur 2015
Ediziun 4, december 2014
Producziuns dal chor da festa
al martgà da Nadal a Brienz
Assassinat da tuns Sherlock
Holmes sin il Casinoplatz
A chaschun dal martgà da Nadal da Brienz è il
chor da festa sa preschentà cun in concert en la
baselgia da Brienz, tranter auter cun la chanzun
«Im Summer fiifzächen sell’s z Meiringen klingen,
drum chemid zun iis, mier wein zämmen singen!».
L’ovra ha Paul Hirt cumponì aposta per la gronda festa tenor in text da Fränzi Borgognon e Dres
Winterberger. La cumposiziun duai contribuir
che la festa 2015 daventa ina scuntrada nunemblidaivla da la cultura e da las amicizias. Dasper
las chanzuns popularas en plirs linguatgs e l’imni
festiv «Z Meiringen singt’s» èn las chanzuns dal
poet indigen Fritz Ringgenberg spezialmain en il
repertori dal chor da festa. Vus dastgais sa legrar
da las preschentaziuns a chaschun da la festa da
chant a Meiringen.
A Reichenbach è Sherlock Holmes crudà giu a
mort. Cun participaziun da carstgauns che improviseschan vegn quest eveniment raquintà e giugà
amez il vitg sin il Casinoplatz. L’atelier vegn manà
da persunas da la cultura or da las spartas musica
e teater. Rolf Brugger, actur, musicist e teatrist da
Berna, è responsabel per quest atelier. El è naschì
a Frutigen e creschì si en l’America dal sid sco era
en differents lieus en Svizra. El vegn a sviluppar
insatge nov or da l’istorgia da Sherlock Holmes
ed inscenar quella cun gieu e musica. I duai dar in
gieu auditiv visual da 60 minutas. Dasper ils chors
annunziads cun circa 80 enfin 125 chantaduras e
chantadurs èn era ils passants envidads cordialmain da sa participar tar quest arranschament.
Da bell’aura ha l’atelier lieu sin il Casinoplatz en il
center da Meiringen, u da macort’aura en la tenda da festa sin la Sauvagematte. As laschai inspirar
d’in atelier innovativ.
Plaschair da scarsolar en
il Haslital
Il tun dals schlusigls sin naiv nova, filar cun tempo 50 da la plaunca giu – passand atras ina cuntrada d’enviern fascinanta, giudend il sentiment
da libertad sin dus schlusigls. Per exempel ils
5,5 kilometers da la Grosse Scheidegg enfin tar la
Schwarzwaldalp. Suenter il viadi pacific cun l’auto da posta atras la grandiusa val da Rosenlaui
entschaiva la descensiun rasanta al pe dal dominant Wetterhorn. Suenter curt temp charrais Vus
cun la scarsola amez ina cuntrada cun ina culissa
impressiunanta da culms. Vus giudais ina pausa
en il Chalet Schwarzwaldalp nua che Vus pudais
stgaudar mauns e nas cun in punsch chaud. In
eveniment per giuven e vegl!
Dapli informaziuns ed ulteriuras purschidas da
scarsolar As chattais Vus tar
www.haslital.ch/Schlitteln
Temps da las represchentaziuns:
So, 13-06-2015, 10:30
Du, 14-06-2015, 10:30
Ve, 19-06-2015, 12:30
So, 20-06-2015, 10:30
Du, 21-06-2015, 10:30