Festa svizra da chant Meiringen
12 – 21 da zercladur 2015
Concept directiv
Ina festa nunemblidaivla da cultura ed amicizia
Nus creain ina festa nunemblidaivla sco punct culminant en l’onn da chant. Ins percepescha
nus sco organisatur cumpetent ed innovativ ed ospitant cordial.
Ina festa per las chantaduras ed ils chantadurs
Chantaduras e chantadurs èn en il center. Nossa festa motivescha giuven e vegl. El collia
chors, giasts e la populaziun e dat impuls impurtants.
Ina festa cun puncts culminants
Mintga di è in di da festa cun ses puncts culminants specials.
Ina festa da las distanzas curtas
Nossa festa da chant ha lieu central a Meiringen. Tut las localitads dals eveniments ed il
center da festa èn cuntanschibels en paucas minutas a pe.
Infrastructura d’auta qualitad, orientada als utilisaders
L’infrastructura correspunda a las pretensiuns e basigns dals partizipants e giasts.
Installaziuns ed edifizis existents vegnan duvrads ed il mastergn regiunal resguardà.
Gestiun d’interprendider, ecologica ed entretschada
Nus lavurain cumpetent e tenor prinzipis d’interprendider ed ecologics. En las preparativas
ed en l’eveniment da festa involvain nus il chantun Berna, las vischnancas, uniuns, ulteriurs
partenaris e la populaziun.
Emprender a conuscher il Haslital
Ils partizipants emprendan a conuscher la regiun Haslital – Brienz sco spazi da viver attractiv
e destinaziun d’excursiun e da vacanzas multifara ed ospitaivla.
In gudogn per la cultura
Nus offerin auta qualitad a pretschs fairs e faschain in gudogn. Quel duai vegnir duvrà
per la promoziun dal chant sco era per il svilup cultural da la regiun.