Ledscha davart il dret da vaschinadi
dal cumün da vaschins da Zernez
Art. 1
Il dret da vaschinadi dal cumün da Zernez pon gnir concess
Princip
a vaschins dal Chantun e vaschins svizzers scopür esters
e persunas sainza naziunalità. Premiss esa chi sun accumplidas
las cundiziuns legalas da la Confederaziun, dal Chantun e dal
cumün da vaschins.
Art. 2
Il vaschinadi dal cumün da Zernez po gnir concess o impromiss be a persunas chi paran dad esser adattadas, davo
avair examinà lur relaziuns persunalas, lur deport e pustüt
lur vita precedainta e la basa existenziala. Ils candidats han
implü dad esser integrats illa cumünanza locala ed attachats
a la populaziun indigena.
Art.3
Premissas
Il vaschinadi po be gnir concess, resalv l’art. 9 da la ledscha
chantunala davart l’acquist e la perdita dal vaschinadi
chantunal e cumünal, be a persunas chi han lur domicil in
Svizra. Svizzers ston avair gnü domicil sün territori dal cumün
da Zernez almain 6 ons, ed esters ston avair gnü qua domicil
almain 12 ons, da quels adüna almain 2 ons directamaing avant
co inoltrar la dumonda da dret da vaschinadi.
In cas excepziunals po gnir desistü da la pretaisa da domicil i’l
sen da l’alinea 1, schi pon gnir cumprovadas relaziuns fich
strettas cul cumün o scha’l candidat s’ha acquistà gronds
merits invers il cumün.
Domicil
Art. 4
Pro la calculaziun da las taxas da natüralisaziun vegnan
resguardadas unicamaing las spaisas cha l’administraziun
e las instanzas cumünalas han gnü per elavurar la
dumonda da dret da vaschinadi.
Per la natüralisaziun da svizzers vain inchaschada üna taxa da
maximalmaing 1000 francs, per quella dad esters üna tala da
maximalmaing 2000 francs per persuna.
Uffants minorens chi sun inclus illa natüralisaziun sun eir inclus
in quista taxa.
Pro la concessiun dal vaschinadi d’onur nu vain inchargiada
ingüna taxa. La taxa vain assegnada al cumün politic.
Taxas da
natüralisaziun
Ledscha davart il dret da vaschinadi dal cumün da vschins da Zernez
pagina 1 da 3
Art. 5
A persunas chi s’han acquistadas merits specials invers il
cumün da Zernez, po gnir concess il vaschinadi d’onur.
Scha la concessiun dal vaschinadi d’onur dess avair ils
effets d’üna natüralisaziun ordinaria, schi han dad esser
dattas las premissas legalas da la Confederaziun e dal
Chantun.
Vaschinadi d’onur
Art. 6
Illa natüralisaziun d’ün genitur, sun inclus – resalv
alinea 2 – ils uffants minorens chi stan suot sia autorità,
scha que nu vain exclus expressivamaing.
Pro la concessiun dal vaschinadi d’onur ha da gnir decis
Explicitamaing l’integraziun dals uffants.
Per l’integraziun dad uffants suot 16 ons, faja dabsögn da
l’acconsentimaint da tuots duos genituors, pro tals
sur 16 ons da tal da l’uffant.
Integraziun
Art. 7
La dumonda per gnir admiss sco vaschin dal cumün da Zernez
Proceder
es d’inoltrar in scrit a la suprastanza da vaschins. A la dumonda a) dumonda
es d’agiundscher la documainta pretaisa tenor lescha chantunala
da dret da vaschinadi.
Art. 8
La suprastanza da vaschins examinescha immediatamaing
mincha dumonda da natüralisaziun e pretenda schi fa
dabsögn ils documaints e sclerischa tuot quai chi’d es
necessari.
Ella invida per regla la persuna petenta ad üna discussiun
da qualificaziun, inua chi dess gnir examinà specialmaing
ch‘ella saja integrada in nos cumün e sco ch’ella as sainta
in nos cumün.
Sun dattas las premissas legalas, schi suottametta la
Suprastanza la dumonda a la radunanza da vaschins
cun üna proposta per mans da quella. Quella decida cun
majorità simpla.
La decisiun sto in mincha cas gnir comunichada
per scrit al candidat in nomnand eir ils motivs per o cunter
üna natüralisaziun.
Al candidat esa da render attent ch’el haja la pussibiltà da
recuorer cunter la decisiun o cunter parts da quella al tribunal
administrativ infra 30 dis daspö la comunicaziun.
Vess il candidat d’avair obtgnü il dret da vaschinadi tras
indicaziuns na vardaivlas o cun zoppantar fats decisivs,
rapporta la suprastanza quai al chantun fin il plü tard tschinch
ons davo ch’el ha obtgnü il dret da vaschinadi.
b) examinaziun e
decisiun
Ledscha davart il dret da vaschinadi dal cumün da vschins da Zernez
pagina 2 da 3
Art. 9
Pro mincha dumonda da dret da vaschinadi esa dad
infuormar sur da la decisiun eir a l’uffizi chantunal per fats da
pulizia e dret civil. In cas eir in agiundschond ils attestats
tenor art. 7 alinea 1. Quel pissera eventualmaing chi
vegna manada tras la procedura da natüralisaziun
chantunala ed ordinescha las comunicaziuns ufficialas
necessarias. In cas cha vaschins dad oters cumüns in
chantun obtegnan il dret da vaschinadi, esa da communichar
que be a l’uffizi da stadi civil regiunal.
c) infuormaziun
Art. 10
Il vaschinadi cumünal ed in cas eir quel chantunal,
aintran in vigur cun la decisiun dal departamaint chantunal
da güstia, sgürezza e sandà.
d) vigur legala
Art. 11
Il lizenziamaint dal vaschinadi dal cumün da Zernez as
drizza tenor ils artichels 18 e 19 da la ledscha chantunala
davart l’acquist e la perdita dal vaschinadi chantunal e
cumünal.
Dumondas correspundentas sun da drizzar a l’uffizi
chantunal per fats da pulizia e dret civil.
Lizenziamaint
Art. 12
D‘avantatgs da vaschins pon profittar be persunas vaschinas
majorenas cun domicil sün territori dal cumün da Zernez.
Pro vendita da terrain da vaschins han quellas il dret
da prüma cumprita e pro contrats da fittanza da bains da
vaschins han talas üna priorità.
Avantags da
vaschins
Art.13
Quista ledscha es entrada in vigur als 1. schner 2015
e revaisa parcialmaing cun acceptaziun da la radunanza
dal cumün da vaschins da Zernez dals …….
Vigur
Acceptà da la radunanza da vaschins da Zernez, als ……..
Il president dal di
l’actuar dal di:
Ledscha davart il dret da vaschinadi dal cumün da vschins da Zernez
pagina 3 da 3