500.920
Ordinaziun tar la lescha davart ils servetschs psichiatrics
dal Grischun (OtLSPGR)
dals 10-06-2013 (versiun dals 01-07-2013)
sa basond sin l'art. 45 da la constituziun chantunala dals 18 da matg / 14 da
settember 20031)
relaschada da la regenza ils 10 da zercladur 2013
1. En general
Art. 1
Cumpetenzas
1
Ils departaments cumpetents èn:
a)
il departament da giustia, segirezza e sanadad per las contribuziuns tenor la
legislaziun da l'assicuranza da persunas malsaunas e tenor la legislaziun per
promover la tgira da persunas malsaunas;
b)
il departament d'economia publica e fatgs socials per las contribuziuns tenor la
legislaziun d'integraziun da persunas cun impediments.
2
Il departament da giustia, segirezza e sanadad è ultra da quai cumpetent per la
surveglianza sco er per las contribuziuns dal chantun en sia funcziun sco instituziun
ch'è responsabla per ils servetschs psichiatrics dal Grischun.
Art. 2
Strategia d'immobiglias
1
Ils servetschs psichiatrics dal Grischun ston preschentar lur strategia d'immobiglias
per l'approvaziun mintga 4 onns al departament da giustia, segirezza e sanadad en
enclegientscha cun il departament da construcziun, traffic e selvicultura.
1)
DG 110.100
* tabellas da las modificaziuns a la fin dal relasch
1
500.920
2. Manar la contabilitad
Art. 3
Circuls da contabilitad
1
Per ils singuls circuls da contabilitad ston ils servetschs psichiatrics dal Grischun
manar separadamain quints economics e contabilitads da la facultad investida.
Art. 4
Surplis dals custs e dals retgavs
1
Ils surplis dals custs respectivamain ils surplis dals retgavs ston vegnir transportads
separadamain tenor circuls da contabilitad.
Art. 5
Emprest da chapital ester, investiziun da meds finanzials
1
Las investiziuns ed ils debits ston vegnir administrads tenor criteris economics ed
orientads a la ristga.
2
Ils servetschs psichiatrics dal Grischun ston observar – cun investir meds finanzials
e cun surpigliar chapital ester – il reglament da la regenza davart la tresoraria.
3
Sin las parcellas principalas dal dretg da construcziun na dastgan vegnir inscrits
nagins pegns immobigliars.
Art. 6
Assicuranzas
1
Ils servetschs psichiatrics dal Grischun ston far assicuranzas che correspundan al
gener ed a la dimensiun da las ristgas.
Art. 7
Revisiun
1
La revisiun dal quint annual sto vegnir fatga fin ils 30 d'avrigl da l'onn suandant.
Art. 8
Rapport e quint annual
1
Il rapport annual ed il quint annual ston vegnir tramess – ensemen cun il conclus
d'approvaziun dal cussegl d'administraziun – fin ils 15 da matg da l'onn suandant al
departament da giustia, segirezza e sanadad. Il rapport al cussegl grond vegn fatg per
mauns da la sessiun da zercladur.
2
Il rapport annual sto cuntegnair las datas da prestaziun e da finanzas usitadas en la
branscha las pli impurtantas. La furmaziun e la schliaziun da retenziuns e da
reservas sco er la finanziaziun dals custs per duvrar ils implants ston vegnir
cumprovadas avertamain en il quint annual.
2
500.920
3. Finanziaziun
Art. 9
Procedura da preventiv
1
Ils servetschs psichiatrics dal Grischun ston preschentar a l'uffizi da sanadad fin ils
30 d'october il preventiv per ils singuls circuls da contabilitad ch'è vegnì deliberà dal
cussegl d'administraziun.
2
Contribuziuns dal chantun sco purtader dals servetschs psichiatrics dal Grischun
ston vegnir dumandadas dals servetschs psichiatrics dal Grischun cun ina
motivaziun detagliada fin ils 31 da fanadur da l'onn precedent tar l'uffizi da sanadad.
Art. 10
Fixaziun da la contribuziun
1
La calculaziun da la contribuziun chantunala vegn fatga tras l'uffizi da sanadad per
las clinicas e tras l'uffizi dal servetsch social per las plazzas d'abitar, da lavur e da
structuras dal di protegidas, e quai fin ils 15 da zercladur da l'onn suandant.
2
L'uffizi da sanadad e l'uffizi dal servetsch social accordeschan las calculaziuns da
las contribuziuns ina cun l'autra areguard il temp.
Art. 11
Contribuziun dal purtader
1
Sin basa dal preventiv dal chantun fixescha la regenza la contribuziun dal purtader
per ils servetschs psichiatrics dal Grischun.
4. Disposiziuns finalas
Art. 12
Aboliziun dal dretg vertent
1
L'ordinaziun tar la lescha davart l'organisaziun da la psichiatria dals 10 da
december 2002 vegn abolida.
Art. 13
Entrada en vigur
1
Questa ordinaziun entra en vigur il 1. da fanadur 2013.
3
500.920
Tabella da las modificaziuns - tenor conclus
Conclus
10-06-2013
4
Entrada en vigur
01-07-2013
Element
relasch
Modificaziun
emprima versiun
Publicaziun en la CUL
-
500.920
Tabella da las modificaziuns - tenor element
Element
relasch
Conclus
10-06-2013
Entrada en vigur
01-07-2013
Modificaziun
emprima versiun
Publicaziun en la CUL
-
5