Uffizi da plurilinguitad,
Scola auta da pedagogia dal Grischun
L’Uffizi da plurilinguitad, integrà sco secziun en la partiziun
Perscrutaziun & svilup/servetschs da la Scola auta da pedagogia dal
Grischun, effectuescha retschertgas da tip applitgà en ils pli divers
secturs da la plurilinguitad, surtut sin il champ da la furmaziun ed
instrucziun. El ha tranter auter l’incumbensa dad iniziar, accumpagnar
e realisar projects da perscrutaziun, da sustegnair u participar a
projects scientifics da terzs, da transponer ils resultats da las
retschertgas en la pratica da scola ed en il spazi public, d’organisar
dietas scientificas, d’accumpagnar ed evaluar emprovas da scola e
models socials plurilings, d’observar las midadas da la situaziun
linguistica en il Grischun, da cussegliar vischnancas, corporaziuns ed
instituziuns dal dretg public e privat, da stabilir ina rait da contact e
collavuraziun cun instituts che s’occupan da la plurilinguitad a l’intern
ed extern dal Grischun, oravant tut cun il Center scientific da
competenza per la plurilinguitad, da render enconuschenta la situaziun
plurilingua dal Grischun en il discurs scientific sin il champ naziunal ed
internaziunal, surtut relativ a l’instrucziun plurilingua en il chantun
Grischun e d’offrir prestaziuns da servetsch, cussegliaziuns ed
infurmaziuns da divers geners.
Champs da retschertga
 Perscrutaziun sin il champ da la furmaziun (colliaziun tranter
perscrutaziun, instrucziun, perfecziunament e servetschs)
 Didactica da la plurilinguitad ed instrucziun bilinguala
 Acquisiziun da la lingua e perscrutaziun da la cumpetenza linguistica
 Perscrutaziun ed evaluaziun sin il champ dals contacts linguistics
 Mentoring relativ a la plurilinguitad e monitoring da la plurilinguitad
en il Grischun
 Integraziun e plurilinguitad
 Implementaziun da la plurilinguitad en il sectur social, politic ed
economic en il Grischun
 Transfer da las enconuschientschas acquistadas
Uffizi da plurilinguitad
Scola auta da pedagogia
dal Grischun
Partiziun Perscrutaziun
& svilup/servetschs
Scalärastrasse 17
CH-7000 Cuira
T: +41 81 354 03 93 / 02
Contact:
Dr. Manfred Gross,
[email protected]