Communicaziun a las medias
La vernissascha dal cudesch «Radio e televisiun en Svizra. L'istorgia da la Societad
svizra da radio e televisiun SSR 1983–2011»
L'istorgia da la SSR – tranter qualitad e quota
Berna, ils 30 da mars 2012. Oz preschenta la SRG SSR il terz tom da la trilogia «Radio
e televisiun en Svizra. L'istorgia da la Societad svizra da radio e televisiun SSR 1983–
2011» en il rom d'ina vernissascha a Berna. Il cudesch dilucidescha l'istorgia dals dus
mediums e da la SSR da las pli differentas perspectivas. Tut ils trais toms ensemen
descrivan l'istorgia da 100 onns radio e televisiun.
Il terz tom da la trilogia «Radio e televisiun en Svizra» descriva la liberalisaziun da radio e
televisiun che ha cumenzà l'entschatta dals onns 1980 e la nova epoca da las medias fin il
2011. Ils onns 1980 temprivs è la SSR stada sfurzada da s'orientar tenor il martgà ed ils
novs basegns dal public. Ella ha era dumagnà la revoluziun tecnica da la digitalisaziun ed ha
respundì al consum da medias da la populaziun pli e pli fragmentà cun novs programs
orientads als basegns dal public. Il terz tom regorda a blers eveniments: l'inscenaziun «La
Traviata im Hauptbahnhof», las emprimas emprovas da reality shows ubain l'internet sco
medium nov. En pli vegnan las lecturas ed ils lecturs tranter auter er a savair, dapi cura ch'il
computer e betg pli il redactur da musica tscherna ils tocs ch'èn d'udir en il radio.
Ensemen cun las emprimas duas ediziuns descriva il terz tom l'istorgia da var 100 onns
radio e televisiun en Svizra. Ils toms preliminars èn vegnids publitgads il 2000 (L'istorgia da
la societad svizra da radio SSR fin il 1958) ed il 2006 (L'istorgia da la societad svizra da
radio e televisiun SSR 1958–1983). Tut ils trais toms èn il resultat d'in project da
perscrutaziun inizià e finanzià da la SSR. Ils auturs fan part d'ina squadra independenta dad
istorichers e scienziads da medias da tut las regiuns linguisticas. Il tom actual cuntegna
contribuziuns en tut las quatter linguas naziunalas.
Il terz tom pon ins grazia ad in'app era leger sin in iPad. Numerus documents da video, tun e
text permettan ulteriuras invistas en ils ultims 30 onns da l'istorgia da la SSR –
regurdientschas che fan surrir, che dattan però era da pensar.
1/2
L'istorgia da la Societad svizra da radio e televisiun SSR 1983–2011
In'ediziun da Theo Mäusli, Andreas Steigmeier e François Vallotton,
510 paginas, numerusas illustraziuns e graficas en colur ed en alv e nair,
hier + jetzt, chasa editura per cultura ed istorgia, ISBN 978-3-03919-216-8
CHF 68.–, € 52.–
Exemplar da recensiun
P.pl. empustar tar [email protected] (Bruno Meier, 056 470 03 02)
L'app davart il cudesch è disponibla en l'app store dad Apple e internet: www.storiassr.ch
Scleriments davart il cudesch dattan:

Theo Mäusli, coeditur, [email protected], 079 438 21 62 (per scleriments en
tudestg, franzos, talian ed en spezial era davart l'app)

François Vallotton, coeditur, prof. a l'Universitad da Losanna,
[email protected], 076 371 65 07 (per scleriments en franzos)

Andreas Steigmeier, coeditur, [email protected], 076 540 98 98 (per
scleriments en tudestg)
Communicaziun d'interpresa da la SSR
Daniel Steiner, pledader da medias, 079 827 00 66
2/2