Iniziativa dal pievel Grischun
«Buna scola grischuna – laschar s‘exprimer il pievel davart ils plans d‘instrucziun!»
Sa basond sin l‘art. 12 al. 2 da la constituziun dal chantun Grischun (DG 110.100) dals 18 da matg / 14 da settember 2003, en vigur dapi il 1. da schaner
2004, fan las burgaisas ed ils burgais sutsegnads, che han il dretg da votar en il chantun Grischun, la suandanta dumonda d‘iniziativa: L‘iniziativa pretenda
las suandantas midadas en la lescha davart las scolas popularas dal chantun Grischun (DG 421.000) dals 21 da mars 2012:
Artitgel 29: (midadas grass)
Alinea 1
Frasa 1 La regenza fixescha ils roms obligatorics, ils roms d‘elecziun ed
ils roms d‘elecziun obligatorics e fa il plan d‘instrucziun per la scola
populara.
Frasa 2 (nov) Il plan d‘instrucziun regla liantamain ils cuntegns e las
finamiras fundamentalas da l‘instrucziun en ils singuls roms e las
finamiras annualas da las singulas classas.
Frasa 3 (nov) L‘entir plan d‘instrucziun sto vegnir approvà dal cussegl
grond; il conclus davart ils cuntegns e davart las finamiras fundamentalas da l‘instrucziun en ils singuls roms sco er davart las finamiras annualas da las classas è suttamess al referendum facultativ.
Alinea 2 senza midadas
Alinea 3
Frasa 1 (senza midadas) Il plan d‘instrucziun sto – sche pussaivel –
vegnir coordinà tranter ils chantuns.
Frasa 2 (nov) Cunvegnas interchantunalas davart ils plans
d‘instrucziun ston vegnir approvadas dal cussegl grond ed èn suttamessas al referendum facultativ.
Alinea 4 (nov) Midadas dal plan d‘instrucziun che han ina impurtanza fundamentala per sia structura u per ses cuntegn, ston vegnir
approvadas dal cussegl grond; il conclus è suttamess al referendum
facultativ.
Artitgel 103 Dretg transitoric:
Frasa 1 (naginas midadas) Proceduras ch‘èn pendentas il mument che
questa lescha entra en vigur vegnan manadas a fin tenor il dretg vegl.
Frasa 2 (nov) Plans d‘instrucziun che vegnan introducids suenter
la reussida da questa iniziativa, ston vegnir approvads dal cussegl
grond; il conclus davart ils cuntegns e davart las finamiras fundamentalas da l‘instrucziun en ils singuls roms sco er davart las finamiras annualas da las classas è suttamess al referendum facultativ. (cf.
art. 29 al. 1 frasa 3)
Motivaziun
Tras il Plan d‘instrucziun 21 perda nossa scola populara prosperaivla
sia basa cumprovada, perquai che:
• las finamiras concretas e tematicas da l‘instrucziun che vegnan instruidas e duain vegnir cuntanschidas durant in onn da scola, vegnissan divididas en millis uschenumnadas cumpetenzas;
• la professiun dal magister sa midass fundamentalmain.
El vegniss degradà dal mussader ed exempel che instruescha activamain ed en atgna responsabladad ad in simpel observatur ed accumpagnader didactic (coach);
• malgrà las expertisas scientificas negativas vegnissan las scolaras ed ils scolars sfurzads d‘emprender «en atgna organisaziun».
Geniturs, magisters ed instructurs constateschan dapi onns ina reducziun
pli e pli gronda da las enconuschientschas e da las abilitads fundamentalas impurtantas da scola, ma er da la prontezza da las scolaras
e dals scolars da s‘engaschar. Refurmas latentas en l‘instrucziun, en
la scolaziun ed en la furmaziun supplementara sco er en ils meds
d‘instrucziun promovan quest regress da furmaziun.
Tras il Plan d‘instrucziun 21 vegniss cementà quest svilup negativ.
Sche midadas radicalas vi da nossa scola populara duain vegnir introducidas tras il Plan d‘instrucziun 21 en noss chantun senza discussiun,
èsi chaussa da nus burgaisas e burgais da far valair noss dretgs democratics e da pretender ch‘ils plans d‘instrucziun vegnian approvads
dal cussegl grond. Tras il referendum facultativ duai il pievel plinavant
avair il dretg da votar almain davart las finamiras e davart ils cuntegns
fundamentals dal plan d‘instrucziun.
Nossa scola populara – a la quala nus confidain noss bain il pli custaivel, noss uffants – vali da tractar cun grond quità e cun precauziun.
Sin questa glista pon suttascriver mo votantas e votants che abitan en la vischnanca politica dal chantun Grischun numnada qua sutvart.
Burgaisas e burgais che sustegnan questa iniziativa la suttascrivan a maun.
Num, prenum
Data da naschientscha
di
mais
onn
Adressa da domicil
Suttascripziun
(d‘agen maun)
(via e nr.)
(laschar vid)
Vischnanca politica:
NP:
Controlla
Chantun Grischun
(scrit a maun, sche pussaivel cun bustabs da stampa)
1
2
3
4
5
Tgi che sa participescha senza dretg ad ina dumonda d‘iniziativa u tgi che falsifitgescha il resultat d‘ina rimnada da suttascripziuns, sa fa chastiabel tenor l‘art. 282 dal cudesch penal svizzer (CP). Tgi che corrumpa u
sa lascha corrumper a chaschun d‘ina rimnada da suttascripziuns, sa fa chastiabel tenor l‘art. 281 CP.
Le firmatarie e i firmatari indicati di seguito costituiscono il comitato d‘iniziativa e sono autorizzati a ritirare l‘iniziativa a maggioranza semplice.
Elisabeth Calcagnini, Buchen; Thomas Huber, Cuira; Marlies Klesse, Fanas; Katharina Michel, Landquart; Lilian Orlik, Says; Fritz Tschudi, Cuira; Johann Wilhelm, Cuvira.
Cofirmatari: Bernard Bachmann, Bever, autur; Curdin Brunold, Ardez, magister; Cilgia u.Claudio Bulfoni, Scuol, chasarina e manader da construcziun; Riet Bulfoni, mecatronist d‘autos; Andrea Davaz, Fläsch, deputà da
la PPS; Johanna u. Willi Forrer, Claustra; Steivan Gaudenz, Zernez, magister; Christoph Jäger, Vaz sut, dr. fil.; Schimun Lemm, Tavau, magister; Walter Lippuner, Küblis, magister secundar pensiunà; Waldemar Müller,
Preaz; Bruno Peyer, Grüsch, anteriur manader da seminari; Plinio Pianta, Brusio, anteriur deputà da la PCD; Katharina u. Max Steiner, Vaz sut, pedagoga curativa e medi; Ruth Weber, Andeer
La suandanta attestaziun dal dretg da votar vegn procurada tras il comité d‘iniziativa. Per plaschair laschar vid.
La persuna d‘uffizi attesta cun sia suttascripziun che las ________
persunas (inditgar il dumber) che han suttascrit qua survart
l‘iniziativa han il dretg da votar en chaussas chantunalas ed exerciteschan lur dretgs politics en la vischnanca menziunada.
Lieu:
La persuna d‘uffizi ch‘è cumpetenta per l‘attestaziun
(suttascripziun d‘agen maun e funcziun uffiziala):
Bul uffizial:
Data:
Publitgà en il fegl uffizial dal chantun Grischun il 1. d‘october 2015
P.pl. trametter uschè svelt sco pussaivel glistas da suttascripziun emplenidas cumplettamain u parzialmain a: «Gute Schule GR» M. Klesse, Wingertweg 3, 7215 Fanas
Scadenza dal termin per rimnar suttascripziuns: 1. d‘october 2016
www.guteschule-gr.ch
[email protected]
Donaziuns: conto da posta 61-759943-2
IBAN CHCH38 0900 0000 6175 9943 2