Uras da fanestrigl; lündeschdi, mardi e gövgia – 10.00 - 11.00
no. 10 / 18.08.2015
MAS-CHALCH
Publicaziun da fabrica
Las seguaintas dumondas da fabrica sun expostas pro l’administraziun cumünala.
petent
fracziun
lö da fabrica
Gottschalk - Caviezel Fadri
Chaflur
Portas 1-136B, parcella 6254
intent da fabrica
zona(s) / inventar(s)
publicaziun dals
fin als
annex suotterran, garascha
suotterrana, s-chala externa
dal cumün
18.08.2015
07.09.2015
petent
fracziun
lö da fabrica
Schatzmann Tanja &
Ehrensperger Walter
Chaflur
Chaflur, parcella 6176
intent da fabrica
zona(s) / inventar(s)
publicaziun dals
fin als
stalla per chavras (hobi)
dal cumün
18.08.2015
07.09.2015
petent
fracziun
lö da fabrica
Firmani Flavio
Tschlin
Bügliet 1-71, parcella 6498
intent da fabrica
zona(s) / inventar(s)
publicaziun dals
fin als
isolar e refar il têt
dal cumün
18.08.2015
07.09.2015
petent
fracziun
lö da fabrica
Salt Mobile SA
Martina
God Chavra, parcella 6038
intent da fabrica
zona(s) / inventar(s)
publicaziun dals
fin als
fabrichar oura implant da
comunicaziun mobila (pütta
existenta)
forestala
20.08.2015
09.09.2015
Recuors e protestas da dret public cunter intents da fabrica sun d'inoltrar in scrit dürant il temp da
publicaziun pro la suprastanza cumünala, Poz 86, 7556 Ramosch.
Uffizi da fabrica Valsot
Bannida
Ad üna radunanza cumünala, in venderdi, 28.08.2015 a las 20.15 in sala da gimnastica a
Ramosch.
Tractandas:
1. Protocol
2. Acconsentimaint per la vendita da la chasa no. 9 a Ramosch
(veglia chascharia) e la chasa no 1-174 e 174A a S-chadatsch
(veglia chasa da scoula)
3. Contrat cumprita da la chasa no. 1-233 / 1-233-A / 1-232
(OEE Martina) per l’import da fr. 630'000.00
4. Statuts dal CEE (Corporaziun Energia Engiadina)
5. Statuts da la « Regiun Engiadina Bassa/Val Müstair »
6. Varia
La documainta per las tractandas 4 e 5 po gnir retratta a partir dals 20.08.2015. Sperond sün
numerusa cumparsa segna.
Il capo; Victor Peer
volver p.pl.
Bieraria Tschlin SA
Orientaziun publica „concept bieraria“
A la radunanza cumünala da Valsot vegna decis sur da la cumprita da la chasa a Martina sco lö da
producziun per la bieraria. Il bun svilup da l’ultim temp ans ha muossà cha per l’avegnir da la
bieraria es quai ün pas fich important. Però no vain eir plans che far a Tschlin.
Gugent invidaina in
lündeschdi als 24 avuost 2015 a las 20.00 ura
illa sala polivalenta da Tschlin ad ün’infuormaziun da prüm man sur da nos svilup, nos plans e nos
proget e stain eir a disposiziun per dumondas.
Bieraria Tschlin SA
Nouv manader administraziun dal cumün da Valsot
La suprastanza cumünala ha elet ils 10.08.2015 a sar Marco Fallet da Scuol sco nouv manader
administraziun e commember da la direcziun. El surpiglia seis post a partir dals 01.01.2016. Marco
Fallet es stat blers ons chanzlist a Müstair e Sent, ed a partir dals 01.01.2015 substitut dal
chanzlist dal cumün da Scuol. No vain grond plaschair d’avair chattà üna persuna cun
grond’experienza il chomp cumünal e giavüschain a Marco Fallet bler plaschair e satisfacziun illa
nouva sfida a Valsot.
Suprastanza e direcziun cumünala
Plazza da giarsunadi sco bos-cher
Il cumün da Valsot spordscha a partir dal mais lügl 2016 üna plazza da giarsunadi sco bos-cher.
Annunzcha:
Interessents/-as per quella plazza da giarsunadi s’annunzchan in scrit fin il
Tard als 30.11.2015
Cumün da Valsot
Administraziun forestala
Sclamischot
7558 Strada
A l’annunzcha sun d’agiundscher il cuors da vita in fuorma da raquint,
fotografia da pass e copchas dals attestats. Implü spettaina ün attest d’ün
eivna d’insaj.
Persuna da contact:
Antonin Hugentobler, silvicultur, respunsabel giarsuns
Tel: 079 548 85 94 / [email protected]
Saivs electricas süls pas-chs
Artichel 10/4 uorden champester e da pasculaziun; “süls pas-chs chasans sun ils fils electrics
d’allontanar il plü tard 15 dis davo cha’l pas-ch es gnü bandunà”. Il cumün ha constatà chi nu vegn
allontanà ils fils electrics tenor uorden surmanzunà ed appellescha a tuots ils pertocs da far quai
plü svelt pussibel.
Cumün da Valsot
Via da meglioraziun (Tschlin)
A partir dals 25 avuost 2015 es la via da meglioraziun da Praditsch serrada.
Motiv: il nouv traget vain tachà vi da la via existenta. Grazcha fich per Voss’incletta.
Cumischiun da meglioraziun Tschlin
Georg Häfner
Papetaria La Foppa Strada
Dürant il mais avuost 10% rabat sün tuot il material da scoula e diversas acziuns e novitats pel on
nouv da scoula. Nus ans allegrain sün Vossa visita.
Papetaria La Foppa
Maria Pardeller