Ils dis da fuffergnadi a Glion/Sevgein
Protocol 1. di: Il viadi !
La damaun allas 7:45 essan nus serimnai on scola. Tuts eran leu plein legria cun lur cofras. Tuts eran plein marveglias co ei vesi ora en nossa casa a Sevgein. Lu havein nus detg adia ed essan semess sin via viers la staziun. Leu havein nus spitgau sil tren. Spert essan nus entrai ed havein encuretg in bi plaz. Tuts han giu buna luna. Cu nus eran a Mustèr havein nus midau tren. Leu havein nus era encuretg in bi e cumadeivel plaz. En quei tren havein nus fatg fotis e tschintschau surda quei e tschei. Il viadi ei ius spert. Arrivai a Glion havein nus giu peda in’ura dad ir a far cumissiuns. Pli tard essan nus lu semess sin via a pei viers Sevgein. Il viadi ha cuzzau 30 minutas. Era duront ir a pei havein nus fotografau las cuntradas ed ils conscolars. Finalmein essan nus arrivai a Sevgein en casa. Leu havein nus giu in bien gentar. Il suentermiezdi essan nus turnai giu Glion ed havein visitau la scola professiunala. Leu mavan in per enconuschents a scola. Pli tard essan nus i el BIZ per enqual informaziuns. Suenter essan nus turnai si casa. Leu ha ei dau ina buna tscheina. Suenter tscheina ei enqualin ius a spassegiar pil vitg entuorn. Auters han dau giugs ed han gudiu igl esser ensemen. Allas 10 dalla sera eisi stau ruaus da notg. Buna notg! Giulia Lombris e Tizian Albin
Nies 2. di giu Glion havein nus passentau aschia che nus
essan levai suenter quater ni tschun uras durmir. Quella
notg havein nus tuts buca saviu durmir aschi bein, perquei
che nus havevan forsa tema digl emprem di da fuffergnar.
Quei era gliendisdis sin mardis.
Quels che han stuiu levar il pli baul eran il Timon ed il
Tizian. Els han stuiu ir schon dallas 7:15. Nus essan
atgnamein tuts buca levai aschi tard e lu havein nus siult
ensemen.
Ils secunds che han stuiu ir ord casa eran la Nadine e la
Giulia. Quei era dallas 7:45. Sco davos ein la Chiara, la
Tatiana, igl Alex e la Sarah i ord casa. Jeu crei che quei eri
aschi ca. dallas 8:15.
Pli tard essan nus puspei sevesi ell’ustria. Quei era
numnadamein dallas 12. Auter ch’il Timon e la Chiara han
tuts magliau leu. Lez han saviu gentar ella fatschenta.
Also eran nus en tut sis. Jeu crei che tuts han giu grond
plascher vid quellas lavurs.
La Sarah ha schon stuiu luvrar dall’ina ed il Tizian dallas
13:10. La Tatiana, Giulia e Nadine pér da mesa las 2.
Il suentermiezdi ha igl Alex giu finiu dallas 3 ed el ha stuiu
ir a pei entochen si Sevgein. Tut tschels han astgau ir cun
auto.
La sera ha la dunna dil scolast Ervin cuschinau per nus
tuts. Quei ei stau fetg flot. Allas 19:00 havein nus tschenau
tuts ensemen.
Naven da lu havein nus giu temps liber per nus ed havein
era astgau ir ordaviert in tec. Lu essan nus i a spass ina
runda. In per han dau WII, mo jeu buc.
Dallas 22:00 havessen nus atgnamein stuiu durmir, mo
quei mava buca propi  Mo il Timon ha durmiu dallas
21:00. Nus havein durmiu pli tard che las 22:00. Tuts ein
stai cuntents cun quei emperneivel di.
Nadine & Timon
Protocol dalla mesjamna
Igl ei gest las 06.30 ed ils emprems ein levai. Tuts ein levai cul temps mo la Tatiana ha durmiu pli ditg. Nus
essan sepinai ed i ensemen a solver. Suenter il solver eis ella levada ed ha survegniu negin solver, mo quei
ha fatg nuot ad ella. Ensemen havein nus giu ina biala damaun entochen las 07.15. Lu ha il scolast
„purtau“ Timon ed il Tizian en lur plaz da lavur. Las 07.45 ha il scolast mess la Nadine e la Giulia alla
lavur. Las 08.15 ha il scolast era mess la Sarah e la Tatiana alla lavur. Alexander e Chiara han entschiet a
luvrar pér dallas 09.00. Ussa cul temps ein tuts a luvrar. Il scolast ha peda per el da far uorden. Las 12.00
ei la pausa da gentar. Tuts han saviu magliar enzatgei ella Ustria Sursilvana nua che igl Alexander ha giu
da luvrar. Chiara ha gentau nua ch‘ella lavura. La pausa ei a fin ed ils emprems han giu dad ir a luvrar.
Alexander ha finiu sco emprem ed ei ius tochen si Sevgein a pei. Alexander ed il scolast ein i a Glion per
Tatiana, Timon e Chiara. Ei ha buca cuzzau ditg ed ils auters ein arrivai. La sera havein nus aunc giu
tscheina ensemen ed alla fin havein nus mirau in tochen dus films. 
© by Alexander e Chiara
Gievgia
Tatiana, Sarah
Sarah, Giulia, Nadine e Tatiana han buca giu da luvrar il tierz di. Mo ils auters. Tatiana ei levada allas
08.00, cuort suenter ein la Sarah, Giulia e Nadine levadas. La Chiara ed igl Alexander ein era levai cun la
Tatiana. Ensemen havein nus siult. Timon e Tizian han giu da luvrar pli baul. Allas 08. 45 ha il scolast mess
Chiara ed Alexander alla lavur. Allas 09. 00 essan nus i el marcau vegl da Glion. Leu havein nus fatg
fotografias. Nus vevan legher. Nus essan i sper il plaz da lavur dalla Chiara ora. Leu veinsa viu la Chiara,
Bettina ed in per affons. Lu essan nus i a fudar el Migros. Suenter miezdi essan nus puspei i dal marcau
vegl siado ed essan stai leu e fatg vinavon fotas. Dallas 15. 00 essan nus i per igl Alex. Allas 16.00 ei il
scolast vegnius per nus. La gievgia sera han fetg paucs durmiu empau. xD
Quei di era fetg leghers.
Oz essan nus levai entuorn las 09.00. Ils biars da nus han
durmiu fetg pauc la notg vargada. Tochen las 10.00 havein nus
stuiu pachetar, suenter havein nus stuiu ir a pei tochen giu Glion.
Il scolast ei ius cun auto cun la bagascha. Il tren ei arrivaus
allas 11.30. Tochen lu havein nus astgau far tgei che nus levan.
Nus havein stuiu prender sez la bagascha el tren. Sin viadi el
tren encunter casa havein nus tschintschau ed in per han perfin
durmiu. ;) Las 12.20 essan nus lu arrivai a casa. Ils biars da nus
han lu durmiu il suentermiezdi. ;)
Quei ei stau ina fetg coola jamna. Nus tuts lein aunc inagada
far quella jamna da project. 
©Tatiana, Sarah 
Ils fuffergnadis individuals
Fuffergnadi a Sevgein/Glion
1. di Mardis
Sarah Flury
Allas 08.30 erel jeu avon la pill drogaria el center Mundaun. Las
storas eran aunc giu, cuort suenter ei la Annatina vegnida o ed ha
aviert si. Ella ei el 4 onn digl emprendissadi. All’entschatta hai jeu
stuiu far cul tschetscha puorla. Suenter hai jeu astgau gidar da
dustar igl uorden che ei vegnius culla posta. All’entschatta savevel
jeu buca nua che quei uorden vegni tut, lu stuevel jeu adina
dumandar. Pli tard ha la scheffa, la signura Franziska Borter,
mussau a mi la stizun, tut las differentas parts ed il tschaler e da
quei. Allas 12.00 haiel jeu astgau ir a gentar. Nus essan stai tuts
auter che il Timon e la Chiara a gentar ella ustria Surrelva. Allas
13.00 haiel puspei stuiu ir a luvrar. Il suentermiezdi haiel gidau da
metter naven uorden e suenter sun ida ella apoteca S.Clau per
uorden. Sco davos haiel jeu fatg la tour de magasin, quei fan ins
mintga sera. Allas 17.30 havevel jeu lu finiu da luvrar.
Fuffergnadi a Sevgein/Glion
2. di Mesjamna
Sarah Flury
Allas08.30haielpuspeientschietaluvrar,puspeifarcultschetscha
puorla.Ozhaielastgaufardaplicheier.JeuhaiastgaufarMäschlis,
queihaplaschiufetgami.Suentergliezhaielastgaumischedargiu
inamedischina,queierafetgcool.Giuntschalersundelstadafetgbia
oz.Allas12.00haielastgauiragentar.Allas13.00haielpuspei
entschietaluvrar.JeuhaiastgaugidarlaLindadametterorazatgei
pilspeis.Queihaplaschiuami.Ozhaielastgaucontrollaruordenda
Widmer.Mirarschetutilsproductseinleuecontrollarilsprezishaiel
stuiufar.Queidihaplaschiuamimeglierch’iglemprem.
Enquelsdusdishaielstuiufar4fegls.Queieraaunccool.Jeuhai
survegniudalladrogariainaBodylotionchefredabein.
29.03.11
Jeu hai entschiet dallas 09.00 ella Foto Surselva. Sco emprem sun
jeu ida ella stizun ed hai detg bien di. Mardis sun jeu stada cul
Jaromir. El ha mussau a mi co ils PCs funcziuneschan, per far la
lavur cun las fotos. Dallas 10. 30 sun jeu ida a spass per Glion
entourn per far fotos tochen las 13. 30. Sun ida tochen el marcau
vegl ed hai fatg leu in per fotos, suenter sun jeu ida egl uaul a far
fotos. Dallas 12.00 sun jeu ida a gentar el Migros, cun la Sarah,
la Nadine, il Tizian ed igl Alex. Suenter gentar sun jeu ida a far
vinavon fotos. Lu dallas 13. 30 sun ida anavos ella Foto Surselva.
Lu han els schau vegnir o las fotos, ed jeu vhai astgau encurir treis
fotos che plaschevan il pli fetg a mi. Dallas 15. 00 ni 15. 30 ei in
um vegnius cun ina poppa per far fotos da pass. Ei era in tec grev,
la poppa stueva mirar direct en la camera. Jeu hai stuiu far dus
tests. Jeu hai giu finiu dallas 16. 00.
30.03.11
Jeu hai entschiet puspei dallas 09. 00 ella Foto Surselva. Jeu sun
ida en e salidau. Jeu hai luvrau cun Marina e cun il Jaromir.
Jeu hai mirau co els lavuran cun las rollas da film dallas veglias
cameras. Jeu hai astgau tagliar mias fotos d’annunzia. Dallas
12.00 sun jeu ida a gentar cun la Nadine, la Giulia, igl Alex ed il
Tizian. Las 13. 30 sun jeu ida anavos ella Foto Surselva. Leu hai
jeu fatg in tec dil tut. Lu dallas 16. 00 sun jeu ida cun la Chiara ed
il Timon a Sevgein.
Tatiana 12 . 04 . 11
Mia jamna da project giu Glion
Gliendisdis
Igl emprem di, numnadamein gliendisdis essan nus semess sin
viadi giu Glion. Nus havein stuiu vegnir en scola sin las 07:45 per
dar nossas cofras e per che la Ursula Cathomas sappi schon ir
engiu cun ellas. Dallas 08:17 ei il tren lu finalmein ius. Jeu savevel
buc pli spitgar! Jeu selegravel schi fetg sin quels tschun dis.
Sin via encunter Glion hai jeu tedlau in tec musica ed hai
tschintschau cun mes conscolars.
Quei era uss inaga sco jeu sesentevel cura che essan i engiu.
Cura che eran finalmein giu Glion havein nus aunc giu in’ura temps
liber e lu essan nus i el Migros ed havein aunc cumprau en in tec
zatgei. Lu havein nus buca propi saviu tgei entscheiver en cun quei
temps. Nus stevan semplamein entuorn in tec ed havein
tschintschau surda tut!
Da mesa las 11 essan nus i ensi a pei entochen si Sevgein. Quei ha
forsa cuzzau ina mes’ura.
Si Sevgein havein nus encuretg nossas combras e la Sarah, Giulia
ed jeu havein aunc mess entuorn in tec la nossa. Aschia plascheva
ei lu meglier a nus tuttas 3.
Dallas 12:00 ha ei dau gentar. Quei era buontad! Fetg bien.
Sillas 14:00 havein nus stuiu esser ella scola professiunala e lu
essan nus i naven da Sevgein ca.in quart vargau l’ina. Cheu giu
havein nus lu aunc spitgau in tec entochen che nus havein astgau
ir en. Els han mussau tut a nus e quei mava tochen las 15:00.
Suenter quei havein nus aunc stuiu ir el BIZ. Lu ha in um declarau
tut igl uorden culla lavur da nus. Quei era aunc fetg interessant da
saver tgei che ins sto lu far suenter la scola. Quei mava aschia ca.
tochen las 17:00.
Lu essan nus puspe i si Sevgein ed havein aunc astgau ir ordaviert
in tec. Dallas 19:00 ha ei dau tscheina per nus. La signura
Cathomas sa veramein cuschinar fetg bein! Jeu manegiel che ei ha
gustau a tuts. Quella sera havein nus mirau in film ed havevan
plascher. Ei era ina biala cuminonza. Dallas 22:00 havessen nus
stuiu ir a dumir mo quei savevan nus buc aunc. Suenter in per uras
mava ei lu tuttina.
Mardis
 Mardis endamaun sundel jeu levada dallas 06:00. Atgnamein
hai jeu vuliu levar pér da mesa las 7. Quei mava denton buc.
Ils biars ein lu levai cun mei.. Also, nus eran tuts neunavon,
manegel’jeu. Lu hai jeu fatg la duscha ed hai siult cun
tschels. Ei deva adina in bien solver. Quei che nus levan.
Dallas 7:45 hai jeu stuiu ir ord casa. La Giulia ei vegnida cun
mei. Quei di hai jeu entschiet en da luvrar dallas 08:00.
Quella glieud che ha luvrau cun mei era fetg sympatica. Sco
emprem ha la Daria mussau tut a mi ed jeu hai detg hallo a
tuts. ‘Der erste Eindruck zählt.‘ Jeu manegel che quel eri
buns. Jeu hai stuiu far quens, mirar co ins va entuorn cul
squitschader e co ins sortescha actas. Jeu hai tschintschau
cun tuts ed hai era astgau gidar il bia. Els han sco emprem
mussau tut a mi e lu hai jeu era astgau far quei. Quei di ha
plaschiu fetg bein a mi. Quellas lavurs che ils emprendists
ston far ein gnanc aschi mal. Ei plai a mei. Dallas 12:00 essan
nus i el restaurant nua ch’il Migros ei. Lu ha igl Alex buca
magliau cun nus. Nus eran mo en 5 quei di. Suenter, dallas
13:00 ha la Sarah puspei stuiu ir a luvrar ed il Tizian ei lu era
ius. La Giulia, Tatiana ed jeu havein lu pér stuiu entscheiver
en da mesa las 2. Nus havevan in tec lungurus, mo quei mava
schon. Da mesa las 2 mava ei vinavon per mei. Il
suentermiezdi mava ei circa aschia vinavon sco la damaun.
Mo quella lavur plai tuttina fetg da mei. Quei mava vinavon
aschia entochen las 17:00. Lu han la Chiara e la Tatiana
spitgau sin mei avon casa. Quei era lessig dad ellas  X
enzacu ei il scolast lu vegnius per nus ed ha puspei priu siado
nus. La sera ha ei puspei dau dallas medemas uras la
tscheina. Lu essan nus puspei i ordaviert in tec. Pli tard han
in per dau giugs cun mia WII. Jeu hai buca dau. Dallas 22:00
havessen nus puspei stuiu durmir. Quei havein nus aber era
buc fatg aschi baul. Negin che pudeva durmir 
Mesjamna
La mesjamna eis ei stau exact il medem sco il mardis endamaun.
Jeu sun levada, hai fatg la duscha e lu siult. Quei era schon tut.
Ida ord casa sund’jeu era sco il mardis. Dallas 08:00 sundel jeu
puspei stada tier Confidar Treuhand! Mo lu hai jeu buc stuiu far il
medem sco il mardis. Jeu hai x enzaco stuiu far il ‚verglasen‘ la
contabilitad. Quei era aunc interessant da far. Jeu hai dumandau
sche ins hagi quen en scola. Els han detg a mi che quei seigi buc
aschia. Vitier hai jeu dumandau co ins mondi entuorn endretg
diltut cul squitschader! Jeu sun ida tier la posta e per la pausa.
Naturlamein buca persula.Aschia hai jeu bunamein duvrau la
entira damaun. Quei che ha buca plaschiu aschi fetg a mi era che
jeu hai stuiu lavar giu tut suenter pausa! Dallas 12:00 hai jeu
puspei survegniu liber per 1h e miez. Quei era puspei exact
medem sco il mardis, mo ch’igl Alex ei era vegnius lu. El ha buca
giu aschi bia da far.
Dallas 13:30 hai jeu puspei entschiet en a luvrar. Avon hai jeu
puspei viu in colleg ed hai paterlau in tec cun el – sco il mardis!
Il suentermiezdi dallas 17:00 eis ei puspei stau a fin e lu sundel
jeu puspei ida a Sevgein. Ei ha puspei dau tscheina allas 19:00.
Nus essan i mintga sera ordaviert. E quella sera era! Quella notg
hai jeu durmiu il pli pauc da tuttas treis!!
Nadine
Miu protocol dalla jamna da fuffergnadi
Jeu stuevel levar dallas 6 ed hai stuiu ir dallas 7 :15 cun il
scolast silla staziun, lu stuevel jeu ir cun tren. Miu schef
vegneva la damaun per mei silla staziun. Igl emprem di ha el
mussau a mi in tec nua che quels lavuran e nua che els fan
pausa. Lu essan nus i giu Glion perquei che els stuevan
controllar e reparar las turbinas. Leu ha in luvrer mussau a mi
tut sco ei funcziunescha, tgei che tut quei ei ed jeu ha era
astgau ir dapertut a mirar tut. Quei ei stau fetg interessant.
Suenter astgavel jeu ira dallas 4. Il patrun ei vegnius cun mei a
Glion. Naven da leu ei il scolast vegnius cun mei si Sevgein. Il
secund di hai jeu baghegiau in quadrel che fa different cazzola.
Quel hai jeu baghegiau cun in che fageva leu emprendissadi. Il
tierz di eran nus puspei stai a Glion. Leu savevel jeu far nuot,
quei era lungurus. Suentermiezdi essan nus i giu ella fabrica da
Domat tier in emprendist che fageva leu in cuors. Jeu hai aunc
fatg giu leu in fuffergnadi sco automaticher. Il fuffergnadi ha
plaschiu a mi. Jeu saiel denton buca aunc sche jeu vi propi far
quei mistregn.
Timon
Miu protocol dalla jamna da fuffergnadi
Il mardis sun jeu levaus dallas 6:00. Jeu hai fatg la duscha ed ius a
solver. Jeu hai buiu in caffe. Suenter vevel jeu lungurus. Jeu vevel pér
dad ir a luvrar dallas 9:00. Jeu sun ius cun la Chiara ed il scolast a far
cumissiuns. Dallas 8:45 ha il scolast „purtau“ mei entochen tier mia
plazza da lavur. Leu hai jeu enconuschiu miu patrun ad aunc in
cuschinier. Il menu dad oz era Schnitzel cun Pommes. Jeu hai pinau las
sosas e la suppa. Tochen las 12:00 hai jeu saviu gidar aber naven dallas
12:00 tochen las 14:00 hai jeu saviu far nuot, perquei che la cuschina
era memia pintga. Dallas duas hai jeu gentau. Da mesa las treis tochen
las treis hai jeu giu peda da far 76 cordonbleus.
La mesjamna sun jeu puspei levaus baul, dallas 06:30.
Jeu sun ius a solver e suenter ius a far la duscha. Dallas 8:45 ha il
scolast purtau mei entochen tier mia plazza da lavur. Leu hai jeu pinau
tut. Lu hai jeu stuiu barsar ils 76 cordonbleus che jeu hai pinau ier.
Suenter quei sun jeu ius a gentar cun mes conscolars. Suenter hai jeu
gidau ina dunna a far las salattas. Quei ei stau tochen las treis.
La gievgia sun jeu puspei levaus dalla 6:30. Suenter sun jeu ius a solver.
Suenter solver sun jeu puspei ius a letg.
Leu hai jeu durmiu tochen las 8:00. La Chiara ha clamau mei dallas 8:00.
Jeu hai stuiu far il „stressen“. Jeu hai aunc stuiu far la duscha e pinar tut
per ir a luvrar. Duront la lavur hai jeu stuiu far giu 15 kg truffels e tagliar
els en quaders. Jeu hai duvrau u ditg per far quei. Dallas 12:00 sun jeu
ius a gentar. Suenter gentar hai jeu gidau da far uorden en cuschina. Jeu
hai puspei giufiniu dallas treis.
Alexandre
Protocol dall’jamna
Jeu sundel ius il mardis allas 7:30 tier igl electro cadruvi ella buda.
Igl avonmiezdi hai jeu stuiu ir en ina casa ed installar besclas da
contact e spurtegl.
Jeu sundel ius a gentar ella ustria spel Migros. Il suentermiezdi sundel
jeu staus ad installar in scaldament. Dallas 5 haiel jeu giu finiu.
Jeu stuevel la mesjamna pusper esser en buda il medem temps.
Jeu sundel tochen miezdi puspei staus ad installar alla fin il scaldament.
Jeu sundel puspei ius el migros a magliar.
Il suentermiezdi sundel jeu staus sil baghetg e controllar tut ils plazs nua
ch‘ ei vegn en cazzolas ed installar besclas da contact .
Dallas 5 haiel jeu puspei giu finiu.
La gievgia stuevel jeu puspei esser il medem temps en buda.
Nus essan stai en ina casa e puspei installau besclas da contact ed in
fuorn.
Il suentermiezdi essan nus stai sil baghetg e metter en tocca nua che las
cazzolas e quei vegn.
Tizian
Fuffergnadi sco tgira d’affons
Jeu sundel ida ella „Kinderkrippe Mäuseburg“ a fuffergnar 3 dis a Glion. Fuffergnau haiel il mardis tochen la gievgia.
Entschiet a luvrar haiel allas 09.00 tochen las 16.00 mintgaton era pli ditg. Tier quella „Kinderkrippe“ eis ei partiu en en
parts, ils pigns „Müslis“, ils mesauns „Elefanten“ ed ils vegls „Dinos“. Ei prendan affons naven da 6 meins, mo gliez ei darar,
entochen 6-7 onns. Jeu sundel ida sco emprem tiels pigns a mirar in tec entochen che la dunna ha fatg schetg ad els.
Suenter essan nus i ensemen davos meisa ed jeu haiel astgau dar da magliar al pign dalla casa. Allas 11.00 ha ei dau gentar.
Il gentar survegnan els dil spital. Quellas che lavuran leu han saviu prender la tschavera ni pender sez enzatgei. Da quels
treis dis ei il mardis staus in di da stress. Suenter il gentar ein tut las buobas idas a spass ed ils buobs han astgau star avon
casa e termagliar. Il secund di sundel era stada a fuffergnar. Lu haveinsa era fatg atgnamein il medem, semplamein nus
eran stai tuts a spass, tuts ensemen. Ed il tierz di era ei ualti il medem. Mo lu ei ina dunna vegnida cun mei ed aunc 5
affons a spass, lu havein nus mirau cavals. E suenter la spassegiada era il di a fin ed jeu haiel finiu da fuffergniar. Avon che
jeu sundel ida haiel aunc engraziau che jeu haiel astgau ir a fuffergnar. Jeu haiel ussa viu co quei mistregn ei ed jeu creiel
che
jeu
savess
far
aschia
enzatgei.
Chiara Degonda