La Quotidiana 10-05-2004,p. 18
Las lavurs da construcziun èn prest ventschidas e la plazza survegn ina nova cuvrida.
FOTOS L. DEPLAZES
Las Grischunas ed ils Grischuns da Berna han demussà bler interess per la renovaziun da la plazza federala.
Plattas grischunas per il plaz avant la chasa federala
Finalmain ina plazza digna avant in edifizi simbolic
DA LUCAS DEPLAZES / ANR
■ Dapi la stad passada èn diversas
firmas vidlonder da renovar il plaz
avant la chasa federala e cuvrir quel
cun plattas da gneis da Val S. Pieder.
La «Gruppa d’art e cultura» da l’Uniun
grischuna da Berna ha laschà infurmar ils responsabels davart las lavurs
e l’avertura da la nova plazza. Cun
passa 70 participants è l’interess stà
remartgabel. Las emprimas plattas da
gneis èn gia sin il plaz e fan buna parita.
Ma ellas èn anc plazzadas be provisoriamain. La tschentada dal crap da fundament è previsa ils 24 da matg. L’avertura
uffiziala cun l’absoluziun politica è fixada sin il prim d’avust 2004. Dapi quasi
in onn èn las lavurs da transfurmaziun
Editur: Hanspeter Lebrument
Directur: Andrea Masüger
Schefredacziun:
Martin Cabalzar, schefredactur (mc)
Gieri Antoni Caviezel, substitut/producent (gac)
Redacziun:
Augustin Beeli (abc), Andreas Cadonau (ac),
Erwin Caduff (ec), Giusep Venzin (gv).
Collavuraturas redacziunalas:
Susi Bearth (sb), Gabi Degonda (gd), Renania.
Adressas:
redacziun centrala:
La Quotidiana, Via centrala 4, 7130 Glion,
tel. 081 920 07 10, fax 081 920 07 15.
E-mail: [email protected]
Sutselva/Renania: La Pùnt, 7433 Donat,
tel. 081 630 70 53, fax 081 630 70 51.
Editura Südostschweiz Presse AG,
Via dalla caserna 1, 7007 Cuira;
tel. 081 255 50 50, fax 081 255 51 00
Manader da l’editura: Beat Ravaioli
Servetsch d’abunents e da distribuziun:
tel. 081 255 55 00
Inserats
Südostschweiz Publicitas AG,
Via centrala 4, 7130 Glion
tel. 081 920 07 17, fax 081 920 07 18,
E-mail: [email protected]
La Quotidiana cumpara tschintg giadas ad emna
Ediziun: «Die Südostschweiz»: 144 926 exemplars.
Commanicaziun da participaziuns considerablas
sin fundament da art. 322 CP:
Südostschweiz Radio/TV AG, Südostschweiz
Pressevertrieb AG, Südostschweiz Grischacom AG.
Dretgs d’editur
Igl è scumandà a terzas persunas betg
autorisadas da reutilisar en ina moda u maniera ils inserats stampads en quest titel u parts da quels, surtut cun
endatar els en in servetsch d’online. Mintga cuntravenziun vegn persecutada giudizialmain da la societad da
propaganda, suenter avair consultà la editura.
Südostschweiz Presse AG
fitg intensivas, ed ins vesa ussa las novas
conturas. Il parcadi avant la chasa federala svanescha per adina e la pli
impurtanta plazza da la Svizra avant la
chasa federala survegn finalmain ina apparientscha digna da sia funcziun. L’edifizi dal parlament federal e da la regenza
è in monument architectonic cun ina
gronda valur simbolica. Avant in tal bajetg tutga era ina plazza che sa cumporta cun la muntada e la funcziun da la
chasa federala.
Il crap grischun ès ì cun la plima
Ditg e lung èn criticas, propostas ed
ideas vegnidas formuladas, examinadas
e refusadas. Suenter onns ed onns han
ins chattà la storta ed approvà in project
che ha persvas ils blers «cuschiniers».
Questa renovaziun prevesa ina simpla
cuvrida da la plazza cun plattas, senza
monuments e firlefanzas. Dal fund cuchegian or 26 ejecturs che signifitgeschan ils 26 chantuns e lubeschan sco
funtauna siglinta divers gieus d’aua ensemen cun glischs en colurs. L’emprim è
stà selecziunà in granit bernais, chavà or
dal tunnel dal Lötschberg. Ma quel n’è
betg stà dir avunda. La finala han ils experts chattà il crap grischun, l’enconuschent gneis da Val S. Pieder. Quel saja
sis giadas pli ferm che betun e dettia a la
plazza federala vairamain in fundament
stabil, solid e persistent sco quai ch’i descha. Il crap natiral grischun cun sia
structura viva e clera sa cumportia bain
cun ils edifizis monumentals vischins
(Banca naziunala, Banca chantunala,
Banca Valiant e Café federal) e dettia a
la plazza in’atgna identitad, han ils experts punctuà.
Grond interess dals Grischuns
La «Gruppa d’art e cultura» da l’Uniun
grischuna da Berna ha envidà ses commembers ad ina visita ed infurmaziun
da la nova plazza. E quai è sa mussà sco
grond hit. Ricco Bergamin, il president
da la gruppa, ha gì plaschair da preschentar als responsabels per la construcziun da la nova plazza ils passa 70
Grischuns e Grischunas. En quatter
gruppas han ils visitaders retschavì infurmaziuns d’emprim maun davart il
project, las lavurs da construcziun, las
scuvertas archeologicas ed ils indrizs da
la nova plazza. Dals custs da total 8 mil-
liuns francs surpiglia la confederaziun
2,3 milliuns. La citad da Berna sa participescha cun var 4 milliuns francs. Las
assicuranzas «Mobiliar», domiciliadas a
Berna, han fatg in regal da giubileum da
1,7 milliuns francs a la plazza federala.
En l’avegnir na datti nagins plazs da
parcar pli. La plazza resta da princip vida, ella stat dentant a disposiziun per
sentupadas, demonstraziuns e manifestaziuns. Ina part è reservada per l’enconuschent martgà da products agrars il
mardi e la sonda.
Cun bels maletgs da la cuntrada e da
la chava da crappa ha Pius Truffer preschentà sia interpresa da famiglia a Val
S. Pieder che ha retschavì l’incarica da
furnir las plattas da gneis per embellir la
plazza federala.