http://www.antoniodecurtis.org
by fuffyj & papy
poesia del grande Totò
Non so perchè se entro in una casa
è comme fosse entrato 'o schiattamuorto.
E nun mme faccio ancora persuaso
pecchè sta ggente po' mme guarda stuorto,
e sotto 'a lengua 'e ssento 'e rusecà.
"Ih quanto è brutto! Pozza jettà 'o sango!".
"Io 'o desse nu bicchiere 'e stricchinina!".
"Io quanno 'o veco faccio
'a faccia j'anca".
"Se
veleno
n'adda accattà
tutte mmericine!".
"Sotto a nu trammo
mo che ghiesce 'a ccà!".
E nun capisco, po' pecchè sta ggente
si mostra si villana e senza classe,
che tengo 'a rogna, neh? I' so ll'agente,
ll'agente incaricato delle tasse.
'0 contribuente mm'adda rispettà'!
by fuffyj & papy
poesia del grande Totò
http://www.antoniodecurtis.org
[email protected]