'E dduje 'nnammurate
http://www.antoniodecurtis.org
poesia del grande Totò
by fuffyj & papy
For' 'o balcone tengo na cajola
cu dinto nu canario 'ncardellato,
che canta tutt' 'o iuorno a squarciagola
pecchè st'aucelluzzo è 'nnammurato
'e na canaria bionda comm' a ll'oro,
comm' 'e capille d' 'a padrona soja;
e io pure pe sta bionda me ne moro
e canto appriesso a isso... ch'aggia fà??!
E tutt' e dduje cantammo inutilmente
isso "Volare" e io "Anema e core".
Ma sta signora bionda è indifferente
e nun o vvò capì ca mme ne moro.
Pure 'a canaria fa comm' 'a padrona,
e st'aucelluzzo mio sta ascenno pazzo...
'E vvote po', si canta, piglia e stona
e i' stono appriesso a isso... ch'aggia fà??!
poesia del grande Totò
by fuffyj & papy
http://www.antoniodecurtis.org
[email protected]