SALVATORE DI GIACOMO A « SAN FRANCISCO » UN ATTO (II vol., Milano, Mondadori, 1955, pp. 147-188) PERSONAGGI GIOVANNI ARCIETTO PEPPE PAZZIA camorrista DON GENNARO ’o cusetore LUIGIELLO ragazzetto tredicenne RAFELE ’o masterasciello CICCIARIELLO SPINA FEDERICO ’o pittore TOTONNO BATTIMELLE DON PEPPE «’o siciliano», carceriere Tre SECONDINI La scena ha luogo in un camerine del carcere di San Francesco, in Napoli, intorno al 1850. 2 SCENA PRIMA La tela si leva lentamente. Quando è a metà del palcoscenico s’ode una voce interna cantare malinconicamente da un altro camerone. RAFELE e CICCIARIELLO, seduti sulle tavole di un letto, giocano a carte e fumano. FEDERICO ’o pittore e TOTONNO seggono sulle tavole di un altro letto: il secondo stende il braccio destro denudato e il primo glie lo va tatuando con un ago e col nerofumo. Il ragazzo LUIGIELLO, accosto ad essi, osserva curiosamente l’operazione. DON GENNARO ’o cusetore è occupato a scrivere, con la matita, de’ numeri in un libricino. Siede sulle tavole del primo letto a sinistra dello spettatore. Steso sul suo letto, col capo poggiato sui materassi ravvoltolati, PEPPE PAZZIA dorme. Sotto al suo letto è una brocca, tra un fiasco di vino e un paio d scarpe. È sera. Tutti tacciano. LA VOCE INTERNA A San Francisco mo sona ’o risveglio, chi dorme e chi veglia chi fa nfamità… LA VOCE INTERNA DI UN CARCERIERE Silenzio!... E al tempo stesso s’ode un romore come di porta alla quale si batta violentemente. PEPPE al romore si sveglia di soprassalto e leva la testa guardando, spaventato, intorno a sé Chi è?... Ch’ è stato?!... DON GENNARO senza levarsi, mettendo in saccoccia il libricino dei suoi numeri Nu’ v’appaurate, ’on Peppeniè. Chilo è Totonno SarCenella ca s’ è miso a fa’ ’a soleta litania dint’ ’o cammaRone appriesso. È miezo pazzo e fa sempe chesto, ’a notte e ’o iurno. 3 PEPPE si leva dal letto irritato, nervoso, e s’accosta a don Gennaro Quann’ è dimmane ca scennimmo ’a passeggiata ’int’ ’o Curtile, nun sia pe cummanno, me l’ avita nzignà. DON GENNARO A chi? PEPPE serio, le mani in saccoccia A stu Totonno Sarcenella. ’O vulite canoscere? PEPPE Si leva. Il ragazzo passa a guardare i giocatori. PEPPE Lle voglio di’ ca m’ ha dda fa’ ’o favore, quanno io sto durmenno, nun ha dda cantà cchiù. DON GENNARO Quanno state durmenno? PEPPE Precisamente. DON GENNARO Scusate, ’on Peppenié… e chilo comm’ ’o ssape? Ll’ avita da’ vuie ll’ urario… E po’… v’aggio ditto… chilo s’ è miezo scenunito… PEPPE Nu’ ve capacita? DON GENNARO Appaurato A me?... Comme nun me capacita?... Vuie cumannate e io ve servo. 4 PEPPE Datemmillo solamente a canoscere… ca po’ ce penzo io… Torna a sedere sulle tavole del suo letto. CICCIARIELLO Scopa RAFELE Sango d’ ’a morte!... N’ ato asso! CICCIARIELLO Scopa! So’ fora! RAFELE Aspè!... Comme si’ fora?... al ragazzo Guagliò, fatte cchiù llà!... ’A che te si’ accustato ccà Bbicino nn so’ stato cchiù buono ’e fa’ na carta!... Aìze, vatténne! CICCIARIELLO Vatténne!... Lo spinge, brutalmente. LUIGIELLO tornando accanto a Totonno E io che ve faccio? TOTONNO al ragazzo E ched’ è? Mo si’ benuto ’a chesta parte?... E bbi’ si ce fa fa’ ’o spezziale!... Ah!... Federi!... urlando pel dolora Tu mme struppie!... FEDERICO Mo!... Aspetta… è fenuto… 5 PEPPE a don Gennaro, levandosi C’ ’ore saranno? DON GENNARO Saranno passate ’e sette e meza: mo aggio ntiso da’ ’a voce a chilo d’ ’e lupine… una pausa ’On Peppenié, ve mparo na cosa. Pe ve fa’ capace a buie, ’o rilorgio d’ ’e carcere so’ chille che banno vennenno p’ ’a via. Abbarate bene: ’a matina, quanno sentite… e fa un fischio lungo e modulato. FEDERICO dal suo letto, imitando la voce del caffettiere ’O cafettie…e…e…e…re! DON GENNARO Chist’ è isso. ’O cafettiere!... E songo mmerz’ ’e seie e nu quarto. Cchiù tarde passa chilo cu ’e pizze: « C’ ’o fungetiello e ’alice ! » Imita la voce e la cadenza. E songo l’ otto. Mmerze l’ únnece, nu poco cchiù nu poco meno… « Cumme vólle ’a patana, cumme vólle » e. s. E a n’ato ppucurillo, sotto meziuorno… « Pe chi tene appetito e ha faticato… ’a ma renna!... » TOTONNO e FEDERICO dal loro letto, a distesa e forte «’A ma renna!... » PEPPE E bravo ! Diceno buono ccà dinto ca vuie site n’ ommo Assegnato e preciso. 6 DON GENNARO È buntà vosta. Contro ’e mèrete mieie ccà mme vonno bene tutte quante. PEPPE Venite ccà, assettàteve. Siede sul letto e don Gennaro siede anch’egli sulle stesse tavole. Tenite pe fumà? DON GENNARO ’A pippa ’a tengo… La cava. PEPPE Ah, bè… Si fruga. DON GENNARO Ma è bacante… PEPPE ’O tabacco v’ ’o desse semp’ io… Favorite Gli dà tabacco da una borsetta. DON GENNARO E io ve ringrazio. Pausa. Peppe carica la sua pipa: l’altro la sua. PEPPE Pensoso Dicìteme na cosa… DON GENNARO seguitando a caricar la pipa Dicite. 7 PEPPE Sapìsseve… riscifrà… come si fosse nu suonno ca mm’ aggio fatto? DON GENNARO Eh !... mo vedimmo… cava un fiammifero Na vota « ’a smorfia » e ciert’ ate libbre ’e cunziquenza ’e Tenevo ccà dinto… col fornello della pipetta si tocca in fronte Ma mo… nu poco ’e guaie, nu poco l’ aità, nu poco… Basta, iate dicenno… CICCIARIELLO a Rafele, gridando E mo tuorne a cuntà comme vuo’ tu!... RAFELE So’ tre punte o no ?!... CICCIARIELLO urlando più forte So’ ddì punte! PEPPE si volta, minaccioso Nu poco ’e silenzio! I giocatori tacciono; Peppe si rivolta a don Gennaro. Dunque… pe ve fa’ capace a buie… io stevo comme si fosse ’int’ a na cantina ’a Sanità… DON GENNARO accende il fiammifero Bè… PEPPE Stevo io e nn’ ati quatto o cinche cumpagne d’ ’e mieie… 8 e ghiucavemo ’o tocco… DON GENNARO Bè… Accende la pipa e fuma. PEPPE Quanto… tutte nzieme… mme pare comme si fosse c’ ’o peretto d’ ’o vino se fosse rutto… DON GENNARO Scasuarmente? PEPPE Accussì mme pare… cerca di ricordarsi Già… scasuarmente… Basta, nun è stato peretto rutto c’aggio visto scorrere ’o vinto ncopp’ ’a tavula comme si se fosse scatasciata na vótta. Io dicevo: Ma ched’ è, chesto scorre sempe? E tutto stu vino ’a dò esce?... E chello scorreva, scorreva e ghingheva tutt’ ’a cantina… e se faceva cchiù notte, e se stutaveno ’e lume a uno a uno… ’E cumpagne mieie… nun ’e bedevo cchiù… mme sentivo nfonnere ’e piede… ’e gamme… tutt’ ’o corpo… e ’o vino… scorreva, scorreva sempe… e mm’ arrivava mpietto… agitato, quasi tremante Io… vulevo chiammà ’int’ ’o scuro e… nun putevo chiammà… ’a voce mme veneva meno… mme mancava ’o sciato… e… chellu vino saglieva, saglieva… m’arrivava nganna, me me sentivo affucà… Si leva, emozionato, con le mani alla gola, gli occhi stralunati. Totonno s’accosta e interroga con gli occhi don Gennaro. Luigiello, a bocca aperta, impiedi, ascolta anch’egli con molta attenzione. DON GENNARO Chiano chiano… Accarmàteve… PEPPE dopo un silenzio 9 Tuccàteme nu poco sta mano… Gli stende la destra, tremante. DON GENNARO tastando quella mano Avite raggione. Ve site fatto friddo… a Totonno, voltandosi Tutt’ affetto ’e neveratura… Pausa. Peppe si passa la mano sulla fronte. Venimmo a nuie… Assettàteve… Peppe siede. Si cumpagne vuoste ca stèveno cu buie ’int’ ’a cantina… PEPPE Scumparèttero… DON GENNARO Nu mumento… Dico accussì: v’ allicurdate buono quant’erano? PEPPE cercando di risovvenirsi Aspettate… mme pare… cinco… Sì… cinco. DON GENNARO Va bene… come parlando a se stesso, e a voce alta Cinco… ’A mano… E… dicìteme n’ ata cosa… PEPPE Diciate… DON GENNARO Stèveno a mmano deritta o a mmano mancina d’ ’a tavula? PEPPE indica a destra 10 Stèveno ’a ccà… DON GENNARO A mmano deritta… Ve bene… sissignore… E vuie ve Sentìveve stregnere nganna?... PEPPE E pecchesto mme so’ scetato una botta e mme so’ menato d’ ’o lietto… DON GENNARO Mo… Va bene… Ho capito tutto… Cinco… ’a mano deritta… na manco c’ afferra… Si leva, lentamente. PEPPE emozionato E… tutto stu vino? DON GENNARO Russo… Vino russo… ovè?... PEPPE accenna di sì col capo. DON GENNARO Stu vino russo… ca scurreva… PEPPE turbato Mbè?... DON GENNARO diventato serio, gli prende la mano, gli si accosta quasi faccia a faccia e gli dice sottovoce Vo’ dì… sano, ’on Peppenié ! si scosta.Luigiello gli ha dato una strappata alla giacca. PEPPE Comme?... 11 Turbatissimo Sentite !... RAFELE che in questo ho guardato per lo spioncino A posto!... A posto!... SCENA SECONDA TRE SECONDINI e detti. La porta s’apre con un romore di chiavistelli. Entrano i tre secondini. I carcerati si sberrettano, si allineano davanti ai letti come in atteggiamento militare e rimangono muti. Il tatuato TOTONNO se ne sta con le braccia sul dosso : RAFELE ha nascosto le carte. PEPPE, impiedi anche lui, rimane pensoso, con gli occhi a terra. La porta si richiude. Il primo secondino va al muro e lascia scendere in mezzo alla camera la lanterna, rimane accosto al muro per tirarla su quando sarà accesa. Il secondo secondino accanto al terzo secondino aspetta che la lanterna discenda. Scesa che è, il secondo secondino si fruga in saccoccia. SECONDO SECONDINO Voltandosi attorno, ironico Pe cumbinazione… nisciuno ’e vuie tene nu fiammifero? DON GENNARO premuroso Pronte ’e fiammifere! Li porge al secondo secondino che accende la lanterna. ’On Errì!... Vogliamoci bene!... SECONDO SECONDINO Eh ! E bedìmmece spisso!... al terzo secondino Nun tuculià! Accende la lanterna. 12 TERZO SECONDINO Io nun me sto muvenno. al primo secondino. Tira ncoppa. La lanterna accesa risale e si ferma. Il primo secondino annoda la fune a un chiodo. Poi comincia a battere con un ferro sulle inferriate della finestra e s’indugia a guardare per essa nella via. SECONDO SECONDINO al primo secondino Espò?... E che se dice?... Ce vulimmo sta ccà? PRIMO SECONDINO scendendo dal suo sgabelletto Stevo guardanno ’int’ ’a cantina ’e don Vicienzo. Illu minazione a grand’ imprese e su nature preparate… Peppe presta attenzione SECONDO SECONDINO Sarrà figliata ’a mugliera. PRIMO SECONDINO ’On Errì, ce sta nu piezzo ’e lignammo d’ ’a gelosia, ca se n’ è caduto… SECONDO SECONDINO Ne parlammo a ghiurno. Al terzo secondino che va facendo la rivista sotto i letti. Nuvità?... TERZO SECONDINO Zero. I secondini s’avviano alla porta. DON GENNARO al secondo secondino ’On Errì… il secondo secondino si ferma e si volta Quanto ve sottometto na preghiera… 13 SECONDO SECONDINO Che te manca? Vedite… ’on Errì… Chiste ’e cumpagne mieie nun se Vonno fa’ ’o mal’ anemo e abbóccheno tutto cosa ncuoll’ a me… SECONDO SECONDINO burbero e impaziente Iammo ! Nun me fa’ perdere tiempo !... DON GENNARO ’On Errì, ccà simmo sette indivirule e tenimmo se’ liette. SECONDO SECONDINO E che buo’ ? DON GENNARO Comme, che boglio ?... SECONDO SECONDINO Quante site ? DON GENNARO Sette cape. SECONDO SECONDINO E a n’ato ppoco ne vene n’ ata e site otto. RAFELE Salute ! Ai compagni. Signori mieie, avite ntiso ? Mo vene n’ ato passaggiero ! SECONDO SECONDINO al primo secondino Iammo, Espò !... Si avviano. 14 RAFELE Nu mumento !... Ma comm’ è ?... Chesto nu’ sta bene !... FEDERICO Ma comme se ntenne ? Ce cuccammo a dduie a dduie ? TOTONNO Io mme metto a rapporto ! FEDERICO E che ne cacce ? Chisse non te rispónneno manco ! RAFELE Fanno chello che bonno lloro ! CICCIARIELLO Chesto nu’ sta bene ! RAFELE È contro ’o revulamento ! TOTONNO È na schifezza ! FEDERICO Nce avimma fa’ sentì ! Signori mieie… TOTONNO A rapporto ! A rapporto ! RAFELE Nun ’o vulimmo ! FEDERICO Nun ha dda trasì !... Vocio, romore alto e confuso di voci che protestano. 15 SECONDO SECONDINO gridando anche lui Gué !... Oh !... E ched’ è ’o fatto ? !... Quaccuno ’e vuie vulesse scennere abbiscio ’e ssigrete ?... minaccioso. Silenzio profondo ’O carcere è chisto e nun c’ è che fa’ ! Pe stanotte arrangiateve. Quann’ è dimane che nun è contento se mettesse a rapporto. A’ suoi compagni che hanno riaperta la porta. Avanti ! Escono. La porta si richiude col solito romore. SCENA TERZA All’uscita dei secondini i carcerati si raggruppano tutti sul davanti della scena. Un silenzio. RAFELE Avite ntiso ?... Che bulimmo fa’ ? FEDERICO E c’ avimma fa’ ? Ccà si fossemo tutte uno amorcunzente ce saparrìamo revulà ’e n’ ata manera. Che buo’ fa’ ?... Ce vo’ ’a sciurdezza. TOTONNO Pe cunto mio mme dichiaro ’a mo. Fosse pure Tore ’e Criscienzo ha dda fa’ festa ! ’Int’ ’o lietto mio nun ’o voglio ! Guardandosi il braccio denudato. Caspita !... Federì… chisto m’abbruscia ancora !... DON GENNARO E che tiene ncopp’ ’o vraccio ? FEDERICO ’On Gennà, ll’ avimmo fatto nu risignetto. Senz’ offesa ccà stanno ’e maste d’ ’e pugneture ! 16 TOTONNO E over’ è… a don Gennaro Liggite. Tutti osservano, meno Peppe che se ne sta in disparte. e fuma. DON GENNARO a cui Totonno presenta il braccio, leggendo « La ronna è ingannatricio. » Bravo ! E stu pugnale che bène a di’ ? FEDERICO La surisfazione per riflesso della vendetta ! DON GENNARO Bravo ! (Che bella rocchia ’e galantuommene ca sta ccà dinto !) Al ragazzo che mangia del pane. Guagliò, mo te ne faie n’ ato ppoco? LUIGIELLO Io tengo famma ! DON GENNARO E te si’ mmiso n’ ata vota ncopp’ ’o lietto mio ? Gli si accosta. RAFELE avvicinandosi a Peppe, rimasto seduto sul letto ’On Peppenié, che se dice ? Ve veco ’e malumore… PEPPE Niente… Comme si’ asciuto ? RAFELE Aggio perzo… Avite ntiso ’o secondino ? 17 PEPPE Aggio ntiso. Dice ca mo ce n’ allogge a n’ ato. RAFELE E addó ’o mettimmo ?... DON GENNARO al ragazzo Posa ccà ! LUIGIELLO piagnucoloso Io ll’ aggio truvato ! DON GENNARO Posa ccà ! Mo te ceco n’ uocchio ! Rafele si accosta ad essi. S’ ha stupetiato ’o muccaturo mio ’a miez’ ’e matarazze… RAFELE al ragazzo Posa ! Miette ccà !... s’ impadronisce del fazzoletto Mo vedimmo qua’ vota te faccio scennere abbiscio ’a nfermaria ! DON GENNARO a Luigiello Ma comme te pare ? Vaie p’ ’a ratta pure ccà dinto ? RAFELE al ragazzo Pe sta vota t’ ’a passo liscia. N’ ata vota te faccio nu mierco ! Mette il fazzoletto in saccoccia. DON GENNARO ’On Rafilù 18 RAFELE al ragazzo Essì ! Ccà ’e guaglione ce mancaveno ! Te si’ mmiso a fa’ ’o palatino pure ccà dinto !... DON GENNARO ’On Rafè… RAFELE a Luigiello, minaccioso Aìze sti scorze ’a terra ! Gli tira un calcio. DON GENNARO ’On Rafè… Per semplice ricordo… RAFELE Va bene, ’on Gennà, aggio capito… Comme se dice ? Chi ringrazia esce r’ obbligo… A rimettere ! DON GENNARO Ma… vedete… io… RAFELE gli batte sulla spalla, con aria di protezione A rimettere. DON GENNARO (Sepultus est.) S’ode di fuori un fischio prolungato. PEPPE sorpreso, s’alza Nu poco ’e silenzio !... Tutti tacciono. Si ode un secondo fischio. Tra sé. sorpreso. Nunziata !... E che sarrà? 19 RAFELE accostandosi a lui. Ched’ è neh, ’on Peppenié ? PEPPE pensoso A chest’ ora ?... Totò ?... TOTONNO Sto ccà. PEPPE Vuo’ da’ n’ uocchio ’a porta? TOTONNO Pronto. PEPPE E si vide venì a quaccheduno… TOTONNO Nu starnuto. Nun ce penzate. va allo spioncino. RAFELE a Peppe Che se dice ? PEPPE traendolo da parte È Nunziata ca m’ ha fatto siscà… Certo m’ h dda di’ quacche cosa… porge uno scannetto a Rafele Saglie… guarde mmiez’ ’a strata… Rafele sale sullo sconnetto e guarda dalla gelosia Nce affiure ? RAFELE Nun beco niente… Aspettate… llà… rimpetto… dint’ ’a cantina ’e don Vicienzo… 20 Musica di chitarre e mandolini dalla strada : accordi che precedono la canzone. La musica seguita sempre durante il dialogo sulla scena. PEPPE emozionato, a Rafele Chi ce sta ?... RAFELE ’A nnammurata vosta… cu Gennarino « ’o pastore » e certi sunature. TOTONNO dalla porta Eccì ! Si scosta dalla porta. PEPPE Scinne ! A Rafele, che scende. I carcerati tornano per un momento accanto ai loro letti. SECONDO SECONDINO da fuori, parlando per lo spioncino Battimelle ! TOTONNO Presente ! SECONDO SECONDINO Dimane scendete a parlatorio… Viene il vostro avvocato. TOTONNO Sissignore. Il secondino s’allontana È passato… guardando per lo spioncino 21 Se n’ è gghiuto… PEPPE a Totonno Nun te movere ’a lloco. Sale allo scanno e fischia. DON GENNARO (Rumores fugge !) S’acconcia il letto e vi si stende sopra. Una voce femminile canta, difuori. LA VOCE, SULLA MUSICA Aiemmé, che pena ca tengo a stu core ! Sta ’int’ ’e cancelle il mio beno nzerrato ! So’ binte iuorne ca sta carcerato ! So’ binte iuorne ca stongo a penà ! PEPPE a Totonno Tu tiene mente ? TOTONNO Nu me movo. LA VOCE FEMMINILE Luntanamente sta voce e stu canto A chi mme sente paresse lamiento ! T’ arraccumanno, guagliò, statt’ attiento ! C’ appriparato nu schianto te sta ! PEPPE a Rafele Che ddice ? RAFELE Mme pare comme si fosse n’ avvertimento. UNA RAUCA VOCE MASCHILE Amice belle! Se salutano ’e giuvene annurate 22 ’e sti cancelle !... PEPPE a Rafele Saluta ! Rafele fischia LA VOCE MASCHILE Anelle, anelle ! So’ servitore ’ st’ommo affezziunato ca mm’ ha siscato ! Bonanotte ’e signore ’e sti cancelle ! Una distesa: la musica s’allontana, muore a poco a poco Pausa. Totonno si scosta dalla porta. DON GENNARO (’E signure… ca simmo nuie !) PEPPE a Rafele Si te rico can un aggio capito niente nun te rico buscìa… RAFELE A me mme pare n’avvertimento… Nisciuno ve vo’ male? PEPPE Pensoso E che saccio ? Siede sulle tavole del suo letto. A Rafele che s’accosta al suo. Che faie ? Te cuocche ? RAFELE Tengo nu poco ’e relore ’e capo… Rassetta il letto FEDERICO dal fondo, presso al suo letto 23 Neh, chi s’ ’a pigliata ’a pippa mia ? TOTONNO Sta sotto ’o lietto. accostandosi a don Gennaro che scrive in un libretto, col lapis, seduto sul letto ’On Gennà, qua’ è ’o nummero ? DON GENNARO ’O quarantuno ’a morte. Si mme riesceno certe revulette ca sto facendo, te voglio fa’ vedé io chi è don Gennaro. Tiene mente ccà: ’a semmana passata fiura ’e sette su tutta la linea… Restano a parlare sottovoce e a guardare nel libro. PEPPE pensoso N’ avvertimento ?... E che pò essere ?... FEDERICO A posto ! A posto !... SCENA QUARTA DON GIOVANNI, DON PEPPE « ’o siciliano », il TERZO SECONDINO e detti. Aperta la porta DON PEPPE spinge dentro DON GIOVANNI. I carcerati si allineano, squadrando quest’ultimo con sospetto e curiosità. DON PEPPE sulla soglia, a don Giovanni Trasiti, don… cumme vi chiamati. Trovativi u posto, spugghiativi e curcativi. DON GIOVANNI Mme dispiace ’e v’incumudà. Aggio lassato ’a mappatella abbascio, ncopp’ a nu scanno… 24 Al suono della sua voce Peppe Pazzia si volta sorpreso : don Giovanni gli volge le spalle. DON PEPPE Bravu ! Bonu cuminciamo ! DON GIOVANNI Ve cerco scusa… Peppe Pazzia s’alza. DON PEPPE E iu uora vi servu. Uora ’a vai a pigghiu. Esce. Don Giovanni guarda la porta che si chiude, poi si volta e si trova faccia a faccia con Peppe Pazzia. DON GIOVANNI sbalordito Tu !... PEPPE non meno sorpreso Vuie ! Don Giuvà !... DON GIOVANNI Tu… ccà dinto !... Peppe Pazzia !... PEPPE ’On Giuvanne !... Vuie mmiez’ a nuie !... Un silenzio, durante il quale i due si guardano come non credendo a se stessi. Don Giovanni è al colmo dell’emozione, ma cerca di padroneggiarsi. DON GIOVANNI E’ visto ?... So’ benuto ’int’ ’a cummertazione ! PEPPE C’ avite fatto ?!... DON GIOVANNI 25 C’ aggio… fatto?... Lo guarda come se gli volesse leggere dentro nell’anima. Lo sforzo ch’egli fa per parere indifferente è chiaro. Po’ t’ ’o ddico… E tu?... PEPPE spallucciando M’ hanno pigliato pe suspetto… pe causa ’e nu richiaramento… Assettàteve… trae nel mezzo della scena una scranna. Don Giovanni siede, come spossato Pe rèvula vosta e cu rispetto ’e tutta ’a cummertazione, v’ rappresento st’ amico d’ ’o mio. Don Giovanni si alza, si toglie il berretto e saluta. Tutti si sberrrettano. RAFELE sberrettandosi Pe parte ’e tutti quante se saluta cu duvere. PEPPE È n’ ommo ca se mmèreta tutte ’e riguarde pussibbele e avita fa’ comme si fosse i’ stesso. Don Giovanni ascolta, sorridendo, ironico Ntennimmece buono : stu signore nun pava uoglio p’ ’a lampa, se pò scegliere ’o pizzo che bo’, e si vo’ rialà a quaccheduno riala schiettamente a chi lle fa ’o lietto. Ce sta nisciuno c’ ha dda fa’ usservazione? RAFELE si fa avanti, solenne Sta mordo bene. Ciascuno torna al suo letto. PEPPE Dunque… ’On Giuvà, ccà state ’int’ ’a casa vosta. 26 DON GENNARO (E ha fatto stu bello quatto ’e maggio !) DON GIOVANNI a Peppe Ve ringrazio… E mo?... PEPPE Mo ?... Nn’ ’o bberite ? Ce cuccammo. Tenite suonno ? DON GIOVANNI Niente. PEPPE Embè… si vulite viglià, vigliammo. Aggio durmuto fino a mo e nun tengo suonno manco io. Si premmettete va faccio cumpagnia. DON GIOVANNI E… ’o carceriere? PEPPE È amico. Strizzando l’occhio. Mo che bene a purtà ’a mappatella lle mmuccammo quaccosa ’e renare e stammo cchiù sicure. Nu se’ carrì, chest’ è tutto… DON GIOVANNI lacera la fodera della giacca e ne cava denaro Chest’ è ’a muneta. PEPPE Vedite… è na murtificazione !... Sta muneta l’ avessa cacCià semp’ io… Ma… comme se dice… DON GENNARO (A rimettere) PEPPE Quanno uscimmo a llibertà… 27 TOTONNO dalla porta Sta venenno ’on Peppe PEPPE a don Giovanni Quartiàteve ’a chella parte. SCENA QUINTA DON PEPPE e detti. DON PEPPE a don Giovanni, brusco A vui !... Favoriti… chista è ’a mappatedda. Glie la getta sul letto. PEPPE Don Pe’, na parola. Lo trae da parte : i carcerati si fanno in fondo alla scena. Ce sta st’ amico mio… Indica con l’occhio don Giovanni. DON PEPPE grave Bè. PEPPE Mo è trasuto… DON PEPPE ’U saccio. 28 PEPPE Nu tène suonno. DON PEPPE E c’ aiu a fari ? PEPPE sottovoce Si premmettete… veglia… rummane vestuto… DON PEPPE C’ ha dda vigghiari ! S’ avi a curari ! L’amico… mo è trasuto… nun tene suonno… Ma che mme cunti ? Tu a chi vuo’ fari ncuitari ? PEPPE E sentite… DON PEPPE Se issi a curcari ! Ccà nu’ sta ’a casa suia e particolarità ’un si nni fannu ! Fa per andarsene. PEPPE più piano Ce steva nu se’ carrì… DON PEPPE voltandosi C’ hai dittu? PEPPE Aggio ditto… ce steva nu se’ carrì nuovo nuovo… DON PEPPE Nn’ arzari ’a voci ! Si guarda intorno. I carcerati hanno compreso e fingono di occuparsi a cose loro, guardando sottocchi. 29 Vuoi mi pigghiano pe chiddu can un sugno ? Sottovoce Dammi. Picciotti, ’a santanotti a tutti ! Esce. TUTTI Sberrettandosi Santanotte. SCENA ULTIMA DON GIOVANNI apre la « mappatella » e ne cava un fazzoletto, qualche sigaro, un paio di ciabatte che metta a terra sotto un letto. I carcerati cominciano a buttarsi sui letti. Peppe rifà il suo. LUIGIELLO canta, lamentoso Aggio fatto n’ ato pensiero : arrubbanno nun voglio i’ cchiù ! Vaco sempre carcerato, e ’a casa ’e mamma nn’ ’a veco cchiù !... RAFELE dal suo letto Totò, aiutame a fa’ stu lietto! TOTONNO che si va spogliando Nun te pozzo servì. M’abbruscia ’o vraccio. L’orologio del carcere suona le ore. Una voce lontana, nel silenzio : « All’erta sentinella ! » Un’ altra voce : « All’erta sto ! » e quindi, fioche, due altre : « All’ erta sto !». DON GIOVANNI è rimasto in piedi sul davanti della scena. Ha cavato un sigaro e fa per spezzarlo. Peppe vede 30 l’atto. Fa segno a don Giovanni di sostare. Ficca la mano nel suo materasso, ne cava un coltello corto e glie lo porge. Gli balena poi in volto come un pensiero improvviso. Egli guarda il coltello e sorride, feroce. Taglia il sigaro e nasconde il coltello nella manica, poi offre metà del sigaro a Peppe che si è ravvicinato. PEPPE sedendo sulla scranna Dunque ?!... DON GIOVANNI Dunque… siede Aggio fatto ’o guaio, nun c’ è che fa’ ! Pausa. Tu mo vuo’ sapè pecchè sto ccà dinto… È naturale… Pausa. Siete… io avaria sta’ ccà dinto ’a parecchio tempo !... Sì !... È n’ anno, quase, c’ ’a vita mia s’ è perduta, è fenuta, è addeventata nu martirio ! È n’ anno ca un trovo cchiù arriccietto !... Ca mme so’ cagnato ! E ’a chill’ ommo buono e faticatore ch’ ero primma, mme so’ fatto ’o primmo scellerato nfamo ! PEPPE sorpreso e commosso ’On Giuvà !... Ma comm’ è pussibbele ?... DON GIOVANNI amaramente È pussibbele… Tant’ è vvero ca sto ccà e… mm’ ’o mmèreto… Sulamente… sorride, ironico mmiez’ a tanta guaie ca m’ hanno bersagliato, una fortuna aggio avuta !... Aggio avuto ’a fortuna ’e truvà a te ccà dinto… Gli prende la mano quasi come amichevolmente. 31 PEPPE sorpreso e lusingato A me? DON GIOVANNI Embè ?... Nun si’ nu buono amico d’ ’o mio ?... Nun ce canuscimmo ’a tanto tiempo ?... Non gli lascia la mano. PEPPE c. s. Chest’ è certo… n’ amico fedele… DON GIOVANNI E pecchesto… mme te pozzo cunfidà… E mme puo’ da’ pure nu buono cunziglio… Sempre con la mano di lui stretta nella sua. PEPPE Certamente… DON GIOVANNI guardandolo in faccia Tu triemme ?... PEPPE Io ?... emozionantissimo No… DON GIOVANNI Dunque… Saie c’ aggio fatto ? Gli lascia la mano e si leva. Peppe resta seduto. guardandolo, interrogandolo con gli occhi spaventati. Muglièrema mm’ aveva atteso ncopp’ a ll’onore, e io mme so’ fatto giustizia… 32 PEPPE palpitante ’Onna Ndriana ?!... DON GIOVANNI solenne L’ aggio accisa. Peppe si leva di scatto. I carcerati scendono pian pianp da’ loro letti e s’ accostano, intenti. PEPPE Ndriana !... Accisa !... E… quanno ?... DON GIOVANNI Aieressera… E ched’ è?... Tanto te fa mpressione ?... PEPPE con un grido rauco Uh ! Dio ! Dio !... tremante, balbettante, barcollante ’On Giuvà !... Lo guarda, con terrore. DON GIOVANNI Siente… Assèttate… lo costringe a sedere sulla scranna ove siede anche lui Èveno se’ mise ca s’ ’a ntenneva cu nu mio signore… Mme l’ ha cunfessato essa stessa, all’ úrdemo mumento… Tu siente ?... PEPPE Sì… sento… Sfinito, appena può parlare. DON GIOVANNI con voce rotta E mo… ch’ è morta… siente… mme fa quase piatà… Fuie ingannata essa pure !... 33 sottovoce, a faccia a faccia Stu mio signore s’ era giàà miso cu n’ ata ! … E l’ antico nnammurato ’e chest’ ata femmena… ch’ è na certa Nunziata… m’ ha ditto tutto cosa…. PEPPE scattando Ah !... Scellerato !... DON GIOVANNI E pecché ? C’ ’o canusce ?... PEPPE No… Nun ’o canosco… nun saccio niente… Vorrebbe alzarsi : si fruga. Ricorda d’aver dato il coltello a don Giovanni e comprende. Fa ancora per levarsi: don Giovanni lo trattiene. L’attenzione dei carcerati cresce. DON GIOVANNI tenendogli afferrato il braccio destro Siente… E pecché te scuoste ?... PEPPE palpitante Io ?... nun me scosto… DON GIOVANNI E pecché… te si’ fatto mpont’ ’o scanno ?... PEPPE Io ?... No… DON GIOVANNI Fatte cchiù ccà… Lo trae pian piano a sé. Sto ccà… nun me movo… 34 DON GIOVANNI Siente… Mme ngannava… Ndriana… ’a n’ anno…. E… saie cu chi ?... PEPPE al colmo del terrore Cu… chi ?... DON GIOVANNI Mo nn’ ’o ssaie cchiù ?... terribile, a denti stretti St’ amico… nun ’o saie ?... Fa scorrere il coltello dalla manica nella mano. PEPPE con un fil di voce e tentando d’ alzarsi Chi ?... DON GIOVANNI feroce : ha cavato il coltello Chi ?.... Chi ?... Si’ tu ! Lo colpisce. Cadono. La scranna si rovescia. Lottano a terra. I carcerati si precipitano da’ letti. Ah !... traritore !... aiu… to !... Rantola. LUIGIELLO terrorizzato, impiedi sul suo letto Mamma mia !... Nun l’ accedite !... Nun l’accedite !... I carcerati fanno per avanzarsi. Don Giovanni si leva col coltello in mano, e li affronta. Peppe è rimasto steso a terra. Romore interno di gente che accorre. DON GIOVANNI Nisciuno se muvesse ! ’A causa è giusta. Indica Peppe col coltello. 35 St’ amico ca vedite ccà nterra m’ aveva offeso ncopp’ a l’onore ! Mm’ è custato se’ carrì… Entrano dalla porta che si apre in fretta, don Peppe e i secondini. Luigiello indica don Giovanni. Tanto valeva !... Getta il coltello. È afferrato e trascinato via. Rimangono dentro nel camerine due secondini che tengono in rispetto i carcerati. Gruppo silenzioso e terrorizzato intorno al cadavere. Rafele si china, lo tocca, si rialza, allibito. La voce di Sarcenella, come quando s’ è levata la tela, dal camerine lontano, più lenta e più triste: A San Francisco mo sona ’o risveglio, chi dorme e chi veglia, chi fa nfamità !... Durante il canto la tela comincia a scendere lentamente. Essa cade sul palcoscenico alle ultime parole della strofa. Il gruppo dei carcerati rimane in azione muta. 36 37
Scarica
