MARIO TURELLO
Il brevet
Furlans de Rinassince
tal avignî dal ciberspazi
ribis
PREMI S. SIMON 2001
MARIO TURELLO
Il brevet
Furlans de Rinassince
tal avignî dal ciberspazi
PREMI S. SIMON
2001
bandît da l’Aministrazion Comunâl di Codroip.
ribis 2002
0.
JENTRADE
La vore che soredut lu tignî dafarât, venastâi il famôs Teatro,
che tancj contemporanis a businarin di lui cence vêlu viodût, nol
è facil difinîlu midiant des sôs enigmatichis anticipazions o apologjis e des contraditoriis indiscrezions dai siei amîs: nol jere un
libri e nol jere un sempliç ordegn: al veve di jessi un complès di
repertoris o schedaris che a tignivin dentri une sorte di enciclopedie gjeneral, ordenade seont rapuarts astronomics o cabalistics o mistics o magjics. Lis singulis parts a vevin di jessi disponibilis su la parêt a cercli di un locâl in forme di anfiteatro,
e colegadis tra di lôr cun spiei o altris argagns mecanics. La machine e doveve fornî dibot a cui che le doprave dut ce che si
savès o si podès dî suntun cualsisei argoment (venastâi dut chel
che a ‘nt vessin dit i scritôrs di ducj i timps) esprimintsi a plasê
intune cualsisei lenghe des plui svilupadis, e seont il stîl o la fraseologjie di une ete o di un autôr a sielte, e con ducj i sussidis di
figuris, lûcs, agjetivazions, sinonimiis che al pues ufrî un perfet
nomencladôr: alc, par intindisi, che al anticipàs in cualchi mût
chei “çurviei eletronics” che ogni tant si ocupe di lôr la stampe periodiche di vuê.
(Giuseppe Marchetti, Il Friuli. Uomini e tempi, 1974, p. 250)
Al è just che o tachi tal non di pre Bepo Marchet: e fo la
straordenarie intuizion dal nestri studiôs a metimi su lis olmis
di Giulio Camillo e dal so Teatro de memorie. E je stade, la
2
mê, une maraveose aventure inteletuâl, in teritoris scancelâts
des mapis culturâls, ae riscuviarte di personaçs eclissâts de
damnatio memoriae cuintririformistiche e inluministiche, e
soredut dal “divin” Camillo, il furlan che in plene Rinassince
al fasè fevelâ di sè dutis lis corts e lis academiis d’Europe.
Intal gno libri Anima artificiale. Il Teatro magico di Giulio
Camillo (1993) ae rassegne dai studis che di diviarsis perspetivis dissiplinârs a àn mitude in lûs la impuartance de figure di
Camillo o zontai lis considerazions che mi menarin a identificâ tal Teatro de memorie un computer ante litteram, un imprest ipertestuâl e multimediâl, une machine noetiche e poetiche, e a clamâ Camillo “protoinformatic”.
Io o ai lavorât sul Teatro tai agns che il calcoladôr al deventave l’elaboradôr universâl che o cognossìn, che a vevin
svilup esponenziâl lis rêts telematichis, che la “infosfere” e leve inglemuçant il planet, ma co Marchet al scrupulâ la nature
dal Teatro de memorie, pôcs a imagjinavin lis potenzialitâts
dal computer, e la informatiche umanistiche e jere apene sul
cricâ: cui cognossevial indalore il Memex di Vannevar Bush,
cui savevial dal lavôr di pionîr dal gjesuit Roberto Busa? Il
progjet Xanadu di Ted Nelson al monte ai agns ‘60, ma Il
Friuli.Uomini e tempi al è dal ‘59…
Si che duncje, onôr a Marchet.
E cumò, lis intenzions di chest gnûf, piçul saç. O ai sustignût plui voltis che il studi de mnemotecniche e dal enciclopedisim si salde, a traviars di Camillo, cun chei de logjiche
combinatorie e de informatiche, e che il Teatro de memorie al
pues deventâ un model pe organizazion de enciclopedie totâl
che il web al sta imbastint: gjerarchie e/o spazializazion de
informazion a son, a gno parê, i recuisîts che a garantiran une
navigazion pardabon libare intal mâr de cognossince e un
esercizi creatîf, “poetic”, dai media telematics.
O vuei culì riproponi cheste convinzion, cuntune svelte ri3
visitazion dal Teatro di Camillo e slargjant lis mês considerazions ad altris figuris di furlans, colaboradôrs, arlêfs o epigonos di Camillo - Alessandro Citolini, Fabio Paolini, Bernardino Partenio, Erasmo di Valvason, Marcantonio Luigini, Francesco Robortello - par gjavânt altris esemplis (ancje se mancul sugjestîfs dal Teatro de memorie) di organizazion enciclopediche e insisti che bisugne tornâ a di une architeture, o a di
une urbanistiche, virtuâl, dal savê.
Inte part espositive mi tignarai dome a ce che al rivuarde il
teme; lis notis biografichis su Camillo, Citolini e Paolini a son
intindudis a une minime contestualizazion. Par chei altris si
pues viodi li pagjinis ancjemò une vore utilis di Marchet.
O fasarai putropis citazions; o ripuartarai inte sô forme
origjinal cualchidune des plui antighis, che te traduzion a piardaressin colôr e savôr.
4
1.
GIULIO CAMILLO DELMINIO E
IL TEATRO DE MEMORIE
1.1. Giulio Camillo
Giulio Camillo Delminio al nassè a Puart Gruâr tal 1480.
Il Castelvetro nus fâs savê che al vignì batiât cul non di Bernardino; chel che al puartà e che cun lui al fo cognossût al
sarès duncje, seont la mode dal timp, un non pustiç classichegjant; ae latine ancje il “Delminio” che, stant al Patrizi,
Camillo al rigjavà dal non de citât dalmate (ma cuale?) di divignince de sô famèe paterne.
Di condizion modeste, al studie prime a Vignesie, là che al
cognòs Girolamo Muzio, il compagn di une vite, e po a Padue,
cence però, che nus risulti, rivâ a laureâsi; culà vie al frecuente la yeshiva, ossei la scuele ebraiche. Di gnûf a Vignesie, al
jentre tal circul dai Asolani, e al strenç rapuarts di amicizie
cun Pietro Bembo, Pietro Aretino, Tiziano Vecellio; in cjase di
Aldo Manuzio al si cjate in strete familiaritât cun Erasmo da
Rotterdam, che al scrîf di ve dividût cun lui il jet. Al è a Rome tal 1509, cuant che ancjemò Erasmo al ricuarde lis sôs mostris di grande braure oratorie, e di gnûf tal 1519, e forsit in
chel an al incuintre il gardenâl Egidio da Viterbo, un dai plui
grancj cultôrs de cabale cristiane. Dute la vore di Camillo e je
nudride di cabale e di filosofie ermetiche: come che al scrîf
Liruti, «[Camillo] si pose allo studio della lingua ebraica, e
delle altre lingue orientali difficilissime, nelle quali riescì fe5
licemente, e da tale, che in molt’incontri dimostrò molta
scienza, mediante queste lingue, de’ Libri Sacri: ed in oltre si
era internato nelle cose astrusissime della Cabala Ebraica, e
delle misteriose loro tradizioni, ed era informato de’ dogmi
misteriosi degli Egiziani, de’ Pitagorici, e de’ Platonici».
Par cuasi vincj agns Camillo al lavore in Friûl: dopo di vê
insegnât logjiche a San Vît, tal 1509 al è a Pordenon, jenfri i
membris de Academie Liviane che si racuei intôr dal famôs
condotîr Bartolomeo d’Alviano; tal 1515 al è mestri di umanitât a Udin, e al à par arlêfs Cornelio Frangipane e Cornelio
Musso, che a deventaran e a restaran par simpri siei amions;
tal 1572 al è precetôr public a Pordenon, ma a ‘ndi dêf
scjampâ, par vie che Pantasilea Baglioni, vedue dal Alviano,
lu à in asse.
In chescj agns Camillo al ven progjetant une enciclopedie
des sienzis, passant di un dizionari alfabetic a un analogjic,
pindulant jenfri un model astrologjic (macrocosmic) e un model anatomic (microcosmic), ducjdoi za utilizâts de art de memorie classiche, fin che al si decît par un teatro di len: la realizazion materiâl di un fabricât mnemotecnic.
Tai agns ‘20 Camillo al è dispès a Bologne, come professôr di retoriche; tal 1530, invidât di Veronica Gambara cun
Pietro Bembo, Achille Bocchi, Francesco Berni, Claudio Tolomei, Marcantonio Flaminio, al assist ae incoronazion di
Carli V. Ta chel an istès al si puarte in France, ae cort dal re
Francesc I, e i propon il progjet dal Teatro, otignint dal sovran,
cunvint de operativitât dal mecanisim, un stanziament par realizâjal in esclusive. Tal ‘32, di Vignesie, Viglio Zwichem al
comuniche a Erasmo di jessi jentrât intal Teatro, e lu descrîf.
E je la uniche, ma sigurissime prove testimoniâl de esistence
reâl dal Teatro che, par vie che no ‘nd è restade usme, si suspietà che nol fos mai stât fat.
Dal 1530 indenant, al è dut un lâ e vignî jenfri France e
Friûl - cuant che al torne a Udin lu ricevin simpri cun afiet di
6
fradis Cornelio Frangipani e Antonio Belloni -; lu compagne
Girolamo Muzio; i stan daprûf come assistents Alessandro Citolini e so zinar Girolamo Muzio, che Camillo si fide pôc di
lôr, par vie che ju suspiete, e no a tuart, di volê robâi il Teatro.
In France, come in Italie, Camillo al cjate consens e resistencis. Preseât intal ambient protestant, e specialmentri dal
Sturm che lu clame «vir recondita eruditione, mirabili pietate», di altris, scomençant dal Dolet, al ven calcolât un gabolòn; di chestis maldicencis al si difint tal 1534 cu la Pro suo
de eloquentia Theatro ad Gallos oratio. Dut câs la sô innomine e devente grandonone: intal dialic Il Raverta Betussi al
conte un episodi che Camillo al varès manifestât podès
magjics, e fin a Jean-Jacques Rousseau e dure la vôs che Camillo al veve creât un homunculus. Paraltri no mancjin testemoneancis di certis sôs pratichis alchemichis e terapeutichis
(ladis strucjis).
Par cualchi mutîf Camillo nol rive a mantignî l’impegn cul
re di France; o savìn di dificoltâts economichis (si ‘nt lamente cul Aretino) e de impussibilitât di pajâ i disegns che Tiziano i à fat pal Teatro. Al è daspò Alfonso d’Avalos, marchês dal
Vasto, guviarnadôr di Milan, a domandâi, tal 1543, di vê il
Teatro par sé («o vêr, o no vêr, jo o vuei vêlu!»), e pe sô insistence Camillo al dete al inseparabil Muzio L’idea del Theatro ma pôc dopo, tal 1544, al mûr. Si cognossin tre contis diferentis de sô muart: une infamante (muart in pereson), une
degne dal Decameron (muart par ecès sessuâi) e chê probabilmentri vere di un colp apopletic. Ancje chest le dîs lungje su
la ambiguitât de sô figure, che tai ultins agns si slungjn su di
je ancje i suspiets dai catolics par vie dai siei leamps cul ambient riformât e massime cui calviniscj.
I scrits di Camillo a forin publicâts dopo de sô muart, e
nancje ducj: inte clime de Cuintririforme i editôrs a lassàrin fûr
lis masse intrigosis oparis a caratar religjôs. Pe bibliografie si
pues viodi la vôs di Giorgio Stabile tal Dizionario biografico
7
degli italiani e il gno Anima artificiale
Chestis notis, tant curtis, a dan apene une idee de ativitât e
des frecuentazions di Camillo; nol esagjerave Bindo Chiurlo
co inte Enciclopedie Treccani al segnalave Camillo come omp
dai plui famôs dal so timp; i studis di Frances Yates, Paolo
Rossi, Cesare Vasoli, François Secret, Lina Bolzoni e Corrado
Bologna a rindin justizie ae sô figure, sfantade inte gjenerâl rimozion di une interie culture: chê dal esoterisim rinassimentâl, che tal Teatro di Camillo e à vût estreme sintesi monumentâl.
1.2. Il Teatro de memorie
Opus est ligneum multis imaginibus insignitum, multisque
undique capsulis refertum: tum varii in eo ordines et gradus.
Singulis autem figuris et ornamentis sua loca dedit, tantamque mihi chartarum molem ostendit ut, etsi semper audierim
Ciceronem uberrimum eloquentiae fontem esse, vix tamen induci ante potuissem ut crederem unum auctorem tam late patere, totque ex eo volumina consarcinari potuisse… Hoc autem theatrum suum auctor multis appellat nominibus, aliquando mentem et animum fabrefactum, aliquando fenestratum fingit cum omnia quae mens humana concipit, quaeque
corporeis oculis videre non possumus, posse tamen diligenti
consideratione complexa signis deinde quibusdam corporeis
sic exprimi, ut unusquisque oculis statim percipiat quicquid
alioqui in profundo mentis humanae demersum est. Et ab hac
corporea etiam inspectione thearum appellat.
La vore e je di len, segnade con putropis imagjinis e plene,
di ogni bande, di cassetins, e a son diviars ordins e grâts. Al
à dât il so puest a ogni figure e a ogni ornament, e mi à fat
viodi tantis di chês cjartis che, cundut che jo o vedi simpri
8
sintût che Ciceron al è la plui bondante risultive de eloquence, dificilmentri o varès pensât che un sôl autôr al podès contignî cussì tante robe o che dai siei scrits si podès meti adun
tancj volums… L’autôr al clame chest so teatro cun putrops
nons, e mo lu clame une ment e une anime artificiâl, mo une
anime cun balcons, par vie che dutis lis robis che la ment dal
omp e pues concepî e che no si pues viodilis cul voli dal cuarp,
purpûr, dopo vêlis mitudis adun cun diligjente considerazion,
si pues esprimilis par mieç di cierts simbui corporâi di mût
che cui che al cjale al pues, di prin trat, capî chel che se no al
reste scuindût intal fons de ment da l’omp. E par vie di cheste
percezion corporâl lu clame teatro.
Duncje, «il famôs Teatro, che tancj a ‘nt businarin cence
vêlu viodût», come che al dîs Marchet, al esistè pardabon, e
almancul un a ‘nd à cjacarât vintlu viodût benon: a contânus
di jessi stât fat jentrâ tal Teatro, di Camillo istès, a Vignesie,
tal 1532, al è Viglio Zwichem, un testemoni che bisugne fidâsi di lui, par vie che al jere di part contrarie. Il grant Erasmo
da Rotterdam (che cun Camillo al jere stât in intimitât al pont
che in cjase di Aldo Manuzio a dividevin il stes jet) al crodeve che il so amî di une volte al fos l’autôr de Oratio in Ciceronianum (che impen la veve scrite Giulio Cesare Scaligero)
cuintri il so Ciceronianus (dulà che par altri al veve fatis grandis laudis de oratorie dal Nestri) e lu faseve tignî di voli dal
Zwichem, che dôs voltis i scrivè par informâlu di ce che al veve sintût e viodût. O savìn cussì dal sigûr che il Teatro al jere
un fabricât di len, là che a podevin jentrà almancul dôs personis; di ce forme che al fos, o viodarìn plui indenant. Ma al lè
piardût, cun dutis lis cjartis e lis imagjinis che a jerin dentri,
e si finì par dubitâ che al fos mai esistût materialmentri. Vuê
si amet che al vignì costruît, se no dal dut, in gran part.
Ma ce jerial di precîs il Teatro de memorie? Al jere la realizazion concrete di un di chei ambients ideâi che la mnemo9
tecniche classiche ur racomandave ai oradôrs di imagjinâsi
par podê logâ, distintementri e in ordin clâr tai diviars lûcs, lis
parts dai discôrs, di mût che si podès ricuperâlis facilmentri
tornant a fâ a mens il zîr prontât. Un altri jutori pe anamnesi a
jerin lis imagjinis, il plui pussibil impressionantis (par cjarie
analogjiche, o emotive, o metaforiche), che a segnavin un par
un i lûcs.
De lungje vite e de evoluzion de art de memorie o vevin
praticamentri… piardude la memorie fin a un cuarante agns
indaûr; al è mert grandonon di Paolo Rossi (il so Clavis universalis. Arti mnemoniche e logica combinatoria da Lullo a
Leibniz al è dal 1960) e di Frances Yates (The Art of Memory,
1966) di vê puartât in lûs chest filon, un dai plui interessants
te storie des ideis (la memorie, cuinte des cinc parts de retoriche, cul passâ dai secui si cjamà di funzions e di valencis filosofichis, teologjichis, pansofichis) e specialmentri, par nestri cont, di vê ricognossût in Giulio Camillo la figure centrâl
de mnemotecniche rinassimentâl nudride di neoplatonisim,
ermetisim, lulisim, cabale, alchimie, astrologjie, ducj elements presints tal so Teatro, al pont che si pues dânt une leture esoteriche, magjiche-mistiche, che però culì o podìn apene
apene tocjâle (un filon storic-culturâl, chest, riproponût ae
atenzion dai studiôs de scuele di Warburg; al fo Gombrich, diretôr dal Warburg Institute, che al metè in man ae Yates L’idea
del Theatro. In chescj ultims agns la ricercje su la art de memorie e ven puartade indenant pe Rinassince di Lina Bolzoni
- la plui inteligjente interprete dal Teatro - e di Mary Carruthers pe Ete di Mieç).
A proposit de struture dal Teatro, pal plui si acete la ipotesi
de Yates di un implant teatrâl di tipo vitruvian, cuntun ribaltament spaziâl: la sene ocupade dal spetadôr, che devant di sé al
viôt siet scjalinadis dividudis in siet dispartiments, par un totâl di
cuarantenûf lûcs (ma probabilmentri a jerin siet voltis siet voltis
siet, venastâi tresintecuarantetrê; al sarès biel fermâsi su cheste
10
mistiche numerologjiche) ognun segnât cun imagjinis. I siet
grâts a puartin simbui mitologjics, e si incrosin cun lis sezions
marcadis cui segnos dai siet planets (ma, seont la ecuivalence
sincretistiche di astrologjie, angelologjie e cabale, ancje di siet
agnui e di siet sefirot); tal sisteme dai lûcs e jere distribuide la
cognossince di mût che la struture gnoseologjiche de enciclopedie e jere parele de struture cosmologjiche di un univiers concludût, gjerarchic, ordenât dal sempliç al complès, de unitât ae
molteplicitât. Il Teatro insumis al jere fat a imagjine di un mont
pensât seont la concezion emanazionistiche di Plotino, une sorte di gran talisman (mi pâr di scuarzi sul sfont Marsilio Ficino)
che, come che o disarai, mior i convèn la forme circolâr (e no par
nuie Zwichem al fevele di “anfiteatro”) di chê semicircolâr dal
implant vitruvian.
Tal ultin, la mape dal Teatro di Giorgio Stabile, che al à
scrit la vôs dedicade a Camillo intal Dizionario Biografico degli Italiani, e à valôr topologjic indipendentementri de precise determinazion morfologjiche:
L’intîr sisteme di Camillo al si poe, cabalisticamentri, sui
siet pilastris de Cjase de Sapience di Salomon, siet “misuris”
ideâls distinadis a ripetisi intal mont sorecelest des Sefirot,
dai siet agnui e des ideis platonichis (mitudis idealmentri di
Camillo da pît dai scjalins), intal mont celest dai siet planets
(mitûts tal prin ordin dai scjalìns, ognidun in corispuindence
di une corsie) e intal mont teren-elementâr, che si davualzeve
dal secont al setim scjalìn. Chescj scjalins, in ordin cressint, a
jerin contrassegnâts ognidun cuntun simbul. Il secont al veve
il simbul dal Convît che, come che al ricuarde Omêr, l’Oceano al preparâ pai dius e che par Camillo al sta a significâ la
union des aghis primigjeniis cu lis ideis dal archetipo divin.
Di cheste union e diven la nàssite dai elements sempliçs (che
e corispuint al prin dì de creazion). Intal tierç o cjatìn l’omeric Landri des ninfis, che cu la lôr industriose ativitât a son
simbul de misture dai elements e de nassite dai elementata
11
(achì Camillo al dopre il coment cabalistic ae Gjenesi). Intal
cuart o vin lis Gorgonis di Esiodo, cuntun sôl voli in tre di lôr.
La imagjine e sta pe creazion dal “omp interiôr” (che al à,
seont la dutrine cabalistiche, tre animis), venastâi de ment divignude inmediatamentri di Diu. Intal cuint, il simbul di Pasife e il Taur al riclame la union de anime e dal cuarp, venastâi
la creazion dal “omp esteriôr”. Intal sest i Talârs di Mercurio
a son simbul di “dutis lis operazions che al pues fâ
l’omp…naturalmentri e fûr di ogni art”. Tal setim, il simbul di
Prometeo si riferìs a lis operazions dal omp oltri la nature,
come lis siencis, lis arts, la religjon e la leç. Camillo, in chest mût, al intint di rapresentâ dulinsù il procedi e l’espandisi
de creazion dal univiers in sucession, des eternis ideis primigjeniis al gambievul displeâsi des ativitâts umanis. La meditade disposizion de simbologjie astrâl (che si distindeve in
verticâl dilunc lis corsiis) e de simbologjie mitologjiche (che
si distribuive orizontalmentri su lis scjalinadis) e permeteve
a Camillo l’incrosâsi sugjestîf di un istès teme astrologjic,
produsint simpri gnovis variazions e corispondencis di significâts.
La descrizion dal Teatro che nus reste e je, magari cussì no,
incomplete: L’idea del Theatro (publicade, come dutis lis sôs
oparis, postume), detade di Camillo, pôc prin di murî, a Girolamo Muzio in siet (!) dîs, e je la fonde des ricostruzions sei
de Yates sei di Stabile; a son agns zaromai che si spiete che
Corrado Bologna al nus dei la edizion critiche di un Theatro
della Sapientia che al à cjatât a Manchester: une version precedente e plui complesse de L’idea del Theatro, e po stâi che
si ‘nd impari alc di gnûf ancje su la struture materiâl dal Teatro. Al è paraltri sigûr che Camillo al dè ae sô topiche une vere e proprie topografie, creant un spazi organizât e marcantint
i lûcs cun imagjinis (che i piturà Tiziano: 201 acuerei dal gran
pitôr a jerin custodîts cuntune copie de L’idea del Theatro inte biblioteche dal Escurial, ma a lerin brusâts intal gran fuc dal
12
1671) di mût che la struturazion de sô enciclopedie e jere visivamentri evidente.
Jo o soi de idee che il Teatro al fos cetant plui di un archivi: e je fuarte in Camillo la influence di Lullo, soredut la idee
di combinatorie. Si sa ben che Ramòn Lull al veve inventadis
autentichis machinis pe produzion di proposizions teologjichis (al sperave che a fossin un jutori pal dialic tra lis religjons): lis famosis ruedis concentrichis che a permetevin di
produsi dutis lis cumbinazions pussibilis dai atribûts divins.
Ancje i cabaliscj a dopravin ruedis pes proceduris di cumbinazion e permutazion, e Camillo lis rigjavà di Pico della Mirandola, cabalist cristian, come che si viôt intune sô letare anagramatiche dedicade a une tâl siore Lucrezie. (E reste
ancjemò di studiâ la adozion di mecanisims zirevui inte ars
memorativa e inte retoriche in gjenerâl; o vuei ricuardà almancul la osservazion une vore significative di Mary Carruthers che la espression inglese “by rote” e je ecuivalente ae
nestre “a mens”). No ripetarai culì lis considerazions che o ai
za esponudis in Anima artificiale su lis pratichis cabalistichis
di Camillo, o su la “artificiosa rota” (ruede dal artifici) che al
trate intes sôs oparis; o zonti nome che te mê ricostruzion il
Teatro al à forme taronde, di mût che in plante al risulte un argagn combinadôr dal dut someant a lis ruedis lulianis e, par
vie de presince des imagjinis, al precêt (cuintri dal parè di
Frances Yates) Giordano Bruno inte dinamizazion de memorie “oculte”. In sumis, intal Teatro di Camillo jo o viôt un imprest ipertestuâl (e ipermediâl) gjeneratîf, une machine noetiche e poetiche. Cun Daniele Cortolezzis, che al è un informatic, o ai sustignût che il Teatro al sodisfe i siet (!) recuisîts che
Frank Halasz, teoric de informazion, al individue come indispensabii pe realizazion di ipertescj/ipermedia otimâi. Ancje
in chest câs o rimandi al gno Anima artificiale; culì o torni a
dî che intal Teatro l’acès ae informazion al jere inmediât par
vie de sô organizazion gjerarchiche e des “etichetis” iconichis:
13
intal edifici mnemotecnic l’esercizi de memorie al devente
une esperience psicomotorie dentri di un spazi semantizât.
In cont ai aspièts ermetics, mistics, magjics-operatîfs dal
Teatro che, za lu ai dit, jessint une imagjine dal mont al realizave l’insium di Ficino di un potentissin talisman cosmic, o
‘nd esaminarìn cualchidun plui indenant, fevelant des Hebdomades di Fabio Paolini.
14
2.
ALESSANDRO CITOLINI
E LA TIPOCOSMIA
2.1. Alessandro Citolini
Pe sô amicizie cun Giulio Camillo, daprûf dal cuâl al vivè
e al lavorà un pieç, ancje jo, come za Liruti, o inscrivarai Alessandro Citolini framieç dai leterâts furlans, cundut che al sei
nassût, tôr il 1500, a Serravalle, vuê Vittorio Veneto.
Di famee benestante, al podè permetisi bogns studiis; facil
che al vedi vût par mestri Marcantonio Amalteo di Pordenon.
Deventât dissepul di Camillo, i le daûr pal Friûl e intai siei frecuentissins viaçs; ancje in France, come che si lei inte sô Lettera in difesa della lingua volgare dal 1540.
Citolini al scombatè in pro dal volgâr par vie che al jere
plui adat dal latin a esprimi ogjets, situazions, concets dal presint, che par latin si podeve descriviju nome cun sfuarçaduris
di ridi - lenghe muarte il latin, fevele vive e vivarose la taliane, simpri plui ricje e espressive - e tal stes timp al cuntindè la
pratindude egjemonie lenghistiche toscane in non de “biele libertât”, in prose come in puisie.
Inte letare ricuardade a trasparissin opinions religjosis eterodossis: de sô profession nicodemitiche di dutrinis riformadis, che tal 1565 lu varès puartât al esili, nus restin diviarsis
testemoneancis, come chê dal miedi e leterât Orazio Brunetti
di Purcie, che al jere in contat epistolâr cul Vergerio e al vivè
par cualchi timp ae cort di Renata di France.
15
Tal 1541 e vignì stampade a Vignesie la prime edizion dai
Luoghi, un librut di pocjis pagjinis che a spieghin «i luoghi e
gli apparecchi», ossei la topiche di un so sisteme mnemotecnic, a imitazion di chel di Giulio Camillo, che al jere ancjemò
vîf.
Citolini al si proponeve di rimediâ ae labilitât de memorie, intindude come fonde de sapience, cul difinî lûcs che a
fossin «bastanti e propri ricetti di tutte le cose corporeee e incorporee, visibili e invisibili, e finalmente di tutto quello che
si può esprimere con lingua humana», rangjâts in ordin razionâl (logjic, o miei fisic-naturâl) di mût che podessin jessi
recuperâts inmediatamentri.
Lûc par antonomasie, unic e onicomprensîf, il mont istès,
scomponût intes sôs parts: come intal Teatro de memorie, la organizazion teoriche di ogni pussibil ogjet di cognossince e di
memorie e vignive a corispuindi a la organizazion fisiche de
realtât: impostazion in plen camiliane.
I luoghi al precêt e al fâs di introduzion a la vore plui impuartante di Citolini, La tipocosmia, stampade tal 1561, che
sore di jê mi fermarai plui innà. Bernardino Partenio, intal
tratât De poetica imitatione, al met in bocje dal Trissino une
severe denuncie cuintri chei dissepui di Camillo che i varessin
robât o plagjât i scrits, e Fontanini, Liruti e Zeno a fasin propite il non di Citolini. In efiet, come che o viodarìn, lis analogjiis cul Teatro a son fuartis ma, come che al precise Massimo Firpo (intal Dizionario Biografico degli Italiani) la ricercje di Citolini «si môf intune perspetive in part autonome,
specie in relazion a chei interès simbolics, ermetics, cabalistics che a costituissin un element essenziâl de vore di Giulio
Camillo».
Ancje inte Tipocosmia si fas sintî la eterodossìe dal autôr,
«profondamentri critic viars lis istituzions e lis ideis catolichis, esponudis a ducj i efiets ironics e fiscants di un confront
cul model di une glesie primitive ideâl». Cuatri agns dopo,
16
Citolini al lassà definitivamentri la Italie par scjampâ al tribunâl de Incuisizion che lu veve condanât sicu «haereticum
contumacem et fugitivum et impenitentem».
Citolini al cjatà rifugjo prime in Svuizare e po a Strasburg,
in cjase dal Sturm, che lu veve cognossût probabilmentri in
France tai agns ‘30 e lu indreçà in Inghiltere cun trê letaris di
racomandazion: dôs par doi siei amîs inglês di alte sfere, une
pe regjine Lisabete, preantju che lu ricevessin gjenerosamentri e disint maraveis de Tipocosmia, che cun jê a varessin
podût «in arcem sapientiae certa via et ratione conscendere».
In Inghiltere Citolini al jentrà in servizi de regjine che lu
mandà a Augusta, dulà che par un mês al osservà i lavors de
Diete in vieste di rapresentant dal guviâr inglês. Tal 1568 al si
cjatà di gnûf in dificoltât e al tornà a suplicâ Lisabete par un
sostegn economic, forsit ancje par podê completâ la Tipocosmia o parfin par costruî «une sorte di machine o di edifici che
a ‘nt realizàs materialmentri il model» (Firpo), ma la regjine
no i de il credit che il re di France i veve dât a Camillo, e Citolini tal 1573 si ‘nt lamentà amaramentri intune letare ae sovrane là che cun ironie al fasè l’aventari di ce che i restave:
«un gran sfuarzîr plen di cjaldis promessis, un gran casson
plen di buinis sperancis, une grande borse plene di nuie».
Cundute la protezion di lord Cecil, dal vescul Parker e dal
cont di Bedford, al somee che intai ultins agns Citolini al si uadagnàs di ce vivi insegnant il talian ai aristocratics, e cun sucès
se tal 1574 l’ambassadôr inglês in Scozie lu proponè come precetôr dal zovin re Jacum VI Stuart. Chel an istès Citolini al dedicave une sô Grammatica de la lingua italiana manoscrite
(forsi che istesse che nol jere rivât a fâ stampâ in Italie par problemis tipografics, dulà che al faseve des propuestis ortofonetichis e ortografichis par facilitâ la scriture dal volgâr) al gran
dignitari Hatton, di sigûr cu la sperance di jentrâ al so servizi.
Buine part di chê gramatiche e vignì publicade, cence menzonâ
l’autôr, intai Firste Fruite di John Florio, che par altri intal so
17
vocabolari (ingles-italian) A Worlde of Wordes al laudà la Tipocosmia come straordenari repertori lessicâl (e chest al è
ancje vuê il so prin mutîf di interès pai lenghiscj).
Citolini al murì tal 1580 circje: l’ultin so ricuart si lu lei inte Cena delle ceneri di Giordano Bruno, che al conte di «un
puar sar Alessandro Citolini» che la intae di Londre i veve
«rot e sfracassât un braç».
2.2. La Tipocosmia
Come il Teatro di Camillo, ancje la Tipocosmia di Citolini
e vûl jessi un sisteme di memorie e un repertori enciclopedic;
come il Teatro, e presente une division setenarie che e rimande ai siet dîs de creazion. Paolo Cherchi le clame «un hexaemeron di implant ramist», e dal vêr la esposizion dal sisteme
citolinian - la Tipocosmia e je in forme di dialic - si davuelç
intal arc di sîs zornadis, ma po si complete cu lis rivelazions
dal setim dì. In cont dal ramisim, la struturazion de vore seont
un scheme ad arbul, cun sîs bivorts primaris e cetancj altris secondaris, al rissint di sigûr dai gnûfs orientaments de logjiche
e de dialetiche introdusûts di Rodolfo Agricola e imponûts de
riforme di Pietro Ramo, ma Citolini al à miei riferîsi pitost ae
antighe tradizion, e al innomene Mercurio Trismegisto, Platone, Aristotele, Porfirio… e nô o podaressin zontà Lullo: e somee une contradizion, ma si pues risolvile relativizant la novitât dai schemis ramiscj, corezint in part la tesi di Ong che la
spazializazion, la disposizion par mieç di grafics, tabelis, arbui no sarès altri che - o semplifichi malamentri, par fale curte - il riflès mentâl de rivoluzion gutemberghiane. Dal rest
ancje Ong al ricuarde che Ramo al progjetà di organizâ il savê
seont la “leç di Solone”, il regolament edilizi pe antighe Atene che al fissave la distance tra cjasis, murais e altris struturis:
mi sune une vore sugjestive la metafore urbanistiche, ancje se
18
Ramo a ‘nt rigjave nome il riclam ae distinzion, ae separazion
dai lûcs mentai.
(O sustignarai tal ultin la necessitât di imponi ordin a la enciclopedie telematiche, magari fasint su un Teatro de memorie
virtuâl, e mi ven a puntin une citazion di Ong in proposit di un
altri link tra ramisim e informatiche: «L’ûs di diagrams schematics e dicotomics… cundute la lôr semplicistiche ineficacitât, nol jere alc di totalmentri assurt, ancje se al presentave
limits plui grancj di chei che i ramiscj a ametevin. Il scheme
ramist al varès vût da ultin un ricognossiment: cu la sô organizazion binarie, come ducj chei che a doprin il computer a
capissin inmediatamentri, il scheme di Ramo in realtât nol è
altri che un flow chart di un computer. Ma al è une vore improbabil che si rivi a concludi cun sucès des operazions di
computer cence vênt un. Ni Zwinger ni Ramo a ‘nt vevin un,
ma di sigûr ducj doi a saressin stâts contents di vêlu»).
La divaricazion jenfri la mnemotecniche rinassimental nudride di filosofie oculte, di magjie, di astrologjie, e il razionalisim dal metodo ramist e je indubitabilmentri fuarte, ma, come che ben e viôt Frances Yates, ancje daûr de façade dal ordin dialetic di Ramo al è pussibil scuviarzi profondis venis mistichis: la dialetiche natural e je par lui il riflès inte ment umane de eterne lûs divine, e propite par chest il so metodo al permet ae ment da l’omp di montâ e di dismontâ dai “speciâi” ai
“gjenerâi”. Ramo però al refude il trat plui carateristic de art
de memorie, venastâi lis imagjinis (e chest al spieghe il sucès
dal ramisim intal ambient riformât, decisamentri iconoclastic): rinfuarçât il principi d’ordin, si lasse piardi l’aspiet “artificiâl” de memorie, l’esercizi de imagjinazion.
Nuie imagjinis te Tipocosmia di Citolini, anzit, lu viodarìn,
la parodie ridicule dal Teatro camilian. Ma tal so test al si presente, e a diviars nivei, il model architetonic: «la Tipocosmia
- a dîs Lina Bolzoni - e je un libri fat sù come un palaç». Il svilup temporâl dal dialic al va indenant di pâr cuntun itinerari
19
spaziâl a traviars di sîs stanziis là che il paron di cjase, Collaltino di Collalto, al pant vie vie ce che al è dentri: «Cumò
viarzeit i vôi, che o scomençarai a viarzius dutis lis stanziis, e
a mostrâus minuziosamentri lis robis che contegnin». La Tipocosmia è je costruide come un palaç parcè che e je in figure dal mont, ancje chest imagjinât tanche un gran fabricât:
«Chestis pocjis a son lis stanziis principâls di chest gran palaç
che o clamìn mont, dulà che a van mitudis dutis lis cjossis. E
il lôr ordin, par che al sei miei preseât, lu ai ridot in cheste figure», si lei intai Luoghi, a introduzion dal scheme ad arbul
che al ten su ancje la Tipocosmia.
In sostance, la vore di Citolini si ridûs a un elenc di peraulis cence fin: un dizionari enciclopedic che, pal principi di
identitât jenfri peraulis e cjossis, nol fâs base su la sucession
alfabetiche ma su un ordenament categoriâl de realtât: «incominciai - al conte Citolini - a ridurre ogni mio studio sotto
l’ordine de l’alfabeto da ciascun seguitato, non sapendo per
allora, come altrimenti rimediarci… ma in poco spazio di tempo, m’accorsi, questo rimedio esser assai basso, e poco utile,
e men bastevole e pieno d’imperfezzione…». Citolini in sumis al fasè l’istès itinerari di Camillo: l’ordin alfabetic no ju
sodisfe, no dome par vie di considerazions di sistematiche
gnoseologjiche, ma ancje ai fins pratics: ducj doi a volevin
prontâ repertoris universai, e di utilitât universal, e duncje libars di costrizions lenghistichis: il sisteme des imagines agentes in Camillo, l’ordin logjic in Citolini a garantivin la pussibilitât di cjatâ lis peraulis o i argoments par mieç di indicazions ostensivis.
E je, chê di Citolini, une lessicografie par ledrôs o, come
che al dîs Nencioni, «une lessicografie ribaltade: onomasiologjiche pitost che semasiologjiche, omonimiche pitost che sinonimiche, estralenghistiche o transendente pitost che intralenghistiche o inmanente… plui semplicementri, une lessicografie che si oriente, a traviars des peraulis, de bande des cjos20
sis». Par conseguence, la Tipocosmia e je ancje une machine
pe traduzion: «Come za al sucedeve tal Teatro di Camillo, un
sisteme di memorie enciclopedic che al rangje lis peraulis
intôr des cjossis al pues deventâ ancje une grande machine pe
traduzion: intai siei lûcs, di fat, o cjatarìn, dongje de cjosse, lis
peraulis des diviarsis lenghis - latin e volgâr, in chest câs - che
i corispuindin. Inte stesse linee si logaran i speriments di dizionari plurilengâl di Comenio».
Al è impussibil fâ culì une inspezion dai centenârs di pagjinis de vore di Citolini; e sarès, come che al dîs il cont Collaltino, une «lungje navigazion» che nus stracarès nô come i siei
amîs; e alore saltìn subite al setim dì, al colp di sene finâl. Il
cont al mene la companie intune grande sale e i mostre «una
grandissima palla, ne la quale entrar vi si potea. E quivi entrati
videro dintorno il cielo, e nel mezzo la terra, e videro le cose
quivi ordinate in modo assai più grato a l’occhio del corpo,
che a quello dell’intelletto. E dopo molti discorsi e ragioni
udite da’l conte, tutti finalmente conclusero queste esser cose
più tosto da fanciulli, che da desiosi di sapere. Menolli poi il
conte ne lo studio suo, e aperto un libro di estrema grandezza,
incominciò a mostrar loro questo suo nuovo ed artificioso
mondo».
Citolini al somee che al si slontani dal progjet camilian,
«robe di canais» (nondum matura est?), par proponi tanche il
colm di un itinerari di cognossince un «gran libri», venastâi la
Tipocosmia stesse (che però, lu torni a dî, al è un libri in forme di palaç; la “bale” par altri mi pâr une conferme de forme
taronde dal Teatro).
Intal libri i compagns dal cont «videro l’incomprensibile
Dio ne la forma sua incomprensibile, videro le alte, e Intelligibili Idee, videro que nove cori d’Angeli, esemplari delle nove
sfere celesti, videro i quattro elementi superiori, che per non vi
parer Hebreo, Talmudista, Cabalista, non istaro a chiamar Seraf, Cherub, Tarsis, e Arièl, de i quali questi nostri inferiori so21
no simolacri. Ed altre cose la su videro, con tanta lor satisfazzione, e contento d’animo maggiore; quanto men pensavano,
tai cose potersi in cotal modo dimostrare. Dipoi scesi in questo
Mondo sensibile, videro prima il caos con tutta la sua confusione, dipoi videro il Mondo formato. Videro ad uno ad uno
tutti i cieli videro ad uno ad uno tutti gli elementi»: si olme la
component cabalistiche dal pinsîr di Citolini, e di chest pont di
viste la Tipocosmia si presente come espression de compresince de memorie oculte e dal gnûf metodo dialetic che al varà
ancjemò lungje vite tal enciclopedisim.
O vuei concludi cu lis osservazions di Frances Yates che
problematicamentri a reimpuestin la cuestion: «Isal pussibil
che Giulio Camillo cu la sô retoriche ocultiste, che includeve
cualchi gnûf e misteriôs tipo di fusion dai argoments logjics
cui lûcs di memorie, e che includeve ancje un interès pe retoriche di Ermogene, al sei stât il vêr iniziadôr di cualchidun dai
gnûfs moviments retorics e metodologjics dal diesimsest secul? Johannes Sturm, cussì impuartant par chescj gnûfs moviments, al puartà indenant la recupare di Ermogene; e Sturm di
sigûr al saveve di Giulio Camillo e dal so Teatro de memorie.
Sturm al fo il protetôr di Alessandro Citolini, che de sô Tipocosmia a disevin che le ves “robade” des cjartis dal Teatro di
Camillo. Se chest al è vêr, Citolini al “robà” nome une classificazion enciclopediche di sogjets e di temis - tâl e je di fat la
Tipocosmia - ma cence lis imagjinis, parcè che inte Tipocosmia non esistin imagjinis o descrizions di imagjinis. O volarès in sumis proponi - in forme di probleme o di sugjeriment
pai ricercjadôrs che a vignaran, che Camillo al podarès vê inviât, al so nivel transendentâl o ocult, un moviment di memorie retoriche-metodologjiche, che omps come Sturm e Ramo a continuarin, razionalizantlu e lassantint fûr lis imagjinis.
A part chestis indicazions no ancjemò vonde maduris, mi
pâr sigûr che il francês Ramo al ves savût dal Teatro di Camillo, tant famôs in France. Dât che al dovè indubitabilmentri
22
vênt cognossince, al è culì pussibil sugjerî che l’ordin dialetic
pe memorie proponût di Ramo, cu la sô dissese dai “generalia” ai “specialia”, al puedi vê vût dentri alc di une intenzionâl
reazion al metodo ocult dal Teatro, che al sisteme il savê sot
dai “generalia” dai planets, che di lôr e divèn dute la molteplicitât des cjossis “speciâls” intal mont».
23
3.
FABIO PAOLINI, ALTRIS FURLANS E
LA ACADEMIE DAI URANICS
3.1. Fabio Paolini
La uniche biografie di Fabio Paolini che o vin e je chê dal
Liruti, e o ‘nd aurirai ancje jo.
Fabio Paolini al nassè tal 1535 a Tresesin, là che si jere stabilide la sô famee origjinarie di Udin. Fi di Alessandro, professôr di letaris, dopo sei stât inscuelât di so pari, al vignì
mandât prin a Vignesie a perfezionâsi in latin e soredut in
grêc, sot la guide di Bernardino Partenio (gran stimadôr di Camillo) e po, in ubidience ae volontât paterne che «si applicasse alle scienze più gravi, ed in ispezie in quelle, l’esercizio
delle quali potesse oltre l’onore recare vantaggi, ed avanzamento delle facoltà domestiche», ae Universitât di Padue, dulà
che al studià filosofie e midisine, e cun cheste ancje l’arabic.
Al è une vore probabil che a Padue al vedi podût scoltà, jenfri
dai professôrs di elocuence, il zaromai innomenât Francesco
Robortello di Udin.
A Vignesie al invià la profession miedie, ma prest le lassà
e, abraçade la condizion clericâl, tal 1578 al domandà il plevanât di Tresesin, in gare con altris trê antagoniscj. Cuant che
al vignì nomenât un di chescj, al fasè ricors sei al tribunâl gleseastic di Vignesie sei ae justizie secolâr, e par dut risultât al
le a finî in pereson, come che al risulte de supliche in viers che
so pari Alessandro al indreçà dibant al nunzi Lorenzo Cam24
peggi. Finalmentri jessût par intercession dal senadôr Giustiniano Giustinian e tornât, cence par altri disvistî la tonie, ae sô
profession e ai studis leteraris, al vignì sielzût jenfri dai siet
mestris publics di elocuence de Republiche.
Al scrivè il coment al prin libri dal De oratore di Cicerone, e al publicà lis sôs notazions tirantsi aduès lis critichis rabiosis di Giulio Cesare Scaligero: e al dîs cetant che la contestazion principâl e rivuardàs il numar setenari, teme che Paolini al varès svilupât inte sô vore plui impuartante, lis Hebdomades.
O lassi al letôr di gjoldisi il davuelzisi de dispute intal Liruti, che nol mancje di fermâsi su curiositâts come la sielte dal
pseuudonim.
Tal 1589, cuant che al murì Bernardino Partenio, Paolini al
cjapà il so puest su lis catedris prestigjiosis de Biblioteche di
San Marc e dal Colegjo dai Nodârs. Za di doi agns al jere la
anime de Academie dai Uranics, là che fin al 1593 si racueierin filosofos, juriscj, storics, miedis, professôrs di retoriche e
aristocratics venezians. Come che o viodarìn, cheste academie
e jere la erede de Academie de Fame, siarade tal 1562: lis za
menzonadis Hebdomades a metin adun i siet (!) discors academics di Paolini, e seont il Walker nus oferissin la clâf de leture esoteriche dal Teatro di Camillo.
Paolini al vivè i siei ultins agns a Vignesie, slontanantsint
dome par cualchi visite ai familiârs in Friûl, o par lâ a Madone di Mont par vie di un avôt, e chest al avignì poc prime de
sô muart, tal 1605.
Tra lis sôs oparis o ricuardarai almancul Centum Fabulae
ex antiquis Scriptoribus acceptae, et Graecis, Latinisque Tetrastichis Senarijs explicatae; In Marci Tullij Ciceroni Librum
Primum Scholia; De Graecis Litteris cum Latinis conjungendis Oratio; In Libros Artis Medicinalis Galeni per Tabulas
Oeconomia; Tabulae Isagogicae in universam Medicinam ex
Arte Humani, idest Johanitij Arabi, lassant fûr tantis altris, e
25
un grum di componiments encomiastics e di ocasion.
O regjistri culì une impuartante segnalazion di Lina Bolzoni, che merte atente considerazion e di sei ulteriormentri
svilupade: «Nol è stât ancjemò rimarcât… il profont leamp
che al unìs la Academie dai Uranics cun San Francesc de Vigne, venastâì cui francescans de Osservance che lì a vevin sede. La orazion inaugurâl de Academie… Della Felicità e del
Sommo Bene e ven tignude di un innomenât predicjadôr de
Osservance, Faustino Tasso; dal istès ram dal ordin al fâs part
Isidoro Riotta, che pôc dopo la Academie a publiche la sô
Orazione della grandezza dell’uomo. E al sarà propite Paolini
a declamâ tal 1593 denant dal Senât la orazion in muart dal
gardenâl Grimani, esaltant tra l’altri il so mecenatisim in rivuart di San Francesc de Vigne».
E o ricuardi che te costruzion de glesie di San Francesc de
Vigne al ve une part significative Francesco Zorzi, autôr dal
De harmonia mundi, che si varès di verificâ la sô influence su
Giulio Camillo.
3.2. La Academie de Fame
Tal 1557 e ven fondade a Vignesie la Academie de Fame,
dal patrizi Federico Badoer cu la frae di poets e di leterâts che
si racueievin in cjase di Domenico Venier: Girolamo Molin,
Giorgio Gradenigo, Bernardo Tasso, Celio Magno, Sperone
Speroni, Luca Contile, Francesco Patrizi e altris. Dal cenacul
di amîs si passe a di une instituzion cun fuartis ambizions di
davuelzi, par mieç des lezions e de ativitât editoriâl, une impuartante funzion publiche; e al public e ven viarte la librarie
de Academie inaugurade l’an dopo. Cu la “Fame” a forin in
stret rapuart putrops dissepui di Camillo, scomençant di Citolini. Il progjet editoriâl de Academie, publicât inte Somma delle opere che in tutte le scienze et arti più nobili, et in varie lin26
gue ha da mandare in luce l’Accademia Venetiana, parte nove, et non più stampate, parte con fedelissime tradottioni, giuditiose correttioni, et utilissime annotationi riformate, al mostre un palês disegn enciclopedic.
L’organigrame de Academie e la Somma a son struturâts
inte stesse maniere, e la articolazion dal Consei des Siencis
e riflet la ripartizion des dissiplinis elencadis inte Somma.
L’Istrumento detât tal 1560 dal Badoer al nodâr cun valôr testamentari a fin di «lassâ ordin inte academie» al mostre un
scheme mnemotecnic-microcosmic: «Ho fondato essa accademia alla similitudine del corpo humano, il quale essendo
fatto alla similitudine di Dio, conseguentemente ho giudicato non poter ricevere essa perfetion maggiore. Per la testa
adunque io ho fatto l’Oratorio, dal quale dipendono i Sacramenti, et officii divini a tutti i Nobili et Eccellentissimi Dottori accademici. Per il petto il consiglio di tutte le scienze,
arti et facultà, et di tutte le provincie e stati del mondo. Per
il braccio destro il consiglio iconomico. Per il sinistro il consiglio politico. Per la coscia destra il contore. Per la sinistra
la cancellaria. Per la gamba destra la volta. Per la sinistra il
secreto. Per il piè destro la stamperia. Per il sinistro la libreria.
E perché tutte queste dieci parti hanno dependentia dalle
quattro prima nominate, cioè oratorio, consiglio delle scientie,
consiglio iconomico, et consiglio politico, nelle prime due,
cioè oratorio et consiglio delle scientie trattasi della vita contemplativa. Nel consiglio iconomico et politico la vita attiva,
et le altre sei parti la vita fattiva. Giusta et honesta cosa è, che
a questi quattro luoghi principali io deputi quattro conservatori perpetui…»
L’ Istrumento al definìs daspò la distribuzion des catedris o
stanziis: «Theologia, Legge canonica, Metafisica, Fisica, Medicina, Geometria, Aritmetica, Astrologia, Musica e Cosmografia per le contemplative, Milizia, Legge civile, Politica,
27
Iconomica, Etica, Logica, Retorica, Poetica, Storia e Grammatica per le attive».
Duncje, intal palaç Badoer, sede de Academie, lis “classis”
a corispuindin ad ancjetantis salis e i lûcs ai diviars brancs dal
savê - «voglio et ordino - al dete il Badoer - che siano tenuti
essi conservatori con ogni suo potere conservar tutti gl’infrascritti Magnifici et Eccellenti Academici, cadauno però secondo il grado suo, nelle sedie, luoghi et stantie a loro assignati» - e ogni stanzie e à di vê il so archivi: «In tutti i colegi
et stanze dell’Accademia, et cadauna di quelle de’ theologhi,
filosofi et altri siano conservate tutte le sue tapezzarie, et comodità nell’essere et stato suo, da questa alteratione in fuori,
che siano fatti gli armari da collocare tutti li ragionamenti, et
compositioni, dependenti da tutte le scientie, arti, et facultà,
come in loro disegni appare…».
Dal dut parele la propueste di sistemazion de biblioteche di
San Marc che i academics a fasin tal mês di lui dal 1560; tal
proferî ai procuradôrs la lôr collaborazion a prometin: «né
mancheremo medesimamente… di por quello studio nella dispositione di essi libri, che sarà necessario, acciò che visibilmente s’intendano le cose, che sono dall’intelletto solo comprese; e però dell’una parte saranno co’ brevi nel loro vero ordine collocate tutte le scienze et arti, e dell’altra le lingue, con
la qual distintione verranno per se stesse a scoprirsi e le cose
degne di lode, e quelle che per qualche difetto havranno di miglioramento bisogno». Inte biblioteche, in sumis, e varès cjatade evidence spaziâl e fisiche la classificazion logjiche dai libris.
O ai za ricuardât che il cuarp uman intun prin timp al jere
stât cjapât in considerazion di Camillo come pussibil sisteme
di memorie locâl; il palaç Badoer e la biblioteche Marciane a
vignirin pensadis come “fabrichis” enciclopedichis; tancj dai
libris in elenco inte Somma a varessin vût il test compagnât di
repertoris e di tabelis sinotichis, o a saressin stâts “tirâts in ar28
bui”: duncje la esigjence di un ordin si presente a di ogni nivel, seont schemis diviars ma ecuivalents.
La Academie de Fame e murì in curt: travuelzude dal faliment dal Badoer, e fo disfate d’autoritât dal Senât il 19 di avost dal 1561.
Al bastarà culì zontâ che la esperience de academie veneziane, une vore impuartante inte storie de bibliografie moderne, e somee adatâ l’insium camilian aes esigencis di une ete
che, deventadis lis tecnichis memorativis aromai inutilis daspò de invenzion de stampe, i problemis de classificazion a si
trasferivin al univiers dai libris.
3.3. Marcantonio Luigini e la Fabrica intellectualis
Tal 1560 e comparì - dedicade a Badoer - la Fabrica intellectualis dal udinês Marcantonio Luigini, che si sa par
sigûr che al ve cualchi contat cun Giulio Camillo. Si trate di
une oparute enciclopediche dividude in sîs parts, seont il model esameronic (chel istès sielt di Citolini pe Tipocosmia), ma
in Luigini la sugjestion bibliche e je intorteade cun chês de
cavalarie: ogni zornade il Luigini (par fente ae cort dal imperadôr Massimilian II) al si bat intun duel verbâl, vint par coparis intal prin l’istès Badoer, tal cuart (in teme di alchimie,
fisiognomiche, chiromanzie e art de memorie) Agostino Valier, socio ancje lui de Academie de Fame.
3.4. Bernardino Partenio
Simpri tal 1560 a forin publicâts i Dialoghi della imitatione poetica di Bernardino Partenio, mestri di chel Fabio Paolini che cun lui o siararìn la nestre galarie camiliane. Nassut intal 1498 a Spilimberc, inte sô citât Partenio al direzè, dal 1538
29
al 1544, une sô academie indulà che si studiave, oltri al latin
e al grêc, l’ebraic, e plui tart al insegnà inte Academie Olimpiche di Vicenze, fondade dal Trissino.
Grant amiradôr di Giulio Camillo, Partenio za inte Oratio
pro lingua latina dal 1545 al veve esaltât il «maraveôs aparât»
di Camillo cul so materiâl disponût «cussì claramentri… in
lûcs marcâts di mût che l’ingegn uman nol pues cjatâ fûr nuie
che al sei plui sempliç e plui grandiôs. In sumis, mi ricuardi di
vê viodût, a Vignesie, une tâl cuantitât di volums, che mi soi
dât di maravee… che un sôl omp al podès svantâsi di tante
ricjece e di tancj ornaments».
Intai Dialoghi della imitatione poetica Partenio, che al ricuarde di vê scoltât, di fantacin, in cjase di Sebastiano Serlio,
i discors di Camillo («o pensavi che ciert nissun omp, ma parfin un diu al podès a stentis fevelâ e cognossi come lui») al invente un viaç in gondule a Muran, in compagnie di Paolo Manuzio e di Francesco Luigini, par fâ visite a Triphon Gabriele
e a Gian Giorgio Trissino, che ur met in bocje laudis grandonis di Camillo:
«Questi sono i luoghi che chiamo topici, disse il Manutio
senza dubbio.
Appunto, rispose M. Trifone, da questi istessi tutta la maraviglia di quei modi poetici tratta esser si vede. Il che Messer
Giulio Camillo solo avertì, nessuno altro mai, salvo per aventura quelli che da lui sono stati avertiti. Questa inventione è
stata tale, che chi l’intende, da se stesso può, come hanno fatto gli antichi et Greci et Latini, formar altri modi approbatissimi et divini di dire».
Daspò al è il Trissino a tiessi l’elogjo di Camillo:
«Mi viene da ridere qualunque volta veggo alcuni de’ suoi
seguaci, che avendogli involati alcuni scritti, essendo loro
pervenuti nelle loro mani per altra via, s’ingegnano et ardiscono di fare il Giulio Camillo, facendosi autori sfacciatamente di quello che è d’altri, sdegnandosi di riconoscere da
30
lui cosa alcuna che sia. Questi arditamente parlano e si gloriano et havendo l’archimia di M. Giulio, anchora sono a mostrare pur tanto d’oro convertito da loro. Anzi l’oro e l’argento ferro et piombo tra le mani divenir loro veggiamo. Hanno
tutt’hora in bocca artificii, idee, forme, selve, concetti, harmonia, modelli di eloquenza et Hermogene, di lui null’altro
che’l solo nome intendendo».
Une vore interessante la menzon de alchimie, che nus rimande ae dimension oculte de vore di Camillo, là che la elocuence e cuiste virtût trasmudadorie, come che à ben mostrât
Lina Bolzoni. Ma ancjemò plui interessante e je par nestri
cont la testemoneance di une largje circolazion des oparis di
Camillo, magari spaçadis par lôr propriis di chei che jes vevin
robadis.
3.5. Francesco Robortello
Un altri udinês che i spiete un puest in margjin di cheste
rassegne di camilians furlans al è Francesco Robortello, zinar
di Antonio Belloni, amion di Giulio Camillo. Inagurant, tal
1549, il cors di retoriche (dopo di vê insegnât a Luche e ae
Universitât di Pise, al veve otignût dal Senât venezian la prestigjose incarghe che le varès tignude fin al 1561, cuant che si
trasferì ae Universitât di Bologne e di Padue), Robortello al
met fûr un manifest che al presente par ûs dai students i contignûs des sôs lezions in forme di arbul diagramatic, zontant
une note su la utilitât teoriche e didatiche di un scheme che al
presente une classificazion ordenade di dute la materie retoriche. E torne a proponisi a chest pont la cuistion dal ramisim;
o rimandi aes osservazions za fatis par Citolini, ma o segnali
che intal Discorso in materia delli luoghi topici Robortello al
si distanzie di Rodolfo Agricola, percursôr di Ramo, che seont
lui nol varès puartât «nuie di gnûf» inte tradizion prestigjose
31
e esaustive di Cicerone, Quintiliano, Boezio, e che in De artificio dicendi e intal Methodus perquirendi artificii in scriptis
poetarum antiquorum al presente griliis-mapis concetuâls
modeladis su Ermogene (e tra lis oparis di Camillo al figure il
tratât Le idee, overo forme dello scrivere et giudicare le ben
scritte orationi come anco dell’orare per via delle Idee di
Hermogene, publicât a Udin tal 1594 par cure di Domenico
Salomoni).
3.6. La Academie dai Uranics e
lis Hebdomades di Fabio Paolini
Framieç de sierade de prime Academie Veneziane (1561) e
la viarte, cheste volte par iniziative statâl, de seconde (1593)
si loghe la curte esistence de Academie dai Uranics, fondade
tal 1587 di Fabio Paolini, che ae muart di Bernardino Partenio
i jere sucedût come insegnant di latin intal Colegjo dai Nodârs
e di grêc inte biblioteche di San Marc. La inaugurazion e avignì il 10 jugn 1587 cu la recite de Orazione della Felicità e del
Sommo Bene dal minoritan Bernardo Tasso. I academics a tignivin une orazion publiche ogni setemane; lis Hebdomades
di Paolini a son apont siet sôs orazions che a costituisin la sume de filosofie “uraniche”. Il prin (e inmò l’unic: Yates, Vasoli, Bolzoni a i fasin riferiment cence lâ oltri) a ocupâsi di
Paolini e de sô academie al fo Daniel P. Walker intal so Spiritual and Demonic Magic from Ficino to Campanella, publicât
tal 1958 dal Warburg Institute (duncje un prodot, come The
Art of Memory de Yates, de biblioteche - cetant camiliane! consacrade di Warbug a Mnemosyne), mai tradot in Italie.
I siet libris che a componin lis Hebdomades, sive septem de
septenario libri, habiti in Uranicorum Academia in unius Vergilii versus explicatione a comprendin ognidun siet cjapitui: il
setenari al è il Leitmotiv di dute la vore, pensade in coment dal
32
viers virgilian «obloquitur numeris septem discrimina vocum»
che al si riferìs a Orfeo, celebrât come priscus theologus ac
perfectissimus musicus intal contest de tradizion ermetiche e
particolarmentri de filosofie di Marsilio Ficino e di Tritemio.
Seont Yates, al è palês il rapuart cun Camillo (che Paolini al
ricuarde intal so libri cun peraulis di grande amirazion), anzit
«Hebdomades al pues tignî il puest de grande opare destinade
a sclarî il retrosene dal so Teatro, che Camillo, personalmentri, nol scrivè mai».
Cheste opare di braure cuasi delirant e je une enciclopedie
des dissiplinis contemplativis: i siet cjapitui a tratin rispetivamentri De poetica acque oratoria; De musica; De humani animi sapientia, sive musica, et harmonia; De astrologia; De
arithmetica ideali; De naturae mysteriis; De theologia. Su la
rilevance particolâr atribuide di Paolini ae musiche (mutîf
ancje chest tipicamentri ficinian) si è ocupât za fa trê agns Salvatore Radaelli, intun saç une vore interessant indulà che al
confronte lis teoriis dal Nestri cun chês di Gioseffo Zarlino.
Di cuant che o ai scomençât a scrutinâ Camillo, mi soi par un
pieç domandât se intal so Teatro multimediâl no ves cualchi
part ancje la musiche. Cence sbelançami altri, o segnali culì (e
lu ringrazi) che il musicolic Maurizio Grattoni d’Arcano al à
scuviart intal archivi di famee e mi à fat vê un piçul spartît par
“flautin e spinettin” atribuît a Giulio Camillo, che duncje al
jere ancje musicant.
Ma cuâl jerial, seont Walker, il secret dal Teatro de memorie che nus ven pandût des Hebdomades? Mi zovi ancjemò de
sintesi de Yates: «Lis Hebdomades nus palesin un “segret” dal
Teatro di Camillo che altrimentri no lu varessin mai scrupulât.
Oltri che produsi un sisteme di memorie pai oradôrs, ativât
magjicamentri, par vie che al si base sul fondamentâl siet, il
Teatri al cjarie ancje, magjicamentri, i discors memorizâts dal
oradôr, infondintjur une virtût planetarie, che in sô grazie a
dovevin produsi efiets magjics su chei che ju scoltavin». O
33
dovarìn contentâsi de citazion, ancje se il discors - che nus
menarès indaûr al De vita coelitus comparanda di Ficino
(dontri a dute la tradizion musicâl-astrologjiche) e indenant ae
persuasion oculte di Giordano Bruno - al è un grum tratîf.
3.7. Erasmo di Valvason
Uranic ancje Erasmo di Valvason, che tal 1588 la Academie e stampà la sô volgarizazion de Elettra di Sofocle. Intal
1566 al jere stât il dedicatari de gnove edizion des oparis di
Camillo par cure di Tommaso Porcacchi, che inte letare a lui
indreçade al ricuarde che Erasmo al veve aplicât te sô produzion in prose e in puisie i insegnaments di Camillo e che al jere impegnât cun grande passion par burî fûr il Teatro (che no
si ‘nd à cjatade plui ombre, ni in Italie ni in France, là che lu
àn cirût di bant par dut il Siscent): «ella non pure le legge volentieri, le loda et l’ammira, ma procura con ogni industria cavar dalle tenebre molte altre cose che di lui si trovano, come
sepolte, in mano de’ poco amorevoli agli studiosi. Tal che se
per alcun mezo si può mai sperar di venire in cognitione di
quel famoso Theatro, che da questo divino auttore fu quasi del
tutto fabricato, co’l favor di Vostra Signoria stimo io di doverne, quando che sia, far parte al mondo, sì per l’auttorità che
ella tiene presso color, che si crede che l’habbiano, come per
l’amor che ella porta alla grande et sempre celebre memoria
di questo sopr’humano intelletto. Sono io di ciò buonissimo
testimonio, che fino a questo giorno Vostra Signoria non ha
mancato, et non manca di procurarlo».
Esauride cheste panoramiche telegrafiche dal durâ dal insium di Camillo (intal libri-edifici citolinian; intal palaç-enciclopedie de Academie de Fame; intes lungjis ricercjis dal Teatro) o passi a sustignî la sô atualitât e ricuperabilitât intal caos
neomediatic di vuê.
34
4.1. Analogjis
Lis analogjiis (e, o marchi jo, la continuitât storiche) tra tecnichis memorativis e archiviazion informatiche a son ormai ricognossudis: tra i prins a traviodilis, J. David Bolter in L’uomo
di Turing e Lo spazio dello scrivere e Fausto Colombo in Gli archivi imperfetti; ma un fregul di merit i spiete ancje al sotscrit. Il
caratar che plui in palês lis jonç al è, seont Colombo, il procès di
spazializazion dai contignûs. Lis memoriis di masse, come i edificis mnemotecnics, a son magazens dulà che i dâts a cjatin un
lôr spazi (la stesse logjiche di programazion dal calcoladôr e funzione assegnant a ogni dât une variabil che al è justapont un spazi di memorie). Cussì cui che al dopre l’archivi eletronic, come
l’oradôr antic, al è un viazadôr che al traviarse un spazi fasint un
ciert viaç. Ma cuâl? Si propon culì il probleme dal acès ai database. A ‘nd è di dôs fatis: chel secuenziâl, che al permet di cjatâ
il dât dome dopo di vê fate dute la strade, e chel diret che al permet la visualizazion inmediade de informazion par mieç di une
ricercje cun peraulis-clâf. Inte mnemotecniche classiche (di rude
retoriche) la anamnesi e avignive in mût secuenziâl; intal Teatro
di Camillo invezit l’acès al jere diret e al è impuartant tignî cont
che la funzion di clâf le vevin no lis peraulis ma lis imagines
agentes.
4.2. Labirint
Si pues utilmentri aplicâ ai sistemis memoratîfs la metafore dal labirint, o miôr dai labirints seont la distinzion di Rosensthiel: si pues fevelâ di labirint unicursâl intal câs dal acès
diret, di irrweg intal câs dal acès secuenziâl. Par capînt la struture, si à di pensâ che se o disgredeìn il prin si cjatìn in man il
fîl di Arianna; il secont, il classic arbul a bivorts. Al esist un
tierç labirint, il rizome o rêt, che al amet dut intun infinîts arbui, e infinîts trois, par vie che ogni pont o grop al è in conession cun cualsisei altri pont. Cheste forme, al sosten Colom35
4.
DE MNEMOTECNICHE AE
INFORMATICHE
bo, dal pont di viste dai mûts di acès intai sistemis memoratîfs
no si presente. Mi par invezit di podê dî che, come machine
combinadore, il Teatro di Camillo al è sei unicursâl che rizomatic.
La labirintologjie e fevele di “algoritmo uarbisin” par significâ la soluzion operative che permet di percori ducj i labirints: la miopie e sta inte mancjance di cognossince complessive (viste totâl, dal di fûr), inte costrizion di une strade obleade cence pussibilitât di scurtis o di trois alternatîfs (leturis traviarsis, metaforichis e v.i.). Il sisteme mnemonic complet e assolût che al diven de informatizazion globâl de cognossince al
va a riscjio di configurâsi come un labirint di percori seont regulis uarbis, e il rapuart tra l’informatic e l’utent di jessi chel
che al côr jenfri Dedalo e Teseo: pal prin l’edifici al è sensât e
tipologjizabil, pal secont al reste un misteri interpretatîf. Inte
mnemotecniche antighe architet e viazadôr si identificavin;
intal Teatro di Camillo invezit architet e spetadôrs a condividevin une weltanschauung fuarte: la struture de cognossince e
rifleteve l’ordin di un mont sestât e gjerarchic intune identitât
di gnoseologjie, ontologjie e assiologjie: un ordin metafisicamentri necessari (dontri la fiducie intal valôr euristic de
imagjinazion).
36
4.3. Ancjemò sul Teatro de memorie.
Classificazions.
L’esam in detai di cualchi caratar dal Teatro nus puarte a
une serie di considerazions gjenerâls. La division in loci e la
lôr ripartizion a jevin il probleme de classificazion de realtât e
de sistematizazion dal savê.
La classificazion e je la cundizion dal pinsîr e dal so svilup: se si vûl omnia circumspicere si dêf singula numerare
(Cartesio). Par Camillo l’ordin dai signa (che a son simbui) al
è dutun cu lis struturis istessis de realtât, dal cosmo. Il so concret Teatro mnemonic al è la copie di un salt edifici metafisic,
lis sôs tassonomiis a àn caratar di necessitât, di eternitât: «volendo noi raccomandar etternalmente gli eterni di tutte le cose… troviamo loro luoghi etterni…».
Pal pinsîr moderno invezit ogni classificazion e je sogjete
ad arbitrarietât, a relativisim culturâl, e ogni operazion di anatomie de realtât e met in discussion dute la vision dal mont.
Borges al è lapidari: «notoriamentri, no je classificazion dal
univiers che no sei arbitrarie e congjeturâl. La reson e je semplice: nô no savìn ce che al è l’univiers». E nus dà un esempli
di classificazion arbitrarie, strambe e “false” (?) che al fâs fente di vêle rigjavade di un imagjnari dotôr Kuhn che a sô volte
la varès auride di une enciclopedie cinese: cussì, seont l’Emporio celeste di conoscimenti benevoli, si dividin lis bestiis: a)
che a son dal imperadôr; b) imbalsamadis; c) amaestradis; d)
latarulis; e) sirenis; f) favolosis; g) cjans a disconç; h) cjapadis dentri di cheste classificazion; i) che si agjitin come matis;
j) di no podê contâlis; k) disegnadis cuntun pinel fin fin di pêl
di camêl; l) e vie indenant; m) che a àn rot il vâs; n) che di lontan a somein moscjis.
Une classificazion che nus fâs ridi e nus disturbe. Parcè?
Sal domandà Michel Foucault; il so famôs Le parole e le cose
al nassè dal «scumbussolament dal pinsîr» par colpe dal test
37
di Borges, invenzion par nuie ingjenue, jessint che e servìs di
coment ai insiums di lenghe universâl di Wilkins, e par nuie
estranie al nestri discors.
Se, come ogni memorie, ancje che informatiche e à bisugne di griliis di classificazion, il computer al
pues deventâ a sô volte un imprest par produsi classificazions cun criteris matematics. Ancje in chest câs, come che
nus vise Jacquard, la fantasime de arbitrarietât no je par nuie
esorcizade: «il riscjo plui grant di chescj metodos al sta, paradossalmentri, te lôr funzionalitât. Une volte mitûts i dâts
intal elaboradôr, al sarès di maraveâsi a no rivâ a gjavânt une
classificazion. Il riscjo al è di atribuî une validitât proporzionâl al numar dai calcui eseguîts e ae incognite dai algoritmos. Si riscjie di definî dai grops, di meti dai limits, che a
son dome un artifici, produsût de manipolazion fate sui dâts
e no de nature des cjossis».
Il margjin di arbitri al crès fin ae manipolazion
ideologjiche cuant che de classificazion si passe ae sistematiche. Cjolìn a esempli la Encyclopedie di Diderot e d’Alembert; culì l’ordin alfabetic, che al somearès nocent inte sô
imparziâl arbitrarietât, al scuint une precise intenzionalitât,
chê di disgregâ l’ordin costituît dal savê par fa strade ae gnove sistematiche des siencis svilupade dai enciclopediscj. Lis
valencis ideologjichis dal arbul gjerarchic de enciclopedie
inluministiche e son une vore, une vorone fuartis (no par
nuie la Encyclopedie e vignì clamade une machine di vuere).
Par esempli, la teologjie rivelade e sta suntun ram pitost lontan dal tronc (de filosofie), dacîs di materiis come “superstizion”, “magjie nere”, “sience dai spirts bogns e triscj”. A insinuâ une valutazion e baste la colocazion, o il rimandâsi des
vôs: “Antropofagjie viôt Eucaristie, Cumunion, Altâr”! La
forme e puarte sens, la morfologjie e devente ironie.
Bisugne paraltri dî che il discors preliminari di d’Alembert
al ricognòs la arbitrarietât di cualsisei mape rispiet ae topo38
grafie indeterminade dal savê, che e amet une combinatorie
cence fin e une enciclopedie in forme di rêt o di rizome (labirint dal tierç tipo). Al à reson Eco cuant che al dîs che il pinsîr inluministic pitost che trionfalmentri razionâl al è resonevul.
4.4. Memorie e dismentie
O podaressin a chest pont domandânus: piardût il statût
metafisic, ce isal che al pues fânus preferî un ordin invezit di
un altri? Il probleme al devente etic, come che a san ben i
teorics dal pinsîr debul, e la utopie informatiche di un Roberto Vacca (Rinascimento prossimo venturo) e mostre i siei
aspiets plui preocupants. No mi riferìs naturalmentri ae dismentie acidentâl (che paraltri la memorie eletroniche i je
sogjete une vore di plui di ce che no si crôt) par distruzion o
danegjament dai supuarts di memorie, o par scancelazion
ocasionâl des regjistrazions, o parcè che a van piardudis lis
clâfs di acès, o par ecessive bondance di informazion. Mi riferìs ae dismentie intenzionâl, che si à cuant che si selezione
la informazion di tignî, o par volontarie distruzion di informazion tignude da cont. Chel de ativazion preventive de dismentie nol è un probleme gnûf, e in passât al vignì risolt in
base a criteris assiologjics (di valôr: teologjics in san Tommaso d’Aquino, filosofics in Bacone e Cartesio).
E alore, ancjemò: cuâi podaressino jessi in dì di vuê i criteris di selezion assiologjiche, in mancjance di filtris fuarts?
Al pâr difat (Eco, Colombo) che no ‘nt sedin, se no di nature
tecniche (tradusibilitât) o economiche. Al reste invezit gran
spazi a une gjestion de dismentie strumentâl a chê dal podê.
(Intune ditature la dismentie si cree par mieç de censure o de
false informazion, in democrazie cidinôr e rumôr a son chel
istès: lis informazions si scancelin par moltiplicazion, par di39
fusion cence padin, nol impuarte se a son veris o falsis. E je
une osservazion di Umberto Eco, che di semiolic al à ancje
studiât lis carateristichis di une impussibile ars oblivionalis).
Paraltri di une selezion no si pues fâ di mancul, par
esigjencis operativis. Il Teatro di Camillo al jere esaustîf e universâl, ma nome in potence, in virtût de combinatorie. La conservazion totâl de informazion e pon gruês problemis sei sul
plan de mneme (archiviazion) sei su chel de anamnesis (acès
al archivi). La biblioteche di Babêl no podarès stâ dentri dal
univiers e il so catalic al sarès la copie integrâl de biblioteche
stesse (Rosensthiel). Mi pâr sostanzialmentri valide e praticabile la propueste di Bacone di un metodo “aforismatic”, venastâi fondât su aforismis, che o podìn identificâ cui costituents
elementârs de cognossince: che par Bacone a son lis “scuviartis” liberadis dal ordin e de forme che i libris lis trasmetin
(informazion modulâr vs. ridondance). Camillo istès al veve
fate une scomposizion des oparis di Cicerone par gjavânt il
lessic di ogni pussibil discors.
4.5. Fantastiche
Sul plan de anamnesi, se la totalitât e compuarte universalitât, si propon almancul la cuestion de progressive uniformazion dai criteris ordenadôrs dai data-base e de uniformazion
dai lengaçs interatîfs. Mi pâr di vê evocât il spirt di un lengaç
universâl, che al aparten al stes orizont culturâl de mnemotecniche e de pansofie. Lis clâfs di acès al Teatro di Camillo a jerin lis imagines agentes; lis imagjinis a fasevin dal sisteme di
Bruno une logjiche fantastiche; intôr de metât dal Cinccent
però si ve un slontanâsi tra memorie e imagjinazion (ancje se
in Vico e in Hegel…), une iconoclastie che, seont Paolo Rossi, e puartà ae rimozion coletive des imagjinis de culture: la
logjiche di Ramo e refudà la fantastiche, e chê di Leibniz si
40
clamà simboliche intun sens che al è une vore ridutîf dal concet di simbul. Vuê la informatiche e à tornât a scuviarzi lis iconis come mieç di interazion friendly cul computer; mi plâs
pensâ che a sein i prins segnâi dal tornâ a un lengaç figurâl o
almancul ideogramatic (il filosofo Pierre Levy al sta progjetant une “ideografie dinamiche”).
4.6. Combinatorie
Il Teatro de memorie nol jere dome un repertori, ma ancje
une machine combinadore, e su la combinatorie e lis sôs potenzialitâts euristichis e gjenerativis di cognossince o vuei
spindi cualchi peraule. La stesse casualitât des combinazions,
sperimentade intal cjamp leterari, e à dimostrât che la creazion
artistiche e pues sei simulade, o propit realizade, dal elaboradôr. Di un pieç o disponìn di programs par produsi combinatoriamentri puisiis (intal non di Queneau), e il Calvino di
Cibernetica e fantasmi al acetave a cûr lizêr la perspetive che
l’autôr uman al podès sparî. Si ricuardarà che Calvino al à doprât un maç di tarocs come machine narative par scrivi Il castello dei destini incrociati, e lis sôs Lezioni americane, tal indicâ come valôrs leteraris pai prossims mil agns la lizerece, la
buridece, la visibilitât e la molteplicitât, mi par che a displein
un programe in dut e par dut valevul pe culture informatizade.
Une citazion: «Vuê no si pues plui pensâ une totalitât che no
sei potenziâl, congjeturâl, plurime (enciclopedie viarte)».
4.7. Anticombinatorie
Ma Calvino al teorize ancje la “anticombinatorie”, une sorte di tamês par ridusi lis combinazions seont criteris di partignince, e inte introduzion a Lettere, segni e cifre di Queneau
41
al adote il credo dal Oulipo (Ouvroire de Littérature Potentielle) sintetizantlu inte detule “la struture e je libertât”.
Mi propon cumò di mostrâ cemût che chest principi al
cjate, anzit, al scuen cjatâ aplicazion inte infosfere telematiche, doprant tanche anel di conzunzion il concet di ipertest.
Se cul ordenadôr nô o podìn disponi di un autome leterari in
stât di produsi tescj poetics e naratîfs, lis rêts telematichis a
somein in stât di realizâ, fra mieç dai siums di chê che ven
clamade macrocombinatorie, ancje chel de enciclopedie universâl. Al è fin masse abusât il riferiment ae biblioteche di
Babêl di Borges, che di jê al somee che si ricuardi nome il caratar di totalitât. Ma la biblioteche di Babêl e je dal dut inutile; la probabilitât di cjatâ lì dentri il libri cirût e je praticamentri nule; la biblioteche e je il catalic di se stesse. Quine al
à calcolât che l’univiers in espansion come che al è descrit de
sience contemporanie nol baste a tignî dentri la biblioteche
pensade di Borges; ma chest nol è un probleme: chei di Borges a son libris materiâi e scrits efetivementri; noaltris o disponìn pitost de machine par gjenerâ la biblioteche virtualmentri.
4.8. Ipertest
La grande biblioteche telematiche e je organizade come un
ipertest. Il tiarmin al è stât coniât intai agns ‘60 di Ted Nelson,
cun cheste definizion: «Par ipertest… jo o intint scriture no secuenziâl, test che si dirame e che al consentìs al letôr di sielgi;
alc che si gjolt pal miôr devant di un visôr interatîf. Cussì come che si lu intint comunementri, un ipertest al è une schirie di
bocons di test e jenfri di lôr a son difinîts dai leamps che a consentissin al letôr trois diferents». In dì di vuê i leamps si ju clame links, e i bocons o blocs di test colegâts tra di lôr simpri plui
dispès a son definîts lessìis, tiarmin coniât di Barthes inte sô
scomposizion naratologjiche de conte di Balzac Sarrazine. Lu
42
sotlinei come segno di chê continuitât jenfri la teorie leterarie
e la scriture eletroniche che Landow al scrutine intal so saç
sul ipertest che al puarte il sottitul significatîf di Tecnologie digitali e critica letteraria. A Ted Nelson i dovìn il progjet de biblioteche universâl eletroniche Xanadu, che al tornave a cjoli
su chel precedent di Vannevar Bush, che al veve ideât, intune
ete ancjemò pre-informatiche, il Memex, un mecanisim pal tratament de informazion. Al fo Nelson, cul libri Literary Machines, a slargjâ il concet di leteradure ae totalitât dai tescj, di
cualsisei nature, e a proponi la ipertestualitât come une gnove
forme di fruizion de cognossince. Liberâts dai limits imponûts
dal sopuart di cjarte, ma soredut de tecnologjie de stampe, i libris a puedin jessi smembrâts e tornâts a cumbinâ seont procès
multisecuenziâi inlimitâts.
4.9. Biblioteche
Pencolant jenfri macro e micro combinatorie, o torni ae leterature intal sens tradizionâl dal tiarmin par dî che aromai si
son prodotis diviarsis oparis di narative ipertestuâl (e il lôr archetip ideâl e jè ancjemò la conte di Borges Il giardino dei
sentieri che si biforcano, che però al impliche une struture a
arbul pitost che rizomatiche); su chestis oparis al si difont, intal saç che o ai citât, Landow, che al si ferme un pieç su la
sensazion di disorientament dai letôrs di chest tipo di narative, sensazion che e pues jessi valutade positivamentri: il disorientament, seont i teorics de ipertestualitât, al pues constituî
un efiet estetic plasevul pal letôr, un stimul liberatori pai
scritôrs, e in gjenerâl un element di libertât.
Ma cuant che a jessi organizade ipertestualmentri e je la
sume des cognossincis, la leteradure inte acezion di Nelson
(infomont, docuviers, semiosfere, ciberspazi), il disorientament si lu sint plui come frustrazion e impotence che come
43
libertât. Tancj di lôr a svantin come mert di Internet la sô nature ipertestuâl, a-gjerarchiche, a-centrade. La biblioteche
totâl telematiche e je organizade, se di organizazion si pues
fevelâ, rizomatichementri: intal rizome (il concet lu àn introdusût Deleuze e Guattari) dut al si coleghe cun dut (al è
chel che Rosensthiel e Eco a definissin un labirint dal tierç
tipo). Come che al dîs Bolter, autôr dai saçs bielonons L’uomo di Turing e Lo spazio dello scrivere, il «network al à sostituît la gjerarchie», e al riprodûs (ma intal timp istès al
prodûs) une culture di interconessions: “la societât interie e
je daûr a assumi la identitât dal ipertest…si podarès dî che
l’ipertest al è deventât il gnûf ideâl sociâl”.
4.10. Catalic e mape
Metint di bande lis consideraziôns socjologjichis, il rizoma al mi samee la figure dal pinsîr debul postmoderno che,
come che al dîs Lyotard, al à rinunziât aes metanarazions; la
sience stesse, come che al rileve Bolter, e à di un biel pôc rinunziât a chê grande cjadene dal jessi che a si fondavin su di
jê intal passât lis gjerarchiis de cognossince. No mancjn altris garanziis ae situazion atuâl, e di grande autoritât: chê par
esempli di Pierre Levy, autorevul filosofo informatic, che za
fâ un par di agns al à fate une conference al Enaip di Udin: i
ài ponude la cuestion e lui al è dal parê che lis rêts a devin
restâ destruturadis. Par cuintri a son di chei, e a lôr ur vâ la
mê simpatie, che a segnalin par Internet la esigjence dal
ecuivalent dal catalic de biblioteche, come Christian Huitema, o di une mape. La situazion atuâl des rêts mi fâs pensâ
al apolic dai doi rês e dai doi labirints, ancje chest di Borges.
Par svindicâsi dal rê di Babilonie che lu à ufindût fasintlu
piardisi intun labirint intrigadon, il rê di Arabie al bandone
il nemì intun labirint «ancjemò miôr»: il desert. No je tan44
te diference jenfri trois infinîts e nissun troi.
Fevelant combinatoriamentri, sei l’esercizi de fantasie,
sei la gjestion de cognossince a an dibisugne, par jessi libars
pardabon, di sedi sogjets a des regulis. Par ducj i doi al vâl
il monit di Eco: «a volê cjatâ fûr conessions si ‘nt cjate simpri, dapardut e jenfri dut, il mont al esplôt intune rêt, intun
vortiç di parintâts e dut al rimande a dut, dut al spieghe dut».
E je la premesse ai «limits de interpretazion». La hybris
combinatorie si le paie cul cuintripas, de metafore e de metatesi ae metastasi: «O mûr parvie che o sin stâts fantasiôs al
di là di ogni limit», al diclare Diotallevi intal Pendolo di
Foucault di Eco.
4.11. Ordin
Masse trafic in Internet, tant che il web al riscjà la paralisi; tal 1995, scjampât il pericul, il massmediolic Huitema al
scrivè su Virtual: «La informazion e je tanche une droghe. Si
pues passâ zornadis intal ciberspazi nome leint tescj e cjalant
imagjinis. Ma par chel, ancje il zovin frari che te Ete di Mieç
al jentrave inte biblioteche dal so munistîr al varès podût vê la
istesse impression. Come si cjatial il troi tal ciberspazi? Il zovin frari al veve l’istès probleme. Cence une guide, si passe di
scansie a scansie, di server a server. Al è palês che Internet al
à dibisugne dal ecuivalent dal catalic di une biblioteche. Cheste e je une robe che i computer a fasin une vore ben, e o soi
sigûr che a vignaran burîs fûr prodots di cheste fate. Difat la
vere reson dal sucès dal World Wide Web e je la sô navigabilitât: al è facil voltâ lis pagjinis, e intun ciert sens la sô struture ipertestuâl e costituìs di par sè une forme di catalogazion.
Ma e sarà la educazion dai utents la robe plui impuartante. O
vin di imparâ a ministrâ chest gnûf potenziâl, di mût che al deventi une risultive di cognossince pitost che une droghe».
45
Jo no le pensi come Huitema; par lôr nature, elencs e catalics no puedin esaurî lis pussibilitâts di acès ae cognossince; che la ipertestualitât e sei «di par sè une forme di catalogazion» mi pâr ae prove dai fâts une assurditât: i cibernautis
plui infogâts, e mancul indavidûts, a esaltin tanche un mert
de rêt la sô struture - se cussì si pues clamâle - rizomatiche
(altris a preferissin la metafore dal labirint dal tierç tipo) là
che ogni pont (grop) al si jonç a di ogni altri, e chest ciberspazi a-centrât e anarchic lu descrivin come il lûc de plui
grande libertât. Ma no lu è: la navigazion e va indenant a la
uarbe, saltant di un a di un altri dai grops che cualchidun altri al à individuât intun procès di cuantizazion, di discretizazion dal savê (cun efiets pericolôs di decontestualizazion),
daûr di links che cualchidun altri al à cernût: operazions dutis dôs adimplen sogjetivis, e culturalmentri e ideologjicamentri par nuie neutris. (Al è apene rivât in librarie I motori
di ricerca nel caos della Rete. Kit di sopravvivenza di Ferry
Bite e Claudio Parrini, une leture une vore istrutive: il plui
potent dai motôrs di ricercje nol splore plui dal 16% de Rêt;
la indicizazion/catalogazion e la ricercje a rissintin di limitazions lenghistics e semantichis; il ranking, venastâi la graduatorie di (presumût) interès dai sîts, al dipent dai criteris
dal linking, che son une vore discutibii e dispès pilotâts a sun
di beçs. Pôc si rimedie cui “agents di ricercje” software,
ancje se a permetin une ricercje plui libare e personâl; forsit
nome la inteligjence artificiâl e garantirà une vere discrezionalitât. Par cumò, seont i doi autors “haktiviscj”, che ur plâs
la anarchie di Internet e no pensin a metij ordin, al è miôr
ricori ai «imprescj coletifs di condivision dai savès»: IRC,
newsgroup, mailing-list e v.i.)
Borges, che di spès i studiôs dal ciberspazi lu clamin in
cause pe sô biblioteche di Babêl o pal so ipertestuâl zardin dai
trois che si bevorcjin al à scrit ancje l’apolic che o ai za ricuardât sui doi res e i doi labirints. Spazi cence sens, entropic,
46
il desert nol è altri che la forme estreme, il limit dal rizome.
Intun intervent ae trasmission televisive Mediamente, il filosofo Tagliagambe al à sustignût che intal ciberspazi la sincronie e trionfe su la diacronie, ossei il spazi la vinç sul timp: chel
al si slargje simpri di plui, chest al va ridusintsi fin cuasi al
nuie. Paradossalmentri, paraltri, seont me, al è propite de spazialitât che nô no vin il control, cu la conseguence di introdusi, inte misure che il surfing al devente un torseonâ a sorte,
il timp: che nol ven anulât, ma strassât.
4.12. Teseo, Dedalo, Icaro
Tornìn alore a Giulio Camillo: il so al jere un spazi architetonic che si podeve movisi dentri, “teatro” intal sens di une
visibilitât panotiche, e cui che al jentrave al cjatave in mostre
un sisteme di cognossince organizât par lûcs. Se la antighe
mnemotecniche e concepive il ricuardâ tanche une ativitât psicomotorie, il teatro-enciclopedie di Camillo al faseve corispuindi topiche e topologjie intun spazi semantizât, là che par
orientâsi nol coventave un catalic o un elenc, ma e bastave la
cognossince dal implant. Miôr che une mape: pes sôs carateristichis spaziotemporâl, il ciberspazi al pues contradî il principi de semantiche gjenerâl di Korzibsky che «la mape no je
il teritori»: la virtualitâl e pues vualivâ mape e teritori,
rangjant la informazion seont criteris gjerarchics, logjics, assiologjics, dutcâs di inmediade comprension. Il teatro di Camillo al si modelave su di un cosmo concludût, e lis sôs struturis epistemologjichis a jerin chês di un pinsîr fuartissin;
cualchidun al pratint che al pinsîr debul postmoderno i convegni il Web cussì come che al è e che al devente spontaniamentri: par esempli Pierre Levy, che lu à cuntindût intal so intervent a Udin, ricognossint paraltri la necessitât locâl di struturis ad arbul.
47
Mi somee che si vueli difindi pitost un principi di suponude democrazie che no chel di une efetive acessibilitât ae informazion, che il so paradigme al è seont me il Teatro de memorie. A un architet, Michael Benedikt, docent ae Universitât dal
Texas e curadôr dai ats dal Congres di Austin sul ciberspazi,
publicâts in Italie di Muzzio, i dovìn la concezion di un ordenament neoplatonic dal ciberspazi: «Il scheme neoplatonic al
met il spirt prin de materie, il gjenerâl prin dal particolâr, la
potence prin dal pratic e vie indenant… formant une piramide
di ents che su la sô spice a son lis Formis, la Veretât e la Bielece, Diu, l’Un; sot i agnui e il pinsîr, lis robis veris e bielis;
ancjemò sot, la esistence dai cuarps dai omps e dai nemai, i
impuls e i istints; plui in bas ancjemò, la vite vegjetâl e sot di
cheste la materie inerte, i atoms… Chest scheme… di fat al risulte un sisteme di valôrs adotâts inconsapevulmentri, a gno
mût di viodi, di tant naturâl che al è…». Par Benedikt cheste
struture, che lui le veve buride fûr pal so archivi fotografic, “e
met adun une part de logjiche panotiche dal diagrame cun la
logjiche vierte e cul acès diret, instantanei, di un database tradizionâl” e lui al imagjine un “palaç di puescj di podê vagabondâ drenti… un edifici virtuâl, une sorte di museo”. Cuant
che o ai let l’articul di Benedikt, o soi restât scaturît: il lûc che
lui al imagjine al corispuint perfetamentri al Teatro de memorie di Giulio Camillo.
Miôr ancjemò, il model architetonic al podarès mudâsi in
chel urbanistic: al pues capîmi facilmentri cui che par vê let i
romançs di Gibson o viodût il film Johnny Mnemonic al à familiaritât cui viaçs dai protagoniscj dentri dal ciberspazi (che
il non jal à dât lui): «ducj i dâts dal mont a jerin lì, intassâts
tanche une grande citât fosfaressente, e si podeve zirâi intôr,
par vênt almancul une prime impression visive; se no, al sarès
stât masse dificil rivâ a cjatâ chel dât particolâr» (Monna Lisa
Cyberpunk).
Di gnûf in metafore “labirintiche”: la cundizion ideâl dal
48
utent no sarà che di Teseo, ch’al traviarse il labirint in base ad
algoritmis vuarps, a decisions locâls in sucession, ma chê di
Dedalo o di Icaro. Al sarà Dedalo se al cognossarà la struture
dal labirint cussì ben come il so architet. Chest al compuarte
une epistemologjie e une sistematiche comunis e, in viste di
un ûs universâl, une weltanschauung universalmentri acetade,
espression di un pinsîr fuart, gjerarchic, autoevident o almancul aprovât par convenzion. Ma la nestre e je la ete dal pinsîr
debul...
E Icaro? Come un abitant di Flatland che al vueli vignî fûr
di une stanzie cence viargiduris, dal labirint Icaro al scjampe
passant inte tierce dimension, dontri al pues vê une vision panoramiche de enciclopedie, e dicernint l’implant gjeneral
(Leibniz al pensave che la cognossince umane e ves di pareglâ la visio Dei). Naturalmentri, o torni a dîlu, al varà di jessi
un implant sensât; la traduzion topologjche de matetât classificatorie de enciclopedie cinese di Borges no sarès gran che
utile: “ce zovial - al si domande Colombo- gambiâ il mont in
archivi se no si passe dal caos dai fats al cosmos dai lôr ricuarts?” (Sul argoment si pues viodi ancje Pensare/classificare di Georges Perec, Rizzoli ed.)
4.13. Teatro virtuâl
Il Teatro de memorie dal avignì nol sarà ni mentâl ni materiâl: al sarà virtuâl. E je di William J. Mitchell la afermazion
che «il virtuâl nol è altri che la formalizazion dal pinsîr, la trasformazion dal pinsîr in spazi architetonic». Si fevele zaromai
di museos virtuâi, che a son la version virtuâl dai ipertescj o
dai sistemis esperts, limitâts a cjamps parziâi dal savê. Al è un
prin pas viars de realizazion di fabricâts enciclopedics virtuâi,
là che l’utent - come i viazadôrs ciberspaziâi di Gibson - al podarà jentrâ, movisi, svolâ, passâ intun marilamp di un lûc a un
49
altri, vint une vision panoramiche de lôr organizazion, e interagî cun ogjets e ambients virtuâi intun spazi tri- o polidimensionâl semantizât, ossei dulà che la direzionalitât de navigazion e corispuindarà a una mapadure des regjons dal savê e
des cognossincis classificadis e ordenadis seont criteris sei
topologjics sei gjerarchics (e parfin assiologjics). Une struture rigorose par convenzion epistemologjiche ma fluide (Novak - simpri in Cyberspace- al fevele di “architeture licuide”)
e doleabile inte utilizazion euristiche (e poetiche: il gnûf umanisim mediatic al sanarès la spacadure jenfri sience e art, come che o sin ducj seneôs).
Se il nestri destin al è di “jessi digjitâi” (Negroponte), Camillo al pues mostrânus come jessilu cence riscjâ masse. Varaie la infosfere la forme dal Teatro de memorie ideât di un
furlan cinc secui indaûr? Infondarìno tal web la nestre anime
artificiâl? Nassaraie di une rêt neurâl la “mens fenestrata”?
Nus invide ae prudence un altri furlan, il gjesuit udinês Jacopo Belgrado, che tal 1770 al scrivè, intun tratât Della rapidità delle idee:
«addiviene talora la mente nostra a guisa d’un teatro, ove
in ogni istante si cangi di scena; e come un’onda segue e incalza l’onda che la precede, così l’idee successivamente si urtano premono e cacciano né lasciano alcun vuoto tra loro. Rifletta pure la mente, ed alle prime riflessioni ne aggiunga di
nuove; non perciò ridurrà mai a calcolo esatto la serie; né registrerà mai la storia, né fermerà per così dire gli annali degl’interni atti suoi, né si procaccerà mai una scienza giusta
delle domestiche sue rivoluzioni e vicende».
50
EX PRAETERITO
PRAESENS PRUDENTER AGIT
NE FUTURAM ACTIONEM DETURPET
…il tentativo di analizzare il ciberspazio secondo criteri
tradizionalmente geografici è destinato a fallire, perché rompe le fondamentali convenzioni della cartografia: secondo cui
lo spazio fisico è continuo e ordinato, e la mappa non coincide con il territorio, ma ne è una rappresentazione…
…qualunque pagina web, qualunque ambiente cui accediamo quando ci colleghiamo alla rete è di fatto al contempo
mappa e territorio. Ecco dunque che è fondamentale che la
mappa/territorio sia progettata bene: quante volte clicchiamo
a casaccio faticando a trovare ciò che stiamo cercando, perché
il sito è stato concepito in maniera confusa? Questo vale spesso anche per siti estremamente poveri di informazioni, a maggior ragione per quelli più articolati e complessi. Per orientarsi nel rizomatico, dinamico ciberspazio certo sono utili i motori di ricerca… che permettono di trovare senza aver bisogno
di sapere dove cercare. Ma in alcuni casi… c’è la necessità di
spazializzare l’informazione in modo tale da consentire all’utente di orientarsi avendo una percezione più chiara del contesto in cui si trova…
…gli strumenti tradizionalmente utilizzati per cercare
informazioni in rete possono essere ripartiti in due grandi categorie: gli indici sistematici di risorse e i motori di ricerca.
Gli indici sistematici… sono costruiti da redattori umani, e organizzazo le risorse di rete attraverso una classificazione ad
albero che ricorda, nella sua struttura, l’arbor scientiae di tradizione lulliana, o modelli più recenti come la classificazione
decimale universale o la classificazione Dewey. I sitemi di
51
classificazione utilizzati dalla maggior parte degli indici di risorse hanno tuttavia scopi meramente pratici, e sembrano accantonare ogni pretesa di riferimento a modelli “forti” di articolazione delle branche del sapere o delle facoltà conoscitive
umane. Fra le categorie fondamentali (di “primo livello”) dell’albero di Yahoo! Troviamo così argomenti come “computer
e Internet” e “sport e tempo libero”, mentre per arrivare a discipline come la filosofia, la storia, la matematica o l’astronomia - che nelle classificazioni tradizionali avevano un ruolo
fondamentale - dobbiamo scendere al secondo o addirittura al
terzo livello dell’albero. Scelte discutibili, e talvolta veri e
propri arbìtri classificatori, sono in questi casi all’ordine del
giorno…
…la seconda tipologia di strumenti, rappresentata dai motori di ricerca per termini, solleva altri tipi di problemi. In questi casi non siamo più di fronte a un indice compilato da redattori umani ma a indici generati automaticamente, opera di
programmi che percorrono incessantemente la rete registrando ogni singola parola di ogni pagina visitata. Repertori assai
più completi, dunque, ma non privi di inconvenienti: mancando una classificazione semantica, una ricerca con chiave
“Mars” ci restituirà pagine dedicate al pianeta Marte ma anche
alla popolare barretta di cioccolato. Inoltre, l’ordinamento dei
risultati (che si basa su tecniche sofisticate ma comunque automatiche) non sempre riesce a mettere in evidenza le pagine
per noi effettivamente più significative, e lo stesso linguaggio
d’interrogazione può reppresentare un ostacolo per gli utenti
meno esperti…
…ma non è possibile cercare di dotare di un’intelligenza
classificatoria, di una capacità di discriminazione semantica,
anche strumenti automatici come i motori di ricerca? E non è
possibile far ricorso in maniera più diretta alle metafore spa52
ziali… utilizzando grafici e mappe concettuali per orientare
anche visivamente l’internauta nell’esplorazione degli sconfinati territori web?
www.cybergeography.org
www.internetgenome.com
www.webmap.com
www.rhizome.org/starrynight/
53
BIBLIOGRAFIE
GIULIO CAMILLO
1990 L’Idea del Teatro e altri scritti di retorica, Torino, RES.
1991 L’idea del theatro, a cura di L. Bolzoni, Palermo, Sellerio.
AA. VV.
1985 Giulio Camillo Delminio, numero monografico dei “Quaderni utinensi”, 5-6, Udine, Del Bianco (saggi di C. Vasoli, L. Bolzoni, O.
Bianco, M. Turello).
AA. VV.
1986 Memento. Tecniche della memoria e dell’oblio, numero monografico di “Kos”, 30 (saggi di L. Bolzoni, A. R. Lurija, U. Eco).
AA. VV.
1989 La Fabbrica del Pensiero: Dall’Arte della Memoria alle Neuroscienze, catalogo della mostra di Firenze, Forte del Belvedere, 23
marzo-26 giugno, Milano, Electa (saggi di L. Bolzoni, M. Rossi, R.
G. Mazzolini, C. Pogliano, A. Harrington, A. Oliverio, L. Mecacci,
R. Cordeschi, I. Rosenfeld).
ALTAN, Francesco
1755 Memorie intorno alla vita, ed all’opere di G. C. Delminio, in Nuova
raccolta d’opuscoli scientifici e filologici, I, Venezia, Zane e Occhi,
pp. 238-288.
AUTIER, Michel e LEVY, Pierre
1992 Les arbres des connaissances, Paris, Editions La Découverte.
BARBIERI, Giuseppe
1980 L’artificiosa rota: il Teatro di Giulio Camillo, in PUPPI, 1980, pp.
209-218.
1981 La natura discendente: Daniele Barbaro, Andrea Palladio e l’arte
della memoria, in PUPPI, 1982, pp.29-54.
BARTHES, Roland
1972 La retorica antica, Milano, Bompiani.
BATTISTI, Eugenio
1992 Schemi geometrici, artifizi retorici, oggetti di meraviglia nel tratta-
54
to cinquecentesco sulla memoria di Giovanni Fontana, in BOLZONI e CORSI, pp. 117-138.
BELGRADO, Jacopo
1770 Sulla rapidità delle idee, Modena, Montanari.
BENEDIKT, Michael
1990 Cyberspace. Primi passi nella realtà virtuale, Padova, Muzzio,
1993.
BITE, Ferry e PARRINI, Claudio
2001 I motori di ricerca nel caos della Rete. Kit di sopravvivenza, Milano, Shake.
BOLOGNA, Corrado
1987 Il Theatro segreto di Giulio Camillo: l’ Urtext ritrovato, in “Venezia
Cinquecento”, I, 2, Roma, Bulzoni, pp. 187-213.
BOLTER, David J.
1985 L’uomo di Turing. La cultura occidentale nell’età del computer,
Parma, Pratiche.
1993 Lo spazio dello scrivere. Computer, ipertesti e storia della scrittura,
Milano, Vita e Pensiero.
BOLZONI, Lina
1982 L’accademia Veneziana: splendore e decadenza di una utopia enciclopedica, in AA. VV., Università, Accademie e Società scientifiche
in Italia e in Germania dal Cinquecento al Settecento, Bologna,
Mulino, pp. 117-167.
1984 Il Teatro della memoria. Studi su Giulio Camillo, Padova, Liviana.
1991 Lo spettacolo della memoria, introduzione a Giulio Camillo, L’idea
del theatro, ediz. crit. di L. Bolzoni, Palermo, Sellerio, pp. 7-34.
1995 La stanza della memoria. Modelli letterari e iconografici nell’età
della stampa, Torino, Einaudi.
BOLZONI, Lina e CORSI, Piero (a cura di)
1992 La cultura della memoria, Atti del Convegno Internazionale, 20-22
marzo, Firenze, Palazzo Vecchio, Bologna, Mulino (saggi di P. Rossi, U. Eco, L. Bolzoni, J.-Ph. Antoine, E. Battisti, C. R. Chiarlo, I.
Lavin, M. Ciavolella, F. Ferrucci, I. Rosenfeld, O. Sacks).
55
BORGES, Jorge Luis
1973 Altre inquisizioni, Milano, Feltrinelli.
BUSH, Vannevar
1945 As we may think, in “Atlantic Monthly”, 176, July.
CALVINO, Italo
1980 Una pietra sopra, Torino, Einaudi
1988 Lezioni americane, Milano, Garzanti.
CARRUTHERS, Mary
1990 The Book of Memory. A Study in Medieval Culture, Cambridge University Press
1998 The Craft of Thought. Meditation, Rhetoric, and the Making of Images, 400-1200, Cambridge University Press.
CHIURLO, Bindo
1930 voce Camillo, Giulio Delmino, in Enciclopedia Italiana.
CITOLINI, Alessandro
1561 La Tipocosmia, Venezia, Valgrisi.
COLOMBO, Fausto
1989 Gli archivi imperfetti. Memoria sociale e cultura elettronica, Milano, Vita e Pensiero.
COULIANO, Ioan P.
1987 Eros e magia nel Rinascimento, Milano, Il Saggiatore.
ECO, Umberto
1983 L’antiporfirio, in Il pensiero debole, a cura di G. Vattimo e P. Rovatti, Milano, Feltrinelli, pp. 52-80
1987 Ars oblivionalis. Sulla difficoltà di costruire un’ars oblivionalis,
in AA.VV., Memento, pp. 40-53
1990 I limiti dell’interpretazione, Milano, Bompiani.
ERASMO Da Rotterdam, Desiderio
1938 Epistulae, ed. P. S. Allen, Oxford, 1938.
FOSCARI, Antonio e TAFURI, Manfredo
1984 L’armonia e i conflitti, Torino, Einaudi.
56
GINZBURG, Carlo
1974 Il nicodemismo. Simulazione e dissimulazione nell’Italia del secolo
XVI, Torino, Einaudi.
GREGORY, Tullio e MORELLI, Marcello (a cura di)
1993 L’eclisse delle memorie, Roma-Bari, Laterza.
HALASZ, Frank
1988 Reflections on notecards: seven issues for the next generation of hypermedia systems, in “Communications of the AMC”, July, vol. 31,
n. 7, pp. 836-852.
LANDOW, George P.
1998 L’ipertesto. Tecnologie digitali e critica letteraria, Milano, Bruno
Mondadori.
LEVY, Pierre
1991 L’idéographie dynamique. Vers une imagination artificielle?, Paris,
La Découverte.
LIRUTI, Giuseppe
1780 Notizie delle vite ed opere scritte da letterati del Friuli, Venezia,
Fenzo.
MALDONADO, Tomàs
1992 Virtuale e reale, Milano, Feltrinelli.
MARCHETTI, Giuseppe
1959 Il Friuli. Uomini e tempi, Udine, Del Bianco.
MAYLENDER, Michele
1930 Storia delle Accademie d’Italia, Sala Bolognese, Forni.
MUZIO, Girolamo
1950 Lettere, Firenze, Sermartelli.
NELSON, Theodor H.
1993 Literary Machines. Il progetto Xanadu, Padova, Muzzio.
NYCE, James M. e KAHN, Paul
1991 Da Memex a Hypertext. Vannevar Bush e la Macchina della Mente,
Padova, Muzzio.
57
PAOLINI, Fabio
1589 Hebdomades sive Septem de Septenario libri, habiti in Uranicorum
Academia in unius
Vergilii versus explicatione, Venezia, Francesco de Franceschi.
PUPPI, Lionello (a cura di)
1982 Palladio e Venezia, Firenze, Sansoni.
QUENEAU, Ramond
1981 Segni, cifre e lettere, Torino, Einaudi.
ROSENSTHIEL, Pierre
1978 voci Combinatoria e Labirinto in Enciclopedia, Torino, Einaudi.
ROSSI, Paolo
1982 Clavis universalis. Arti mnemoniche e logica combinatoria da Lullo a Leibniz, Bologna, Mulino.
1992 Il passato, la memoria, l’oblio, Bologna, Mulino.
ROSSI, Pietro (a cura di)
1988 La memoria del sapere, Roma-Bari, Laterza (saggi di P. Rossi, F.
Alessio, G. Cambiano, G.R. Cardona, G. Cavallo, L. Marino, G.
Martinotti, A. Petrucci, M. Rosa, Paolo Rossi, C.A. Viano).
SALSANO, Franco
1978 voce Enciclopedia, in Enciclopedia, Torino, Einaudi.
SECRET, Francois
1979 Les Kabbalistes Chretiens de la Renaissance, Paris, Dunod.
SPENCE, Jonathan
1983 Il palazzo della memoria di Matteo Ricci, Milano, Il Saggiatore.
STABILE, Giorgio
1975 voce Camillo Giulio, detto Delminio, in Dizionario Biografico degli Italiani, vol. 17, Roma, Istituto dell’Enciclopedia Italiana, pp.
218-230.
TEGA, Walter
1984 L’unità del sapere e l’ideale enciclopedico nel pensiero moderno;
Bologna, Mulino.
58
TURELLO, Mario
1993 Anima artificiale. Il Teatro magico di Giulio Camillo, Udine, Aviani.
VACCA, Roberto
1985 Rinascimento prossimo venturo, Milano, Bompiani.
VASOLI, Cesare
1974 Profezia e ragione, Napoli, Morano.
1976 I miti e gli astri, Napoli, Guida.
1980 Considerazioni su alcuni temi retorici di Giulio Camillo Delminio,
in AA. VV., Retorica e poetica, a cura di D. Goldin, Padova, Liviana.
1984a Le teorie del Delminio e del Patrizi e i trattatisti d’arte fra ‘500 e
‘600, in AA. VV., Cultura e società nel Rinascimento tra riforme e
manierismi, a cura di V. Branca e C. Ossola, Firenze, Olschki, pp.
249-270.
1984b Uno scritto inedito di Giulio Camillo Delminio “De l’humana deificatione”, in “Rinascimento”, s. II, XXIV, pp. 191-227.
1986 Osservazioni su alcuni scritti “religiosi” di Giulio Camillo, in AA.
VV., Giulio Camillo Delminio, pp. 11-42.
WALKER, Daniel P.
1958 Spiritual and Demonic Magic from Ficino to Campanella, London,
The Warburg Institute.
YATES, Frances
1972 L’arte della memoria, Torino, Einaudi.
59