Attenziun: aua da baiver tschufragnada –
faschai buglir l'aua da baiver
Regiun pertutgada: fracziun Tarasp
Faschai buglir ina giada curtamain l'aua da baiver (in bugl endretg).
Cun far buglir l'aua èsi garantì che eventuals bacils vegnan mazzads.
Far buglir l'aua è surtut necessari per las suandantas activitads:
baiver, preparar bavrondas (p.ex. cun quadrins da glatsch)
preparar mangiativas
lavar ils dents
lavurs medicinalas (nettegiar plajas, nettegiar il nas cun aua, etc.)
lavar giu a maun la vaschella
far café u té cun apparats per il tegnairchasa
lavar fritga, verdura, salata u autras vivondas
dar aua da baiver ad animals da chasa sensibels
I n'è dentant betg necessari da far buglir l'aua da la maschina da lavar giu (tscherner la pli auta
temperatura pussaivla, min. 80°C), l'aua per lavurs da nettegiar generalas, l'aua da la tualetta, l'aua
per far la duscha u l'aua per lavar la laschiva en la maschina.
Recumandaziun da cumportament
Nus recumandain da duvrar aua minerala per baiver e per preparar il nutriment da pops pitschens.
Avais Vus gia consumà aua da baiver tschufragnada? Observai la reacziun da Voss corp. Sche Vus
duessas survegnir entaifer 48 uras auta fevra, diarrea e/u stuais render, consultai per plaschair in
medi.
Infurmaziuns pli detagliadas
Il provediment d'aua da Scuol ha constatà ils 23 lügl 2015 che l'aua da baiver è tschufragnada. Nus
faschain tut per garantir uschè svelt sco pussaivel in provediment cun aua da baiver netta. Ma quai
po tuttina durar plirs dis. La populaziun vegn infurmada activamain davart l'ulteriur svilup. Questa
prescripziun da far buglir l'aua sa basa sin las recumandaziuns da l'Uffizi federal da segirezza
alimentara e fatgs veterinars.
Per dumondas avain nus endrizzà ina hotline: tel. 079 213 13 89.
Las communicaziuns las pli actualas vegnan publitgadas sin la pagina-web [www.scuol.net].
Il provediment d'aua da Scuol
Gisep Derung