170.800
Ordinaziun per administrar las plazzas da parcar da
l'administraziun chantunala (ordinaziun davart las plazzas
da parcar, OPP)
dals 24-03-2003 (versiun dals 01-07-2003)
sa basond sin l'art. 82 da l'ordinaziun davart la relaziun da lavur da las collavuraturas
e dals collavuraturs dal chantun Grischun (ordinaziun dal persunal, OP) 1) e sin l'art. 1
da l'urden da gestiun per la regenza dal chantun Grischun 2)
relaschada da la regenza ils 24 da mars 2003
Art. 1
Champ d'applicaziun e princip
1
Questa ordinaziun vala per il diever da las plazzas da parcar dal chantun sez e da
las plazzas da parcar ch'il chantun ha prendì en locaziun.
2
Las commembras ed ils commembers da la regenza e da las dretgiras chantunalas
èn medemamain suttamess a questa ordinaziun.
3
Nagin n'ha in dretg sin ina plazza da parcar.
Art. 2
Metter a disposiziun las plazzas da parcar, autorisaziun da parcar
1
Uschenavant sco pussaivel metta il chantun a disposiziun las plazzas da parcar
necessarias a las collavuraturas ed als collavuraturs che dovran in vehichel a motor
per motivs uffizials. Tenor pussaivladad porscha el er plazzas da parcar cuvridas per
velos a motor e per velos.
2
L'autorisaziun da parcar vegn garantida tras ina vignetta.
Art. 3
Diever tras terzas persunas
1
Ordaifer las uras da lavur vegnan las plazzas da parcar messas a disposiziun er a
terzas persunas cun metter a quint ina taxa, sche quai sa mussa sco raschunaivel per
motivs da gestiun e da rentabilitad.
1)
2)
remplazzada il 1. da schaner 2007 tras la lescha dal persunal, DG 170.400
remplazzà il 1. da schaner 2007 tras l'ordinaziun davart l'organisaziun da la regenza e da
l'administraziun, DG 170.310
* tabellas da las modificaziuns a la fin dal relasch
1
170.800
Art. 4
Diever gratuit
1
Il diever da las plazzas da parcar è gratuit per:
a)
vehichels da servetsch;
b)
vehichels a motor da collavuraturas e da collavuraturs che dovran regularmain
lur vehichel per motivs uffizials;
c)
vehichels a motor da collavuraturas e da collavuraturs cun impediments
corporals;
d)
vehichels a motor da collavuraturas e da collavuraturs che n'han betg a
disposiziun in med da transport public per arrivar a temp al lieu da lavur u per
bandunar a temp il lieu da lavur;
e)
vehichels a motor da visitadras e da visitaders da l'administraziun chantunala;
f)
velos e velos a motor.
Art. 5
Diever suttamess a taxas
1
Per il diever da las plazzas da parcar vegnan incassadas taxas per:
a)
vehichels a motor da collavuraturas e da collavuraturs che dovran
irregularmain lur vehichel per motivs uffizials;
b)
vehichels a motor da collavuraturas e da collavuraturs che na dovran betg in
vehichel per lur activitads uffizialas, sch'igl èn avant maun avunda plazzas da
parcar;
c)
vehichels a motor da terzas persunas che dovran las plazzas da parcar ordaifer
las uras da lavur.
Art. 6
Taxas
1
La taxa per duvrar las plazzas da parcar importa:
a)
30 francs il mais (incl. taglia sin la plivalur) per collavuraturas e per
collavuraturs che dovran irregularmain lur vehichel privat per motivs uffizials;
b)
50 francs il mais (incl. taglia sin la plivalur) per collavuraturas e per
collavuraturs che na dovran betg in vehichel per lur activitads uffizialas,
sch'igl èn avant maun avunda plazzas da parcar;
c)
1.20 francs l'ura (incl. taglia sin la plivalur) per terzas persunas ordaifer las
uras da lavur.
2
La taxa da parcar vegn deducida mintga mais dal salari da las collavuraturas e dals
collavuraturs.
3
Terzas persunas pajan la taxa tar in'ura da parcar centrala u tras in tschains mensil.
4
Las taxas vegnan examinadas regularmain da l'uffizi chantunal da construcziun
auta ed adattadas – en cas da basegn – da la regenza.
Art. 7
Administraziun
1
Per l'administraziun da las plazzas da parcar è cumpetent l'uffizi chantunal da
construcziun auta.
2
170.800
Art. 8
Aboliziun dal dretg vertent
1
Urdens existents davart las plazzas da parcar vegnan abolids.
Art. 9
Entrada en vigur
1
Questa ordinaziun entra en vigur il 1. da fanadur 2003.
3
170.800
Tabella da las modificaziuns - tenor conclus
Conclus
24-03-2003
4
Entrada en vigur
01-07-2003
Element
relasch
Modificaziun
emprima versiun
Publicaziun en la CUL
-
170.800
Tabella da las modificaziuns - tenor element
Element
relasch
Conclus
24-03-2003
Entrada en vigur
01-07-2003
Modificaziun
emprima versiun
Publicaziun en la CUL
-
5