PUNTS 180 • MASSASINGELS • ANNADA 16 PAGINA 2 PUNTS 180 / AVUST 2009 CUNTEGN Editorial 3 Retschertga, jau vom a l’Open Air ... 4 Fadiar raps agl OAL 6 Sur place 7 Caglias che scrolan e frisbees che sgolan 8 Plasma – Üna surpraisa musicala 8 Sur place 9 In chip per in na fa mal a nagin 10 Sur place 11 Single = sventireivel? 12 Sur place 13 Sur place 14 10 motivs per ir scu single a l’open air 15 3 categorias dals bavaders da la bunura 15 Salüds da la Val Müstair 16 Sur place 17 La passerela open air 18 Ils culms da merda 22 Impressum 23 da Simon Arpagaus PAGINA 3 PUNTS 180 / AVUST 2009 EDITORIAL Ils singuls en la massa. – Quai è stà in da noss puncts da partenza per quest’ediziun speziala. Nagut pli simpel che da chattar quels ad in open air! Uschia essan nus ans rendids a l’Open Air Lumnezia per prender in pau sut la marella quel fenomen da las massas, ma oravant tut era per chattar ils singuls che furman quella massa. Tranter quels singuls datti adina tips fitg SiNgulARs, persunas che dattan per divers motivs simplamain en egl. In open air è sco ina gronda discoteca – in lieu per tadlar musica, esser da cumpagnia, ma er in lieu per singles (e na-singles) da guardar, flirtar e s’inamurar. Era Punts vuleva far novas enconuschientschas e forsa perfin s’inamurar en ils texts da novs puntists. Quai era numnadamain l’auter punct da partenza: chattar en quella massa da visitaders las persunas che vessan gust da scriver texts per Punts – gist ussa! qua! sur place! senza vocabulari e program da correctura – e lura era l’avegnir per ina u l’autra ediziun da la gasetta giuvna. Durant bundant quatter uras ha Punts “mulestà” visitaders dad open air innocents, è sa preschentada ed ha era chattà insaquants amis – speranza da quels fidaivels... Il resultat da quels inscunters tegnais vus, charas lecturas e chars lecturs, en voss mauns. Bun divertiment cun il numer 180 da Punts! PS: tgi che ha gust da scriver per Punts po era far quai senza che la redacziun vegnia a “far la chaja” a chaschun dad x-in’occurrenza. Nus ans legrassan. da Silvana Derungs PAGINA 4 PUNTS 180 / AVUST 2009 RETSCHERTGA – JAU VOM A L’OPEN AIR, PERQUAI CHE ... JAU N’HAI USCHIGLIO NAGINS COLLEGAS MIA MAMMA HA GUDAGNÀ IN BIGLIET TAR RTR Punts vuleva chattar novas amias e novs amis a l’open air. Novs amis che scrivan per Punts. Sche pussaivel gist sur place. Ma nus eran era conscients (uschè lunsch avain nus anc pensà) – che blers na vulan, na pon u na san (stadi intellectual limità) betg scriver durant in open air. Ma far cruschs è per ils blers anc pussaivel. Perquai avain nus fatg ina pitschna retschertga. Sa chapescha ch’ina retschertga represchentativa surmuntass nossas capacitads dad in’ediziun spontana. Per nus basta er ina retschertga fitg na-represchentativa cun respostas da 22 persunas tranter 17 e 32 onns. E cun ina dominanza extrema dals umens. Las dunnas han preferì da scriver in text u da s’inscriver en la glista da las novas auturas per las Punts (nus engraziain persuenter). Sa chapescha ch’i dat nagina garanzia a respostas sinceras. CUN TGI E PERTGE SUN JAU A L’OPEN AIR? La cumpagnia cun ils amis è definitivamain il motiv principal per vegnir a l’open air. Ils blers vegnan lura er ensemen cun lur collegas. 4 persunas èn a l’open air cun lur famiglia (interpretaziun pussaivla: il frar po era far part da la clicca dals bavaders...) La redacziun da Punts è bain stada uschè naiva ch’ella n’aveva betg pensà da metter l’opziun «per baiver» – quai ch’è dentant vegnì agiuntà individualmain anc da 3 persunas. Per 4 persunas è la musica quai che carmala a l’OAL (Open Air Lumnezia, per tut quels che n’han anc betg decifrà l’abreviaziun). Era l’opziun da vegnir qua a chattar in ami u in’amia (era sch’igl è forsa mo per ina notg) n’è per 2 persunas betg exclusa. A propos ami/amia: sex a l’open air è exclus per 9 persunas, 2 din cleramain gea, per il rest è quai «forsa» in tema. Blers vegnan cun amis e quels amis portan anc auters amis. Quantas novas persunas han noss infurmants gia emprendì d’enconuscher fin la sonda suentermezdi? (Attenziun: en noss temp da facebook cun las roschadas dad uschenumnadas amicizias quintan mo las novas enconuschientschas ch’ins salidass er anc in’emna pli tard): la maioritad (12) na salidass betg dapli che 4 novas persunas l’emna suenter l’OAL, 6 persunas dumbran tranter 5 e 15 novas enconuschientschas e 4 persunas ston tegnair endament ils nums da passa 15 persunas. Ins va a l’OAL, perquai ch’igl è simplamain gailira, sa chapescha! Or da libra voluntad. (Nus pudessan sa chapescha cumenzar a discutar davart la libra veglia, sche nus giain “mo” perquai ch’igl è genial.) Il sentiment da «perquai ch’ins sto halt bunamain ir» han duas persunas gì il curaschi dad inditgar. Ina persuna ha perfin cruschà la resposta «perquai che mia mamma ha gudagnà in bigliet tar Radio Rumantsch». Cordialas gratulaziuns. Nus essan era cuntents che nagin sto ir a l’open air, perquai ch’el u ella n’ha uschiglio nagins contacts. Era qua gratulain nus. TGE E PER QUANT BLER CONSUMESCH JAU? Per 15 da las 22 persunas infurmantas è l’OAL la suletta destinaziun openairica da quest onn. 5 persunas visitan dus fin quatter open airs e 2 persunas han questa stad in program bunamain stentus cun 5 u daplirs open airs. Las entradas per in open air custan ed er ils viadis a quels open airs. Ma quants daners vegnan uschiglio anc sbursads en media durant in festival uschia? 5 persunas na stravagheschan betg e guardan da tegnair lur budget sut 50 francs. Ils blers (12) sa movan en dimensiuns tranter 100 e 200 francs. 5 infurmants dattan ora passa 200 francs, in da quels ha schizunt precisà ed inditgà 400 francs. Pajar va il bler ensemen cun consumar. Nus na vulain betg savair quanta gervosa che vegn bavida (e forsa lura anc far da moralists). Ma en vista a quellas persunas pli u main fittas la sonda, ans interessescha schon anc tge che quellas persunas han bavì sco emprim la sonda damaun – suenter l’emprima saira dad open air. Era qua datti ina gruppa pli gronda: 10 han bavì sco emprim ina gervosa – u era pliras. Il Fux (el vul vegnir numnà explicitamain) ha bavì alcohol, dentant era quai in vin. 6 dals infurmants han sco emprim bavì aua (i n’è dal reminent betg tut las dunnas, mabain mo 4 dad ellas, ina ha bavì gervosa ed in’autra ha bavì in suc da fritgs (la suletta da quella categoria)). Quatter han duvrà in café per vegnir alert ed in ha preferì latg. PAGINA 5 PUNTS 180 / AVUST 2009 E CO MA PRESCHENT JAU A L’OPEN AIR? In open air è era la chaschun per sa preschentar in pau – betg il davos vegn mussada la bella pel abbronzata da las vacanzas a la mar. Tschertins sa vestgeschan er a moda fitg extravaganta per dar en egl in pau en la massa – mintgatant era per far reclama per ina u l’autra uniun. L’equipament modic sto en mintga cas constar. Tenor tge devisa sa vestgeschan noss infurmants? Per 15 persunas è la devisa: pratic e resistent a l’aura. Cler che sche las prognosas da l’aura èn tuttas sin sulegl e cun temperaturas chaudas, po il «resistent a l’aura» er esser in «confurm a l’aura» e muntar tant sco «pauca stoffa». «Liger, pauca stoffa, sexy» è la devisa generala per 2 umens. Per 4 persunas stoi simplamain esser schräg e stravagant. Ina persuna ha amplifitgà las opziuns e sa vestgescha en general per in open air cun «la mendra vestgadira ch’ei dat». Quai na fa almain era betg donn a la bursa. Tut en tut pudain nus dir: ina retschertga che na serva a nagut auter che ad emplenir l’ediziun speziala da las Punts. In dals infurmants sa serva ussa da la frasa «Sex a l’open air – in tema?» per far si ina dunna e nus avain la conferma che la musica a l’open air è plitost secundara – cuntrari a la gervosa. In pitschen confiert anc per ils organisaturs: 16 da las 22 persunas pensan er a la lavur organisatorica che stat davos in tal open air. dal team da PUNTS PAGINA 6 PUNTS 180 / AVUST 2009 da Tschamun B.* * nums enconuschents alla redacziun CO FADIAR RAPS DURONT IGL OPEN AIR LUMNEZIA Damai che jeu vai bia raps, e damai che jeu drovel aunc dapli, essan miu collega ed jeu sedecidi dad arver ina firma da baghegiar si tendas (TZ Eltage). Cunquei che D.* da F. era memia marschs da baghegiar si la tenda, havein nus priu l’iniziativa da fierer neu sia tenda per 20 francs (el vess era pagau 50 francs). Sche vus duvreis raps, fageis il meglier dad ir tier el l’auter onn. %%%% In’autra fontauna dad entradas fuss da far marschs da triumf cun ina carretta, ni semplamein duvrar butschins da rumien sco instruments per scadenar neunavon la glieud che dierma per suenter far pagar els ch’els han astgau tedlar las explosiuns artisticas e musicalas che survargan tut las bands digl OAL. PUNTS 180 / AVUST 2009 SUR PLACE PAGINA 7 PAGINA 8 PUNTS 180 / AVUST 2009 CAGLIAS CHE SCROLAN E FRISBEES CHE SGOLAN PLASMA – ÜNA SURPRAISA MUSICALA Visitaders dad open airs giogan cun lur sanadad. Quei ei ina hipotesa ch’jeu fixeschel per differents mo tivs. En in senn ei quell’expressiun giustificada. Da l’autra vart puspei buc. Davo duos dis festa as poia dir cha l’Open Air Lumnezia ha, schi va per musica e bands, tgnü pront alch per mincha gust. Da hiphop, sur ska fin rock e dafatta ün pa elektro, da bands absolutamaing svizras fin gruppas chi nu’s savaiva gnanca d’ingio chi sun, da totalmaing “schräg” fin pachific ed agreabel, da musicists chi d’eiran schon immez il grond comeback fin a quels chi d’eiran quasi incuntschaints – tuot d’eira da la partida illa Val Lumnezia. Pro l’ultima categoria (quasi incuntschaint) toccaiva eir la band Plasma da Cuira. Sco prüma band da la sonda han ils trais giuvens però surprais in maniera fich positiva. Sco giuvens profis han els cun lur elektrorock propcha s-chatschà il “kater” da la saira avant. Sustgnü dad ora e culissa perfecta han els pisserà pro blers visitadurs per buna glüna. Cun lur musica han els fat pensar ün pêr jadas vi da bands cuntschaintas sco Muse, Radiohead o eir The Killers. Cha na mincha tun d’eira perfect e cha’ls giuvens nu vaivan mincha jada il timing ideal es propa be amo ün detagl chi d’eira sgüra istess a tuot ils aspectatuors. In mincha cas ans pudaina allegrar sül CD chi vess da cumparair vers la fin da quist on. Clar, ins senutrescha duront dus dis per gronda part a moda malsanadeivla. Ins maglia pil pli paunins, servelas ni ligiongias da barsar, pommes chips ch’ils umenets e las dunnettas en costums oranschs repartgan e cunzun beiban ils giuvenils ina MASSA alco hol e feman ina roscha pacs cigarettas. E gnanc dad emblidar la musica che vegn tschentada si sin tgei sai jeu cons decibels. Il schulitgem a moda da tinitus en las ureglias suenter ils concerts ei gia programmaus. Mo uss eis ei da risguardar ed analisar ils acts sanadeivels che vegnan praticai duront il festival. Cheu patratgel jeu cunzun allas activitads sportivas en differentas modas e manieras. Ei vegn saltau tier las bands che concerteschan. Plinavon giogan ils aspectaturs ballapei, «heckisäck» ni fieran frisbees crusch e traviers. Igl aspect aunc pli divertent ei naturalmein igl act d’amur, ni tenor il lungatg dil pievel: sex. Sex fan ins en las tendas, davos ina caglia ni in clavau (sch’ina caglia entscheiva a scurlar, san ins pil pli tgei che marscha). Bien pia, jeu creiel ch’ei detti gest aschi biars aspects positivs sco negativs davart in open air. Tgei ch’ei segir: la MASSA fa ina MASSA… da Flurina Cajochen dad Oliver Nyffeler PUNTS 180 / AVUST 2009 SUR PLACE PAGINA 9 PAGINA 10 PUNTS 180 / AVUST 2009 IN CHIP PER IN NA FA MAL A NAGIN TGI ÈN INSUMMA QUELLAS PERSUNAS CHE REPARTAN GRATUITAMAIN DA TUTTA SORT PRODUCTS? NUS AVAIN DISCURRÌ CUN NICOLE CHE REPARTEVA CHIPS PER ZWEIFEL. Sonda da mezdi, il sulegl stgauda, las emprimas gruppas da persunas sa movan sin l’areal da concert da l’Open Air Lumnezia. I n’è anc betg roschadas, ma era betg mo ils singuls utschels da la damaun ch’eran sa rendids nà qua per ensolver u per cumprar lur emprima gervosa da la sonda. PER GUDAGNAR SPERT IN PAU DANERS Qua a l’entrada survegn ins enta maun in pac chips, u era plirs, sch’ins na sa mova betg gist vinavant. Duas figuras resch oranschas – dal chapè sin chau enfin l’ur da las chommas da lur overal – portan in’immensa tastga oranscha (che n’è probablamain betg talmain greva, considerond la bler’aria ch’è per il pli en ils pacs da chips) e repartan pachets da chips. Ina da quellas figuras è Nicole che fa gia dapi insaquants onns la lavur da repartaproducts-da-reclama. Ussa ch’ella è en scolaziun saja quai ina lavur ideala per gudagnar daners. Sch’ins dovra daners, fan ins forsa era reclama per products, davos ils quals ins na sa betg star tschient per tschient? Quai saja stà il cas mo ina giada, cura ch’ella era turnada da l’exteriur e duvrava spert puspè daners. Normalmain sappia ella dentant represchentar mintga product . CO CHATT’INS INA TALA LAVUR? Nicole è vegnida a quella lavur entras in ami. Per il pli s’annunzian ins den tant tar in’agentura che procura lura per il contact cun ina firma. Sch’ins lavuria bain, vegnian ins per il pli adina puspè dumandà da quella firma per ulteriurs engaschaments. Lura sajan els – savens pli u main adina las medemas persunas – sin viadi ad occurrenzas pli grondas sco ils open airs. Questa stad saja ella per exempel oravant tut sin viadi per Zweifel, tranter auter er als open airs da Frauenfeld, Gampel e Heitere. La lavur duria ca. 6 fin 7 uras, da mezdi fin la saira. Per il pli hajan els a disposiziun bons per mangiar e baiver e qua hajan els ina chombra en in hotel a Glion. SCHON ANC SPEZIAL DAD UDIR LIVE IL RUMANTSCH Ussa è Nicole pia en Lumnezia; emprend’ins entras quella lavur era d’enconuscher in pau la Svizra? Ella enconuschia gia vaira bain la Svizra, ma fin en quella vallada na saja ella propi anc mai stada. I saja schon anc insatge spezial qua, oravant tut era dad ina giada udir live la lingua rumantscha. Ma ils blers, cun ils quals ella haja contact entras sia lavur, discurrian directamain tudestg cun ella. Schebain ella haja l’impressiun che quellas acziuns da reclama portian insatge, avain nus anc vulì savair da Nicole. Quai n’ha ella betg pudì dir en furma da cifras. Tscherts open airs vendian dentant era gist ils products che vegnan repartids (sa chapescha en grondezzas pli grondas); qua a Degen ussa betg. Ella speria dentant ch’insatgi vegnia sin il gust dad ina u l’autra varianta da quels products. Nus da las Punts en mintga cas – la finala essan nus ans nutrids fin il suentermezdi da las quatter mo da quels chips. da Silvana Derungs ed Annatina Dermont PUNTS 180 / AVUST 2009 SUR PLACE SEX A L’OPEN AIR, IN TEMA? PAGINA 11 PAGINA 12 PUNTS 180 / AVUST 2009 da Saskia Del Zotto SINGLE = SVENTIREIVEL ? «Tgei? Ti eis aunc single?» Quei audel jeu aunc bia il davos temps. Bunamein adina suonda sin quella damonda ualti spert la proxima: «Ti, jeu savess cheu in super-typ per tei, jeu fetsch il “verkuppeln” vus.» (;-) )-:)( :-) Bia glieud ei dil meini che singles seigien bia trests e sventireivels cun lur situaziun momentana. Jeu denton vesel quei buc aschia. In single sa esser cuntents fetg bein cun sia veta e cun sesez. Tgisà? Forsa ha el buca fatg bunas experientschas cun l’amur ni ch’el ha buc il basegns dad ina relaziun. Jeu gaudel la veta sco single. Ins ei buca ligiaus vid in’autra persuna, sa far e schar tgei ch’ins vul e sa decider sez senza prender risguard dad enzatgi auter. Naturalmein dat ei era meins bials muments, mo lezs ein plitost rars. Mo la gronda part digl esser single plai a mi. Naturalmein sun era jeu happy cura ch’jeu hai empriu d’enconuscher in simpatic giuven, mo adina vegn era buca zatgei ordlunder. E lu sai jeu gir cun buna cunscienzia: «Single = sventireivel? – Buca tier mei!» PUNTS 180 / AVUST 2009 SUR PLACE Maurus (17) da Sagogn è noss SINGLE da l’onn. El è il sulet che ha prendì la chaschun da sa preschentar en las PUNTS ed empruvar ses cletg. Bun success! PAGINA 13 NUM: M A JAU SUN URUS ANC BSINGLE, PERQUA I CONTACT ETG ENTU CHE: JAU N’ HAI IL BA : JAU SPET PÀ TAI! L AIR L LUN DA C G SIN TAI D UMNE A ZIA 20 LANDA L’OAVANT 10 PEN PAGINA 14 SUR PLACE PUNTS 180 / AVUST 2009 PAGINA 15 PUNTS 180 / AVUST 2009 LAS 3 CATEGORIAS DALS BAVADERS DA LA BUNURA 10 MOTIVS PER IR SCU SINGLE A L’OPEN AIR… A – quels chi han fat tras trats caracteristics: vusch ün pa raca, postan üna biera frais-cha, ma han amo üna dretta bindera da la not passada, nu rivan bod na da drivir ils ögls ed han üna frisura sbarüffada, movimaints ün païn plü plans, nu san plü propa far dret il quint e dan bler bunaman, quels chi’s ston pozzar sülla bar. 1. Que ho üna pruna oters singles chi tscherchan il listess – aventüras, be ün po spass u forsa eir il prinzi/la princessa dal cour, … B – ils fits (quels chi stan sü bod – ils “frühaufstehers”) e quels chi han fat üna duscha francesa trats caracteristics: movimaints cun schlantsch, quels sainza bindera (oter sco üna da deo) e cun avert ils ögls. C – die “mannsweiber” trats caracteristics: postan güsta 2 bieras, recloman, perche chi dà be bieras da 3 dl, fan da quai cool eir scha’l bellet es repartì sün tuot la fascha. D – chaschiera da la giuru E – quels chi nu sun amo rivats our da la tenda trats caracteristics: han bavü massa bler la saira avant. da Seraina e Rut Martina 2. A do uschèèèè bger da guarder… 3. As es absolutamaing independent che chi pertuocha - l’ir a let - che manger, che baiver - cura baiver - etc.etc.etc 4. A do fich bgeras occasiuns per flirter… 5.Üngün nu reclama, scha nu’s vess pü da chatter la tenda – our da che motivs eir adüna… 6. Scha’s vess dad esser uschè stuorn u che eir adüna, esa listess, schi vess tuottüna da der cò u lo ün bütsch cun ün/a incuntschaint/a… 7.Scha que do dispütta, lur be cullas collegas/culs collegs chi haun forsa vis il listess hom/la listessa duonna ed haun eir ambiziuns in quella direcziun… 8. A l’open air do que fich bunas chosas da manger, dischplaschaivelmaing minchataunt eir cun tschiguollas u chosas similas – ma as po manger quauntas tschiguollas cha’s voul, perche ch’üngün/a amih/amia as gnierva da la spüzza, che flot… 9.Il listess culla bindera il di zieva… 10.E chi so, forsa cha l’ün u l’oter single chatta propi l’amur da la vita a l’open air – füss bain bel… da Victoria Mosca PAGINA 16 PUNTS 180 / AVUST 2009 da Patricia e Rebecca Quellas da la Val Müstair. SALÜDS DA LA VAL MÜSTAIR Nu eschan gni da la Val Müstair a quia a Lumnezia per far dret festa e per jalder il geil Open air cun las geilas bands!! Hoz es ün geil di e perquai faini festa tota di! Nu duas Jauras dischain be chi ha rendü da gnir fin a quia a Lumnezia! I ossa jaini amo a far festa e giavüschain a tots ün geil OPEN AIR. PUNTS 180 / AVUST 2009 PAGINA 17 SUR PLACE Punts sur place . dus novs amis Silvana cun Durana e Deo n, da las PUNTS PAGINA 18 PUNTS 180 / AVUST 2009 LA PASSARELLA OPEN AIR Era tgi che na s’interessescha betg spezialmain per ils pli novissims trends da la moda po identifitgar tschertas tendenzas a chaschun dad in open air. Entaifer la gronda sumeglientscha (shirts en violet u verd, leggings nairas, egliers da sulegl, etc.) emprova mintgina e mintgin da sa differenziar individualmain (egliers da sulegl mellens, cotschens u sdrimads, shirts en violet e verd, etc.) – u lura mintga tant gist betg. Purtar las medemas colurs, ils medems chalzers e la medema frisura sco autras ed auters era signifitgescha: jau appartegn ad ina gruppa, jau sai tge che marscha, jau sun trendi! Punts as preschenta las particularitads da moda dad insaquants tips da persunas. da Silvana Derungs PUNTS 180 / AVUST 2009 PAGINA 19 PAGINA 20 PUNTS 180 / AVUST 2009 PUNTS 180 / AVUST 2009 PAGINA 21 PAGINA 22 PUNTS 180 / AVUST 2009 ILS CULMS DA MERDA Culms da merda èn a l’open air Lumnezia almain uschè preschents sco la bella culissa muntagnarda. En il suandant text na stat scrit nagut da nov u spectacular, ma igl è simplamain adina puspè necessari da far endament a la glieud da betg bittar la merda per terra. La dumengia en damaun, cura che l’ areal da l’ Open Air Lumnezia sa svida plaunet, resta enavos massa merda. Plastic, pet, tendas, liongias, maila... vestgadira. Praticamain in martgà da plugls gratuit. T’imagina: tia chasa senza in chana ster da palpiri... hmm, i fiss impus sibel da far cun il tschitschapulvra... – bittar tut or da fanestra fiss in solu ziun, ma forsa betg a la lunga. Durmir la saira sut ina cuverta da merda, quai procurass segiramain per bels siemis. Logic, bittar il palpiri per il plaun vi na fa nagin senn, definitivamain na. E tuttina è l’entir areal d’open air plain merda. Pertge bittas ti tut per terra? È quai be, perquai che ti na stos betg prender si tez tia merda? Era sch’il «dräcksack» è be trais meters sper tai, laschas ti dar il magiel da biera vit giun plaun...!? Igl è insumma ridicul ch’jau survegn mintga giada in nov magiel da plastic tar mia biera. Uschia sai jau per mintga biera era bittar in magiel giun plaun. Cunquai ch’il consum da biera è tenor exactas retschertgas dal team da PUNTS fitg aut, dat quai automaticamain ina massa merda. Che mintga singul na sa betg dismet ter sia atgna merda è tragic, trist ed inchapibel, dentant in fenomen da nossa societad. Ma tge fan ils organisaturs da l’Open Air Lumnezia cunter la problematica dal rument? I dat differentas pus saivladads dad almain reducir la merda: in deposit sin il satg da rument, deposits sin magiels, tagliers e pusada da plastic. Anc bler megiler fiss vaschella cumpostabla. Natiralmain èsi tragic da stuair pretender daners per merda, ma quai ha tuttina differents avantatgs. Jau return per exempel mes magiel biera u al lasch directamain emplenir da nov. Autras persunas sco han la pussaivladad da perfin gudagnar raps a l’open air cun rimnar merda. Tals sistems pon ins quasi observar a mintga open air. Pertge betg en Lum nezia? L’open air bain enconuschent per la bella vista natirala e l’atmosfera famigliara e ... la merda per terra! Quai è bain ina cuntradicziun, ina buna vista sin in culm da merda. dad Annatina Dermont PAGINA 23 PUNTS 180 / AVUST 2009 IMPRESSUM chauredactura: Silvana Derungs, Hauptstr. 117, 1715 Alterswil, 079 274 48 03 [email protected] redacziun: Flurina Cajochen, Crestas 36A, 7154 Ruschein, [email protected] Victoria Mosca, via Nouva 1, 7503 Samedan, [email protected] Catrina Waldegg, Purmaglera 1, 7460 Savognin, [email protected] collavuratur/as en quest numer: Simon Arpagaus, Annatina Dermont, Claudio Maissen, Gion-Antieni Maissen, Adrian Marti, Bigna Müller, Oliver Nyffeler, Anna Rauch, Saskia Del Zotto, Deon, Durana, Maurus, Patricia, Rebecca, Rut Martina, Seraina, Tschamun B. ... Grazia a tut quels ch’èn vegnids sur place. layout nr. 180: Annatina Dermont, Obergrundstr. 96, 6005 Luzern, [email protected] secretariat: PUNTS, Aita Pult, 7551 Ftan [email protected], 079 563 27 32 editura: GiuRu, Chascha postala 312, 7002 Cuira [email protected] abunament: 45 francs per onn, Raiffeisen Surselva, clearing 81073, conto 41742.23 novs abunents: www.punts.ch stampa: communicaziun.ch, Glion internet: www.punts.ch www.giuru.ch avis: Las opiniuns dals auturs e da las auturas en quest numer na ston betg correspunder a l’opiniun da la redacziun da PUNTS. PUNTS è commembra da l’Associaziun da Pressa Svizra dals Giuvens. P. P. 7130 GLION
Scarica
