nr. 93
annada 8, glion, favrer 02
pretsch frs. 40.–/onn
il proxim puntissimo è:
siemis
fin da redacziun per il nr. 94:
12 da favrer 02
punts 94 cumpara
entschatta mars 02
favrer 1978
Infos interns
da la redacziun da PUNTS
Jau sun in um da naiv
Editorial da Rafael Müller, caporedactur Surmeir
Lain sperar che la naiv saja vegnida avant questa gasetta. Il puntissimo da quest mais – ils texts èn vegnids scrits enturn la mesadad
da schaner – tuna sco in clom d'agid: "naaaaaaiiiiiiv!" Sche la naiv
n'è anc adina betg vegnida, lura porscha quest numer ina brava
navaglia – e quai betg or da chanuns.
Pli u main cun in chanun ha schluppettà da curt la firma Rivella. Lur
muniziun n'era betg naiv, mabain munaida. La GiuRu (Giuventetgna
Rumantscha) ha survegnì da regal da l'enconuschenta firma da
bavrondas 50'000 francs. Ti has udì endretg: 50'000 francs. Pertge
gist la GiuRu e tge fa ella cun quella summa immensa da raps? –
Dapli en questa gasetta.
Tgi che vul sez er decider tge che vegn fatg cun quels 50'000 francs,
quel/la fa bain da daventar commembra/ber da la GiuRu. La radu-
Jau sun in um da naiv e viv cun mes geniturs e cun mia sora en il iert
dals Derungs. Ils dus uffants dals Derungs èn noss stgaffiders. Mia
famiglia è ina allegra maschaida. Mes bab porta ina veglia chapitscha da la SKA. Ina da quellas en cotschen-blau-alv. Mia mamma
porta ina schlingia da Rivella cun si las suttascripziuns dals skiunzs
da la squadra naziunala, e quai da quels onns, cura ch'els gudagnavan. Mia sora è d'apparientscha stgira – ella han ils uffants fatga sco
davosa. Cun la pauca naiv da quest onn han els er rudlà en in pau
terra dal iert. Nus tuts avain simpatics tartuffels sco egls e gnoccas
carottas sco nas. Cun excepziun da mes bab: il figl dals Derungs,
quel stroli pubertar, ha fitgà en la carotta a mes bab sin l'autezza
d'in mez meter. Ma mes bab è in meter e mez grond. Mintga giada
che dunna Derungs passa sper il iert, entschaiva a crescher la carotta. Quant penibel per mes bab. E pir per mia mamma: mintga giada
lua ella in pau dapli da la schigliusia. A propos luar: nossa vita na
dura betg ditg. Sche i va bain ina stagiun. Dad aua essan nus fatgs,
tar aua daventainsa. Sco er vus carstgauns. Mo che vus vegnis da la
pulvra e daventais pulvra. Questa è la inevitabla lescha da la scadenza. Ella vala tant per vus e nus sco er per quest'ediziun da PUNTS.
Cun il sulegl da la primavaira perdain nus nossa consistenza. E la
PUNTS 93 sia actualitad. Perquai, char/a lectur/a, legia ella bainbaud. Il meglier dalunga.
nanza generala ha lieu ils 23 da favrer 2002 – guarda en questa gasetta sut occurrenzas!
Christian Schocher da Puntraschigna ha realisà da curt il film "Giuventetgna, dultsch utschi – Born in the Surselva" en collavuraziun
cun la Televisiun Rumantscha. PUNTS ha vesì la pre-premiera al 37.
Festival da film a Solothurn. Ina curta critica da quel film – en questa gasetta.
Bun divertiment e chars salids
Rafael Müller
Cu la neiv declara l'uiara...
dad Alexander Casanova, patrouilleur
Tge neiv?
Gion Capeder
Cuolms e pézs curclai da neiv carmalan mellis skiunzs e cutgnists
els aults. Spundas e plauncas surtratgas cun ina neiv da puorla lain
delectar ils cors da tut ils freaks. Cun raschun, pertgei cun melli
plaids san ins buca descriver il sentiment dad esser la damaun sin in
punct ault, fina bial'aura, buna vesta tochen alla fin dil horizont.
Mintga spunda ha siu kick e vul vegnida acquistada, seigi quei sin
pista ni dasperas.
La tarlischur dalla cozza da neiv zuppenta denton gronds prighels.
Per nus dil survetsch da pistas e salvament ha ei adina num giudicar
la cozza da neiv e l'influenza dil vent sil territori da skis per saver
porscher al hosp pistas segiras, schi lunsch che quei ei pusseivel.
Spundas teissas che cunfineschan ni sedrezzan enviers la pista marcada vegnan segiradas artificialmein encunter lavinas. Quei ei bein
mars 2000
ina biala lavur, denton era prigulusa. Ella pretenda bia rutina ed enconuschientscha. Tenor qualitad da neiv nova, direcziun e fermezia
dil vent, temperaturas ed exposiziun ei la situaziun autra.
Giu ella val spetgan mellis hosps che vulan acquistar ils aults. Perquei serendin nus gia baul la damaun en gruppas da dus siadora
ellas staziuns, controllein e montein "barryvox", mirein che pala e
stangas da sondar seigien el sacados, planisein la ruta, semtgein
muniziun e carghein tala el sacados. Silsuenter revin nus sils pézs ni
grugns, en mintga cass mintgamai sil punct ault, per siglientar las
lavinas da surengiu. Sche nus havein cletg ei la neiv sil fil suflada
naven, autruisa semudergein nus tras la neiv nova tochen sil spitg.
Arrivai el liug observein nus la plaunca e giudichein nua che la neiv
ei cargada. Silsuenter vegn pendiu ina purziun muniziun vid in sughet e fiers quella ella spunda teissa ed els cuflaus. 90 secundas
havein nus peda da seschluitar en in refugi. Lu rebatta la muniziun
tras cuolms e vals. Ei la plaunca cargada fetg cun neiv e sesanfla
enzanua ella cozza ina sdrema fleivla che colligia malamein la neiv
nova cun la veglia, lu rumpa la lavina ora en quei punct e sederscha
da camifo a val. Quei ei mintgamai in quet per mintga patrouilleur e
lai batter il cor pli ferm. En quella fuorma vegn siglientau schi ditg
lavinas, tochen che tuttas zonas e plauncas da prighel ein segiradas.
Metta l'explosiun buca en moviment ina lavina, stabilisescha ella
supplementarmein la neiv entras las undas da pressiun. Da mintga
lavina vegn menau protocol. Ei vegn notau il liug, l'altezia dalla ruttadira e la ladezia. Ei il prighel da lavinas fetg gronds, p.ex. suenter
grondas nevadas, vegnan las zonas da prighel siglientadas ord il
helicopter.
Ils skiunzs ellas staziuns vegnan plaunsiu malidis e fan adina dapli
squetsch. Las pistas e traversas, runals e sutgeras en prighel da lavinas astgan ils responsabels per arver cura che nus dein igl o.k.
Essan nus dad ina vart cargai cun ina gronda responsabladad, havein
nus persuenter mintgamai la quida dad ir cun skis tras plauncas
intactas. La neiv domesticada porscha lu a nus in dessert incumparabel!
Neiv è cunaschaintamaintg er en oter pled per la cocaina. Tots son
tge tg'è managea cun chegl: igl "stoff" alv tg'è nia duvro an abundanza ainten igl film "pulp fiction". Cun ena bancnota, igl migler
egna cun daple valeta tg'igl conto da spargn, vign chel polver tratg
se pigl nas. Digl reminent è neiv da polver er ena substanza tgi vign
stimada dad oters consuments da neiv. Tranter oter er digls turists.
Magari pustavan chels er ena cumbinaziun da tots dus: en schinumno "two snow". Pero dattigl chel betg ple pi bunmartgea cun igl abunamaint da mesa taxa. Chegl perchegl tgi la regenza grischuna ò
antschet a far ena campagna da prevenziun. E chegl perfign cunter
tots dus polvers. Seigl la neiv u la neiv.
En oter fatg è pero er, tg'igl dat tar tots dus consuments ena gruppa
digls cools. An mintga cass èn els persvadias tgi seian chegl. Els
painsan tgi seian igls trendsetters e creian da furmar la schinumnada in-scena. Sch'ins contemplescha exact la situaziun, alloura ins vei
tgi chels son ansasez angal betg quant tgutg far!
Ma tge vot tot chegl deir? Tge è ansomma far tgutg?
Forsa consumar neiv.
Dattigl perchegl da stad betg tants da chels tgi son betg quant tgutg
far, numnadamaintg angal anc igls cocsers?
P.S. Cunchegl tgi vign gido alla nateira cun mettels artificials, dattigl
pigl solit avonda neiv. Gl'è simplamaintg uscheia tgi chel digl polver
da nas è an chel risguard an avantatg anvers chel digl polver dallas
lavegnas. E chegl betg angal perchegl tg'igl cocser dovra pi pac a l'eda.
Intervista cun en manaschunz da maschina da pista
da Rafael Müller
en po ena tgossa: I dat prest nigns deis libers ed er betg gronda regularitad. Mitgatant lavouras la seira, mintgatant da notg. Igls ples
tgi fon chesta lavour èn giovens sainza famiglia. An sorteida vast igl
ple siva la lavour. Per ena gervosa u en café vinars.
E scu ègl cugl alcohol durant la lavour?
Cler, schi te vast culla maschina è alcohol scumando. Segl ple vign
chegl er tignia aint.
Tge lavour fast te da stad?
Ia lavour an ena tgava da gera. Blers digls mies collegas lavouran
segl bietg, oters von cun camiun. Manaschunz è ena plazza staschunala. Interessanta per giuvens. Ma mai ena lavour per la veta.
Tge per datas tecnicas ò ena maschina da pista?
Ellas peisan anfignen diesch tonnas, on tranter 160 e 330 forzas. Ellas dovran circa 20 liters diesel a l'oura e costan anturn 350'000
francs. Agl Corn Cotschen vagnsan tschintg maschinas. Sch'ins
chinta cun 400 francs per far eir ella en'oura e cun diesch ouras agl
de, dat chegl costs da 20'000 francs agl de.
Scu ègl cugl freid e cugl prievel da durmeir aint?
Las cabinas dallas modernas maschinas da pista èn confortablas
scu en Mercedes. I dat per exaimpel ena stereo cun CD e tot. Chella
è er fitg impurtanta: Sainza musica strubas tras. – La stancladad è
schon en po en prievel. Cunzont vers la dumang. Alloura dattigl navot oter tgi giu cun la fanestra ed or agl freid cun la testa.
Sch'ia sung an la gruppa da far neiv artificiala, sunga adegna agl
liber. Cò dormast betg aint schi spert. Ma gl'è ena fardaglia tgi vo
tras pel ed ossa.
Dattigl muments privlous tgi at fon tema?
Da chels dattigl bagn. Cun eir giu d'ena sponda terriblamaintg erta,
december 2001
Sch'el seia en "Hainzelmännli", vaia dumando a René Panier, 25 onns
da Surava. En po bagn, ò el managea, els lavouran la seira e da notg,
ed igls turists veian betg bler dad els. – René lavoura la terza staschung tar las Pendicularas Corn Cotschen SA a Lai/Lenzerheide.
Scu manaschunz, sa tgapescha. Ma mintgatant è el er fatschanto cun
far neiv artificiala. Ia va scuntro el a Lai an igl pub Ninos. Igl Ninos è
en li d'inscunter gugent frequento da tot chels tgi lavouran an las fatschentas digl turissem.
PUNTS: René, scu ins vign manaschunz da maschina da pista?
Gl'amprem vaia luvro en onn scu ampluia tar igls runals. Alloura ma
sunga annunztgia scu manaschunz. Per far chegl ègl angal da basigns dalla patenta dad eir cun auto. Examens per manaschunzs dattigl betg anc. Amprandia dad eir cun la maschina vaia alloura tar la
firma sez, chegl vot deir tar manaschunzs versos.
Scu funcziuna la lavour da manaschunz?
Chegl dependa adegna dalla neiv. Schi dat nigna neiv sur notg, antschavagnsan a far pista gio allas quatter digl sivamezde. Chegl cozza
segl ple anfignen mesanotg. Schi dat neiv sur notg, luvragnsan da
mesanotg anfignen la dumang.
Grev ve digl far pista è betg da palar la maschina, mabagn da canoscher la pista per saveir noua tgi las rosnas èn, chegl vot deir, noua
tgi ò blera neiv e noua tgi ò mengia paca.
Pigl mument lavourast an ena gruppa tgi fò neiv artificiala. Scu collaboreschan las equipas tgi fon neiv cun chels tgi von cun maschina?
Ansasez vign la neiv artificiala produtgeida da notg. Tot tenor pussebladad vign ella zuflada gist sen la pista cugl canung. Schi chegl vo
betg sto igl manaschunz rasar or la neiv. Ma ossa, cun la gronda
mancanza da neiv naturala, stuainsan far neiv scu igls nars. Chegl
vot deir er da de. Alloura ins fò en tarmenta munt neiv tgi igl manaschunz derasa sen pista da notg.
Scu stattigl cugl gudogn? E scu cugl taimp liber?
Ia fatg gugent chesta lavour. Perveia digls raps stuessa betg far ella.
Nous gudagnagn gist en po daple tgi egn tgi lavoura tar igls runals.
Ma igl noss schef è an urden ed igl clima bung. Cugl taimp liber ègl
per exaimpel. Ma tema vaia alloura betg. Gl‘è pitost en schlet sentimaint.
Tge è la pi bela experientscha tgi te ast fatg an la tia lavour?
Savess ossa betg deir a te ena experientscha speciala. Gl'è igl tot tgi
è bel: la pasch an la nateira, la neiv, igls animals salvadis tgi te veist.
Eneda va schizont via – e magari er disturbo – dus golps tgi eran ve
digl produtgier la nova generaziun.
Ischt te gio eneda ia sur en turist or?
Na! Da chels accidents capetan fitg darar. E schi capeta eneda ensatge, vign chegl naturalmaintg deraso grondamaintg an las gasettas.
Tge dei a te igl pled neiv?
LAVOUR! Sch'igl ò blera neiv, sunga ouras or sen veia culla maschina. Sch'igl ò paca neiv, stoia far neiv artificiala sainza fegn.
Angraztg fitg a Te per l'intervista. Per fittar ella anc ena dumonda tigl
potenzial terroristic d'ena maschina da pista: Usama Bin Laden vess
a disposiziun la tia maschina. Tge attentats savess el far?
Betg la massa. Blocar la veia principala. U segl ple eir sur ena bar da
neiv plagn turists sturns.
favrer 2001
favrer 1978
"No vivain illas muntognas e cul ris-ch da lavinas stuvaina oramai viver, i nun's resta oter..."
da Fadrina Hofmann
favrer 1999
Peder Caviezel da Ramosch es daspö 10 ons pro l'uffizi da fabrica
Engiadina Bassa e maina l'inviern il servezzan da lavinas. Punts ha
gnü l'occasiun da far ün pitschen excuors i'l muond da la prevenziun
da lavinas.
Punts: Che sun Sias funcziuns pro l'uffizi da fabrica?
Dürant l'inviern sun eu respunsabel pel uffizi da lavinas, quai voul
dir, per ramassar datas sur da las lavinas, masüraziuns da naiv, tour
sü profils da naiv, ed eu sun eir commember da la cumischiun da lavinas interna. Schi'd es dad ir a tunar giò lavinas sun eu eir adüna pro.
Co guarda oura ün di da Sia lavur d'inviern?
Ün tipic di d'inviern guarda oura uschea, ch'eu stun sü la bunura
avant las quatter, e lura n'haja la pussibiltà a chasa da clomar giò
sün meis computer tschertas datas da naiv da las staziuns chi sun
realisadas in nossa regiun. Quai sun duos staziuns da naiv aint illa
via da Samignun, staziuns da naiv in direcziun da Clostra e Tavo, e
vers l'Engiadin'Ota in Val Bever. Quellas datas poss eu retrar dal
Weissfluhjoch sün meis computer e tillas poss lura analisar, uschè
ch'eu tschüf ün'impreschiun quanta naiv e quant vent chi'd es süls
ots. Cun star giò la val esa natüralmaing difficil da decider schi's sto
serrar üna via o laschar avert, schi nu s'ha infuormaziuns plü concretas. Schi sun situaziuns plü specialas, davo ch'eu n'ha analisà las
datas, schi vain no ün cussgliader chi sta a disposiziun, e quai es sar
Jörg Kindschi da Ftan. Eu n'ha bler contact cun el per barattar infuormaziuns e far decisiuns schi'd es da serrar ün traget o tschel. I
nu dà üna regla fixa cur ch'ün traget ha da gnir serrà. Da l'experienza sur blers ons, s'haja uossa ün pa il sentimaint quanta naiv chi
cumporta in ün lö. Quai es però fich different, tenor la stipüra e la
consistenza dal fundamaint da la naiv. Ün factur fich important es
natüralmaing eir il vent. Cul vent as fuorman in tscherts lös scunflats, specialmaing süls spis e süls ots, uschè cha'l privel es talmaing grond chi's sto serrar la via.
Scha El pudess decider, sainza resguardar las finanzas, che müdess
El pro Sia lavur?
Vairamaing sun eu cuntaint culs mezs chi'm stan a disposiziun pro'l
servezzan da lavinas, però quai ch’eu müdess, füss da fabrichar in lös
periclitats diversas gallarias. Lura pudessan eir no durmir meglder
la not.
Che masüras ha El da tour schi'd es gnüda giò üna lavina?
Schi'd es üna via serrada ed id es gnüda giò üna lavina suletta, schi
esa dad ir il prüm sül lö a verer co cha quai guarda oura. Avant co
cha no pudain dar liber la via per rumir, fain no pel plü ün svoul cul
helicopter per verer schi fetscha dabsögn da minar amo in oters lös
o scha'l privel saja effectivamaing passà, e scha la lavina s'haja schargiada da sai. Scha'l privel nu regna plü, as poja dar liber la via
per rumir e davo as poja dar liber pel traffic. Scha'l privel es amo
avantman, esa da trar las masüras e minar giò amo il rest.
Schi vain giò üna lavina sün üna via averta, daja il prüm ün'acziun da
salvamaint. I's sto adüna ir our da quel punct chi pudess esser inchün suotaint. A man da perdüttas o a man da retscherchas sülla
lavina svessa esa da provar dad evaluar schi'd es sepuli inchün suot
las massas da naiv. Il cas ideal füss schi dess perdüttas chi han vis a
gnir giò la lavina. Lura s'haja indicaziuns fich importantas ed actualas. Scha quai nun es il cas, pon gnir las acziuns da salvamaint fich
difficilas, impustüt schi'd es ün'acziun da not.
Ha El fat fingià experienzas persunalas cun üna tala catastrofa?
Schi, quai n'ha eu fat. Quai es stat dal 1999, cur cha no vain gnü l'on
da las grondas naiveras daspö il 1951. No vain gnü plüssas lavinas
quel on chi'ns han surprais. Üna es statta il cas da Gonda (tanter
Lavin e Giarsun), ils 7 da favrer. Adonta cha no vain minà il di avant,
es quella lavina rivada giò sülla via averta ed ha sepuli duos autos.
Üna persuna vaina pudü salvar be amo morta. Trais persunas vaina
pudü salvar vivas e per üna esa stat massa tard. Eu sun stat ün dals
prüms chi'd es rivà sül lö, e quai es üna situaziun tuot speciala. Natüralmaing cha aint in meis post as faja lura tscherts impissamaints.
S'haja fat alch fos? Perche es quist capità? Davo cha no vain analisà
favrer 1999
propi tuot las dumondas, vaina stuvü constatar cha nossa decisiun
d'eira listess statta güsta, cha no vain provà a minar il di avant, e
daplü co quai cha no vaivan fat nu pudaivna propi na far. Ün tschert
rest da ris-ch cullas lavinas resta listess adüna. Quai es uschea illa
natüra. No vivain illas muntognas e cun quist ris-ch stuvaina oramai
viver, i nun's resta oter.
El ha manzunà la dumonda da la respunsabiltà. Quant inavant po El
surtour quella respunsabiltà e da che punct davent vain quai difficil
per El?
Quai es üna dumonda fich güstifichada schi's guarda la lavur cha no
vain da far. Blers crajan, hai, quels van svolond ün pa cul helicopter,
büttan minchatant giò üna cocca, e serran üna pa vias cur chi til's
plascha. Ma la respunsabiltà fundamentala es üna respunsabiltà
fich gronda. Serrar üna via es adüna bler plü simpel co rivir üna. Üna
jada cha la via es serrada nu capita plü nüglia, ma l'argumentaziun:
che n'haja fat avant co ch'eu dun liber la via, quella es natüralmaing
bler plü gronda. I's sto eir savair documentar svessa. Dumandar:
che n'haja tut per masüras? N'haja minà? N'haja guardà sül lö quanta naiv chi'd es? Quant haja boffà? S'ha il privel redot da sai?, ed
uschè inavant. Cur chi'd es üna situaziun precara, daja mumaints ingio chi's vezza la respunsabiltà fich gronda. Quel chi ha da trar üna
decisiun nun es mai ün sulet, id es adüna la cumischiun da lavinas
chi decida. Cur chi's vezza chi nu va plü, lura as stoja simplamaing
serrar la via. Pel public es quai minchatant üna decisiun chi nu's
chapischa. Ma no vain adüna noss motivs perchè cha no serrain ün
traget. I nun es schicana püra.
Füss quai ün giavüsch dad El, cha la glieud haja daplü incletta per vossa lavur?
Schi, quai füss ün giavüsch. Cur chi'd es situaziuns plü precaras e
cha no serrain las vias, lura daja adüna darcheu da quels chi crajan
da savair tuot meglder e recloman. Pro quels füssa bun schi stübgessan avant co critichar che ch'els fessan in nossa situaziun. Per
furtüna ha la gronda part dal public incletta per nossas acziuns.
fotografias: our dal archiv da l'uffizi da Construcziun Engiadina Bassa
"Infuormaziun sperta füss alch fich giavüschà"
da Fadrina Hofmann
favrer 1999
Peder Poo da Sent lavura pro l'uffizi da fabrica da l'Engiadina Bassa
daspö raduond 28 ons. Punts s'ha chattà cul schef da vias per discuorrer sur da stradins, inscunters fatals cun lavinas, ed ils problems
d'infuormaziun da conumans.
Punts: Che sun Sias funcziuns pro l'uffizi da fabrica?
Poo: Mia funcziun as nomna schef da via dal district 4. Eu sun
respunsabel pels stradins, voul dir ch'eu part aint lur lavur e surpigl
eir otras funcziuns chi han da che far culs lavuraints. Il district 4 as
extenda da Brail fin a Samignun cun tuot las vias lateralas. Tuot las
funcziuns da la rumida da las vias es suot mia respunsabiltà.
Co guarda oura ün di d'inviern pro Seis lavuraints?
Il di d'ün stradin cumainza a bunura a las quatter. No vain ün piket
chi controlla il stadi da vias in tuot il destrict. Trais gruppas controllan las vias ed infuorman lura a quel chi ha servezzan da piket via
telefon sur dal stadi da vias. Üna gruppa surpiglia Scuol – Samignun,
la seguonda Scuol – Brail, e la terza Zernez – Müstair. Il respunsabel
da piket decida a la fin finala che masüras da rumida chi vegnan tuttas.
Sch'El pudess decider, sainza tour resguard a las finanzas, che müdess El pro quista lavur?
Quella roba chi ha da che far culla rumida da naiv sto gnir fatta, schi'd
es raps o na. Da Brail fin in Samignun büttain no principalmaing sal,
e quel es effectivmaing plü bunmarchà co la glera fina. Tenor la regenza vessan las vias latteralas da gnir gleradas, ma quai dependa
pro no da la situaziun. Schi vain be ün zichin naiv, lura nu's vaja a
büttar glera fina, dimpersè sal. Spargnar nu's poja pro quista lavur.
Schi fa dabsögn da sal e split, lura faja oramai dabsögn!
Che masüras vegnan tuttas in ün cas da privel da lavinas?
Scha no vezzain chi ha dat blera naiv e cha la situaziun pudess gnir
delicata, schi serraina la via. Lura van ils respunsabels da lavina a
minar giò la naiv pro'ls lös critics, e cur cha la situaziun es sgüra,
van ils stradins a rumir la naiv.
Ha El fingià fat experienzas cun üna catastrofa da lavina?
Schi. Üna jada da prümavaira d'eira in viadi vers Samignun. I d'eira
chod e dapertuot gnivan giò lavinas. Eu laiva tuornar per infuormar
da serrar la via, ma cur ch'eu d'eira rivà ün toc plü inavant, es gnüda
giò davant mai üna lavina. Eu n'ha funcà da gnir cun ün auto-chargiader (Pneulader) perquai ch'eu nu pudaiva plü ir inavant. Lura
suna i ün toc inavo cul auto per rivar in ün lö protet da lavinas. Intant
d'eira gnüda giò eir davo mai üna lavina. Eu n'ha be amo pudü spettar fin chi gnivan a rumir, perquai chi nu giaiva plü ad ir ni inavo ni
inavant.
El ha üna gronda respunsabiltà invers Seis conumans. Quant inavant
e cun chi insembel po El surtour quella respunsabiltà?
La respunsabiltà es partida sü eir tanter il schef e la cumischiun da
lavinas. Schi 's tratta propi dad üna situaziun da privel, lura as decida insembel las masüras. Natüralmaing po eir capitar üna jada alch
inaspettà.
Da che punct davent vain quai lura difficil per El?
Id es dad esser precaut cun laschar avertas las vias. L'on passà haja
dat üna situaziun ingio ch'eu n'ha dit ad ün stradin da Zernez dad ir
a serrar la via pervi da privel da lavina. Cur ch'el d'eira rivà al lö, ha'l
stuvü funcar giò cha la lavina saja fingià gnüda giò. Eu n'ha alarmà a
la gruppa da salvamaint e quella ha tscherchà davo ferits fin davo
mezzanot. L'üna la not ha telefonà la pulizia a far a savair ch'üna
perdütta, ün automobilist, haja vis chi nu saja statta ingüna glieud al
lö d'accidaint. I vessan eir pudü telefonar plü bod.
Che giavüschs ha El invers la glieud in situaziuns difficilas?
In quel cas ch'eu n'ha güsta quintà füssa stat bun scha la perdütta
vess infuormà a no chi nun haja dat victimas illa lavina. Scha quel tip
vess fat a savair quai a no fingià las ot e mezza, lura nu vessan no
mobilisà gruppas da salvamaint cun chans e tuot per ir a tscherchar
fin l'üna la not. Schi, infuormaziun sperta füss alch fich giavüschà.
schaner 2002
favrer 1978
"Ella vain alura schond auncha"
Üna glossa our da la regiun cun garanzia da naiv
da Barbla Etter
Allesiszuteuer
Clotilda da Suagnign
Ün inviern sainza naiv? Es que pussibel? E güst auncha a San Murezzan? – Impussibel, pensan tuots fin in november, fin al cumainzamaint da december, fin in mited da december. "Ella vain alura schond
auncha, la naiv.", es il tenor in val. Ma uossa es mited schner, ed ils
turistikers dischan aunch'adüna: "La vain, la vain dal sgür, la granda naiv".
Ün pô naiv ho que, almain as pudess crajer que sch'as legia il rapport da las pistas: illa regiun da siks 60 cm, in val 10 cm scriva San
Murezzan. Scu chi'd es illa regiun da skis nu se eau da dir, perche
ch'eau nu sun steda sü lo, ma in val es quista imsüra relativa. Sch'as
imsüra set meters pü invi, nempè dasper la pista chi vo fin tar la staziun da la "Signalbahn", nun ho que pü 10 cm, dimpersè 10 mm. Ma
forsa d'eira que eir ün sbagl da stampa i'l "Sonntagsblick". In quel
La posta è fulanada cun turists. Igls turists on la destinaziun: pista
da skis! Igl pover palader digl auto da posta ferma e sbrigia, per gio
tgi tot tgi sainta: "Soptgera! Or cun tot igls skiunz, per plascheir!"
Dieter e Birte statan an peis, peglian igls sies gants, la sia tgapitscha, la pomada digls lefs, la crema da suglegl, igls igliers e bandungan la posta cun en curtaschevel saleid agl chauffeur: "Unsere
Skier sind im Kofferraum. Könnten Sie uns die bitte runter holen!
Bei uns in Deutschland, wissen Sie, haben die Busse Spezialkofferräume, damit jeder mühelos seine Skier hineinstellen und wieder
hinaus nehmen kann. Aber hier in der Schweiz ist alles ein wenig
anders, und es ist so TEUER!..." Igl palader da posta, en om robust e
diso cun tot la razza, er cun igls Tudestgs, bandunga sia soptga bagn
scaldada, tgamina davos la posta, dat ena stratga agl depot digls
rapport da mited schner sto cha que ho naivieu l'ultima vouta als 29
december. Vaira navaglias ho que do quel di, eau m'algord precis,
almain ün, scha na dafatta duos centimeters!
Sch'as vezza cun egens ögls la cuntredgia, es ella brüna, in tscherts
lös alv-brün sgiaglieda. Las costas sulaglivas sun brünas scu in avrigl, pigliand our üna strivla alva a San Murezzan, üna a Schlarigna,
üna a Zuoz, lo inua cha vegnan giò las pistas our da las regiuns da
skis chi haun garantieu adüna naiv, quellas "schneesichere Skiregionen".
Sün l'internet ho que suot www.engadin.ch üna livecam. Set purtrets
sun lo normelmaing sü, pel mumaint es tar quatter be nair, trais
muossan qualchè sbischöz da naiv i'l mez s-chür. Que saron ün pêr
chanuns da naiv fotografos sül fer not, live nu pera que dad esser.
Ma da chanuns da naiv nun as discuorra hoz pü, nus nun essans jo in
guerra, dimena "Schneeerzügers".
Eir per las loipas da passlung vegnan druvos quels dschendreders
da naiv. A vegnan fat mantuns da naiv e quels transpurtos a lur destinaziun. In Engiadin'Ota ho que do üna dispütta traunter ils impressaris da fabrica ed ils paurs. (Glistess üna pitschna guerra, eir scha
vains be "Schneeerzügers"?) La dumanda d'eira, scha ils paurs dessan transporter quella naiv cun lur chars da grascha süls pros u
scha ils impressaris paun fer que cun lur camiuns. Ils camiuns haun
guadagno cun l'argument, cha ils tractors nun hegian numers alvs, e
cha culs verds nun as possa metter our naiv alva. Üna vaira grascha.
Las strivlas alvas vegnan uossa dimena fattas dals camiuns, cha
quels passlungists possan fer lur kilometers aunz il maraton. I nu vo
pü lönch fin chi crouda il tun da partenza sül lej da Malögia ils 10 da
marz. E scha nu do naiv? Crouda la granda cuorsa in l'ova? Na, prüma es que impussibel, il lej es dschiet a fier e seguonda vain ella
schon auncha, la naiv.
skis, steira noador en pêr skis ed igls surdat cun en zont curtaschevel reir agls giasts modests tudestgs. Dieter contaimpla igls skis.
"Alles in Ordnung, Mäusilein! Unsere Skier haben keinen Kratzer
abbekommen, da bin ich aber beruhigt! Mit diesem Stauraum für die
Skier, der so unsicher ist, weiss man nie, was unseren neuen Skiern
anstossen würde. Ich möchte nämlich meine Skier noch fünf Winter
lang ausfahren, denn diese habe ich ja hier in der Schweiz gekauft.
Und sie waren doch so TEUER!..." Igl chauffeur da posta scassa igl
tgea, turna puspe anavos tar igl depot da skis, dat ena stratga scu
controlla tgi tot seia puspe saro an urden, spassegia puspe anavos
sen la soptga bagn scaldada e vot gist sarar igl isch per cuntinuar igl
sies gir. Ma cò petga Birte ve digl isch. An ena agitaziun cumonda
ella agl palader da posta da farmar subito. "Ach, ich habe meinen
Rucksack auf dem Sitz vergessen. Dort ist all'unser Mittagessen
drin. Wenn wir den nicht mit haben, dann müssen wir noch ins Wirthaus gehen und das Essen bezahlen. Und hier in der Schweiz ist das
uns viel zu TEUER!..." Igl chauffeur tgi è gio diso cun ena tala bargeda, stat plagn pazienztga an peis, porta igl lascher da Birte tgi è
fulano cun igl magliaretsch per la marenda ed igl surdat alla zont
amparnevla Birte. El turna, siva en fitg curtaschevel angraztg da
Dieter e Birte ("Auf Wiedersehn"), puspe sen la sia soptga bagn scaldada, struba anturn la clav per carar anavant cun igl sies auto da
posta, metta aint igl amprem tratg e vot dar gas. Ma tge stò igl noss
pover pallader vaseir? Dieter e Birte petgan agl chauffeur ve dalla
fanestrigna, la quala el derva alloura, ed igl dumondan: "Sagen Sie
mal, wo haben sie denn den Schnee gelassen? Hier ist doch kein
Schnee!"
A chella dumonda rasponda igl chauffeur fitg curtaschevel e cun en
surreir: "Der Schnee war uns zu TEUER, doch versuchen Sie es mal
in Deutschland. Da ist ja alles billiger!"
L'utschè senza alas
Il film "Giuventetgna, dultsch utschi" da Christian Schocher
da David Truttmann
Christian Schocher documentescha en ses film "Giuventetgna, dultsch
utschi" la vita da 6 dunnas ed umens giuvens "Born in the Surselva”,
la vita da Flurina, Janis, Guido, Jasmin, Martin e Teolinda. L'autur mussa il mund ambivalent da quests giuvenils da ca. 20 onns. Er sche ses
"dultsch utschi” na tschiffa betg propi alas. PUNTS ha vesì la pre-premiera al 37. Festival dal film a Soloturn.
"Jeu sun buc in amitg dils jasters." Quai pretenda Guido. E prest en
la medema construcziun di il ballapeist anc: "Miu idol ei Maradona!"
Per Guido n'è quai nagina cuntradicziun. U lura Flurina. Ella fa ses
emprendissadi da laboranta tar la EMS-Chemie da Blocher. Politicamain nè ella però "buca da medem meini" sco ses patrun. U lura
Martin che va la dumengia en processiun cun mondura militara e
stat en baselgia si dretg sco in pal. Suenter messa bogna el las mattas en l'aua fraida dal bigl. En la garascha nua ch'el lavura pendan
millis da catalogs da Pirelli e lura di el anc: "Quei ei in grev cass…
femnas ei in grev cass!".
Ils munds ambivalents
Christian Schocher documentescha las 6 vitas giuvnas minuziusamain, senza commentar. Il mund ambivalent da la giuventetgna –
quai è ses tema, ses fil cotschen. Il mund ambivalent da Flurina,
Janis, Guido, Jasmin, Martin e Teolinda. Mintga vita stat per sai. I na
dat betg il prototip dal giuvenil sursilvan, ina sort "homo surselvus".
Ils 6 giuvenils èn tranter mazza e martè, tranter tradiziun e modernitad, tranter star e partir – sco millis auters giuvenils en quella vegliadetgna dadens e dador la Surselva. Christian Schocher fa simplamain ina registraziun momentana e sa restrenscha latiers sin ina
regiun grischuna. Forsa ch'i dat er tar quest film documentar in segund "Jahre später" sco tar sia emprim'ovra "Die Kinder von Furna"
(1975/1997).
Dumondas da standard
Sco ditg, il reschissur na commentescha betg, el mo dumonda. Ed el
fa las pli normalas dumondas ch'ins po be far a giuvenils da quella
vegliadetgna: amur, sex, l'emprima giada, idols, siemis etc. I manca
be anc la dumonda: drogas? Però tge autras chaussas vul ins schon
dumandar ina giuvna ed in giuven da 20 onns? Grev da respunder.
Flurina, Janis, Guido, Jasmin, Martin e Teolinda fan en mintga cas
lur job en moda e maniera suverana, coola e sincera. E quai è er in
bun attestat per las intervistas.
Midain tema. Apaina sortì dal Kino Capitol a Soloturn di in collega
puschlavin a mai: "Ma l'è brütta la Surselva!" Cun raschun. Pertge?
– Tut simpel: en "Giuventetgna, dultsch utschi" na datti simplamain
nagins "bels" maletgs! E quai n'ha da far nagut dal tut cun la culissa
sursilvana, segir betg. Quai ha in auter motiv: er sche ils giuvenils
expriman sentiments da libertad, er sch'els han speranzas per il
futur, er sch'els han siemis, ideals, giavischs ch'els vulan viver e vivan per part er or – Christian Schocher desista da maletgs deliberants ed averts. Il "dultsch utschi" vegn amar e na tschiffa betg alas.
Forsa che quai è sa dà uschia en documentond ils giuvenils. Forsa.
"Giuventetgna, dultsch utschi – Born in the Surselva” è vegnì preschentà ils 17/19 da schaner 2002 al 37. Festival da film a Soloturn
sco pre-premiera ed ils 22 da schaner a Cuira sco premiera. En ils
Cuntrasts ha il film documentar da 48 minuts lunghezza stuì vegnir
mussà en duas parts – ils 27 da schaner ed ils 3 da favrer.
fanadur 1993
Q
W
R
B
U
T
T
U
N
S
T
R
Z
P
Y
U
P
D
E
A
C
R
Y
D
V
H
W
H
O
D
P
A
F
T
E
V
O
P
U
S
C
H
A
S
F
R
D
G
X
T
E
Q
E
D
Ü
J
S
N
Z
G
Z
E
P
S
C
U
A
U
U
W
C
X
U
T
H
N
L
U
A
K
U
E
N
X
X
R
E
J
R
Z
S
L
W
B
J
O
C
M
G
U
A
N
T
S
N
L
A
M
N
H
R
A
V
L
Ö
V
D
M
E
V
Y
Q
L
M
P
V
R
B
K
D
A
C
I
W
F
M
A
K
K
A
B
O
G
M
V
T
R
K
Q
O
C
Y
U
I
L
N
T
T
A
B
T
F
L
A
P
A
P
I
P
A
U
T
Q
O
B
A
N
A
N
A
E
H
T
D
L
K
A
I
V
M
H
T
P
S
M
S
B
H
G
M
M
P
X
B
U
H
G
Ä
D
L
Lum da naiv rumantsch
Engiavinera / Lign dal mais
Sur notg hai dà prest in meter naiv. E la pulvra alva tatga ch'igl è in
milli gust! L'emprim dat quai ina giada ina brava battaglia da ballottas. Suenter avair fimà la pipa da la pasch, datti il proxim highlight:
far in um da naiv! Tge 10 utensils èn necessaris per fabritgar e decorar il pli bain in dretg um da naiv? Tschertga ils pleds en la verticala
ed en la orizontala. (Pitschen tip: la bucca fa ins cun in fritg exotic!)
Trametta ils 10 pleds da soluziun cun Tia adressa fin il pli tard ils 15
favrer 2002 a: David Truttmann, Schwarzenbachweg 16, 8049 Turitg. E
tgi sa, forsa gudognas 100 kg naiv – natiralmain naiv natirala!
Ave Maria e Babnoss en tschiel
Brev da lectur or da la California
Sektion Kuchikäschtli – "Dorfgschichta"
Il disc dal mais – proponì dal Battaporta dal Radio Rumantsch
da David Spinnler
Rennie, Stimpee e Claud, trais giuvens rapunzs da Cuira e conturns,
els èn la Sektion Kuchikäschtli. Para ch'els sa regordan bain da lur
uffanza, cura che lur mammas raquintavan anc or dal cudesch dad
Ursin ed als mussavan ils maletgs dad Alois Carigiet. Quella tradiziun chatt'ins en mintga cas sin il cover da la schibetta Dorfgschichta – la schibetta dals rapunzs Sektion Kuchikäschtli. Ma i resta intschert tge che Ursin haja pers sin questa schibetta. Forsa vulan ils
Kuchikäschtlis vender la schibetta be a turists?
Il rap da Kuchikäschtli è svizzer – ils beats e scratchs èn dentant pli
perfetgs che il rap. En il toc "Ächta Rap" di il rapunz Rennie "Im HipHop Business muass ma ständig untar Druck schaffa..." – che el fiss
segirmain ritg, sch'ins pudess far chadainas da perlas cun daguts da
suaditsch. Jau di: Rennie duai mo suar anc in zichel, sch'el vul far
rap cun pli grond success. Spooman – l'auter rapunz grischun dals
conturns da Cuira – quel è gia plinavant cun sia art rapunza. Tar
Rennie ha ins mintgatant l'impressiun ch'el chantass pli gugent ils
pleds che da'ls rapar.
La schibetta Dorfgschichta da Sektion Kuchikäschtli n'è betg rap dad
emprima qualitad – ma i cunvegn da tadlar ina giada l'entschatta
dad in project che pudess daventar bun. – Sche il rapunz Rennie è
pront da suar anc in zichel!
Avant dus dis hai jau telefonà a Papa Gion Paul, il 47avel. "Pertge n'è
il Vatican anc betg en la ONU?", l'hai jau dumandà. Sia resposta:
"Mmmmmmmmm…in nomine…mmmm…amen!"
Lura ha interrut ses pledader da pressa la lingia da telefon: "In nomine patri et fili et spiriti sancti, qua è l'archuvestg Wolfgang Haas.
Co poss jau gidar Vus?" Jau sun dalunga ì en schanuglia ed hai ditg
si quatter avemarias e tschintg babnoss. Suenter la litania ha sbragì
Wolfgang tras il telefon: "Sacrament! Co poss jau gidar Vus?" Jau hai
natiralmain subito ma prendì ensemen e declerà mia situaziun: "Jau
na sai anc betg tge votar ils 3 da mars tar l'iniziativa per l'adesiun a
l'ONU. E perquai lev jau mo dumandar Papa Gion Paul il 47avel, sch'
el na dess betg a mai ses urbi et orbi."
"Il furbi et orgia poss er jau organisar per tai", ha respundì sontg
Wolfgang. Jau hai pensà "super" ed el ha cumenzà cun sias furbarias: "Papa Gion Paul il 47avel è commember da la AUNS sco jau er.
Tar il davos concil vatican avevan nus decidì da surdar noss fiscus,
vul dir tut las entradas da collectas, da surdar quellas en ils mauns
fidaivels da la AUNS. E tar la davosa elecziun, i gieva crai per insatge dal militar, aveva la classe pessimistique da Blocher fatg bun
marketing per nus – cun millis da cruschs da santeris sin millieras
da placats. Vus vulais pli probabel er savair pertge che il Vatican n'è
betg anc commember da la ONU. Quai ha dus motivs: 1. I dat memia
bleras dunnas en ils stadis commembers da la ONU. E quellas dunnas han er anc il dretg da votar, quai è cunter mintga logica. 2. Il
vatican è in refugi ideal per exempel per ex-terrorists, per lava-raps
u per corrupziunists argentinais. Quella paupra glieud na savess gea
betg inua ir, sche tut ils stadis fissan en la ONU. E la baselgia pudess
er anc profitar da tals deals. Nus duvrain sang giuven e frestg. Dal
rest, na vessas Vus betg interess da viver en nossa cuminanza vaticana. Nus porschain insatge per mintga interess…" – Jau hai pendì
si il telefon. Ma grazia a las explicaziuns da sontg Wolfgang sai jau
ussa tge votar l'entschatta da mars: "amen".
Anc ina dumonda: Jau hai udì or da Svizra insatge dad in Signur
Samuel Schmid. Tgi è quai?
Indicaziuns per plaschair a [email protected].
Disc: Sektion Kuchikäschtli – "Dorfgschichta" – Dialog Records.
Cun chars salids Voss A-Men Caduff
Davart romantica, neiv artificiala e bars
Intervesta cun Roman Cathomas
da Simon Casutt
Enconuschenta ei l'Arena dallas Alps tier giuvenils cunzun entras
l'infrastructura per ir cun aissa: las duas "Monster Pipes", probablamein las pli grondas ell'Europa, indrezs sco Obstacle Parks ed in
territori ideal per "freeriding". Naturalmein ei era la veta da notg
tenor il gust dalla giuventetgna. En l'entira Arena dallas Alps havein
nus 33 clubs e bars. Plinavon vein nus dapi entgins onns il schinumnau "Nightliner" che metta la glieud a casa enteifer la regiun, in
sistem ch'ei secumprovaus per ils tals che gaudan la veta da notg.
Il hit che nus havein ei naturalmein il Riders Palace II cun il renomau
Mistery of Sound da London, il qual porscha mintga fin d'jamna ina
attracziun. "Tgisà daco ch'els ein gest vegni ella Arena dallas Alps?"
sedamonda la mesa Svizra. Biars ein scuidus ch'els ein sedecidi per
ina regiun d'unviern enstagl per in marcau.
Tgei midadas vegn ei dar el futur?
Quei ei grev da dir… Nus empruein vinavon da mirar che nos hosps
hagien in bi ed emperneivel temps da vacanzas. Cun differentas
attracziuns che nus purschin lein nus ch'il hosp hagi bialas aventuras en nossa regiun. Nus empruein da corrispunder als trends actuals, aschia che las purschidas vegnan optimadas dad onn tier onn.
Tgei levas Ti dir allas lecturas ed als lecturs da PUNTS?
Naturalmein star fideivels alla gasetta PUNTS e dar far ina viseta
ella Arena dallas Alps, seigi quei el niev Riders Palace ni era en
auters clubs e bars.
schaner 2000
Roman Cathomas, naschius ils 15 da matg 1968 a Laax, ha surpriu
dapi il matg 2001 il post sco meinafatschenta dalla Alpenarena.ch, ina
fatschenta che procura pil beinstar turistic dalla regiun. El ei dil reminent staus in dils confundaturs da PUNTS.
PUNTS: Tgei ei l'Alpenarena.ch?
L'Alpenarena.ch ei ina nova fuorma per organisaziun turistica per ils
loghens da vacanzas da Flem, Laax e Falera. Nies pensum eis ei da
mirar per la communicaziun, events e per caussas turisticas ella
regiun. L'Alpenarena.ch ei ina societad acziunara ed ei sedada ord la
fusiun dallas anteriuras uniuns da turissem Flem, Laax e Falera e
l'organisaziun da marcheting "Mountain Marketing".
Co stat ei pil mumenti cun l'Arena dallas Alps?
Sch'ins risguarda las pernottaziuns dils onns otgonta ein ellas sesminuidas levet. Il cumbat per ils hosps sil camp dil turissem da
muntogna ei s'engrondius considerablamein. Mo era las destinaziuns sper la mar ein vegnidas tier ina gronda concurrenza entras il
prezis bass dils sgols. Medemamein ei il stil dad ir en vacanzas
semidaus. Il hosp d'ozildi ei meins fideivels ad ina regiun, stat en
media pli pauc ditg e sedecida adina pli spontan. Arisguard las pernottaziuns digl onn vargau ch'eran 1.2 milliuns fuss ei denton falliu
da dir ch'ei stetti buca bein cun l'Arena dallas Alps.
Tgei consequenzas ha la munconza da neiv giu?
Tier nus ein tuttas pistas aviartas e las condiziuns ein entochen ussa
bunas. Sur las fiastas da Nadal havein nus buc sentiu enzatgei en
quei connex. Nus giavischassen naturalmein aunc neiv avon ch'il
temps da vacanzas el fevrer entscheiva. L'atmosfera fuss pli biala e
romantica cun in tec neiv. Denton stuein era nus cuvierer il basegn
da neiv cun neiv artificiala. En tut prepareschan las pendicularas 13
km pista cun neiv artificiala.
Uonn vein nus viu con dependents che nus essan da quella neiv. Ils
hosps fussen buca cuntents sch'els savessen buca vegnir a val, seigi
quei a Flem, Laax ni Falera. Ils mieds da massa dramatiseschan
denton memia fetg quei problem cun la neiv, ei vegn mess tut las
regiuns en ina sadiala.
Tgei attracziuns porscha l'Arena dallas Alps per la giuventetgna?
Rumantschas e Rumantschs baivan Rivella!
Rivella regala 50'000 francs a la GiuRu
da David Truttmann
Tut la Svizra enconuscha Rivella. Tuts han gia bavì Rivella. Ma tuts na
survegnan betg 50'000 francs da Rivella. La GiuRu (Giuventetgna Rumantscha) però schon! PUNTS di pertge, e co che la GiuRu – sco editura da nossa gasetta – vuless investir quella summa immensa.
Cumenzà ha tut cun in telefon vers la fin dal mais december 2001.
"Da tschella vart dal telefon s'ha annunzià insatgi da la firma Rivella. Che lur interpresa festiveschia quest onn ses 50avel anniversari.
E che lur firma vuless regalar a la GiuRu 50'000 francs. That's it!",
raquinta Armin Duff, president da la GiuRu, en maniera relativamain
cnappa. That's it?
Da Riva San Vitale tar "Rivella”
Dain in sguard enavos: Avant 50 onns vegn per mauns al giuven student Robert Barth – mo per casualitad – ina receptura per ina nova
bavronda or da serum da latg. Per casualitad, perquai che la receptura aveva fatg il viadi dad in biolog da latg da la Germania en Svizra,
vinavant en America per puspè turnar en Svizra. En il bogn da sia
abitaziun a Rapperswil experimentescha Robert Barth cun la receptura. Curt suenter tschertga el in num per sia bavronda (il num deriva dal rest da la vischnanca tessinaisa Riva San Vitale!) e venda las
november 1980
emprimas butiglias. Quai è il start da l'istorgia da success dad ina da
las pli enconuschentas interpresas svizras. Oz dat Rivella lavur a ca.
270 persunas e distribuischa diversas bavrondas sco p.ex. ils sucs
da fritgs Michel, auas mineralas e natiralmain la Rivella cotschna,
blaua e verda. Il fundatur Robert Barth accumplischa quest onn ses
80avel anniversari. Ses affar ha el gia surdà avant dus onns en mauns
pli giuvens.
"La GiuRu era la dretga adressa”
Per l'onn da giubileum han creà quests "mauns pli giuvens" in program varià dad occurrenzas ed il slogan: 50 onns Rivella – Per ina
Svizra plain colurs. Da quella Svizra "tout en couleurs" fa part er la
Rumantschia, il pli tard dapi l'entschatta da quest onn! En schaner
ha la firma Rivella numnadamain surdà ad Armin Duff il schec en valur da 50'000 francs. – In discurs cun Armin Duff, president da la
GiuRu.
PUNTS: Armin, has gia reservà l’eroplan per las Bahamas?
Armin Duff: Na. Quai na vegn betg ad esser il cas. Aber in auto hai
jau schon cumprà. (ria)
Pertge survegn la GiuRu simplamain uschia 50'000 francs?
Quella dumonda stos Ti tschentar a Rivella.
L'autra dumonda è: pertge exact la GiuRu?
Rivellà ha vulì tschertgar ina uniun che pertutga tut ils Rumantschs,
ina uniun giuvenila ed activa. La GiuRu era – en il cas da Rivella –
exact la dretga adressa.
Tgi ha dà a la firma Rivella Tes numer da telefon, tgi è stà/ada l'intermediatur/a?
Quai è stà l'Uffizi federal da cultura. Jau pens che quai saja ì sur
Constantin Pitsch. Jau na sun dentant betg segir. La glieud da Rivella ha simplamain ditg che l'Uffizi federal da cultura als haja cusseglià.
Tge vegn pajà cun ils 50'000 francs?
Quels raps èn segir in grond agid per noss projects. Projects specials che vegnan realisads specificamain pervi da quels 50'000 francs
èn p.ex. in post da film, in project internaziunal, inua ch'i va per rim-
nar poesias da linguas minoritaras, per registrar quellas sin in dc e
las publitgar en in pitschen cudeschet. Plinavant profita er nossa
pagina d'internet dals raps. PUNTS survegn segir er in "batzen". I
vegn ad esser in zichel pli simpel ils proxims onns. La GiuRu ha dapli
libertads e na sto betg lavurar adina sin il limit.
Organisescha la GiuRu ussa chaussas supplementaras – u mettais
ussa da la vart ina flotta reserva?
Sco ditg, i vegn a dar chaussas specialas. Dentant betg anc tut è
uschia cler. Bleras ideas e propostas èn enturn. Quels raps na ston
betg davent uschia spert sco pussaivel. Nus vain temp per quai ils
proxims trais onns!
Quant survegn PUNTS da quel import?
Quant duvrais? (ria)
Ma… nus vain ina giada noss numer da giubileum – il 100avel exemplar en settember – che n’è betg anc finanzià…. Basta, ils 50'000
francs, èn quels simplamain in regal u è quel import lià vi dad ina
cundiziun?
I na dat naginas cundiziuns. Rivella ha tschernì nossa uniun perquai
ch'els han ditg: la GiuRu persequitescha finamiras che nus vulain
sustegnair. Las pretensiuns èn cumpigliadas en quai che la GiuRu è.
Rivella ha regalà totalmain 250'000 francs
La firma da bavrondas Rivella po festivar quest onn ses anniversari da
50 onns. En occasiun dad ina conferenza da pressa ha surdà il fundatur da la l'interpresa – Robert Barth – als 10 da schaner 2002 a Turitg
tschintg giadas 50'000 francs – a quatter instituziuns da las differentas parts linguisticas ed ad ina organisaziun da sport. Ils retschaviders eran: il Swiss Paralympic Committee, il Stapferhaus Lenzburg, il
Mouvement de la jeunesse Suisse Romande, la Fondazione Lingue e
Sport dal chantun Tessin e la Giuventetgna Rumantscha.
Infurmaziuns davart l'istorgia da Rivella en "Rivella und seine Geschichte 1952-2002. 50 Jahre Lebensfreude." Da retrair tar la Rivella
Holding AG, Rothrist. Ulteriuras infurmaziuns tar: www.rivella.ch.
"Sche Jesus entrass oz en nies miez, forsa festivass el la messa cun
in pier..."
ni: Cordial beinvegni, Sur Ozioma!
da Conradin Klaiss
Siu siemi ei gia adina staus da saver luvrar ensemen cun giuventetgna. Quei siemi ei ussa vegnius realitad. Igl atun vargau eis el vegnius
elegius pigl onn 2002 sco luvrer da giuventetgna per la Cadi: Il Nigerian Ozioma Nwachukwu.
Avon che vegnir ell'Europa igl onn 1988 ha el terminau in studi da
filosofia en sia patria. Ad Innsbruck ha el empriu tudestg, ha studegiau teologia ed ei vegnius enzinnaus igl onn 1992 sco augsegner.
Plinavon ha el fatg in studi supplementar da dus onns per psicoterapia e medischina cun absolver el medem temps in cuors per communicaziun interhumana. Igl onn vargau ha el finiu sia lavur da doctorat. La scolaziun ch'ei cumplementara alla professiun alla facultad
per psicoterapia terminescha el il zercladur da quei onn.
Messas dalla dumengia senza giuventetgna, quei ei nuot niev, mobein plitost la norma. Che quei ei tier nus buca auter ha Sur Ozioma
realisau spert. Dapi igl onn 1993 vegn el mintgamai sur stad a Laax
en vacanzas. Aschia ha el festivau mintg'onn ina messa cull' uniun
da giuventetgna da Laax. Ellas preparaziuns per ina messa regiunala eis el vegnius fatgs attents silla SIGA e sil post da giuventetgna
dalla Cadi.
PUNTS: Has ti gia luvrau inaga specialmein cun giuventetgna?
Sur Ozioma: Directamein buca. Quei ei atgnamein mia emprema plazza. El temps dil gimnasi erel jeu responsabels per occasiuns religiusas. Dapi lu ha la lavur cun giuventetgna adina interessau mei. Igl ei
atgnamein la cultura sco tala che interessescha mei. Il problem che
la giuventetgna ell'Europa ha, ei il problem che nus Africans havein
tuts, numnadamein che nossa cultura vegn exclausa. Jeu hai propostas ch'ein era fundadas logicamein, co ins sa integrar la cultura ella
cardientscha. Jeu sun perschuadius da saver far gustus la cardientscha als giuvenils.
PUNTS: Tgei spetgas ti dalla giuventetgna dalla Cadi?
Il pli impurtont ei che jeu sun cheu, ch'il post ei avon maun, che tut
quels che vulan far diever da quel san far quei. Tut tschei vegn dafertontier. Mia finamira ei da muentar ils giuvenils da cattar lur atgna religiusadad e dad emprender da schazegiar quella. La religiusa-
dad ei ina part da nossa veta. Oz ei religiusadad totalmein "out", quei
ei buca en uorden. La religiusadad ei atgnamein il center dalla veta,
entras ella sa tut igl auter pigliar colur. Cattar quella religiusadad a
moda positiva, quei ei mia finamira.
Cultura ei il sulet mied per viver la religiusadad. La cultura dils giuvenils dad oz vegn sclausa dalla veta da Baselgia. Aschia sclaudan
ins quei che la giuventetgna drova per insumma saver viver sia religiusadad. Co sa enzatgi cattar sia religiusadad, sch'ei dat negina via
per far quei? Las vias ch'ein dadas ein quellas da generaziuns pli veglias, ellas ein buca accessiblas per la giuventetgna dad oz.
PUNTS: En tgei puncts creis ti sedifferenziescha la giuventetgna da
cheu dalla giuventetgna da tia patria?
Pils giuvenils da Nigeria ei religiun totalmein "in". In che va buca a
messa ni che s'auda buca ad ina gruppa religiusa ei "out". Ils posts
per la giuventetgna vegnan duvrai fetg. La lavur da contactar la
glieud croda. Ina gronda part da mia lavur cheu ella Cadi vegn ad
esser da contactar la glieud, da far public quei post che jeu haiel, da
muentar la giuventetgna dad encurir sia religiusadad. Quella lavur
ei gnanc imaginabla ella Nigeria. Plinavon ein las messas ella Nigeria fetg modernas e giuvenilas. Cheu perencunter ston ins igl emprem muentar la giuventetgna da purtar lur cultura ella Baselgia.
Sche Jesus entrass oz en nies miez, forsa festivass el la messa cun
in pier. Quei vul denton buca dir che jeu pledeschel ch'ei drova pier
per far ina messa."
PUNTS: Tgei relaziun has ti cun Nigeria?
Jeu sun naschius en Nigeria. La cultura da quella tiara portel jeu en
mia olma. La gronda part da mia veta sco carschiu hai jeu denton
passentau ell'Europa. En quei senn vivan duas olmas en mei. Omis-
duas gidan mei, ellas sclaudan buca ina l'autra. Mia cultura hai jeu
pér empriu da schazegiar cun emprender d'enconuscher la cultura
da cheu. Jeu hai perscrutau fetg bia la cultura africana. En mia lavur
da filosofia hai jeu tractau tgei ch'ei vul dir "esser carstgaun" el
patertgar african. Plinavon s'audel jeu tier ina diocesa el sidost dalla Nigeria. Per quella hai jeu dad elaborar e construir in project per
in center da scolaziun per carschi. Perquei hai jeu era mo acceptau
cheu ina plazza da total 70 pertschien, aschia sai jeu aunc s'engaschar 30 pertschien per quei project.
Sur Ozioma festivescha ils 16 da fevrer ina messa ensemen culla giuventetgna da Danis-Tavanasa a caschun digl usit da trer schibettas.
Tut tgi che ha gust da separticipar a quella messa ei cordialmein envidaus.
Encuretg!
1 Webmaster
Enconuschas miurs che maglian buca caschiel? Sas era curreger sbagls senza tipp-ex?
Eis Ti culs patratgs ella Cadi cu Ti legias "home"? Lu eis Ti la dretga persuna per quella sfida.
La pagina dad internet che Ti creeschas cun agid e sustegn d'in expert vegn ad esser:
* In liug da discussiun pils giuvenils
* Il liug d'informaziun d'occurenzas pils giuvenils
* Il liug da communicaziun da Sur Ozioma e dil post pastoral dils giuvenils da Tavanasa – Tujetsch
S'informescha ni s'annunzia tochen fin fevrer tier:
David Flepp, president dalla Siga, Crest 31, 7156 Rueun. tel: 081/925 37 46 ni [email protected]
inserat
Il Euro e las malsognas
Links dal mais
Rimnà da Jonas Meyer
Generus
www.comparis.ch
Cumparaziun da pretschs. Tgi che ha il sentiment da pajar memia
blers raps per ses handy, per sia cassa da malsauns, per spesas da
banca ubain per segiranzas, quel/la sto dar ina giada in sguard sin
questas paginas.
*****: Survesaivel, scuvrischa potenzial da spargnar, surprendent.
Lucky Luke
www.fuereinehandvolleuro.de
Sajettar giu d-marcs à la mohrhuhn. Sco schef da Euro-City sto ins
pisserar che tut las munaidas stinadas da d-marc svanischan or da
citad.
***: Basta, sch'i vegn memia lungurus: www.netdoktor.de
Hollywood
www.brickfilms.com
Tgi che n'ha betg quaidas dad in film da Hollywood, quel/la sa forsa
entschaiver insatge cun quest qua: films da stop motion sco ch'ins
enconuscha da Fallace e Gromit. Per gronda part betg uschia professiunals, però almain uschia divertents. Ils acturs principals èn umenins da lego. I dat da vesair remakes da Titanic ubain Starwars, films
da chavaliers, dramas d'amur ubain films da sex ed erotica.
*****: la pagina viva da ses cuntegn.
Disfidar
www.pgpi.org
PGP stat per Pretty Good Privacy (vaira buna sfera privata). PGP è
ina metoda per codifitgar. Tgi che vuless trametter datas (p.ex. emails) tras l'internet ed esser segir che propi mo la persuna adressada vesa quellas, quel/la stuess duvrar ina metoda per codifitgar.
PGP è in bun algoritem da codaziun ed en la sfera privata pli probabel il pli derasà. Tut quai ch'ins dovra per PGP, quai chatt'ins qua.
******: La pagina da PGP, structura clera.
Il pazient
www.netdoktor.de
"Fragen Sie Ihren Arzt oder Apotheker" – ubain il netdoktor! Numerusas malsognas ed ils singuls simptoms vegnan descrits detagliadamain. Cussegliader en diversas situaziuns da vita. Gravidanza ed
uffant, medicina da viadi, gnir pli vegl e.u.i. Er sin questa pagina:
pertge è l'Euro da tissi?
******: ina pagina simpla, variada e seriusa.
Giuvens Romontschs a Trst
da Martin Cantieni
Il venderdis ha entschiet per biars memia baul. Era per mei. Puspei
las otg. "Workshop" steva sil program dil venderdis. Cull'annunzia
per quei seminari havein nus era stuiu s'annunziar per in workshop
(extrem sports, web design, traditional cooking…). Nus essan s'annunziai pil workshop "web design". Aschia essan nus stai occupai in
di cun computers ed ils problems che seresultan sche carstgauns
vegnan en contact cun quell'intelligenza artificiala. Pli exact: Nus
havein luvrau culs programs "dreamweaver" e "fireworks" per crear
ina pagina d'internet. Cun in per scatlas gervosa ed in per novas experientschas essan nus turnai anavos la sera el hotel.
Forsa stuess jeu aunc explicar cuortamein las circumstanzas climaticas duront nossa viseta ell'Italia: Tgei vegn endamen a Ti tiel cavazzin Italia? Probablamein mar, sulegl e calira. La mar havein nus
viu. Sulegl e calira havein nus encuretg adumbatten. Nus schelavan.
E Ti sas s'imaginar tgei ch'ei munta, sche dus Sursilvans cun duas
giaccas da Mammut schelan? Igl ei freid.
La proxima notg ei puspei stada memia cuorta, silmeins quei che
pertucca il durmir. Sezs la cuolpa.
La sonda havein nus fatg in'excursiun cun in bus el contuorn da
Triest. Nus havein viu la mar, in casti, casas veglias, casas novas,
museums – tut tgei ch'ins sto haver viu sco turist el contuorn da
Triest. Suenter ha ei dau ina stupenta tscheina cun in accumpignament musical (in stil che plascheva buca propi a Dario…). Persuenter havein nus giu la pusseivladad dad emprender d'enconuscher ils
auters participonts. In intent da quei camp da la Yen ei era, da dar la
pusseivladad als participonts d'organisar in brat denter las organisaziuns da minoritads linguisticas (per exempel en fuorma d'in
camp da stad).
november 2001
Ils 8 tochen ils 11 da november ha giu liug a Trst (ell'Italia dil Nord sil
cunfin encunter la Slovenia) il seminari d'atun da la YEN – Youth of
European Nationalities. La Yen ei ina organisaziun da tetg per organisaziuns dalla giuventetgna da minoritads linguisticas ell'Europa. Rodund trenta organisaziuns ein commembras dalla YEN. Denter auter
era la GiuRu – l'organisaziun dils giuvens Romontschs. Il seminari
d'atun, dil qual mintgamai dus representants da mintg'organisaziun
san separticipar, ei uonn vegnius organisaus dalla minoritad da Slovens ell'Italia.
La GiuRu ei sedecidida da tarmetter ils dus commembers ils pli versai sco representants. Quella decisiun ei buca stada greva. Curdai en
egl ein en in giena dus nums dalla gliesta da commembers dalla
GiuRu: Dario Klaiss e Martin Cantieni.
In da quels dus sun jeu, tschel ei in collega. (Who is who?) Nus dus
havein bugen surpriu quei pensum da honur.
L'aventura ha entschiet la gievgia, ils 8 da november allas 8 alla staziun da posta a Cuera. Cun relativamein paucs incaps essan nus viagiai da Cuera sul San Bernardino via Chiasso, Milano a Venezia e
naven da leu a Triest. Il viadi ha cuzzau biabein dudisch uras. Lu
essan nus finalmein arrivai a Triest. Dario temeva gia da stuer durmir sut ina punt, perquei che nus enconuschevan buc il num dil
hotel. Ina giuvna ch'era pli veglia che nus dus ensemen e che spitgava dapi uras sils participonts dil camp, ha denton dau d'entellir a nus
ch'in taxi seigi gia sin via. Ils problems digl emprem di eran cun quei
sligiai. Nies manischunz ha descret Triest sco "a small town" (in pign
marcau). Pli tard havein nus intervegniu che quei pign marcau hagi
270'000 habitonts.
Cun ina (buna) tscheina el venter havein nus scurlau in per tozzels
mauns ed essan sedecidi da prender il viadi sin nus e serender el
marcau da Triest per beiber ina gervosa frestga. Levet trumpai dils
prezis dalla gervosa ell'Italia, surstai con spert ch'il temps sa vargar
e tuttina cuntents da buca stuer durmir sut ina punt, essan nus returnai in pèr uras pli tard el hotel. En quei interval ein ils davos participonts arrivai (ils Romontschs ein perinaga buca stai ils davos!).
Jeu hai priu avon dad entscheiver ad emprender seriusamein engles. Era quei smalediu lungatg ha certs avantatgs….
La dumengia ha ei dau schliatas novitads: Tut ils trens da la dumengia che havessen giu da partir avon las nov la sera ein vegni annulai.
Ils Sursilvans ein sedecidi da spitgar. Aschia havein nus giu la caschun da studegiar il marcau Triest en tutta ruasseivladad. Las nov,
cura che nus essan parti da Triest, havein nus deplorablamein buca
controllau sche nus hagien era ina colligiaziun naven da Venezia.
Quei ha giu per consequenza che nus havein stuiu passentar las uras
denter mesanotg entochen las tschun la damaun dils dudisch da
november 2001 alla Staziun da Venezia-Maestro. Ina interessanta
experientscha. Jeu hai aunc mai giu ton plascher dad in tren sco da
quel ch'ei partius lezza gada las 5:25 naven da Venezia.
Atgnamein havessen nus stuiu esser treis uras pli tard a Cuera ella
Scola Cantunala el baghetg niev per scienzias naturalas ella stanza
N36 tier signur S.1) per sefatschentar cun ecologia. Ei dat in vegl proverbi romontsch che di: Ins sto adina restar flexibels sch'ins ha negin'autra pusseivladad. Nus essan restai fideivels a quei motto ed
havein priu temps cul retuorn. Aunc quei di (!) la sera dallas otg,
suenter treis interessants dis egl jester, essan nus returnai staunchels, mo cuntents a Cuera.
Il sulet che ha muncau a nus quels dis ei stau la sien. Mo per cumpensar quei deficit havein nus omisdus aunc giu bia, bia, bia temps
duront scola.
Ils Slovens scrivan Trst e buc Triest
Toni Schlösser vul restar anonims
1)
Occurrenza
Vigelgia da giuventetgna a Mustér
Ils 22 da fevrer 2002 s'entaupan giuvens e giuvnas dall'entira Svizra
danovamein ella claustra a Mustér. Il motiv – la vigelgia da giuventetgna.
L'entira notg dat ei differentas purschidas. Ei vegn cantau, fatg oraziun, discutau, ni semplamein gudiu in mument ruasseivel en nossa
veta sperta. Ina purschida ch'ei buca fetg usitada. Plinavon vegn era
offeriu in puschégn ed ina pusseivladad da durmir.
La vigelgia entscheiva allas 20:00 ella sala da teater dalla claustra e
cuoza tochen l'alva dalla damaun. Ti eis cordialmein beinvegnius,
sas ir ni vegnir sco Ti vul.
Per dapli informaziuns: 081 929 69 00.
Radunanza dalla GiuRu
La radunanza generala dalla GiuRu ha lieu sonda ils 23 da favrer
2002 a las 18:00 en il restorant "Term Bel" a Domat/Ems.
favrer 1978
Impressum
chauredactur: David Truttmann, Schwarzenbachweg 16,
8049 Turitg, [email protected], 01 340 08 95
caporedactur/as: Fadrina Hofmann, Bagnera, 7550 Scuol,
[email protected] / Conradin Klaiss, 7163 Danis,
[email protected], Rafael Müller, Rue de l'industrie 2,
1700 Fribourg, [email protected]
redactur/as en quest numer: Men Caduff / Martin Cantieni / Gion
Capeder / Alexander Casanova / Simon Casutt / Barbla Etter /
Jonas Meyer / David Spinnler / Clotilda da Suagnin
layout: Theres Jörger, [email protected] / Lydia Wilhelm, [email protected]
secretariat: PUNTS, Curdin Fliri, Avant Muglins, 7550 Scuol,
[email protected], 081 864 92 62 u 076 380 44 45
stampa: Spescha&Grünenfelder, Glion
spediziun: Argo SA, Glion
pretsch d'abunament: 40 francs ad onn, Raiffeisen Laax 70-6699-9
editura: GiuRu, Chascha postala 312, 7002 Cuira
internet: www.punts.ch, www.giuru.ch
punts è commembra da l'associaziun da la Pressa Svizra dals
Giuvens
AZB
7130 Glion
Realisescha Tia idea!
la GiuRu gida
Vulessas Ti vacanzas?
abunescha PUNTS
La GiuRu sustegna Tai a finanziar, communitgar e realisar Tes project rumantsch e giuvenil. Ti survegnas sco commember/bra da la
GiuRu regularmain infurmaziuns dals projects actuals e la pussaivladad da Ta partecipar ad inscunters internaziunals ed ad autras
activitads.
Jau vuless daventar commember/bra da la GiuRu:
( ) Jau vuless las infurmaziuns per e – mail e na paj uschia betg la
contribuziun da 10 francs
( ) Jau vuless las infurmaziuns per posta e paj en 10 francs sin il
conto: GKB GiuRu 70-216-5
num e prenum:
( ) Jau abunesch PUNTS – la gasetta giuvna per mo 40 francs ad onn
( ) Jau regal in abunament da PUNTS – la gasetta giuvna
adressa:
num e prenum:
lieu:
adressa:
tel:
lieu:
e-mail:
Trametta il talun a noss secretariat: PUNTS, Curdin Fliri, Avant Muglins, 7550 Scuol, [email protected], 081 864 92 62 u 076 380 44 45
Trametta il talun a la suandanta adressa: GiuRu, Chascha postala,
7000 Cuira, u T'annunzia sut www.GiuRu.ch.