4
SURSELVA
MESEMNA, ILS 20 DA MARS 2013
In liung di pils giuvens skiunzs
Cuorsa finala dil Surselva Skiteam ad Alp Dado
■ (anr/gv) Il Club da skis Vuorz ha dau
tutta breigia da semtgar la dumengia
ina buna cuorsa pils giuvens skiunzs
sursilvans. Che l’aura ha buca fatg sco
giavischau s’empon ils organisaturs
nuot. Al final dil Cup Menzli Sport dil
Surselva Skiteam ein 250 affons e giuvenils stai alla partenza. Biars ein vegni
si dalla Bassa ed ina roscha dils «jasters»
ha dau en il tun. Ella categoria dallas
buobas U9 ha Stella Jehle da Vaduz duvrau bunamein quater secundas pli pauc
che Lill Cavelti dalla gruppa da cuorsa
dalla Arena Alva. Quella sa seconsolar
cul fatg che buca tut quels che van spert
cun skis cun nov onns fan quei era cun
diesch onns.
Bia ell’ustria
Ils emprems skiunzs ein arrivai a Curtginet la dumengia allas siat. Per biars affons
ha quei giu num levar allas tschun, solver
e semetter sin viadi. Accumpignai da trenaders e geniturs ein ils affons serendi gia
allas otg sin pista per gie buca munchentar ina porta ella cuorsa. Bia dil di ein ils
affons denton era stai ell’ustria dall’Alp
Dado. Duas cuorsas dalla categoria mini
e duas cuosas dalla categoria OG ein stadas sil program e quei ha muntau spitgar
bia. Ir cun skis da relaziuns sco ellas ein
stadas la dumengia ha buca fatg grond
tschaffen. La rangaziun ha entschiet
cuort avon las quater ed ha cuzzau rodund in’ura. Pils 250 participonts dallas
cuorsas finalas dil cup sursilvan eis ei stau
in liung di.
Jasters ed indigens
La cuora finala dil Cup Menzli Sport ha
carmalau skiunzs dalla Svizra orientala
e dalla Svizra centrala a Breil. Ch’ils
clubs jasters han buca delegau lur menders skiunzs ei stau da capir. Aschia han
ils indigens giu da morder encunter la
concurrenza dalla Bassa. Ils pli ferms
skiunzs sursilvans dalla categoria OG
han muncau – els ein stai engaschai a
cuorsas interregiunalas. Tuttina han
entgins buca schau stermentar ed ein la
finala i sisum il podest. Ella categoria
OG han Selina Tomaschett da Mustér,
Dina Pally da Sedrun e Tgasper Darms
da Flond fatg quei.
Suenter la rangaziun dalla cuorsa ha
Gieri Arpagaus fatg la rangaziun dil cup.
Il president dil Club da skis Ruschein ei
Classa e massa: Ils
skiunzs dalla Gruppa da cuorsa dalla
Arena dallas Alps
han gudignau il
classament dils
clubs al Cup Menzli
Sport.
MAD
schef dil Cup Menzli Sport. En quei cup
ein ils Sursilvans allura stai persuls sil podest. Cuorsas dil cup OG han giu liug
uonn a Val, Sedrun, Flem e Vuorz. Ils mini ein stai alla cuorsa organisada dil Club
da skis Ruschein sil Crap S. Gion, en
Lumnezia, a Sedrun ed al final a Vuorz.
Emprem slalom gigant
Buobas U9:
1. Stella Jehle, Vaduz, 50.40; 2. Lill Cavelti, Arena,
54.09; 3. Nadja Bär, Arena, 54.52.
Buobs U9:
1. Finn Klocke, Mustér, 54.42; 2. Nino Berther, Sedrun, 54.54; 3. Nico Wehrli, Flem, 55.01; Pinavon:
5. Alex Buser, Mustér, 55.86; 6. Silvan Maissen,
Sedrun, 56.45.
Buobas U11:
1. Chiara Jehle, Vaduz, 51.77; 2. Seraina Veraguth,
Arena, 52.52; 3. Andrina Janki, Sedrun, 52.56; 4.
Alessia Wehri, Flem, 53.06; 5. Alexandra Bär, Arena, 53.08.
Buobs U11:
1. Tom Zipert, Arosa, 51.22; 2. Yves Wellinger, Arena, 53.54; 3. Gino Stucki, Mundaun, 53.65.
Buobas U12:
1. Carina Fischbach, Feusisberg, 1.09.61; 2. Svenja Pfiffner, Flumserberg, 1.11.06; 3. Justina Ca-
vegn, Mundaun, 1.12.46; 4. Bianca Flütsch, Arena
dallas Alps, 1.13.56.
Buobas U14:
1. Selina Tomaschett, Mustér, 1.07.43; 2. Laura
Abertin, Cuera, 1.07.81; 3. Viviane Wellinger, Arena, 1.08.0.
Buobas U16 :
1. Dina Pally, Sedrun, 1.07.09; 2. Laura Hofer, Arosa, 1.08.56; Plinavon: 4. Silvana Jörger, Val,
1.09.19; 5. Milena Brennwald, Arena, 1.09.89.
Buobs U12 :
1. Andri Moser, Hausen am Albis, 1.07.47; Plinavon:
3. Matia Coray, Ruschein, 1.09.16; 4. Nico Pally, Sedrun, 1.09.53; 5. Jan Casutt, Arena, 1.11.94.
Buobs U14:
1. Patrick Hegner, Feusisberg, 1.05.42; 2. Matteo
Arpagaus, Ruschein, 1.06.30; Plinavon: 4. Dario
Janki, Sedrun, 1.06.74; 5. Frederic Cathomas, Sursaissa, 1.07.01.
Buobs U16:
1. Tgasper Darms, Mundaun, 1.03.29; 2. Denis
Spescha, Sursaissa, 1.07.46.
Secund slalom gigant
Buobas U9:
1. Stella Jehle, Vaduz, 52.03; 1. Nadja Bör, Arena,
53.74; 3. Nastasja Schwarz, Flem, 56.94; Plinavon:
5. Lill Cavelti, Arena, 58.15.
Buobs U9:
1. Raphael Muntwyler, Hausen, 54.53; 2. Finn Klocke, Mustér, 54.67; 3. Nico Flem, 55.08.
Buobas mini U11:
1. Gioia Vieli, Val, 52.41; 2. Chiara Jehle, Vaduz,
52.75; 3. Seraina Veraguth, Arena, 53.23; Plinavon: 5. Andrina Janki, Sedrun, 53.75.
Buobs U11:
1. Kilian Feiss, Hochstuckli, 51.04; Plinavon: 3.
Yves Wellinger, Arena, 53.77; 4. Lino Zollinger,
Sursaissa, 54.23; 5. Gino Stucki, Arena, 54.76.
Buobas U12 :
1. Carina Fischbach, Feusisberg, 1.18.78; 2. Justina Cavegn, Mundaun, 1.20.18.
Buobas U14:
1. Sirin Nambutdi, Turitg, 1.17.84; 2. Viviane Wellinger, Arena, 1.18.70; Plinavon : 4. Melanie Cavigelli, Sursaissa, 1.19.29.
Buobas U16 :
1. Larissa Hofer, Arosa, 1.17.75; 4. Riccarda Rutz,
Mustér, 1.22.10.
Buobs U12 :
1. Andri Moser, Hausen, 1.18.10; Plinavon: 3. Nico
Pally, Sedrun, 1.20.46; 4. Cedric Brunold, Arena,
1.22.48; 5. Matia Coray, Ruschein, 1.22.78.
Buobs U14:
1. Björn Herger, Sedrun, 1.15.80; 2. Dario Janki, Sedrun, 1.16.38; 3. Matteo Arpagaus, Ruschein,
1.16.66.
Buobs U16:
1. Lukas Zippert, Arosa, 1.16.48; 2. Tgasper
Darms, Mundaun, 1.17.79; 3. Denis Spescha, Sursaissa, 1.11.97.
Classament general Cup Menzli Sport 2012/13
Buobas U9:
1. Nadia Bär, Arena, 670 puncts; 2. Nastasja
Schwarz, Flem, 650; 3. Lill Cavelti, Arena, 570.
Buobs U9:
1. Finn Klocke, Mustér, 680; 2. Nico Wehrli, Flem,
600; 3. Silvan Maissen, Sedrun, 405.
Buobas U11:
1. Gioia Vieli, Val, 615; 2. Seraina Veraguth, Arena,
570; 3. Andrina Janki, Sedrun, 556.
Buobs U11:
1. Gino Stucki, Mundaun, 720; 2. Laurin Seelig,
Arena, 404; 3. Lino Zollinger, Sursaissa, 319.
Buobas U12:
1. Bianca Flütsch, Arena, 600; 2. Sara Riedi, US
Padrus, 480; 3. Justina Cavegn, Mundaun, 470.
Buobs U12:
1. Matia Coray, Ruschein, 480; 2. Nico Pally, Sedrun, 620; 3. Cedric Brunold, Arena, 380.
Buobas U14:
1. Melanie Cavigelli, Sursaissa, 460; 2. Viviane Wellinger, Arena, 406; 3. Noemi Caruso, Mundaun, 400.
Buobs U14:
1. Fadri Janutin, Sursaissa, 560; 2. Dario Janka,
Sedrun, 540; 3. Matteo Arpagaus, Ruschein, 400.
Buobas U16:
1. Dina Pally, Sedrun, 580; 2. Riccarda Rutz, Mustér, 450; 3. Milena Brennwald, Arena, 400.
Buobs U16:
1. Tgasper Darms, Mundaun, 520; 2. Didier Cadonau,
Mundaun, 441; 3. Orlando Cadonau, Mundaun, 430.
I fetg e lignau bein
Cuorsa da skis dalla scola Mustér
■ (anr/gv) Ellas «Palius» sur Caischavedra ha Marco Schmed tschentau il
venderdis vargau in slalom gigant per
la cuorsa dalla scola Mustér. Renaldo
Lutz, dapi dus onns president dil Club
da skis Mustér, ha giu l’iniziativa per
la cuorsa ed ils scolasts han dau suatientscha. Il scolast Michel Andriuet ha
tgamunau l’organisaziun fatga communablamein dil club e dils scolasts. La
cuorsa da scola ha giu la finamira da carmalar ils affons el liber, sin pista ed els
cuolms. Renaldo Lutz haveva detg avon
la cuorsa: «Igl ei buca nossa intenziun da
tschercar il meglier skiunz dalla scola sco
quei vegneva fatg avon onns.» Era sch’il
meglier temps ei buca staus el center han
ils mesiratemps fatg lavur cumpleina e
mesirau sil tschienavel. Il temps ei numnadamein era staus decisivs, denton en
autra moda e maniera. Gudignau ha
numnadamein quel che ha absolviu ils
dus percuors en in temps schi datier sco
pusseivel. Sil tschienavel ha Gian Fankhauser fatg quei. El ha duvrau per omisdus percuors 52,57 secundas ed ei schidadir il victur dil di. Ella categoria dils
pigns ha Curdin Flepp nudau sulet 13
tschienavels differenza denter igl emprem ed il secund percuors e tier ils
gronds ha Fabio Pally schau mesirar 20
tschienavels differenza. Aunc 28 auters
scolars e scolaras han schau nudar ina
differenza da pli pauc ch’ina secunda.
Las uras han era mesirau il meglier
temps dil di. Quel han ils skiunzs dalla
OG Mustér schau nudar. Lur nums ein
era ellas gliestas dallas cuorsas regiunalas
e cantunalas.
Resultats
Buc il temps ei staus el center dalla cuorsa da skis dallas scolas da Mustér.
MAD
1.–3. classa:
1. Curdin Flepp, 0,13; 2. Julian Kreiliger, 0,22; 3.
Noa Schmed, 0,27; 4. Jelo Tenner, 0,52; 5. Melanie
Candinas, 0,54; 6. Aviva-Elena Mazzetta, 0,60; 7.
Lia-Sirin Schmed, 0.63; 8. Anna Tuor, 0,64; 9. Maico Lutz, 075; 10. Mila Demont, 0,76.
4.–6. classa:
1. Gian Fankhauser, 0,00; 2. Marina Cabernard,
0,13; 3. Julian Cajacob, 0,15; 4. Sabrina Venzin,
0,37; 5. Livio Schuoler, 0,40; 6. Lea Cabernard,
0,41; 7. Jan Degonda, 0.42; 8. Gian-Andrea Huonder, 0,43; 9. Lucas Lutz, 0,53; 10. Dominic Huonder,
0,67.
7.–9. classa:
1. Fabio Pally, 0,20; 2. Valeria Hendry, 0,22; 3. Remo Bundi, 0,27; 4. Allegra-Sky Etter, 0,34; 5. Sven
Livers, 0,61; 6. Miguel Cavaleiro, 0,65; 7. Flavio
Bundi, 0.79; 8. Sergio Levy, 0,88; 9. Claudio Venzin,
0,95; 10. Aluis Manetsch, 1.00.