430.300
Ordinaziun davart la finanziaziun dal deficit da las
instituziuns da la furmaziun professiunala e da purschidas
da furmaziun cuntinuanta * (ordinaziun da deficit)
dals 05-02-2008 (versiun dals 01-01-2015)
sa basond sin l'art. 45 da la constituziun chantunala1),
relaschada da la regenza ils 5 da favrer 2008
1. Disposiziuns generalas
Art. 1
Champ d'applicaziun
1
Questa ordinaziun vala per las instituziuns da la furmaziun professiunala che na
vegnan betg purtadas dal chantun e che han tenor lescha il dretg che lur deficits, che
resultan da la furniziun da lur prestaziuns per la furmaziun professiunala, vegnian
surpigliads.
Art. 2
Contract da basa
1
Cun il contract da basa survegn il purtader d'ina instituziun da la furmaziun
professiunala ina incarica da prestaziun che dat il dretg da survegnir contribuziuns
dal maun public tenor la lescha davart la furmaziun professiunala e davart
purschidas da furmaziun cuntinuanta.
Art. 3
Contract annual
1
En il contract annual vegnan fixadas las regulaziuns che valan per l'onn da gestiun
che suonda.
1)
DG 110.100
* tabellas da las modificaziuns a la fin dal relasch
1
430.300
Art. 4
Dumonda per survegnir contribuziuns
1
A l'uffizi ch'è – tenor l'ordinaziun davart la furmaziun professiunala e davart
purschidas da furmaziun cuntinuanta – cumpetent per il sectur pertutgà ston las
dumondas per survegnir contribuziuns vegnir inoltradas en scrit e cun l'agiunta d'ina
proposta per ina cunvegna da prestaziun, e quai sin ils formulars prescrits ed
ensemen cun tut ils documents necessaris.
Art. 5
Budgetaziun
1
Per far lur budgetaziun e lur rendaquint dovran las instituziuns che han il dretg da
survegnir contribuziuns il model armonisà da contabilitad dal maun public.
2
Il preventiv detaglià e motivà per l'onn da gestiun che suonda sto vegnir inoltrà a
l'uffizi sin il formular prescrit. Mintga augment da las plazzas budgetadas sto vegnir
dumandà e motivà avant l'inoltraziun u ensemen cun l'inoltraziun dals documents
respectivs dal preventiv. Midadas envers l'onn avant ston vegnir marcadas en moda
survesaivla e suandabla.
Art. 6
Rendaquint
1
Il quint annual sto vegnir inoltrà a l'uffizi cun tut ils documents ch'èn decisivs per
calcular las subvenziuns, spezialmain cun la dumonda da survegnir contribuziuns,
cun las glistas da las emprendistas e dals emprendists, cun las glistas da las classas e
cun ils uraris fin il pli tard 3 mais suenter il rendaquint.
2
Er per tut las persunas engaschadas da la scola ston vegnir inoltrads ils plans da
plazzas, il gener ed il dumber da las plazzas imputablas, lur basa da salarisaziun, la
dimensiun da l'engaschament, il champ d'incumbensas e las pretensiuns da
scolaziun.
Art. 7 *
Valitaziuns da la facultad ed amortisaziuns
1
Las valitaziuns da la facultad e las amortisaziuns ston vegnir fatgas tenor las
disposiziuns da la legislaziun da las finanzas 1) sco er tenor las disposiziuns da dretg
spezial.
Art. 8
Grondezzas da las classas
1
I ston vegnir prendidas en mira classas d'ina grondezza da 22 fin 24 emprendistas
ed emprendists.
2
Per cuntanscher grondezzas da classas ch'èn economicas duain las scolas
professiunalas spezialisadas – sche quai po vegnir responsà dal puntg da vista
pedagogic e sche quai è organisatoricamain pussaivel – er metter ensemen per part u
dal tuttafatg classas da professiuns parentadas e/u da differents onns d'emprendissadi
e da differents secturs spezials.
1)
2
DG 710.100, 710.110 e 710.200
430.300
3
Sin ina dumonda motivada po l'uffizi permetter da manar classas e gruppas che han
main che diesch emprendistas ed emprendists. Las dumondas ston vegnir inoltradas
a l'uffizi almain 10 dis avant il cumenzament da l'onn da scola.
Art. 9 *
Custs imputabels
1
Ils salari maximals ch'èn decisivs per l'imputaziun vegnan fixads en l'agiunta tar
questa ordinaziun. Per imputar ulteriurs custs da persunal inclusiv las prestaziuns
socialas valan confurm al senn las disposiziuns chantunalas concernent il dretg da
persunal sco er las ulteriuras regulaziuns che vegnan applitgadas per la scola
chantunala grischuna.
2
Davart la renconuschientscha tenor il dretg da contribuziun d'ina classificaziun
subjectiva pli auta u pli bassa en il senn da la lescha chantunala dal persunal decida
il parlament sin dumonda da l'instituziun suenter avair tadlà l'uffizi chantunal da
persunal.
3
Sco meds d'instrucziun imputabels valan ils meds d'instrucziun che vegnan duvrads
per intermediar il tema, che n'èn betg destinads a las emprendistas ed als
emprendists e che restan en la proprietad da l'instituziun da furmaziun.
4
Per duvrar ils locals da scola e d'instrucziun fan ils purtaders da scola contracts da
locaziun correspundents, sche las localitads n'èn betg en lur proprietad. Ils contracts
da locaziun ston vegnir suttamess al departament per l'approvaziun, e quai avant
ch'els vegnan concludids. Imputabels èn ils custs da locaziun approvads.
5
Ils auters custs imputabels vegnan fixads dal departament en il contract annual.
Art. 10
Retgavs imputabels
1
Sco retgavs imputabels valan ils daners da scola e da studi, las contribuziuns
d'auters chantuns u da l'exteriur sco er las ulteriuras entradas.
Art. 11
Custs e retgavs betg imputabels
1
Betg imputablas n'èn tut las expensas che n'èn betg necessarias per il manaschi da
scola. Ils custs che n'èn betg imputabels vegnan zavrads a donn e cust dal purtader.
2
Ils retgavs che n'èn betg imputabels – sco pajaments facultativs da terzas persunas
– vegnan zavrads a favur dal purtader.
Art. 12
Deficit da gestiun imputabel
1
Il deficit da gestiun imputabel vegn calculà sco suonda: ils custs imputabels dal
manaschi da scola respectivamain da studi minus ils retgavs imputabels.
3
430.300
Art. 13
Emprendistas extrachantunalas ed emprendists extrachantunals
1
Per las emprendistas extrachantunalas e per ils emprendists extrachantunals
tschentan las instituziuns che porschan prestaziuns directamain quint tar ils chantuns
d'emprendissadi respectivamain da domicil, e quai tenor las disposiziuns da las
cunvegnas interchantunalas davart ils daners da scola.
2
Emprendistas ed emprendists da chantuns, cun ils quals i n'existan naginas
cunvegnas davart l'indemnisaziun vicendaivla dals daners da scola respectivamain
ils quals na dattan naginas garanzias per ils custs, pajan ina taxa da scola tenor la
tariffa respectiva da la cunvegna interchantunala vertenta davart ils daners da scola
plus eventualas taxas da scola e da curs.
3
Per scolaziuns che na suttastattan betg ad ina cunvegna interchantunala, metta la
scola a quint ils custs cumplains proporziunals. Sch'ils daners da scola
d'emprendistas extrachantunalas e d'emprendists extrachantunals contribueschan a la
cuvrida dals custs e sch'i na resultan nagins custs supplementars, po la regenza
renunziar per part u dal tuttafatg en il cas singul d'incassar daners da scola che
cuvran ils custs cumplains.
Art. 14
Contribuziuns da construcziun
1
Las dumondas per survegnir contribuziuns da construcziun ston vegnir inoltradas a
l'uffizi.
2. Repartiziun da las contribuziuns da gestiun sin las
vischnancas
Art. 15
Repartiziun da las contribuziuns da gestiun da las vischnancas
1
Las contribuziuns che las vischnancas ston pajar al deficit da gestiun da purschidas
transitoricas, da scolas professiunalas spezialisadas e da la scola professiunala
d'hotellaria dal Grischun vegnan repartidas – resguardond la forza finanziala en
relaziun cun il dumber d'abitantas e d'abitants – sco suonda sin las vischnancas:
a)
gruppa da forza finanziala 5: per mintga abitant/-a 1 part
b)
gruppa da forza finanziala 4: per mintga abitant/-a 1,5 parts
c)
gruppa da forza finanziala 3: per mintga abitant/-a 2 parts
d)
gruppa da forza finanziala 2: per mintga abitant/-a 2,5 parts
e)
gruppa da forza finanziala 1: per mintga abitant/-a 3 parts
2
Sco basa dal dumber d'abitantas e d'abitants da las vischnancas serva l'ultima
statistica federala disponibla dal stadi annual da la populaziun (ESPOP). Decisiva
per calcular las parts è la classificaziun tenor la gruppa da forza finanziala l'onn da
gestiun da las scolas.
3
En il decurs da l'emprim quartal pretenda il departament da las vischnancas
pajaments anticipads da maximalmain 80 pertschient dals custs restants probabels.
4
430.300
3. Disposiziuns finalas
Art. 16
Aboliziun dal dretg vertent
1
Ils suandants relaschs vegnan abolids:
1.
directivas per manar las scolas da las instituziuns da furmaziun professiunala
en il chantun Grischun dals 19 da december 1995 (DG 430.025)1);
2.
ordinaziun per subvenziunar las instituziuns da la furmaziun professiunala en
il chantun Grischun, cun agiuntas, dals 19 da december 1995 (DG 430.400) 2).
Art. 17
Midada dal dretg vertent3)
Art. 18
Entrada en vigur
1
Questa ordinaziun entra en vigur retroactivamain per il 1. da schaner 2008.
1)
2)
3)
CUL 1995, 3532 e CUL 1998, 4203
CUL 1995, 3520; CUL 1998, 4458; CUL 199, 4543 e CUL 2001, FUC 4210
Las midadas dal dretg vertent na vegnan betg inditgadas.
5
430.300
Tabella da las modificaziuns - tenor conclus
Conclus
05-02-2008
25-09-2012
18-12-2012
28-10-2014
6
Entrada en vigur
01-01-2008
01-12-2012
01-08-2013
01-01-2015
Element
relasch
Art. 7
Art. 9
titel dal relasch
Modificaziun
emprima versiun
revisiun totala
revisiun totala
midada
Publicaziun en la CUL
-
430.300
Tabella da las modificaziuns - tenor element
Element
relasch
titel dal relasch
Art. 7
Art. 9
Conclus
05-02-2008
28-10-2014
25-09-2012
18-12-2012
Entrada en vigur
01-01-2008
01-01-2015
01-12-2012
01-08-2013
Modificaziun
emprima versiun
midada
revisiun totala
revisiun totala
Publicaziun en la CUL
-
7
430.300-A1
Agiunta 1: Salaris maximalmain imputabels (art. 9 al. 1)
(versiun: 01-01-2015)
1. En general
Art. 1 Salarisaziun e pensums obligatorics
1
Las tariffas maximalmain imputablas per la salarisaziun ch'èn fixadas en questa
agiunta sa basan sin il sistem da classas da funcziun da l'administraziun chantunala.
2
Tar la fixaziun concreta dals salaris ston ils purtaders da scola eventualmain
observar las tariffas pli bassas d'usit local.
3
Las scolas determineschan ils pensums obligatorics da las persunas d'instrucziun
en in reglament che vegn approvà dal departament. Il departament po determinar –
en il rom da las incaricas da prestaziun – las distgargias pussaivlas e maximalmain
applitgablas u applitgar indicaturs per lur renconuschientscha.
2. Reglamentaziun dals salaris per purschidas transitoricas, per
scolas professiunalas spezialisadas e per la scola professiunala
d'hotellaria
Art. 2 Grondezza da la scola
1
Tar tschertas funcziuns dependa ina determinaziun dal salari, che correspunda a
l'incumbensa e ch'è differenziada, da la grondezza da la scola. I vegnan
differenziadas:
a)
scolas, en las qualas vegnan instruidas dapli che 24 000 lecziuns, valan sco
scolas grondas. Ellas han la pussaivladad da nominar mintgamai ina
commembra u in commember da la direcziun da la scola en uffizi cumplain
per mintga 24 000 lecziuns dadas;
b)
scolas, en las qualas vegnan instruidas main che 24 000 lecziuns, han il dretg
d'ina direcziun da la scola proporziunala. La quota imputabla e la
classificaziun imputabla vegnan fixadas individualmain dal departament.
1
430.300-A1
Art. 3
Categorias da collavuraturas e da collavuraturs e salaris renconuschids
maximalmain
1
Las suandantas categorias da persunas d'instrucziun e da collavuraturas e da
collavuraturs vegnan differenziadas, ed i vegnan fixads ils suandants salaris
renconuschids maximalmain tenor il sistem da classas da funcziun da
l'administraziun chantunala:
funcziun
classa da funcziun
rectur/-a, directur/-a
(scola gronda)
commember/-bra da la direcziun da la scola
(vicedirectur/-a, prorectur/-a, conrectur/-a e.u.v.
d'ina scola gronda)
persuna d'instrucziun da la maturitad professiunala
e persunas d'instrucziun per roms, per l'instrucziun
dals quals i dovra in studi universitar
persuna d'instrucziun da l'instrucziun da furmaziun
generala
persuna d'instrucziun da sport
(diplom universitar sco persuna d'instrucziun da
sport, cun furmaziun pedagogica da la professiun da
300 uras d'emprender)
persuna d'instrucziun da las enconuschientschas da
la professiun IV
(examen professiunal superiur cun diplom federal u
master, cun ina furmaziun pedagogica da la
professiun da 1800 uras d'emprender)
persuna d'instrucziun da las enconuschientschas da
la professiun III
(examen professiunal superiur cun diplom federal u
master, cun ina furmaziun pedagogica da la
professiun da 300 uras d'emprender)
persuna d'instrucziun da las enconuschientschas da
la professiun II
(scola spezialisada superiura u bachelor, cun ina
furmaziun pedagogica da la professiun da 1800 uras
d'emprender)
persuna d'instrucziun da las enconuschientschas da
la professiun I
(scola spezialisada superiura u bachelor, cun
furmaziun pedagogica da la professiun da 300 uras
25
2
23
21
20
19
430.300-A1
d'emprender)
persuna d'instrucziun da tscherna da professiun
(autorisaziun d'instruir per il stgalim secundar I cun
scolaziun supplementara sco coach da tscherna da
professiun)
persuna d'instrucziun spezialisada II
(examen professiunal superiur cun diplom federal u
autorisaziun d'instruir per il stgalim secundar I)
persuna d'instrucziun spezialisada I
(examen professiunal cun certificat professiunal)
18
15
Tar las funcziuns menziunadas qua sutvart che n'han nagina specificaziun u che
appartegnan a pliras classas da funcziun pussaivlas vegn l'attribuziun definitiva ad
ina classa da funcziun fatga sin basa dal carnet d'obligaziuns suenter avair consultà
l'uffizi cumpetent.
funcziun
funcziun da stab pli auta
manader/-dra da las tecnologias d'infurmaziun
manader/-dra da partiziun dals servetschs
spezialist/-a dad I+D II
(cun bachelor)
referendari/-a da fatgs da persunal II
(cun certificat professiunal federal)
contabilist/-a
(cun certificat professiunal federal)
spezialist/-a dad I+D I
(cun certificat professiunal federal)
secretari/-a I - IV
pedel/-la
secretari/-a, telefonist/-a
assistent/-a da biro
classa da funcziun
19
18
17
15
14
13
10 – 13
10
8/9
7/8
3
430.300-A1
2
Persunas che lavuran a temp parzial survegnan in salari proporziunal a lur
funcziun. Per persunas d'instrucziun a temp cumplain da scolas autas professiunalas
che adempleschan in pensum parzial da maximalmain 30 pertschient da soluziuns
transitoricas èn imputablas las taxas per persunas d'instrucziun da scolas autas
professiunalas. A persunas d'instrucziun a temp cumplain da soluziuns transitoricas
che instrueschan singuls roms en scolas professiunalas spezialisadas po il
departament approvar ina classificaziun proporziunala sco persuna d'instrucziun da
scolas autas professiunalas.
3
Per persunas d'instrucziun che n'adempleschan betg las pretensiuns minimalas
legalas po il departament conceder en cas excepziunals – sin dumonda da la
direcziun da la scola – ina permissiun individuala d'instrucziun. Persunas
d'instrucziun cun ina permissiun individuala d'instrucziun ston vegnir classifitgadas
almain ina classa da salari sut las persunas d'instrucziun da la classa da funcziun
correspundenta che adempleschan tut las pretensiuns formalas.
3. Reglamentaziun dals salaris tar las instituziuns da la scolaziun
professiunala supplementara, tar las scolas professiunalas
superiuras e tar las scolas autas
Art. 4 Princip
1
Ils salaris en il sectur da la direcziun da la scola, da l'instrucziun, dal transfer da
tecnologia e da savida sco er da la perscrutaziun e dal svilup ch'è orientà a
l'applicaziun sa drizzan tenor ils artitgels 5 e 6.
2
Per il persunal che instruescha en la scolaziun professiunala supplementara e per
las ulteriuras collavuraturas e per ils ulteriurs collavuraturs valan las categorias da
salari e las classas da salari tenor l'artitgel 3. Per persunas che lavuran a temp parzial
e per persunas d'instrucziun che n'adempleschan betg las pretensiuns minimalas
legalas, valan las disposiziuns da l'artitgel 3 alineas 2 e 3.
3
Tar la furmaziun supplementara professiunala tutgan curs preparatorics per
examens professiunals federals e per examens professiunals superiurs. Il medem
vala per scolaziuns da maturitad professiunala che vegnan fatgas suenter
l'emprendissadi.
4
Per la classificaziun da collavuraturas e collavuraturs che na pon betg vegnir
classifitgads tenor l'artitgel 3 vala il plan general da classificaziun dal chantun
Grischun.
Art. 5 Scolas spezialisadas superiuras
Las suandantas categorias da persunas d'instrucziun vegnan differenziadas, ed i
vegnan fixads ils suandants salaris renconuschids maximalmain tenor il sistem da
classas da funcziun da l'administraziun chantunala:
1
4
430.300-A1
Tar las funcziuns menziunadas qua sutvart che n'han nagina specificaziun u che
appartegnan a pliras classas da funcziun pussaivlas vegn la classificaziun definitiva
en ina classa da funcziun fatga sin basa dal carnet d'obligaziuns suenter avair
consultà l'uffizi cumpetent.
funcziun
classa da funcziun
directur/-a
commember/-bra da la direcziun da la scola
(commember/-bra da la direcziun)
directur/-a administrativ/-a
(commember/-bra da la direcziun)
manader/-dra da partiziun
docent/-a III
(master [consecutiv] cun furmaziun pedagogica da la
professiun e cun furmaziun didactica da 1800 uras
d'emprender)
docent/-a II
(bachelor, scola spezialisada superiura u examen
professiunal superiur cun diplom federal sco
furmaziun pedagogica da la professiun e cun
furmaziun didactica da 1800 uras d'emprender)
manader/-dra dals servetschs
docent/-a I
(bachelor, scola spezialisada superiura u examen
professiunal superiur cun diplom federal sco
furmaziun pedagogica da la professiun e cun
furmaziun didactica da 300 uras d'emprender)
25
23
22
21
20
2
Per docentas e docents en uffizi cumplain da scolas spezialisadas superiuras che
adempleschan in pensum parzial da maximalmain 30 pertschient en la scolaziun
professiunala supplementara èn imputablas las taxas per docentas e docents da las
scolas spezialisadas superiuras. A docentas e docents en uffizi cumplain dal stgalim
da la furmaziun supplementara e dal stgalim secundar II che instrueschan singuls
roms en ina scola spezialisada superiura po vegnir concedì dal departament ina
classificaziun proporziunala sco docenta u docent da las scolas spezialisadas
superiuras.
5
430.300-A1
Art. 6 Scolas autas
1
Las suandantas categorias da persunas d'instrucziun e da collavuraturas e
collavuraturs da scolas autas vegnan differenziadas, ed i vegnan fixads ils suandants
salaris renconuschids maximalmain tenor il sistem da classas da funcziun da
l'administraziun chantunala:
a)
collavuraturas e collavuraturs en uffizi cumplain
funcziun
rectur/-a
commember/-bra da la direcziun da la scola auta
manader/-dra da partiziun II
manader/-dra da perscrutaziun
manader/-dra da studi II
manader/-dra d'institut
manader/-dra da studi I
manader/-dra da ressort
docent/-a cun direcziun dal rom
docent/-a cun transfer da savida e da tecnologia
(TST)
manader/-dra da gruppa professiunala
manader/-dra da partiziun I
docent/-a
collavuratur/-a scientific/-a III
manader/-dra da partiziun
collavuratur/-a scientific/-a II
manader/-dra dals fatgs da persunal
manader/-dra da project dals servetschs centrals
collavuratur/-a da project dals servetschs centrals
collavuratur/-a scientific/-a I
assistent/-a d'organisaziun cun direcziun dal rom
assistent/-a d'organisaziun
b)
23
22
21
20
19
17
15
13
12
collavuraturas e collavuraturs en uffizi accessoric
categoria
funcziun/scolaziun
incumbensads/-adas per persunas d'instrucziun cun ina
l'instrucziun
qualificaziun professiunala
menziunada en l'artitgel 6
litera a che instrueschan per
6
classa da funcziun
27
25
24
indemnisaziun
classa da salari
proporziunalmain tenor
l'artitgel 6 litera a
430.300-A1
semester e regularmain
almain 8 lecziuns per emna a
la medema scola
persuna d'instrucziun en persunas d'instrucziun cun ina
uffizi accessoric
qualificaziun professiunala
menziunada en l'artitgel 6
litera a che instrueschan per
semester e regularmain main
che 8 lecziuns per emna a la
medema scola u che dattan
singulas uras d'instrucziun en
curs da saira, en roms
d'instrucziun che sa
refereschan a la branscha
ubain sco substitutas u
substituts
substituziun da
persunas d'instrucziun che
persunas d'instrucziun / instrueschan en ina funcziun
referentas ospitantas e
da substituta u da substitut
referents ospitants
durant in curt temp
classa da salari tenor
l'artitgel 6 litera a, partì
cun emnas da scola e
pensum obligatoric
(lecziuns obligatoricas da
las persunas d'instrucziun
en uffizi cumplain); i
vegnan indemnisadas mo
las lecziuns che vegnan
dadas effectivamain; en
questa tariffa è cuntegnida
l'indemnisaziun da firads e
da vacanzas
classa da salari minimala
tenor l'artitgel 3 u 6 litera
a, partì cun emnas da scola
e pensum obligatoric
(lecziuns obligatoricas da
las persunas d'instrucziun
en uffizi cumplain); en
questa tariffa è cuntegnida
l'indemnisaziun da firads e
da vacanzas
2
Per docentas e docents en uffizi cumplain da scolas autas che adempleschan en ina
scola spezialisada superiura in pensum parzial da maximalmain 30 pertschient èn
imputablas las tariffas per docentas e docents da la scola auta.
3
Il departament regla sin dumonda il barat da docentas e docents cun autras scolas
autas.
7